བོད་ཡིག

e-texts based on the ACIP/ALL Input

ku ru kul+le sA d+ha naM/ bod skad du/ ku ru kul+le'i sgrub thabs/ ku ru kul+le la phyag 'tshal lo/ /chu skyes rnam par rgyas pa bung ba 'khor 'dra'i spyan/ /mngon gsang mchog gi dpal mo 'phrog pa'i lus kun mdzes/ /aud pa la rgyas pa'i gzhu rgyas mnga' dang lcags kyus mtshan/ /'dod pa'i sbrul 'joms ku ru kul+le la phyag 'tshal lo/ /dang por re shig bsgom pa'i thog mar skye bos dben pa'i sa phyogs su dri lngas byugs te/ /brtul zhugs dang ldan pa sems dga' bas stan bde ba la nye bar 'dug ste/ de'i phyi nas snying khar ri yig dmar po las nyi ma'i dkyil 'khor 'bar zhing 'khrigs pa la/ de nas rang gi snying khar dbyangs yig dang po la zla ba'i dkyil 'khor las/ /de nas sa'i pha rol gyi sa bon gyi 'og tu mes rnam par brgyan pa bzhi pa'i dbyangs kyis brgyan pa'o/ /de nas sa bon las mig rgyu 'bar bas phyogs bcu'i 'jig rten gyi khams thams cad snang bar mdzad nas dpal ldan ku ku kul+le'i gzugs su bkod nas slar log ste/ de nyid du sa bon la rab tu zhugs te mig rgyu'i dra par bsgoms par bya'o/ /de'i phyir nas nam mkha' i phyogs su mdun du lo brgyad gnyis lon pa'i rnam pa 'bar zhing dbu skra dmar ser gyen du brdzes pa la thod pa lngas dbu brgyan pa/ bya khyung gi gdan la rdo rje skyil krung gis bzhugs pa/ 'od zer dkar po'i dkyil 'khor ldan pa/ /phyag drug pa g.yas dang g.yon gyi dang po gnyis kyis 'jig rten gsum las rnam par rgyal ba'i phyag rgya mdzad pa/ gnyis pa'i g.yon pa dang g.yas pa dag gis mi 'jigs pa dang/ kun dkar po'i pa bsnams pa/ phyag lhag ma gnyis kyis bgrang phreng dang spyi blugs bsnams pa/ sgeg pa'i nyams dang ldan pa/ gser gyi gdub bus lag pa brgyan pa/ lang tsho gzhon zhing rgyas pa/ na bza' / dkar po mnabs pas/ stod skor dkar po can/ rgyan thams cad kyis brgyan pa/ de bzhin gshegs pa lha'i dbu rgyan can/ thugs khar aud pa la dkar po'i ze 'bru la zla ba'i dkyil 'khor la de yi sa bon bkod nas nga rgyal rnam par bsgoms par bya ste/ bdag nyid rje btsun ma ku ru kul+le zhes so/ /de nas rang gi snying khar dbyangs yig dang po las yang dag par byung ba'i zla ba'i dkyil 'khor la gnas pa'i sa bon de las byung ba'i nyer spyod lnga'i mchod pa dang ldan pa sna tshogs pa'i lha mo rnams kyis mchod pa'i 'od zer gyi dra ba sgros pas mchod par byas pa ni mchod pa'o/ /mchod nas mchog gi snying rje can gyis rnal 'byor bas gus pas 'dud cing lus dang ngag dang yid kyis phyag 'tshal ba ni phyag 'tshal ba'o/ /phyag 'tshal nas yang sdig pa bshags pa dang/ /bsod nams la rjes su yi rang pa la sogs pa bya ste/ /bdag gi sdig pa mi dge ba'i las bgyis pa dang bgyid pa la rjes su yi rang ba de thams cad bcom ldan 'das ma'i mngon sum du bshags so/ /de'i rjes su byang chub tu sems bskyed pas bya ba ni srid pa'i rgya mtsho ltung ba de rnams gdom par bya ba'i phyir sems kyi rdo rje mchog tu bya'o/ /zhes bdag nyid byang chub tu sems bskyed par bya'o/ /de'i phyi nas tshad med pa'i gnas bzhi bsgom par bya'o/ /de'i rjes su bsgom par thams cad rnam