བོད་ཡིག

e-texts based on the ACIP/ALL Input

/dngos grub phra mo 'gru chen po yang/ /grub par 'gyur bar the tshom med/ /sgrol ma'i rtogs pa las 'byung ba'i/ /ku ru kul+le'i sgrub thabs rdzogs so// //rgya gar skad du/ muk+ta ke na tA rong b+ha ba ku ru ku ru l+le sA d+ha naM/ bod skad du/ sgrol ma'i rtog pa las 'byung ba'i tshig lhug pa'i rig byed ma'i sgrub thabs/ 'phags ma rig byed ma la phyag 'tshal lo/ /gang gis dran pa tsam gyis ni/ lha dang lha min mir bcas rnams/ /nges par ma ? mdag zhugs byed 'gyur pa'o/ /sgrol ma de la phyag 'tshal lo/ /dang por re shig sngags pas yid dang 'thun pa'i gnas su bud med kyis tshogs la sogs pa dang bral bar stan pa de ba la 'dug ste/ rang gi snying khar dbyangs yig d ang po yongs su gyur pa las zla ba'i dkyil 'khor gyi steng du 'od zer dang bcas pa'i h+rIpa'i bcom ldan 'das ma rigs byed ma yang dag par bskul nas spyan drangs shing mdun gyi nam mkha' la yang dag par bsam te/ snying kha'i sa bon gyi 'od zer las sprul pa'i me tog dang bdug spos la sogs pa sna tshogs pa'i mchod par bya'o/ /de'i rjes la phyag 'tshal ba dang/ sdig pa bshags pa dang/ bsod nams la rjes su yi rang ba dang/ yongs su bsngo ba dang/ gsum la skyabs su 'gro ba dang/ byang chub tu sems bskyed pa sngon du 'gro bas/ dkon mchog gsum la bdag skyabs mchi/ /sdig pa thams cad so sor bshags/ /'gro ba'i dge la rjes yid rang/ sangs rgyas byang chub yid kyis gzung/ zhes lan gsum brjod par bya'o/ /de nas tshad med pa'i gnas bzhi bsgom zhing sngags 'dis byin gyis brlabs pa brjod par bya ste/ aoM shU n+ya tA dz+nyA na badzra swA b+hA ba ad ma ka haM/ de'i rjes la 'gro ba sdug bsngal ba mdza' dag la snying rje bas rang gi sems kyi sa bon gyi gzugs la blta ste/ /de yongs su gyur pa las aud pa la dmar po'i steng du dbyangs dang po yongs su gyur pa las zla ba la gnas pa'i sa bon gyis 'od zer rnams kyi sngon bzhin du 'gro ba rnams gsal bar mdzad nas/ /de bzhin gshegs pa bye ba mdza' yas pa yang dag par bskul zhing spyan drangs ? nas nang du bsgom par bya'o/ /de la aud pa la sogs pa yongs su gyur pa las sku mdog dmar mo pad+ma dmar po dang zla ba'i gdan la bzhugs pa/ /dar dmar po'i stod g.yogs byas pa 'od zer dmar po dang ldan pa/ /rin po che dmar po'i rna brgyan can/ /phyag bzhi pa/ g.yas pas mi gzigs pa rab tu sbyin pa/ gnyis pas mda' yang dag par 'gengs pa/ g.yon na rin po che'i gzhu bsams pa/ gnyis pas aud pa la dmar po bsnams pa/ de bzhin gshegs pa 'od dpag med kyi dbu brgyan can ku ru kul+le'i ? bu ga na bzhugs pa/ sgra gcan gyi mgo la gnas pa'i 'dod lha chung ma dang bcas pa'i steng du bzhugs pa/ ? pa'i nyams kyis rol zhing dang po'i lang tsho dang ldan pa'i rig byed ma bsgom par bya'o/ /de ltar dam tshig sems gsal bskyed nas skad cig gis ye shes sems dpa' mdun du spyan drangs te/ yang dag par mchod nas dam tshig gi phyag rgyas zhal gyis nang du zhugs par sgom par bya'o/ /de la dam tshig gi phyag rgya ni 'di yin te/ thal ma yang dag par sbyar nas gung mo dag rtse mor byas pa'i