བོད་ཡིག

e-texts based on the ACIP/ALL Input

/aoM dza ma b+ha la dza len drA ye swAhA/ zhes pa ni sngags so/ /bar gyi man ngag dzam b+ha la'i sgrub thabs rdzogs so// //rgya gar skad du/ saM k+Shi pa ta sh+rI dzam b+ha la sA d+ha naM/ bod skad du/ dpal dzam b+ha la'i sgrub thabs mdor bsdus la/ dpal dzam b+ha la la phyag 'tshal lo/ /sngon du gsungs pa'i cho gas 'di snying khar zla ba'i dbus su sa bon gsum pa'i gsum pa kha dog ser po stong pa'i lhas mnan pa zla ba phyed pas dbu brgyan pa/ de nyid rdzogs pa'i las dpal dzam b+ha la sku mdog ser po phyag gnyis pa/ phyag g.yas na bi dza pU ra ba phyag g.yon na rin po che'i tshar rab tu 'bebs bzhin pa'i ne'u le bsnams pa/ /sangs rgyas lnga'i cod pan can/ zhabs gnyis kyis dung gi mgo dang pad+ma'i mgo'i gter chen po dag mnan pa/ aud pal sngon po'i phreng ba bsnams pa/ rgyan thams cad kyis brgyan pa'i dzam b+ha la'i skur bdag nyid bsgoms par bya'o// rang gi khyim du yang rin po che la sogs pa char 'bab bzhin par rab tu 'jug pa'i bdag nyid bsam par bya'o/ /de nas phyag rgya bcings par bya ste/ lag pa gnyis khu chur bcings te gung mo dag gis dbus ma'i tshigs gsum pa bkug pa ni dzam b+ha la'i phyag rgya zhes bya'o/ /aoM dzam b+ha la dza len drA ye swAhA/ /sngags 'dis rje btsun la chu khyor ba brgya rtsa brgyad dbul bar bya'o/ /phyi nas mchod pa byas te sngags bzlas par bya'o/ /de nas dngos grub ni sbyin bdag chen por gyur te the tshom med do/ /dpal dzam b+ha la'i sgrub thabs mdor bsdus pa slob dpon chen po tsan drA go mis mdzad pa rdzogs so// //rgya gar skad du/ saM k+Shi pa ta dzam b+ha la sA d+ha na/ bod skad du/ dzam b+ha la'i sgrub thabs mdor bsdus pa/

CLOSE WINDOW