བོད་ཡིག

e-texts based on the ACIP/ALL Input

/ //rgya gar skad du/ shu kla ku ru kul+le sA d+ha naM/ bod skad du/ rig byed ma dkar mo'i sgrub thabs/ 'phags ma rig byed ma la phyag 'tshal lo/ /rig byed ma la phyag 'tshal nas byis pa rnams kyi blo 'phel phyir/ /bla ma'i zhal gyi sku drin gyis/ /bsgom pa'i rim pa brjod par bya/ /dang po sngags pas bdag dang sems can thams cad sdug bsngal ba rnams las rnam par grol bar 'dod pas snga dro'i thun la langs nas gdong bkru ba la sogs pa byas nas/ yid dang 'thun pa'i gnas su stan bde ba la 'dug ste/ bsam pa thams cad sngo bar byas nas bdag nyid rnal 'byor la gnas nas zhal bsil gyis de nyid gsum gyi sngags kyis bsrung ba byas nas rang gi snying khar ri bong 'dzin pa'i dkyil 'khor dkar po bsgom par bya'o/ /de'i steng du rang gi sa bon las 'od zer 'phros te/ 'od zer de rnams kyi ches kyis dbyings nas bcom ldan 'das ma spyan drangs te/ mdun du bzhugs nas mchod pa sna tshogs pa'i mchod pa sna tshogs pa'i mchod pas bde bar gshegs pa rnams mchod cing tsan dan la sogs pa'i cho gas bzod par gsol zhing bsod nams yongs su bsngo ba dang smon lam btab te/ phyi nas aoM shU n+ya tA dz+nyA na badzra swa b+hA ba ad ma ko haM/ /zhes pa'i sngags kyis stong pa nyid du bsgoms la de nyid gsum gyis byin gyi brlab pa'o/ /slar yang bdag nyid nam mkha' i ri mo bzhin du 'od gsal gyis skur bsam par bya'o/ /de'i rjes la zla ba'i dkyil 'khor dkar po/ de'i steng du h+rIgyi steng du gnas pa'i sa bon gyis byin gyis brlabs la/ /spro ba dang bsdu ba byas nas de nyid gsum gyi sngags kyi bdag nyid bcom ldan 'das ma phyag g.yas pa dang g.yon pa dag gis aud pa la'i bgrang phreng ba dang/ bdud rtsi'i bum pa rnams pa/ spyan gsum ma/ pad+ma 'dzin ba la sogs pa'i de bzhin gshegs pa thams cad dang/ pi wang ma la sogs pa'i lha mo bcu drug gi dbang bskur zhing 'od dpag tu med pas dbu rgyan pa me tog sna tshogs pas nye bar mdzes shing ral pa'i thos? tshugs can/ sgeg pa la sogs pa'i nyams dang ldan pa/ /phyag g.yas pa'i yal ga cung zad bgrang phreng gi 'od kyi snang bar mdzad pa/ 'o ma'i rgya mtshor chu skyes 'dab ma dkar po la gnas pa'i zla ba'i steng du sems dpa' i dkyil dkrungs gis bzhugs pa/ lag gdub dang/ dbung rgyan dang/ rna brgyan dang/ rkang gdub dang/ mu tig gi do shal dang/ lha'i na bza' la sogs pa rnams kyis brgyan pa/ /klu'i rgyal pos mdza' yas nag pos dbu skra bcings pa/ nor rgyas bdud rtsi'i bus do shal byas pa/ 'jog po dmar pos rna brgyan byas pa/ stobs kyis rgyu ljang khus mchod phyir thogs byas pa/ klu'i dbang po pad+ma dkar pos do shal phyed pa byas pa/ pad+ma chen po pad+ma'i sdong bu kha dog gis rkang gdub byas pa/ dung skyong ser pos lag gdung byas pa/ rigs ldan du ba'i kha dog lta bus dbung rgyan byas pa/ sku mdog dkar mo sku las bdud rtsi 'dzag bzhin du thugs snying rjes brlan pa bsgom par bya'o/ /de'i rjes la rang gi snying khar zla ba'i dkyil 'khor gyis steng du/ sngon gyis sa bon las 'od 'phro bar bsgom zhing de'i 'od zer rnams kyis sems can thams cad bcom ldan 'das ma'i skur bskyed nas bkug ste/ aoM dza hUM baM ho/ /zhes pa'i sngags 'dis chu dang 'o ma 'dres pa bzhin du ro gcig tu byas nas