བོད་ཡིག

e-texts based on the ACIP/ALL Input

/ //rgya gar skad du kho sha ta bid+d+hi/ bod skad du/ gso sbyong gi cho ga rje btsun ma la phyag 'tshal lo/ /bcom ldan 'das ma'i sku gzugs mdun du bzhugs la sems bskyed bya/ po ta la nas spyan drangs pa'i bcom ldan 'das ma dang sku gzugs gnyis su med par bsam/ /yan lag smad lnga khrus byas la/ bcom ldan 'das ma 'khor dang bcas pa'i zhabs la gtugs pa'i phyag bya/ /dngos sam yid kyis mchod pa dbul/ /bstod pa gang yang rung 'tshor gsum bsgrags/ /sku gsung thugs mnyes par bya ba'i phyir/ rtsa ba'i snying po brgya rtsa brgyad bgreng/ /sdig pa bshags pa la sogs pa'i yan lag gzhan yang byas la/ lus tsog tsog pur 'dug la me tog dang bcas pa'i thal mo sbyar te/ cho ga 'di lan gsum brjod pas gso sbyong rang gis blangs par 'gyur te/ phyogs bcu na bzhugs pa'i sangs rgyas dang byang chub sems dpa' thams cad dang/ mgon po thugs rje chen po dang ldan pa 'phags pa spyan ras gzigs bdag la dgongs su gsol/ bcom ldan 'das sgrol ma bdag la dgongs su gsol ji ltar sngon gyi de bzhin gshegs pa dgra bcom pa yang dag par rdzogs pa'i sangs rgyas rnams dang/ sa chen po dang lam la gnas pa'i byang chub sems dpa' sems dpa' chen po rnams kyis sems can thams cad la phan par bya ba'i phyir dang/ bde bar bya ba'i phyir dang/ tshul khrims kyi phung ba dang/ ting nge 'dzin gyi phung po dang/ shes rab kyi phung po dang/ rnam par grol ba'i phung po dang/ rnam par grol pa'i ye shes gzigs pa'i phung po yongs su rdzogs par bya ba'i phyir gso sbyong nges par bya ste/ yang dag par blangs pa de bzhin du/ bdag ming 'di zhes bya bas kyang/ dus da nas gzung nas gdugs rtse shar gyi bar du sems can thams cad la phan par bya ba'i phyir dang bde zhes bya ba'i phyir dang/ tshul khrims kyi phung po dang ting nge 'dzin gyi phung po dang/ shes rab kyi phung po dang rnam par grol pa'i ? ? grol ba'i ye shes gzigs pa'i phung po yongs su rdzogs par bya ba'i phyir gso sbyong nges par bya ste/ yang dag par blangs par bgyi'o/ /deng nas srog gcod mi bya zhing/ /gzhan gyi nor yang blang mi bya/ /'khrig pa'i chos kyang mi spyad de/ brdzun gyi tshig kyang mi smra'o/ /skyon ni mang po nyams bsten pas/ /chang ni yongs su spang bar bya/ /khri stan chen po mi bya zhing/ /de bzhin dus ma yin pa'i zas/ /dri dang phreng ba dang ni rgyan/ /gar dang glu sogs spang bar bya/ /ji ltar dgra bcom rtag tu ni/ /srog gcong la sogs mi byed pa/ /de ltar srog gcod la sogs spang/ /bla med byang chub thob par shog/ sdug bsngal mang dkrugs sems can rnams/ /srid pa'i mtsho las sgrol bar shog ces brjod do/ /lci ba'i dkyil 'khor dbus su bcom ldan 'das ma la mchod cing snyung bar gnas pas bsgrub pa dang bstod pa la sogs pa byas na mtshams med pa lnga'i las byas pa yang nges par byang bar 'gyur ro/ /sku dngos su mthong ba la sogs pa'i yon tan mthal med pa 'dzin par 'gyur ro/ /dus ni yar ngo'i tshes brgyad yin no/ /dkar gsum dang dus cung zad thung ba la sogs pa ci rigs pas kyang btug go/ /gso sbyong rang gis blang ba'i cho ga rdzogs so/ / //sgrol ma'i dngos grub brnyes pa'i slob dpon b+ha ba b+ha Tas mdzad pa'o/ /mahA puN+Di ta sh+rI rat na ra kI tA dang/ lots+tsha bzhad grub pa dpal bzang pos bsgyur pa'o// //rgya gar skad du/ tA ra maN+Dal bid+hi bod skad du/ sgrol ma'i maN+Dal gyi cho ga/

CLOSE WINDOW