བོད་ཡིག

e-texts based on the ACIP/ALL Input

skyil krung phyed pas bzhugs shing sna tshogs pa'i rgyan gyis brgyan pa/ nyi ma'i gdan la 'od zer dang ldan pa'o/ /'phags ma bsil ba'i tshal zhes bya ba'i sgrub thabs rdzogs so// //rgya gar skad du/ pany+tsa de ba tI sA d+ha na mud+de sha/ bod skad du/ lha mo lnga'i sgrub thabs mdor bstan pa/ sangs rgyas dang byang chub sems dpa' thams cad la phyag 'tshal lo/ /de nas khrus byas pa'i lha mo lnga mdor bstan pa ni de la so sor 'brang ma chen mo ni sku mdog ser mo zhal gsum pa/ zhal so so la spyan gsum gsum pa/ phyag bcu pa'o/ /nag po dang/ dkar po dag ni g.yas dang/ cig shos kyi zhal lo/ /g.yas kyi phyag lnga rnams ni go rims bzhin du ral gri dang/ rdo rje dang/ mda' dang/ mchog sbyin dang/ phyag thugs kar gnas pa la gdugs rnams so/ /de bzhin du g.yon gyi phyag lnga rnams na gzhu dang/ rgyal mtshan dang/ rin po che'i chun po dang/ dgra sta dang/ dud rnams so/ /rin chen 'byung gnas kyi dbu rgyan can/ sha 'gag nag po can/ stod g.yogs dmar pos brgyan pa/ skyil krung phyed pas 'gying zhing bzhugs pa/ lha'i rgyan dang/ gos thams cad kyis brgyan pa'o/ /rma bya chen mo ni sku mdog ljang gu zhal gcig pa/ phyag gnyis pa mdzes shing rma bya'i mdongs dang/ mchog sbyin gyi phyag rgya phyag g.yas pa dang/ g.yon pa dag gis so zhes so/ /stong chen mo rab tu 'joms ma ni sngon ma ji lta ba de bzhin no/ /gsang sngags chen mo rjes su 'dzin ma ni zhal gcig pa/ phyag bzhi pa/ sku mdog nag po phyag g.yas pa dag gis ral gri dang/ mchog sbyin gyi phyag rgya'o/ /phyag g.yon pa dag gis dgra sta dang/ zhags pa bsnams pa'o zhes so/ /bsil ba tshal chen mo ni sku mdog dmar mo zhal gcig pa phyag bzhi pa phyag g.yas pa dag gis ral gri dang/ mchog sbyin/ g.yon pa dag gis dgra sta dang zhags pa'o zhes so/ /yi ge gsum gyis mtshan cing rang gi sa bon gyi dbus su rang gi ming dang bcas pa ni 'di rnams kyi sngags so/ /lha mo lnga'i sgrub thabs mdor bstan pa rdzogs so// //rgya gar skad du/ ma hA pra tyaM gi ra sA d+ha naM/ bod skad du/ phyir bzlog pa chen mo'i sgrub thabs/

CLOSE WINDOW