rang gi lus la zhugs te/ mchod pa sngon du 'gro bas bcom ldan 'das ma yang de nyid gsum gyis dkar po dang dmar po dang/ nag pos mnyes shing brtan par byas nas spyi bo dang mgrin pa dang snying kha rnams su rgyas gdab par bya'o/ /de'i rjes su snying kha'i sa bon las 'od z er 'phros nas bde ba can la sogs pa'i 'jig rten gyi khams na bzhugs pa'i mgon po 'od dpag tu med pa la sogs pa de bzhin gshegs pa thams cad spyan drangs nas pi wang ma la sogs pa'i lha mo bcu drug dang ldan pas de bzhin gshegs pa lnga'i bdag nyid bdud rtsi lnga dang gur guM dang bla rtsi dang dri bzang pos yongs su gang ba'i bum pa rnams bzung nas tshigs su bcad pa sngon du 'gro bas dbang bskur bar bya ste de la tshigs su bcas pa 'di'o/ /byang chub rdo rje sangs rgyas la/ / mchod chen phul ba ji bzhin du/ bdag kyang bskyab pa'i don gyi phyir/ /nam mkha' i rdo rje bdag la rtsol/ /dbang bskur rnams gsum dbyer med la/ /khams gsum rnams kyis phyag byas pa/ /sangs rgyas kun gyi gsang gsum gyi/ gnas las 'byung pa bdag gis gzung/ /ji ltar de bzhin gshegs pa kun/ /gsungs? pa tsam gyis khrus gsol lo/ /de bzhin bdag kyang khrus bgyi ste/ lha'i chu bo dag pa yis mgon po 'od dpag tu med pa la sogs pa'i de bzhin gshegs pa rnams dang/ pi wang ma la sogs pa'i lha mo bcu drug dang ldan pas dbang bskur zhing/ aoM sarba ta thA ga ta a b+hi She ka sa ma ya sh+rI ye Adran pas so/ /dbang skur blangs nas de'i rjes su rang gi lte ba'i skyes la gnas pa'i steng du gnas pa'i me'i sa bon la zhon pa'i sa'i mdza' dang zla ba dang thig le nA da dang bcas shing bzhi pa'i dbyangs kyis brgyan pa A li dang kA li 'phro ba can/ /bdud rtsi'i rang bzhin gyi 'od dkar po las sgron me bzhin du 'bar zhing 'bar ba zhal gyis sgo nas 'thon te/ nor bu dang sngags dang sman thams cad skad cig gis blangs nas lta ba'i sgo nas rab tu gzhug bar bya'o/ /yang nas yang du rnal 'byor gyi rang bzhin dran pa dang/ ldan pas so/ /gzhon nu mas bkal ba'i skud pa dgu sgril du byas nas shel gyi bgrang phreng rdog po lnga bcu brgyas pa ste/ yang na bo de rtse'o/ /gung mo dang mthe bos bzung nas zhi ba la'o/ /gcig gis lhag pa'i brgya yis mdzub mo dang mthe bo dag gis thun mtshams gsum maM bzhir yun mi ring bar bsgoms te ye shes pa spyan drangs nas rnal 'byor pas de bzhin du sngags kyi yi ge bzlas pa byas ched? sems brtan zhing yid chags pas so/ /sngon du bsnyen pa 'bum byas nas nyi ma so so la zla ba phyed dang gsum du khri phrag re bzlas nas snyan ngag mkhan du gyur ro/ /dug zhi bar byed do/ /'bum phrag nyi shu rtsa gcig bzlas nas nyi shu rtsa gcig gis sa dkar la mngon par bsngags nas lag pas dril te de la lan nyi shu rtsa gcig tu mngon par mdags? nas gang gis mgo bor lag pa byin pa de rmongs pa yin yang snyan ngag mkhan du 'gyur ro/ /'khor rnams kyang rgol bas zil gyi non par mi 'gyur te 'jam dpal dang mtshungs par 'gyur ro/ /gzhan yang ma thos pa'i bstan bcos pa thams cad kyang shes par 'gyur ro/ /sngags 'di 'am/ yang na bla ma'i man ngag bzlas pa byas na shes rab 'phel bar 'gyur ro/ /aoM ku r u kul+le h+ri'gugs bar 'gyur ro/ /ma blangs bar yang mi'i bu mo mdzes ma rnams rnyed do/ /'di ni ngo mtshar ba ma yin