བོད་ཡིག

e-texts based on the ACIP/ALL Input

/ //rgya gar skad du/ kalpo ka ta bi d+hi nA si ta mA rI tsyai sA d+ha naM/ bod skad du/ rtog pa las gsungs ba'i cho ga 'od zer can dkar mo'i sgrub thabs/ 'phags ma 'od zer can la phyag 'tshal lo/ /dang por re zhig rang gi snying gar zla ba la maM yig dkar po'i 'od zer gyis bcom ldan 'das ma gdan drangs te nye bar spyad pa sna tshogs pas mchod nas sdig pa bshags pa la sogs pa byas nas tshad med pa'i gnas bzhi bsgoms te/ aoM shU n+ya tA dz+nyA na badzra swa b+hA ba At+ma ko haM zhes brjod nas/ paM yig las skyes pa'i sna tshogs pad+ma'i steng du zla ba'i dkyil 'khor la slar yang maM yig dkar po yongs su gyur pa las 'od zer can kun dang zla ba'i 'od lta bu zhal lnga pa/ phyag bcu pa/ zhabs bzhi pa'i bdag nyid du skad cig tu bsam par bya'o/ /de la zhal gyi gtso bo sku'i mdog lta bu/ zhal g.yas pa nag ba/ zhal g.yon pa phag zhal dmar po/ rgyab zhal ljang gu dbu'i steng du zhal ser po rin po che sna tshogs bas brgyan pa'i zur phung gsum pa ral pa'i cod pan can/ phyag g.yas pa lnga rnams na nyi ma'i dkyil 'khor dang/ rdo rje sngon po dang/ mda' dang/ lcags kyu dang/ khab rnams phyag na bsnams pa'o/ /phyag g.yon pa lnga rnams na/ /zla ba'i dkyil 'khor dang/ gzhu dang/ mya ngan med pa'i shing gi yal ga dang/ zhags pa dang bcas pa'i sdigs mdzub dang/ skud pa phyag na bsnams pa'o/ rin po che sna tshogs pas brgyan pa'i rna rgyan dang/ dpung rgyan dang/ gtsug phud dang/ dril bu g.yer ga'i dra ba'i ska rags dang/ gos kyis sku la brgyan pa/ lang tsho gzhon zhing sha 'gag gis stod g.yogs dkar po dang/ mchod rten gyi nang na bzhugs shing phag bdun gyi shing rta la bzhugs pa/ khyab 'jug dang/ dbang po dang/ bde byed dang/ tshangs pa rnams zhabs bzhis mnan pa/ de'i yang shing rta'i dbus su gnas pa'i chu srin mnan pa'i bcom ldan 'das ma de yang sku mdog nag po phag gi zhal can ma/ rdo rje dang/ sdigs mdzub dag gis g.yas dang/ g.yon pa'i phyag dag na'o/ /g.yas phyogs na bcom ldan 'das ma gzhan te/ de yang phag zhal dmar po phyag bzhi pa lcags kyu dang/ khab dag phyag g.yas pa gnyis na'o/ /zhags pa dang bcas pa'i sdigs mdzub dang/ skud pa dag phyag g.yon pa gnyis na'o/ /mdzes pa'i rgyan gyis brgyan pa'o/ /zhes so/ /g.yon phyogs na rje btsun ma gzhan te/ de yang sku mdog dmar mo phag pa'i zhal can no/ /rna ba'i rtsar bkang ba'i gzhu dang/ mda' dang/ rdo rje dang/ mya ngan med pa'i shing gi yal ga rnams g.yas dang g.yon gyi phyag rnams na bsnams pa'o/ /sna tshogs pa'i na bzas brgyan pa'o zhes te/ shing rta 'dren pa'i phag gi 'og na nyi ma la sogs pa'i gza' dgu dang nye bar 'tsho ba'i nad kyi tshogs lhung nas mi gzugs kyis zhi zhing de lta bu'i bcom ldan 'das ma bsams nas/ snying gar zla ba la mAM yig las byung ba'i 'od zer rnams kyis de bzhin gshegs pa gdan drangs te/ dbang bskur blang zhing rnam par snang mdzad kyis dbu brgyan pa'o/ /de nas snying ga'i sa bon las phreng ba'i rnam pa lta bu'i sngags kyi yi ge rnams kha nas 'thon nas lte ba/ lte ba nas kha/ kha nas slar yang lte ba la sogs par 'khor lo ? ba'i rim pa bzhin du sngags bzlas par bya'o/ /mdza' gsum gyi de bzhin nyid kyang yid kyis bya'o/ /de la sngags ni 'di yin te/ aoM mA rI tsyai maM hUM phaT swAhA/ /rang gi sa bon gyis byin gyis brlabs la zla ba la sogs pa thams cad la rjes su gnang bar bya'o/ /skyo na yi ge brgya ba'i sngags brjod la ci bder gnas par bya'o/ /zhes so/ /rtog pa las gsungs pa'i cho ga 'od zer can dkar mo'i sgrub thabs rdzogs so/ / //rgya gar skad du/ badzra d+hwA twI shA rI mA rI tsyai sA d+ha naM/ bod skad du/ rdo rje dbyings kyi dbang phyug ma 'od zer can gyi sgrub thabs/ 'phags ma 'od zer can la phyag 'tshal lo/ /aoM Aspyi bo dang/

CLOSE WINDOW