par dpyad nas rang bzhin gyis lus yongs su gtong ba'i ngo bo nyid rnam par dag pa'i sngags kyis don sngon du byas zhing 'jig rten gsum gyis bdag nyid stong pa nyid du rnam par bsgoms te/ sngags 'dis rang gi sems byin gyis brlabs par bya'o/ /aoM shU n+ya tA dz+nyA na badzra swa b+hA ba ad ma ko haM/ phyi nas sngon du gsungs pa'i smon lam gyis stobs las sems can gyi don la mngon bar lta bzhin pa'i sngags pa'i lus lha'i skyes par bya'o/ /sngags dgod pa'i rims pas lha'i skur mtshon pa'o/ /de'i rjes su rnam pa'i phyogs su drug pa'i sa bon las bskyed pa'i pad+ma dkar po rnam par rgyas pa'o/ /de'i steng du brgyad pa'i sa bon thig le dang bcas bas brgyan pa'i 'og tu drug pa'i dbyangs dang bcas pa'o/ de'i steng du sna tshogs rdo rje/ /des sa gzhi'i rdo rje'i rang bzhin dang/ rdo rje'i zla? ba dang/ rdo rje'i ra ba yang bsam par bya'o// de'i dbus su e yig gi rnam pa rab tu gsal ba'i chos 'byung ye shes dkar po rnam par bsgom par bya'o/ /de'i dbus su brgyad pa'i sa bon dkar po'i 'og tu mes rnam par brgyan pa/ /steng du bzhi pa'i dbyangs kyis brgyan pa cheg drag dang bcas pa/ de las byung ba'i chu skyes dkar po 'dab ma brgyad pa/ de'i steng du zer 'bru la sa bon dang mtshungs pa/ de las byung ba'i nyi ma/ de'i steng dbyangs yig dang po'i las byung ba'i zla ba dang nyi ma la dpe byad bzang po brgyad cus spras pa dang/ zla ba mthong ba'i bdag nyid mtshan sum bcu rtsa gnyis kyis rnam par brgyan pa/ 'di dag gi dbus sa bon dkar po/ /de yongs su gyur pa las aud pa la dkar po la kA li la rang gi sems rab tu zhugs pa'o/ /phyi nas zla ba'i gdan dang pad+ma la sems cig tu gyur pa khu ba bzhin du bdag nyid rnam par bsgoms nas/ de nas sngon du gsungs pa'i ku ru kul+le'i skur bdag nyid bsgom par bya'o/ /de nas bsgom par bya bar rang gi snying khar raM yig las nyi ma rnam par bsgoms te/ de'i lte ba las sa bon slar yang bsgom par bya'o/ /de las byung ba'i 'od zer gyis mgon po 'od dpag med pa gdan drangs nas gsang ba dang gzhan gyis mchod pas de yang dag par mchod de/ yang dbang bskur ba zhu bar bya'o/ /de la 'dis zhu ba ste/ a b+hi Shany+tsandu ma/ ma ma tI b+hA nAla khrus gsol bar bya'o/ /zhes so/ /de nas de rang gi thugs khar rab tu zhugs par bsam par bya'o/ /de nas rnam par bkod pas spyi bor mgon po 'od dpag tu med pa bsam par bya'o/ /de nas thun mtshams gsum du bsgoms shing bsgom par bya ba bkod nas sngags bzlas par bya'o/ /sngags dgod pa bsdus pa ni drug pa'i gsum pa'i sa bon la zla ba phyed pas thig le'i 'og tu brgyan pa lnga pa'i dbyangs kyis dbye ba las steng du gtsug gtor gyi cha'i mthar thug par dgod par bya'o/ /dang po'i dbyangs yig dkar po las byung ba'i zla ba phyed pas rnam par brgyan pa bkod nas mgrin pa dmar pa la gsum pa'i sa bon la zla ba phyed pas rnam par brgyan pa/ /'og tu mes yis rnam par brgyan pa bzhi pa'i dbyangs dang ldan pa la lte ba'i 'og gsang gnas kyi mthar thugs pa ser po'o/ /dang po'i gnyis pa'i sa bon las zla ba phyed pas rnam par brgyan pa bkod nas rkang