བོད་ཡིག

e-texts based on the ACIP/ALL Input

'phags ma gzhan gyis mi thub ma gdugs dkar mo can gyi sgrub thabs rdzogs so// //rgya gar skad du/ badzra tsar tsi ke sA d+ha naM/ bod skad du/ rdo rje tsar tsi ke'i sgrub thabs/ rdo rje tsar tsi ke la phyag 'tshal lo/ /sngon du gsungs pa'i cho gas 'dis stong pa nyid du bsgoms pa'i rjes la chu skyes 'dab ma brgyad pa'i steng du nyi ma la gnas pa'i hUM yig las skyes pa'i rdo rje lte ba las tsam yig gnas par bsams nas nga yongs su gyur pa las rdo rje tsar tsi ke zhal gcig pa/ spyan gsum pa/ skyil krung phyed ba'i gar stabs kyis ro'i gdan la bzhugs pa/ sku lus ring cing mche ba gtsigs pa/ 'jigs pa mi mgo'i phreng ba'i brgyan gyis mgul pa'i phyogs rnam par brgyan pa/ phyag rgya lnga'i rgyan gyis brgyan cing mi bskyod pa'i cod pan can/ stag gi pags pa'i sham thabs mnabs pa/ skra grol ba/ phyag drug pa/ g.yas na rdo rje dang/ ral gri dang/ 'khor lo bsnams pa/ g.yon na thod pa dang/ nor bu dang/ chu skyes bsnams pa/ sku mdog dmar mo'o/ /las kyi rjes su 'brang ba'i gzugs kha dog dkar po la sogs pa dang ldan par bsgoms nas/ rang gi snying ga'i tsaM yig gi ye shes kyi 'khor lo spyan drangs shing mdun du yang dag par bzhugs nas mchod pa la sogs pa byas te rab tu bcug nas/ de nas sngags bzlas par bya ste/ aoM badzra tsa rtsi ke hUM swAhA zhes so/ /rdo rje tsar tsi ke'i sgrub thabs rdzogs so/ / //rgya gar skad du/ ma hA pra ti sa re sA d+ha naM/ bod skad du/ so sor 'brang ma chen mo'i sgrub thabs/ 'phags ma so sor 'brang ma chen mo la phyag 'tshal lo/ /sngon du gsungs pa'i cho ga 'dis/ /stong pa nyid du b

CLOSE WINDOW