བོད་ཡིག

e-texts based on the ACIP/ALL Input

/ // !/ (/sgrol ma'i bstod pa la sogs pa bzhugs/) /rgya gar skad du/ sh+rI ma tA dA ra sto tra na mama la phyag 'tshal lo/ /zhi ba'i grong khyer 'jug la grong sgo'i mi mo bzod byas 'dra ba dang/ /rgyal pa'i lam du 'jug la dbyibs can mdun na gnas pa'i gzhung lam lta bu dang/ /shin tu bzlog par dkar ba'i bdud kyi rgyu las thar mdzad yang na gsang sngags lha/ /kho po blo gros blun po 'dis ni dpal chen mo bstod bgyi ba ji lta lags/ /gang yang rgyal sras bde bar gshegs pa'i rigs 'dzin sa bcu'i pha rol phyin rnams kyi/ /khyod kyi yon tan rin chen tshogs ni gsal mdzad lha rnams kyis kyang glu len te/ /de lta na yang gus pa 'ba' zhig gis bstod lha mo bdag la bzod mdzod kyi/ mi shes byis pa yis ni rang gi ma la thal gyis mthong ram ci/ /mdza' dag mi dbang 'dus pa'i gtsug gi nor bu rnams kyis btud byas 'dam skyes zhabs/ /gdugs dkar thig le gyen du 'bar zhing sa bdag khyed kyi 'dod pa yis ni 'gyur/ /rnam rgyas rdzid bur skyes pa'i 'od 'phrog can gyis gang la gzigs byung de la ni/ /bcom ldan glang chen seng ge'i gdan rta rkang thang mchog rnams rjes su 'gro/ ngang gi phyag gi stobs kyis nyer skyes rnam grangs pha rol gnon bas dgra rnams thul/ /'bar ba chen po dkyil 'khor mchog gi phun sum tshogs gyur mi bdag rnams la ni/ /ster bar bsngags shing des 'byed sngags kyi yul la mi dbang blon po'i blor gyur la/ ri skyibs zab mor sa phug zab mo'i gzhi la rnal 'byor rnams kyis 'dzin par 'gyur/ /rab tu myos ma pad+ma'i tshal la ma la ya rlung dal bus g.yo zhing bskyod/ /'dab ma rnams la phul byung bung ba'i tshogs kyis nye bar glu len me tog gi /'byung gnas ya mtshan mdzes ma khyod yin lha mo khyod kyi bsngags pa rnams kyis ni/ /rgyal srid 'bras bu 'grub mdzad 'gram rgyas rtsi logs myos chu'i mtshan la 'gro /khyod zhabs bka' drin gyis ni rang dbang khang pa'i skyed mos tshal la yun ring du/ / rtsed mo'i spro la spyan mig drag tu g.yo zhing dga' mchog rnams kyis ni/ /zhal gyi pad+ma'i dbugs rlung gis skyong bud med rnams dang nye bar longs spyad nas/ /de ni a smra sar pas bran las dri zhim sbrang rtsi rnams la 'thung bar 'gyur/ /rab dga' i nags la me tog khur 'phyar myos pa'i skad snyan khu byug gis khyab cing/ /sbrang rtsis myos pa'i bum pa tshogs pa'i dar dir ldan la sog? gi'i dpal yin te/ /'o ma'i rgya mtsho rlabs phreng g.yo bar bzhad gang kumu da yi 'byung gnas dang// shel gyis sa gzhi bla gab med par phul byung zla ba'i cha shes khyed 'di lags/ /b? pos byas pa'i rtsed mo'i ra rtser bkod pa zla ba'i nor bu'i chu rgyan ni/ /bsrubs pas 'khrul 'khor chu srin kha nas 'thon cing rnyog bral lhung lhung sgrog pa'i chu/ /dpyid dus chang gis myos shing tshim pa khu byug skad snyan sgrog pa'i nam mkha' la/ sa skyong gis sbrul khang pa dpe med pa la rab tu gnas mdzad khyed nyid lags/ /glang chen mche ba gnyen la bzo byas skar khung dra mig las 'thon bya 'dab la/ /gnas shing rnam par sgog bcas myos pa'i phug don sgra snyan mgrin pa nas grag ste/ /nor bu'i rkang gdub mchog tu 'jam zhing sil khrol bskyod pa btsun mo'i dkyil 'khor du/ /sa skyong rag gi khyim la ti si'i gangs mtshungs phun sum tshogs pa khyed nyid lags/ /zu mar nyer bzhag lag pa cig gis smad gos bshar ba g.yo ba'i mdza' bzung ste/ /rkyal zhing rtse mo'i bde ba yun ring myos nas khar ba'i rdzing bu nas 'thon cing/ /skye 'o 'dris pas skra rtse zlum zhing cung zad zur mig lta ba tsha ba'i dus/ /ri mo bris 'dra'i yan lag mchog ma rnams dang nyams dga' khyed kyi mthu yis su/ /zla ba'i chos las brdungs shing 'khrul 'khor khang khyim rtsed mo'i ri las bab/ /rab tu myos ma'i nags kyis nyi logs pad+ma'i ljon shing khang par sa bdag rnams/ /rgyun chad med par rlung yab dal bus g.yabs pa yis ni dbu skra g.yo zhing bskyod/ /nyi ma tsha ba'i dus la khyed kyi bka' drin la ni nyin zhag mnga' bar 'gyur/ /chu 'bab sprin tshogs 'brug sgra sgrogs shing rma bya'i dkyil 'khor kun nas bskad snyan 'don/ /'dam skyes me thon la ni 'dzam rlung rab tu g.yo zhing glu dbyangs chu gter dus/ /snyan ngag mkhas pa'i dri zas bsgor zhing 'jam zhing 'jam pos bsnun pa'i gtid ring sa rnga skad kyis/ /khang pa'i nang rnams yongs su gdab khyed 'dod pas ni rgyun du thos par 'gyur/ / sbrang rtsi'i chang gis myos shing rigs 'dzin grub pa'i chung ma'i chu skyes zhal la btung byas las/ /lhung ba'i man d+ha ra yi rdul gyis kun nas mdog ser ma phyed? mtsho las rgyal/ /lha yi grong khyer gzhal med khang gi lha mo'i skye bo dam 'khyud spro ba ba la/ /khyed kyi mchog la sgrub pa po rnams bde nyid nyin der rjes su myong bar 'gyur/ /sna tshogs 'gugs sngags phyag rgya'i cho gas sbrul rdo rje'i gur gyis me stag 'bar ba la/ /bgegs kyi gtso bo rnams ni skrag cing 'jigs pas rgya mtsho dag tu 'bros 'gyur te/ /myur bar bskyod pa gtum po'i hUM yig sgra yis bsnun pas sgra ldan lcags sgrog gtor/ /lha mo khyed kyi gsang sngags bzlos pa'i khang par rang nyid 'du zhing 'od bar 'gyur/ /gar gnas khang sa'i skyor la glu dbyangs 'du sad rab brdung ting ring rnga skad kyis/ /'dris shing yid 'ong gling bu'i rjes 'gro'i sgra dbyangs nye bar long spyod mdzad nas ni/ /de rjes gya tshoms bud ba me tog snyim par gar gyi cho ga yid 'phrog la/ /rab tu myos pa rnams kyis khyed nyid gar gyi dpon por nges par gar gyi lha/ /rgyun chad med par lag pa'i rtsol ba'i bya bas bsnun pa'i yid 'ong rdza rnga'i bzhin/ /g.yer ga'i sgra yis myur bar rnam rol 'debs shing rma bya'i mjug sgro rnam par btsugs/ /rnam pa sna tshogs mkhas shing yid 'ong snod ldan skye bos yongs gang khang khyim la/ /byed pa bsten pas glu dbyangs bde ba nyin rer bde la longs spyod 'gyur/ /rgyal mtshan dang ni gdugs dkar seng ge'i gdan dang gser gyi bum pa rnga yab dang/ /zla zer dkar ba'i bsil khang mgyogs 'gro'i phreng ba dri zhim chad ldan glang chen rnams/ /khyed kyis gzugs brnyan rtag tu dran byed bud med de yis rna lung rin chen 'od/ /lha mo cung zad bzhad pa'i rnam pas rnam par rgyal? bar de ma thag tu 'gyur/ /skad snyan rang pa'i dbyangs ni mchog tu 'gying 'gro nor bu'i rkang gdub sgra yis pham/ /'gram legs dkyil 'khor 'jam rlung gis gdang ba lo zhing 'khyil ba'i sgra yis mdud pa 'byed/ /rked rmad mdoms kyi cha ni 'od 'phro'o