བོད་ཡིག

e-texts based on the ACIP/ALL Input

/sgrol me mchog sgrub pa zhes bya ba/ dngos grub brnyes pa'i slob dpon bsod snyoms pas mdzad pa rdzogs so// //rgya gar skad du/ aSh+Ta b+ha ya tra NaM tA ra sA d+ha naM?/ bod skad du/ 'jigs pa brgyad las skyob pa'i sgrol ma'i sgrub thabs/ bcom ldan 'das ma sgrol ma la phyag 'tshal lo/ /dang po kho nar tshangs pa'i gnas bzhi bsgoms nas/ skyabs su 'gro ba dang/ byang chub kyi sems bskyed pa dang/ lam la gnas par khas? 'che ba dang/ yongs su bsngo ba ste bsod nams kyi tshogs bsag go / de nas chos thams cad bdag med par lhag par mos la/ aoM swa b+hA ba bud+d+ha sarba d+harma swa b+hA ba shud+d+ho haM dang/ aoM shU n+ya tA dz+nyA na badzra swa b+hA ba At+ma ko haM zhes brjod pas stong pa nyid du bsgoms pas ye shes kyi tshogs bsag go/ stong pa nyid kyi ngang las/ nam mkha' i dbyings de nyid du pad+ma dang zla ba'i dkyil 'khor gyi dbus su rang gi sems nyid tI gyi rnam pa yongs su gyur pa las/ byung ba'i sgrol ma sku mdog ljang gu zhal gcig ma phyag brgyad ma/ phyag g.yas pa rnams kyis bgrang 'phreng dang mchog sbyin dang/ mi 'jigs pa sbyin pa dang/ rin po che 'dzin pa dang/ g.yon pa rnams kyis autpa la dang/ bum pa dang/ skyabs sbyin gyi phyag rgya dang/ po ti 'dzin pa rab tu zhi zhing lang tsho rgyas pa'i lus shin tu mdzis pa/ rin po che'i rgyan thams cad kyis mngon par spras shing smad? g.yogs kha dog sna tshogs can du bsgom par bya'o/ /de nas aoM e hye hi b+ha ga wa ti pra sA daM da yaM ku ru/ pU dza grih+Na a tra san+ni hi ho b+ha wa zhes pa'i sngags kyis bcom ldan 'das ma spyan drangs pa mdun na gnas pa la mngon par mchod de/ aoM b+ha ga ba ti sa ma yai shwa ri sarbA nud+d+ha mA te tA re a d+hiSh+Tha naM me ku ru swAhA/ /zhes bya ba'i sngags kyis gsol ba btab pas bdag nyid la nye bar zhugs pas snying gar bdag ci 'dra bar ye shes sems dpa' i dang/ de'i yang thugs kar tAM gyi rnam pa'i ting nge 'dzin sems dpa' gnas par blta zhing de nyid kyi tshe 'jigs pa brgyad las skyob par byed pa'i sgrol ma rnams mngon par 'phros pa ni g.yas phyogs su seng ge'i 'jigs pa las skyob pa'i sgrol ma seng ge'i gdong pa can mche ba rnam par gtsigs shing lce glog ltar 'gyu ba/ spyan ser mo/ phyag gnyis pa/ mdog dmar po/ skra ser po/ thugs kar mi 'jigs pa sbyin pa'i phyag rgya mdzad pa/ rgyan thams cad kyis brgyan pa sems can rnams seng ge'i 'jigs pa las sgrol bar bsgom par bya'o/ /bcom ldan 'das ma'i g.yon phyogs su glang po che'i 'jigs pa las skyob pa'i sgrol ma glang po che'i gdong pa can zhal gcig phyag gnyis ma/ shangs mtho zhing mche ba gtsigs pa/ gsus pa 'phyang ba/ du ba'i mdog can mthe bong mngon par brkyang ba'i phyag gnyis kyis bsdigs par mdzad pa'i phyag rgya can/ sems can rnams glang po cha'i 'jigs pa las sgrol bar mdzad par bsgom par bya'o/ /g.yas phyogs kyi 'og tu me'i 'jigs pa las skyob pa'i sgrol ma dmar mo 'bar ba'i gdong pa can/ zhal bdun ma/ ljags bdun ma/ skra gyen du 'bar ba/ phyag gnyis ma/ phyag gnyis kyis pad+ma'i phyag rgya mdzad cing rgyan thams cad kyis brgyan pa sems can rnams me'i 'jigs pa las sgrol bar bsgom par bya'o/ /g.yon phyogs kyi 'og gi char/ sprul gyi 'jigs pa las skyob pa'i sgrol ma zhal gcig phyag gnyis ma kha dog nag po/ sprul mgo'i gdengs ka bcu dang ldan zhing skra grol ba rgyan thams cad kyis brgyan pa'i lus/ phyag gnyis kyis mi 'jigs pa sbyin pa'i phyag rgya mdzad cing/ sems can rnams sbrul gyi 'jigs pa las sgrol ba bsgom par bya'o/ /g.yas phyogs kyis 'og gi char choms rkun gyi 'jigs pa las skyob pa'i sgrol ma zhal gcig phyag gnyis ma/ sku mdog ljang gu /zhal khro gnyer bsdus pa/ skra gyen du brdzes la/ phyag g.yas pa ral gri 'phyar zhing g.yon pas sdigs mdzub mdzad pa/ rgyan thams cad kyis brgyan pa'i lus bzhengs pa sems can rnams choms rkun gyi 'jigs pa las sgrol bar bsgom