dbus su ming med dag bcug ste/ grang mo'i rgyab tu 'dzub mo gnyis gnas shing mthab chen gnyis 'og tu rab tu zhugs pa de lta bu'i rnam pa ni aud pa la'i phyag rgya'o/ /de'i rjes su byang chub rdo rje sangs rgyas la/ /ji ltar mchod chen stsal ba ltar/ /bdag kyang bskyab pa'i don gyi phyir/ /nam mkha' i rdo rje ded bdag gsol/ /zhes gsol ba btab la/ dbang bskur ba ni rdo rje che/ /khams gsum kun gyis phyag byas pa/ /sangs rgyas kun gyis gsang gsum gyi/ /gnas las byung ba bdag gis sbyin/ /zhes brjod pa rnams kyis sangs rgyas kyi bka' spyan ma la sogs pa rnams kyis dbang bskur ba bster bar bsam par bya zhing 'od dpag med dbu rgyan du bzhugs pa'o/ /de ltar bsgoms nas bslabs par bya ste/ ha cang skyen min/ /mi gsal ma yin rtog pa spangs/ /aoM ku ru ku lu h+rIgsum gyi rims pas 'khur ba dang kar ba la sogs pa'i gtor ma dbul ba sngon du 'phro bas rtag tu rgyun mi chad par brtan par 'jug pas zla ba drug tu sgom par bya'o/ /grub pa'i mtshan ma rnams ni 'byung bar 'gyur rdo/ /de'i rjes la zla ba dang po la nang la sogs pa bar du gcod pa brgya 'byung bar 'gyur ro/ /zla ba gnyis pa la ston mo gyi nom pa ma bslangs par snyed par 'grub bo/ /gsum pa la gos sna tshogs pa rnyed par 'gyur ro/ /bzhi pa la sna tshogs pa'i so rtsi rgyun mi 'chad par rnyed par 'gyur ro/ /lnga pa la rnam pa sna tshogs pa'i gzugs lo sogs pa'i yon tan gyis brgyan pa'i bud med gyi grogs rnyed par 'gyur ro/ /zla ba drug pa la lha dang klu dang/ gnod sbyin dang/ dri za dang/ mi'am ci la sogs pa'i bud med yid du 'ong ba dang phreng bar 'gyur ro/ /bcom ldan 'das ma bsgoms na phel cher bud med rnams kyis 'tshe bar 'gyur ro/ /de la bdud gyi las 'di rnams spangs ste bcom ldan 'das ma sgom par byed pa la rmi lam mam dngos su ston par 'gyur ro/ /ral gri dang/ mig sman dang/ rkang pa'i phyug pa dang mi snang ba dang bcud len dang/ mkha' la spyod pa dang/ sa la spyod pa dang/ sa 'og gi dngos grub la sogs pa'i dngos grub rnams bsgrub par bya'o/ /gal te so sor bkas ston par mi 'gyur na de'i tshe sbar gsungs pa'i phyag rgya bcings nas mchod pa dang gtor ma dbul ba sngon du 'gro bas zla ba drug gi mthar zla ba yongs su gang ba'i mtshan mo ril bo bzlas par bya'o/ /de nas phyag rgya 'das te? 'grub par 'gyur ro/ /phyag rgya des tshangs pa dang/ dbang po dang/ nye ba'i dbang po dang/ drag po dang/ srid med kyi bu la sogs pa yang dag par bkug ste/ yang dag par 'ongs nas mngon par 'dod pa rnams rdzogs par sgrub par byed par 'gyur ro/ /de ? brgyud? ste bskye ba dang/ 'chi ba dang/ bral zhing grub pa'i 'jig rten gyi khams su song nas de bzhin gshegs pa rnams blta zhing sa dang gzungs la sogs pa rnams thob par 'gyur ro/ /sgrol ma'i rtog pa las byung ba'i tshig lhug pa'i sku ru ku l+la'i sgrub thabs slob dpon 'phags pa klu sgrub kyis mdzad pa rdzogs so/ / //rang nyid ku ru ku l+ler bsgom sgrol ma las byung mtsho skyes las bsgrub bya nang du gzhug byas nas/ /'dod pas myos pa bsgom par bya/ sku ye shes sems dpa' i chu skyes la/

CLOSE WINDOW