བོད་ཡིག

e-texts based on the ACIP/ALL Input

/skad cig gis byang chub kyang thob na dngos grub gzhan smos ci dgos/ aoM badzra sh+rIM khe le hUM phaT swAhA zhes so/ /rdo rje lcags sgrog gi sgrub thabs kyi cho ga rdzogs so// //rgya gar skad du/ d+hwa dzwa gra kai yU ra sA d+ha naM/ bod skad du/ rgyal mtshan rtse mo'i dpung rgyan gyi sgrub thabs/ rgyal mtshan rtse mo'i dpung rgyan la phyag 'tshal lo/ /ngan song 'jigs pa kun 'joms pa'i/ /rgyal mtshan rtse mo'i dpung rgyan 'dud/ /de yi sgrub thabs dngos grub phyir/ /bdag gis dad pas bri bar bya/ /dang por re zhig sngags pas zhal bsang ba la sogs pa byas nas/ yid dang 'thun pa'i gnas su stan bde ba la nye bar 'dug ste/ mkhas pas byams pa la sogs pa'i yid dag pas sbyin pa'i pha rol phyin pa'i mchog bdud rnams 'joms shing g.yul las sgrol bar byed pa bsgom par bya'o/ /aoM tsan+t+rarka bi mA le swAhA zhes pa'i sngags brjod nas rang gi snying gar a yig yongs su gyur pa las zla ba dang nyi ma yang dag par sbyor ba'i steng du d+hwaM yig ser po'i 'od zer gyis nam mkha' i phyogs su sangs rgyas dang byang chub sems dpa' rnams bltas nas yid kyi rang bzhin gyi me tog la sogs pas yang dag par mchod nas gsum la skyabs su 'gro ba'i tshigs su bcad pa brjod par bya'o/ /de'i rjes la aoM swa b+hA ba shud+d+hastong pa nyid du bsgom par bya'o/ /de nas aoM shU n+ya tA dz+nyA na badzra swa b+hA ba At+ma ko haM zhes pas nga rgyal bskyed nas sems can rnams gdon pa'i bsam pas gzugs brnyan bzhin du zla ba dang nyi ma yang dag par sbyor ba'i steng du d+hwaM yig ser po'i 'od zer gyis mdza' yas pa'i sems can rnams la sangs rgyas dang byang chub sems dpa' i skus brgyan cing de'i rnam par rab tu zhugs nas slar log ste 'od zer gyi tshogs pas sa bon la rab tu zhugs par bsgom par bya'o/ /de thams cad yongs su gyur pa las g.yul las sgrol ba byed pa'i lha mo sku mdog ser mo yid du 'ong ba zhal bzhi pa phyag bzhi pa/ khro zhing zhabs g.yon brkyang ba lto ba 'phyang ba/ spyan gsum pa/ dmar la zlum zhing mdzes pa/ na bza' sngon po mnabs pa/ ral gri dang/ 'khor lo phyag g.yas na bsnams pa g.yon pa dag gis sdigs mdzub dang bcas pa'i zhags pa nag po dang/ rdo rjes mtshan pa'i gtun shing dkar po bsnams pa/ sku'i phyogs g.yon du rtse gsum la 'khyud pa'o/ /zhal dang po ni ser po'o/ /g.yon pa ni dmar po'o/ /cig shos ni dkar po'o/ /steng du 'jigs shing bu ba'i mdog lta bu'o/ /ral pa dmar ser gyen du brdzes shing bcings pa thod pa lngas rgyan pa/ pad+ma dang nyi ma'i dbus su bzhugs shing brtan pa bsgom par bya'o/ /de bzhin du dam tshig sems dpa' bskyed nas nyi ma la gnas pa'i snying ga'i sa bon gyi 'od zer gyis ye shes sems dpa' gdan drangs te yang dag par mchod par bya'o/ /dza hUM baM hocad kyis bdag la dbang skur du gsol zhes so/ /de nas mi bskyod pa la sogs pa'i de bzhin gshegs pa rnams kyis rang gi thugs nas rnam par 'phros nas bdud rtsi lngas yongs su gang ba'i gser gyi bum pas phyag nas dbang bskur bzhin ba'i bdag nyid du bsgom par bya'o/ /de la dbang bskur ba'i tshigs su bcad pa 'di'o/ /dbang bskur pa ni rdo rje che/ khams gsum kun gyis phyag byas pa/ /sangs rgyas kun gyi gsang gsum gyi/ /gnas las byung ba sbyin par bya/ /aoM sarba ta thA ga ta a b+hi She ka sa ma ya sh+rI ye A hUM swAhA/ de nas rab tu gang zhing yongs su gyur pa las mi bskyod pas dbu brgyan par bskyed la/ sngags bzlas nas rtag tu bde ba'i tshig gis mchog ster bar 'gyur ro/ /aoM b+ha ga ba tI d+hwa dza gra kai yU re pa ra sai n+ya bi d+hwaM sa na ka ri swa se se n+ya pa ri pa la ni aul kA mu khi kha kha khA hi khA hi pa ra sai n+ya a nan+ta mu kha na a nan+ta b+hu dze na pra ha ra pra ha ra hUM hUM phaT phaT swAhA snying po'i sngags so/ /aoM sarba gra ha nak+She tra d+hya mi ka ra Ni swAhA nye ba'i snying po'o/ /phreng sngags ni gzungs las blta bar bya'o/ /langs pa'i dus su khyod kyis sems can don kun mdzad/ /ji ltar rjes 'jug dngos grub stsol/ /sangs rgyas yul du gshegs nas kyang/ /slar yang 'dir ni 'byon par zhu/ /zhes pa'i sngags 'dis gshegs nas gnas par bya'o zhes so/ /rgyal mtshan rtse mo'i dpung rgyan gyi sgrub thabs rdzogs so// //paN+Di ta chos kyi 'byung gnas blo gros zhabs kyis mdzad pa'o// //rgya gar skad du/ Arya auSh+NI Sha bi dza yA sA d+ha naM/ bod skad du/ 'phags ma gtsug tor rnam par rgyal ma'i sgrub thabs/

CLOSE WINDOW