par bya'o/ /g.yon phyogs kyi 'og gi char lcags sgrog gi 'jigs pa las skyob pa'i sgrol ma zhal gcig pa phyag gnyis ma/ sku mdog dmar mo/ g.yas pa dang g.yon pas lcags kyu dang zhags pa 'dzin pa/ rgyan thams cad kyis brgyan pa'i lus bzhengs pa/ sems can rnams lcags sgrog gi 'jigs pa las sgrol ba bsgom par bya'o/ /g.yas phyogs kyi 'og gi char chu'i 'jigs pa las sgrol ba'i sgrol ma zhal gcig phyag gnyis ma sku mdog dkar mo g.yas lcags sgrogs dang g.yon pas sdigs mdzub mdzad pa zhi ba'i sku bzhengs pa sems can rnams chu'i 'jigs pa las sgrol ba bsgom par bya'o/ /g.yon phyogs kyi 'og gi char sha za'i 'jigs pa las sgrol ba zhal gcig phyag gnyis ma/ sems dpa' i skyil mo krung gis bzhugs pa/ kun da dang zla ba'i mdog can rgyan thams cad kyis brgyan pa'i lus phyag g.yas pa dang/ g.yon pas mchog sbyin dang/ mi 'jigs pa sbyin pa'i phyag rgya mdzad cing sems can rnams sha za'i 'jigs pa las sgrol ba sgom par bya'o/ /yang snying ga'i tAM 'od zer gyis de bzhin gshegs pa rigs lnga spyan drangs pa la mngon par mchod nas gsol ba btab pas sangs rgyas rnams kyis dbang bskur nas thams cad don yod grub pas dbu rgyan par bsgom par bya'o/ /sngags kyi tshig 'di dag yin te/ aoM tA re tut+tA re tu re sarba b+ha ya sham ni sarba durga ti tA re Ni tu re swAhA/ /gtso mo'i sngags so/ /aoM si ha pa da ni ma hA daMSh+Ti/ bi hyu dzi h+ri pi ga la/ nai tre/ gardza gardza ya tA re tut+tA re tu re swAhA/ seng ge'i 'jigs pa las skyob pa'i sgrol ma'i sngags so/ /aoM di ra da ba da ni/ e ka daMSh+Ti ma hA na se la mo da ri kard+ha kard+ha twA sa ya trA sa ya/ sho Sha ya sho Sha ya/ tA re tut+tA re tu re swAhA/ glang po che'i 'jigs pa las skyob pa'i sgrol ma'i sngags so/ /aoM shi khi ba da ne ma hA au skA mu khi dzA lA ni sa ba ta dzi hi/ sa pa ta mu khaM wa shwa na re/ tA re tut+tA re tu re swAhA/ me'i 'jigs pa las skyob pa'i sgrol ma'i sngags so/ /aoM pha Ni ma hA pha Ni kriSh+Na ba da nai tre e kA pa sha dzi hA/ kA re Na tsa la ya/ tsa lA ya/ ma hA d+hi Sha b+hak+Sha Ni/ tA re tut+tA re tu re swAhA/ sbrul gyi 'jigs pa las skyob pa'i sgrol ma'i sngags so/ /aoM kharga ha sti b+h+ri ku ri mu khi aurd+ha ke Sha mahA na dAM kriSh+Na any+dza na war+Ne tshinda tshinda/ b+hinda b+hinda/ aut+ta ra ya/ aut+ta ra ya/ tA re tut+tA re tu re swAhA/ chom rkun gyi 'jigs pa las skyob pa'i sgrol ma'i sngags so/ / aoM rak+ta war+Ne bA sha AM ku sh+ra ha ti ma hA ra wi/ ma hA ba le sa ra sa ra/ bi sa ra bi? sa ra/ grih+Na grih+Na/ kad+d+ha kad+d+ha ma hA durg+ha na/ mU tsa ya/ tA re tut+tA re tu re swAhA/ lcags sgrog gi 'jigs pa las skyob pa'i sgrol ma'i sngags so/ /aoM dza le dza le ma hA dza le tA ra ya tA ra ya/ aut+tA ra ya/ sh+rIM la la hasti/ mahA dza we e kA pI ri mahA kA ru Ne ke tA re tut+tA re tu re swAhA/ /chu'i 'jigs pa las skyob pa'i sgrol ma'i sngags so/ /aoM ma hA gam+b+hi rye mahA kA ru ne ke b+ha ga waM sa le/ pa ra a b+ha ya ha sti/ mahA ku ninda da bo? pra ha si da ra da ni/ mahA ku nindu da wa li/ pra ha si ha ba da ne/ mahA wasta pra pri ta sha rI re d+he nA/ was+thi ti tA ra ya tA ra ya/ ma hA ba ya/ tA re tut+tA re tu re swAhA/ sha za'i 'jigs pa las skyob pa'i sgrol ma'i sngags so/ /gang gis tshe bzlas pas yid skyob gyur pa de'i tshe ye shes pa mdun du phyung ba la mchod nas gshegs su gsol lo/ /rang nyid dam tshig pa'i nga rgyal gyis gnas par bya'o/ /'jigs pa brgyad las skyob pa'i sgrol ma'i sgrub thabs/ slob dpon thams cad mkhyen pa'i bshes gnyen gyis mdzad pa rdzogs so// // kha che'i paNdi ta ta thA ga ta b+ha dra dang/ dge slong 'phags pas rgya'i yul cod du'i mkhar du bsgyur ba'o// //rgya gar skad du/ sh+rI si ta tE ra sA d+ha naM/ bod skad du/ dpal sgrol ma dkar mo'i sgrub thabs/ dpal sgrol ma dkar mo la phyag 'tshal lo/ /'chi ba'i skyon gyis gos min la/

CLOSE WINDOW