bar 'grub ste/ sangs rgyas bcom ldan bsam mi khyab/ /sangs rgyas chos kyang bsam mi khyab/ /sangs rgyas rdzu 'phrul bsam mi khyab/ /nor bu sman dang sngags rnams kyis/ mthu yang bsam gyis mi khyab po/ /sngon ma gzhon nu mas bkal ba'i skud pa thags mkhan gso sbyong byas nas btags shing/ /ri mo mkhan po yang ste bris sku'i cho gas dus gsum du mdun du byas te dri bzang po'i me tog gis mchod nas nga rgyal dang bcas nas sngags bzlas par bya'o/ /byams pa'i sems kyis rnug ba dang/ gnyid dang/ rgod pa dang/ the tshom dang/ zhum pa dang/ yid gnyis dang ldan pa gzhan pa dang/ sems dman pa dang lnga/ don med pa'i sems rnams thams cad mkhyen ba'i gsungs la rmugs pa la sogs pa'i sems gzung ba rnams 'bad pas de rnams myur du spang bar gsungs so/ /sgrol ma'i yi ge bcu'i sngags bzlas par bya zhing 'dis ku ru kul+le'i sbyor bas bgegs thams cad nye bar zhi zhing sems can thams cad kyi dbang du byed pa yang sgrol ma dang ku ru kul+le dbyer med pa lags so/ /shes rab kyi cho gas ni khyim ming can gyis lo ma dang/ sha thi dang/ shing mngar dang/ /de bzhin du tshangs ba dang/ pi pi ling dang/ sbrang rtsi rnams bza' bar bya'o/ /zhes pa 'di/ man ngag gis bya ste/ yi ge bdun pa'i sngags kyis lan mang du mngon par sngags te sman rnams bdud rtsi'i rang bzhin du bskyed nas/ bdag nyid bcom ldan 'das ma'i skur dmigs la/ bcom ldan 'das ma'i bris sku la sogs pa bkram nas nam langs pa dang mchod pa byas bza' bar bya'o/ /nyal ba'i dus su thun bu byas te khar bcug nas nyal bar bya'o/ /'dis shes rab chen por 'gyur ro/ /aoM ku ru kul+le swAhA zhes so/ /shes rab brgyad kyi cho ga'o/ /mar dang tak ra'i rtsa ba dang/ 'khor los mtshan pa de bzhin du/ mche ba'i rma la byugs pa 'am/ 'thungs pas dug ni 'dzoms par byed/ /dug gi rgyud dang/ /sngon du gsungs pa'i mtshan ma'i s a bon kha dog dmar po yongs su gyur pa las bcom ldan 'das ma brtse bas brlan ba'i sems kyi mthar thug pa rnam par bsgoms nas rang gi snying gar zla ba dmar po'i steng du 'khor lo rtsibs drug pa la gnas pa'i aoM ku ru kul+le swAhA zhes pa'i sa bon bdun gyis bcom ldan 'das ma ye shes sems ma'i sku gdan drangs nas zhal gyi sgo nas sngon gsungs pa'i sngags kyi sngon na bzhin du rab tu zhugs te/ de nyid gsum la sogs pas thams cad ro gcig tu byas nas rang gi snying kha'i sa bon gyis bsgrub byas bkug nas bgrang phreng gi zhags pas bcings shing bkug nas rkang ba'i mthil du 'gyel te/ skra grol zhing myos pa ro bzhin du bltas nas bgrang phreng gi zhags pa 'am/ /lcags kyu bde ba chen po'i sgo na a ba d+hu ti'i zla bas bsgrub bya'i bshad pa'i sgo nas rnam par shes pa bkug ste/ tsan dan dmar po 'am byi ru'i bgrang phreng nyi shu drug ming med dang mthe chen gyis bzung nas shin tu chags pa'i sems gyis yi ge bdun gyi sngags bzlas par bya'o/ /sngon ma bzhin du h+ribo gyon nas sems rtse gcig tu gnas pas shin tu dga' ba'i bsam par ku ru kul+le sbyor ba'i cho gas myos byed kyi 'bras bu bza' zhing kA mA tsi ka'i khu bas thig le byas nas tshags pa'i sems kyis sngags bzlas par bya'o/ /de la sngags ni 'di'o// a oM h+ripo chen po chen po dang/ 'phro ma dang/ gnod sbyin chen po rnams kyang dbang du gyed do/ /dbang