བོད་ཡིག

e-texts based on the ACIP/ALL Input

/ //paN+Di ta dpal ldan pad+ma 'phel gyi zhabs kyis mdzad pa'o// //rgya gar skad du/ ka na ka par+N+Na pradz+nyA pA ra mi tA sA d+ha naM/ bod skad du/ shes rab kyi pha rol tu phyin ma gser mdog can gyi sgrub thabs/ 'phags ma shes rab kyi pha rol tu phyin ma la phyag 'tshal lo/ /rang gi snying gar aM yig las byung ba'i dkyil 'khor la d+hI'od zer gyis bla ma dang sangs rgyas dang byang chub sems dpa' rnams bskul zhing gdan drangs nas mdun du stan sna tshogs pa la bzhugs par bltas nas/ yid kyis phyag dang/ mchod pa/ sdig pa bshags pa dang/ bsod nams la rjes su yi rang ba dang/ gsum la skyabs su 'gro ba dang/ byang chub tu sems skyed pa dang/ bsod nams la yongs su bsngo ba dang/ bzod par gsol ba rnams byas te/ de nas byams pa dang/ snying rje dang/ dga' ba dang/ btang snyoms rnams bsgoms te/ de nas aoM shU n+ya ta dz+nyA na badzra swa b+hA ba at+ma ko haM zhes brjod nas stong pa nyid bsgom par bya'o/ /de nas de bzhin du skad cig gis bsams nas zla ba la gnas pa'i d+hIlas shes rab kyi pha rol tu phyin ma ral pa'i cod pan can/ zhal gcig ma phyag bzhi ma/ phyag gnyis chos 'chad kyi phyag rgya mdzad pa/ rin po che sna tshogs pas brgyan pa/ gser mdog 'bar ba/ phyag g.yon pas shes rab kyi pha rol tu phyin pa dang ldan pa'i aut pa la sngon po snams pa/ na bza' sna tshogs pa'i stod g.yogs can/ phyag g.yas pa na mi 'jigs pa sbyin pa/ pad+ma dmar po dang zla ba la skyil mo krung gis bzhugs pa'i bcom ldan 'das ma rnam par bsgoms te/ de nas brtan ba'i nga rgyal bya'o/ /gang bcom ldan 'das ma shes rab kyi pha rol tu phyin ma'i nga rgyal dang bcas pa'i nga rgyal can gang yin pa de bcom ldan 'das ma shes rab kyi pha rol tu phyin ma'o/ de nas sngags par bya ste/ mgrin par aoM d+hIyid kyis pad+ma'i 'dab ma dang ze 'bru ser po rnams la shar gyi 'dab ma la na mo/ /me'i 'dab ma la b+ha ba tyai/ lho'i 'dab ma la pradz+nyA pa ra mi ta yai/ bden bral du a yi ta gu NA yai/ chu bdag gi 'dab ma la b+hak+ti bar tsha lA yai/ rlung gi 'dab ma la sarba ta thA ga tA dz+nyA na pa ri pU ri tA yai/ lus ngan gyi 'dab ma la swatwa bata tsha lA ye/ dbang ldan gyi 'dab ma la tadya thA aoM d+hAM?lus ngan du ye/ dbang ldan du swAhA/ de bzhin du sngags kyi yi ge rnams bkod nas bzlas so/ /yi ge 'di rnams de bzhin du bsams par bya'o/ /thun mtshams gsum du stong phrag brgyad ji srid zla ba drug gi bar ram/ yang na los de thos pa 'dzin par 'gyur ro/ /gser mdog can gyi shes rab kyi pha rol tu phyin ma'i sgrub thabs rdzogs so// //rgya gar skad du/ pradz+nyA pA ra mi hA sA d+ha naM/ bod skad du/ shes rab kyi pha rol tu phyin ma'i sgrub thabs shes rab kyi pha rol tu phyin ma la phyag 'tshal lo/

CLOSE WINDOW