pa'i mthar thugs pa ljang khu'o/ /sa dang chu dang me dang rlung dang nam mkha' dang lnga'o/ /k+ShaM dzaM kha gaM skaM paM/ /dzade nas lnga pa'i lnga pa dang bdun pa'i lnga pa'i mdza' la thig le gnyis kyis brgyan pa'o/ /de nas dang po'i dang po'i sa bon lnga lnga pa'i dbyangs kyis brgyan pa'o/ /drug pa'i gnyis pa'i sa bon lnga pa'i dbyangs dang ldan pa'o/ /yang dang po'i dang po'i sa bon la lnga pa'i dbyangs dang ldan pa'o/ /drug pa'i gsum pa'i sa bon las de nas dang po'i bcu gcig pas rnam par brgyan pa'o/ /bdun pa'i bzhi pa'i sa bon la 'og tu mes rnam par brgyan pa/ mgo la bzhi pa'i dbyangs dang ldan par byas nas mdza' la tsheg drag dang bcas pa mdza' la na mo slar yang bau Sha Ta de'i mdza' la bzlas par bya'o/ /swAhA'i mdza' can slar yang thams cad la bya'o/ /bco lnga po'i sa bon 'di rnams kyi sngags kyi yi ge'i grangs kyi 'bum bzlas la bcu chas me tog dkar pos sbyin bsreg bya'o/ /g.yas su srog rab tu 'jug pas nyi ma dang zla bar gyur pa bcings pa dang/ g.yas dang g.yon gyi srog bcing bar byas nas sngags pas rtag tu bzlas par bya'o/ /shel dang mu tig gi 'bras bu'i 'grang phreng gi brgya rtsa brgyad kyi rdog po srad bus rgyu bar bya'o/ /sreg 'byung ba'i dus su rdog po bskyed par bya'o/ /bdag nyid gang zhig dngos grub 'dod pas srog 'jug pa ni sngags bzlas par bya'o/ /aoM maaoM shwe te hUM phaT mgo la'o/ /aoM shwe te dzaM Di ni swAhA/ skra la'o/ /aoM ra rna mi tA b+hA pad+ma tsA pe ti go cha'o/ /aoM tsak+Shatra shwe te dza Di ni hUM hUM phaT phaT swAhA/ /mtshon cha'o/ /mu tig gi bgrang phreng gis bzlas par bya'o/ /aoM A hUMthod pa gsum bsam zhing steng du pad+ma'i snod do/ /de'i dbus su sa bon lnga'o/ /de nas sa bon las byung bas pu li ra ma la yar song nas slar yang ji srid dzA lan d+ha ri'o/ /de nas dzA lan d+ha rar song nas de bzhin gshegs pa rnams rten rtogs par bya'o/ /de la thams cad gcig tu gyur pas myur du zla ba'i dkyil 'khor gyis gzugs su lta bar bdud rtsi'o/ /dril bu'i bu ga'i lam nas 'dzag par byed pa'i bdud rtsi dpung po dang khams dang skye mched rnams tshim par bya'o/ /tshim pa dang de yi snod la yang gnas par byed do/ /de la dril bu'i steng du hUMyongs su gyur pa las rlung gi dkyil 'khor ba dan gyis mtshan pa gzhu'i rnam pa nag po'o/ /de'i steng du raM yig yongs su gyur pa las me'i dkyil 'khor gru gsum raM yig 'bar bas mtshan pa me'i 'od du ldan pa'i mdangs can no/ /de'i steng du lte bar pad+ma 'dab ma dkar po brgyad dang ldan pa'i ze 'bru dang bcas pa sdong bu dang bcas pa gsang ba'i spugs kyi mthar thug par son par bsam par bya'o/ /de'i dbus su h+rigyur pa las bcom ldan 'das ma ku ru kul+le ye shes kyi bdud rtsis tshim par bya zhing de bzhin gshegs pa lnga zhugs par bsgom par bya'o/ /'dis ye shes kyi bdud rtsi'i char 'bab par bsam zhing dug g.yo ba thams cad zil gyis gnon par sbyor ba'i sngags rigs pas rtag tu'o/ /de nas sngags pas dug zhi bar 'dod pas dkar po'i tshes gcig nas brtsams ste thun mtshams gsum du khri phrag re re la de bzhin du nyi