du byas pa'i cho ga'o/ /dzA rI gtum mo ji bzhin du/ /sne ha ma li rang gri khyu/ /ro'i lto ba'i srin bu yang/ /dbang du byed pas bza' bar bya'o/ /ro yi mig dang snying dang mchin pa dang/ dpral pa'i sha dang/ de bzhin du ni sna/ blangs shing gnur nas 'bru mar dag gis btso/ /rgyu skar rgyal la drag po'i dbang du byed/ /dbang du bya'i rgyud do/ /aoM ku ru kul+le sarba duSh+Tan nA sha la ya kI la ya ki la ya/ b+ha dza b+hany+dza ya b+hany+dza la mar pa ya d+hA sa ya d+haM sa ya/ a pa sA ra ya a pa swa ra ya/ a b+hi mi taM me ku ru shin+tA me ku ru puSh+Ti me ku ru sarba satwAM pa sh+yaM me swAhA/ aoM h+ri sh+riM hUM haM hozan la sogs pa rnams bdud rtsi'i rang bzhin dngul chu bzhin du bltas la yi ge gsum gyi sngags kyis byin gyis brlabs la bcom ldan 'das ma dang 'byung po thams cad la dbul bar bya'o/ /aoM mupa thams cad gshegs par bya'o/ /'dis ni bgegs chen po rnams zhi bar 'gyur ro/ /gtor ma'i sngags kyi cho ga'o/ /zhi bzhi ba'i sems kyi ste/ rgyas la rgyas ba'i sems kyis so/ /shin tu chags par dbang du dgug/ khro bo'i sems kyis gsang pa'o/ /zhi la maN+Dal rnam pa ste/ rgyas la rdzing gi rnam pa'o/ /dbang la zla ba phyed pa ste/ /nam mkha' i khams 'dra bsad pa la/ /zhi ba khru gang tshad kyis te/ /rgyas pa khru do'o/ /rgyas pa ji ltar de bzhin dbang/ bsad pa sor mo nyi shu'o/ /zhi la khru phyed gting du'o/ /khru'i tshad kyis rgyas pa la/ /mthe bo lnga gnyis bsad pa la/ /rgyas pa ji ltar de bzhin dbang/ /zhi ba'i sbyin bsregs tshes gcig la/ /rgyas la zla ba gang ba la/ /bcu bzhi la ni mngon spyod do/ /brgyad la dbang gis la sbyin no/ /zhes pa ni gzhan no/ /de na yang na sngags kyis bris/ /sbyin bsreg thabs khud tshad ldan pa/ zhi ba la ni zlum por bya/ /khru gang gis ni tshad kyis thig/ khru phyed gting du sa bskos na/ tshin rtsi dkar pos byug par bya/ /sbyin bsreg thab khung tshad ldan pa/ logs dag yang dag bri bya ste/ kun nas 'khor lo'i rnam pa can/ /rgyas pa la ni khru do ste/ /khru gang de nas brko bar bya/ /kha dog ser skya dag gis ni/ /kun nas grub bzhi bri bar bya/ /mngon spyod la ni zur gsum ste/ /rgyal ser mo nyi shu'o/ /nyi shu'i phyed ni brko bar bya/ /'bar ba'i phreng ba 'khrigs pa bris/ /de bzhin dbang dang dgug pa la/ /zla ba phyed pa yang dag bri/ /sbyin bsreg thab khung yang dag bltas/ /phyogs dag mtshams su snang bar byas/ /sngags pas byang phyogs kha phyogs nas/ /dbang du bya ba brtsam par bya/ /rgyas pa rtag tu shar phyogs la/ /mngon spyod la ni lho phyogs su/ /nub phyogs su ni rtags gsungs pa/ /dbang du dgug dang skad la sogs/ /mngon spyod rtag tu kha dog gnag/ kha dog lnga'i dbang du bya/ /til dang 'bras dang 'o ma dang/ /mar dang sbrang rtsi dang bcas pa/ /bdud rtsi lnga dang ldan pa yis/ /zhi ba dang ni rgyas par 'dod/ /yam shing dag ni thams cad kyang/ /'o ma dang bcas dri bzangs shing/ /bza' ba rnam pa sna tshogs pas 'byung po kun la gtor ma sbyin/ /zhi ba ston ka'i dus su te/ /de bzhin rgyas pa dgun gyi dus/ /dbang dang dgug ni dbyib dus gsungs/ /sos ka'i dus su mngon spyod dang/ /las rnams thams cad bsgrub par bya/ /tho rang dus su zhi ba ste/ /nam langs de bzhin rgyas ba dang/ nyi ma