བོད་ཡིག

e-texts based on the ACIP/ALL Input

bod kyi lots+tsha ba dge slong rin chen bzang pas bsgyur cing zhus te gtan la phab ba'o/ /dge legs 'phel gyur cig/ //aoM badzra satwa sa ma ya/ ma nu pA la ya badzra satwa twe no pa tiShtha/ dri Dho me b+hA ba/ su to Sh+yo me b+ha ba/ a nu rak+to me b+ha ba/ su bo Sh+yo ma b+ha ba/ sarba sid+d+hi me pra yats+tsha sarba karma su tsa me/ tsit+taM sh+ri yasngags thams cad kyi bdag po phyag na rdo rje la phyag 'tshal lo/ /rig sngags brgya ba'i cho ga mdor bsdus pa bshad par bya'o/ /gang zhig sems can don mdzad dang/ sangs rgyas sras rnams thob bya'i phyir/ /byang chub tu ni sems bskyed nas/ /bdag gis rig sngags bsgrub par bya/ /sdom pa gsum la gnas pa dang/ /shes bzhin dran par ldan pa dang/ /'phags pa'i nor bdun ldan pa dang/ /sngags kyi rgyud sde bzhi shes pas/ phyag rgya bzhi ldan snying rje can/ /thabs shes yo byad tshogs par bsgrub/ /shes rab che ba stong pa nyid kyi don shes pa/ gce phyar can ma yin pa/ /rig sngags bzlas pa'i tshe smra ba ma yin pa/ me'i las la mkhas pa/ de lta bus bsgrub par bya'o/ /de lta bu la sbyin par bya'o/ /gzhan la ni ma yin no/ /de la cho ga 'di'i thabs ni/ de la bum pa shin tu dkar ba/ gtsang pa/ cho ga thams cad tshogs pa ba'i rnam lnga'i dkyil 'khor shin tu gtsang ba dri'i thig le nyer gcig /ga bur gyis byugs pa byas la/ rig sngags 'di brgya rtsa brgyad yid la ma yengs par brjod nas khrus byas sam brjod na tshe zad pa dang tshe nyams pa dang/ phun sum tshogs pa thams cad nyams pa dang/ bdag la mi dang mi ma yin pa thams cad bsam pa zhig par 'gyur ro/ /sngon gyi las kyi sgrib pa yang ma lus par zad par 'gyur ro/ /bum pa'i thabs so/ /zhi ba la ni mngar gsum dang 'o ma'o rgyas pa la ni zas mchog gi gong bu dang yungs kar ro/ /dbang la ni yungs mar dang 'bras rnam pa sna tshogs dang nim pa'i lo ma'o/ /drag po la ni sha dang khrag dang dug dang ske tshe dang til mar ram tshil gzhag go /rig sngags brgya rtsa brgyad pa gsum mam/ bdun pa gsum brjod par bya'o/ /rig sngags re re zhig rdzas re re dbul bar bya'o/ /zhi ba la ni mthar swAhA brjod par bya'o/ /rgyas pa la aoM/ dbang la ho/ drag po la phaT/ rig sngags 'di yis swA hA la sogs mi brjod pa ni 'phrin las rnam bzhi'i sbyin las ba'o/ /til gyi sbyin sreg byas pas mtshams med pa lnga nas nyes pa phra mo yan chad 'byang bar 'gyur ro/ /de la rig sngags lan re zhing rdzas lan re dbul bar bya'o/ /de la grangs ni brgya rtsa brgyad pa gsum dbul bar bya'o/ /tha na rig sngags gcig tsam/ til gcig tsam thab tu dor na yang sdig pa sbyang bar 'gyur na mar ba rnams lta ci smos/ sdig pa bshags? ba'i dbang du byas pa'o/ /de la ro bsreg pa ni dor gi nang du chos kyi 'khor lo pri bar bya'o/ /chos kyi yi ge rnams kyang dgod par bya'o/ /shing brtsig pa thog gsum dang ldan par byas la/ steng khang la skar khung byas la/ ro kha nub phyogs su bstan la bzhag go /ro yi snying gar 'khor lo rtsibs bcu drug pa/ ras sam gro ga 'am shing shun la bris te dgab par bya'o/ /'khor lo la chos kyi yi ge dgod pa ni chos kyi 'khor lo'o/ /de'i dbus kyi lte ba nas gzungs thag bsgril ba drangs sngo ba mkhan gyis bzung ste/ chos kyi phyag rgya rig sngags 'di brjod par bya'o/ /'di'i bsam pa ni rig sngags 'di brjod pas chos kyi yi ge rnams gsal bar 'gyur ro/ /chos kyi yi ge gsal bas dbus kyi yi ge aoM gsal bar 'gyur ro/ /aoM e shes kyi me byung bas phung po tshig pas ye shes lnga'i 'od zer 'phros pas/ de bzhin gshegs pa thams cad la mchod pa ni/ rgyud las ji skad gsungs pa bzhin mchod par bya'o/ /sems can rnams la bsngo ba ni/ dbang po lnga'i longs spyod du 'dod pa lnga'i longs spyod char bzhin 'bab par dmigs te/ de nas sngags mkhan gyi rdzas re re la rig sngags lan re re brjod pas brgya rtsa brgyad pa gsum dbul bar bya'o/ bsreg rdzas ni yaM shing 'o ma can dang/ mar dang hil la sogs pa dbul bar bya'o/ /mtshan brgya rtsa brgyad pa'i bstod pa bya'o/ /bkra shis par bya ba'i phyir gong du bstan pa'i 'phrin las rnam pa bzhi tshar bya'o/ /de nas sngo ba mkhan gyis tshe thal ba dang/ sems can gyi las gsum pa bla na med pa'i byang chub tu bsngo bar bya'o/ /de la chos kyi 'khor lo bskor ba ni/ bsngo ba mkhan gyis bskor ba dang/ sngags mkhan gyis ro'i dbus su bskor ba 'phrin las rnam bzhi'i don du bskor ba ni/ chos kyi 'khor lo rnam pa gsum du bskor ba'o/ /lan bcu gnyis su bskor ba ni/ rdo rje sems dpa' nas rdo rje khu tshur du bskor ba ni zhi ba'o/ /rdo rje rin chen nas rdo rje legs par bskor ba ni rgyas pa'o/ /rdo rje chos nas rdo rje bzhad pa la bskor bzhi dbang ngo/ /rdo rje las nas rdo rje smra ba la thug pa ni drag po'o/ /de rnam pa bcu gnyis su bskor ba'o/ /gong du bskor ba thams cad de ltar bskor bar bya'o/ /yi ge brgya pa'i cho ga slob dpon pad+mas mdzad pa rdzogs so// //rgya gar skad du/ sh+rI a dzi tA nA tha sA d+ha ni/

CLOSE WINDOW