ma so so la bcom ldan 'das ma'i sku la dmigs te gos dkar po bzung nas lus la bgo bar bya'o/ /de'i rjes su rang gi snying kha'i zla ba la gnas pa'i h+ridbyangs yig brgyad yongs su gyur pa las bung ba brgyad dga' ba dang mgu ba dang rgyas pa'o/ /nag po dang dmar po go rims bzhin du klogs? pas rang gi sna nas gnas su au Di yar 'dod cing rang gyi sna bug g.yas g.yon gyi bu ga nas 'thon te/ sgrub bya dug gis mnar ba'i sna g.yas kyi bu ga nas rab tu zhugs te stobs dang ldan pas gcod cing dug rnams rnyings par bya'o/ /brgyud pa'i dbyangs yig dang po las cung zad dkar pa'i 'dab ma dang ldan pas rnam par brgyan pa zhes rnam par bsam zhing dug gis mnar ba'i sna bug g.yas nas 'thon par bsam par bya'o/ /phyi nas rnal 'byor pas bgrang phreng gis mngon pas bsnun cing spyi blugs kyi chus dbang bskur byas pas dug gi mnar ba langs par byed do/ /dus gsum du rnam par bsgom par gyur pas rang nyid khyung gi gtsug gi nor bu'o/ /sgrub pa po 'gal me'i 'khor lo bzhin du sngags kyi gzugs kyis rtag tu mngon par dga' ba dang ldan par 'gyur/ /pas rnal 'byor pas rgyun mi 'chad par goms pa'i yid kyis de'i gdams ngag nges pas so/ /mdza' yas la sogs pa rigs ldan rnams te/ de la klu rnams dgos par bya ste/ gnas thams cad du'o/ /mngon du yi ge rnams dgod par bya ste/ dbyangs rnams kyis khyad par las so/ /de'i phyi nas mdza' yas dang rigs ldan dag gis dbu skra bcings pa'i gnas/ dag gser gyi mdog lta'o 'jogs pos rna brgyan du byas shing gdengs pa'o/ /lag gdub pad+ma chen po gser gtso ma'i 'od lta bu/ stobs kyi rgyu dkar pos mchod phyir thogs byas pa'o/ /nor bu rgyas pad+ma dmar po'i 'od lta bus ske rags byas pa/ /kun da dang ban du ka 'dres pa lta bu'i pad+ma dang dud skyong dag gis rkang pa dag la'o/ /'di lta bu'i rgyan dag pos brgyan nas sngags rigs pas rtag tu ku ru kul+la'i gzugs dang/ dbyibs kyi bya khyung gi gdan gyi steng du gnas pas g.yo ba thams cad dang/ mi g.yo ba thams cad sgrub par bya'o/ /'di nyid kyi rim pas sgrub pa po bdag nyid bsgom par gyur pas rang nyid bya khyung gi gtsug gi nor bu'o/ /de la gnas pas bzlas pa bya zhing sngags pas thun 'tshams gsum du ting nge 'dzin gyis so/ /sngags 'di nyid kyis zho'i zas arka'i snod du gnas byas nas bza' bar byas pas sngags pas rgya mtsho'i dug 'joms par byed do/ /bum pa gang ba 'am/ dung g.yas su khyil bar lan nyi shu rtsa gcig bzlas pas/ chu dug gi na bas btung bar bya'o/ /dkar po'i bsam gtan gyis dpral bar thig le'i gzugs kyis dug med par byed do/ /bsam gtan ser pos rengs par byed do/ /bsam gtan dmar pos klu'i dug gi gzugs rmongs par byed do/ /bsam gtan nag pos dug yang dag par 'phos par byed do/ /ljang khu'i bsam gtan gyis slar yang 'tsho bar byed do/ /zhes pa ni bsam gtan gyis khyad par du gsungs so/ /dpal ldan sgyu 'phrul dra ba rnal 'byor gyis rgyud chen po stong phrag bcu drug pa las byung ba'i ku ru kul+le'i sgrub thabs mchog tu gyur ba/ slob dpon dpal nag po spyod pa'i zhabs kyis mdzad pa rdzogs so// rgya gar skad du/

CLOSE WINDOW