phyed dang nam phyed la/ /de bzhin mngon spyod las rnam bya/ /da med sbyin bsreg la la mkhas/ /de nyid gang zhig sma byed pa'i/ /slob dpon zhi ba chen po des/ /sangs rgyas bstan la mos pa'o/ /'dod chags sems gyur gzhan rnams la/ /zhe sdang pha rol sun 'byin pa/ /khengs shing rmongs pa dang ldan pa/ /de rnams sangs rgyas bstan la spong/ /sbyin bsreg gi cho ga'o/ /gzhan yang mchad ba'i dug langs pa'i dus su zhi bar 'dod pas bla ma'i man ngag gis dug shes nas bdag nyid klu ma lus pa'i gzugs su bsgom ste/ kha dog dkar po rang gi snying khar chu skyes 'dab ma brgyad pa'i steng du/ shes rab kyis dkyil 'khor la gnas pa'i shes rab kyi sa bon la bde ba chen po'i bdud rtsi 'thungs shing mig dag nas 'thon zhing mig dag nas 'thon ste/ bsgrub bya'i mgo bo dang/ mig dang/ kha dang/ snying kha dang/ gsang ba dang/ rkang pa'i mthar thug par g.yo zhing 'gro ba rtse gcig pa'i sems brtan pos bsam par bya'o// yang na byod? sha'i sman dang sa ming med kyis sngon du gsungs pa'i dkyil 'khor gyis sa bon gyi gnas nas bsgrub bya legs par byas te/ /sa bon dang ldan pas dril bu'i 'og tu reg par bya'o/ /dbyug pa byin nas mdzub mos sa bon gyi gnas la gos kyis g.yog par bya'o/ /yang na ma bsnun par sngon du gsungs pa'i gnas su reg par bya zhing sngon ma'i sman sbyin par bya'o/ /yang zla ba'i dkyil 'khor gyis gnas la g.yog pa zhing bsgom par bya'o/ /chang dang byo ba dang/ tshal dang sbrang gi btung ba sbyin par bya'o/ /yan lag dgod pa ni rab tu bya'o/ /de nyid gsum gyis tsha ba grol bar bya'o/ /'dis ni langs par the tshom med do/ /slar yang gdengs ka'i dbang pos mgrin pa bcings te mche bas mchu gzung bar bya'o/ /nam mkha' lding dbang pos nam mkha' la khyer te/ nam mkha' rab tu zhus pas dug med par 'gyur ro/ /gzhan yang g.yo ba'i skar ma dang bcas pa'i zla ba las 'og tu bsgoms pa chus khyab cing thod pa can bzhin du gar byed cing/ bag med par 'gyur te gzhan du ma yin no/ /khyab 'jug bzhin du mthong zhing mche ba nyal ba mdza' yas pa gdengs ka yongs su lte ba chu 'dzin gyi chus khrus byas pas dug med par 'gyur te gzhan du ma yin no/ /sa sta shin zhi byed cing// rmongs bar byed pa gzhan yin no/ /dkar pos dug ni 'joms byed shes/ /slar yang ser bas rengs par byed/ /nag po yis ni g.yo byed 'dod/ /ji ltar 'byung bzhi sbyor ba yis/ /sa bon bzhi dang ldan pas ni/ /rengs pa dang ni skrod pa dag/ legs par bkod pas nges par 'grub/ /gzhan du rengs pa ri rab sbyor/ /ci ste rengs dang g.yo ba la/ /so so'i bsam gtan sbyar bar bya/ /gang 'gog rang gis lag gnyis kyis/ /kha mig rna ba sna rnams so/ /bla ma'i man ngag haM sa yis/ /brjod pas nges par dug ni 'joms/ /lag pa dug ni 'gugs pa yi/ /rim pa yis ni the tshom med/ /rang nyid stong pa'i sbyor ba las/ /de nyid byo Sha bza' ba las/ /dug 'joms rgya mtsho las skyes pa/ /rgya mtsho btung ba sbyor bas kyang/ /'khor lo dkar pos mtsham pa yis/ / gdengs ka yan lag slar yang gzhon/ /nges par 'dzin par the tshom med/ /gu ho si ho zla nyid dag /gnam stong la ni sbyor ba yi/ /dus ni khros par gyur pa yis/ /khri rnams kyis kyang ci zhig bya/ /ku ru kul+le dkar mo'i sgrub thabs rdzogs so// // rgya gar skad du/

CLOSE WINDOW