do shal nu ma'i khud bu'i ljing kyis dud/ /lha mos gang la gzigs pa de la rnga yab dkar 'dzin bud med 'du bar 'gyur/ /rgyun mi 'chad par lha mo khyod kyi yon tan rjes dran mi skyo gang yin te/ /nor bu'i rang bzhin zhal da'i? gzhi mar zla zer lo 'dab rnams lha 'gyid ba yis/ /nu mar lag gcig nyer bzhag bud med skye bo dag gi gzung ba'i ga bur chu/ /kha 'bus aut pa la sngon po dri ldan sbrang rtsi 'thungs 'gyur mi 'jigs sbyin pa skye/ /mo btsun rnams kyi 'gram pa'i logs la rna rgyan mchog tu 'gying zhing rgod/ /spyan mig la yang khro ba so mes bskyed pa'i mchi ma'i chu yis dpa' rlabs g.yo/ /mkhres shing 'bur ba nu ma so ma'i tshogs la gur gum 'dam gyi kha dog ser/ /rab rig sngon po dbu skra me tog kha 'bus tshogs la'ang mchog tu dga' bar 'gyur/ /sprul byas pad+ma ra ga'i stegs la 'gre ldog 'gyur ba lha mo'i skye bo las/ /sbrul te gcal bkram mu tig do shal gyis khyab rin chen ljon shing khang shin bdes lhung me tog rdul gyis kun nas yongs sgos dga' ba'i sa yi dkyil 'khor la/ /bcom ldan 'das ma khyed kyi zhabs zung mchod khyad gang de yun ring gnas par 'gyur/ /skad cig re rer rnga ring rdza rnga mdza' dag brdungs pa'i sgra yis rkang pa 'gying/ /glang po 'jengs pa'i spyi la/ lag pa'i rna lcags rab 'god phyed btsums mig /a mra sar bran dri zhim 'bab cing 'gram pa'i dkyil 'khor dri ldan glang chen rnams/ /bcom ldan 'das ma mi gang yung tsam dran byed de la 'du bar 'gyur/ /spyi bo phug pas steng du 'bur te rna ba'i rnga yab dang ni lcags kyu g.yo/ /rkang ba srung byed rnams kyi rnam mar ca co'i bde bas chu thig gzer ma 'thor/ /bar du rgol ba'i glang chen chad gis khong khrugs khyed mtshan grags pa las/ /glang mo mi rnams g.yul 'byed pa na dgra de'i sgrib pa rnams kyi sbring? par 'gyur/ /gser gyi rang bzhin ri yis skyibs? dang lha yi skyes mos tshal gyi khad pa dang/ mjug sgro rnam par rgyas pa'i rma bya rtse mor gnas pa sa bdag khang ba dang/ /nam mkha' chu bo'i rlabs kyis byas pa dri med rin chen ljon shing khang pa dang/ /bud med skye bo'i zhal gyi pad+ma'i 'byung gnas la yang gnas mdzad khyed nyid da/ /pad+ma'i skyo ma sbrang rtsi'i khu ba'i chad gi btud bas sred cing skor/ /sbrang bu'i tshogs pas dar dir mang? ldan me tog tshogs pa'i dri zhim ldan/ /dad pa'i rgyal po rab dga' i tshogs kyis zos te pad+ma gzhon nus mche ba gtsigs/ /lha mo ze 'gru'i rdul gyi mdog ser rlabs ldan rdzing ldan yun ring gnas par 'gyur/ /bcom ldan 'das ma rgyal ba dkon mchog bcod pan spyi bor ldan pa pad+ma'i rigs/ /khyod nyid kun don mdzad par lha rnams kyis kyang bstod de mang po smras mod kyi/ /de slad lha mo khyod kyis bstod pa 'di yis mchog tu dge ba bdag gis kyang/ /gang thog de yis 'gro ba khyad gsong dbul ba'i 'jigs pa zhi bar shog /paN+Di ta chen po tsan+d+ra go mis mdzad pa'i dpal chen mo sgrol ma'i bstod pa rdzogs so/ / //paN+Di ta chen po rgyal ba'i snyan gyi zhal snga nas/ lots+tsha ba shAkya'i dge slong nyi ma rgyal mtshan gyi lots+tsha ba blo gros rgyal pos bsgyur ba las cung zad dag par byas so// //rgya gar skad du/ Arya tA ra stotra da sha dI gA thA/

CLOSE WINDOW