བོད་ཡིག

e-texts based on the ACIP/ALL Input

/sangs rgyas dang mtshungs the tshom med/ /ral pa gcig ma'i sgrub thabs rdzogs so// //rgya gar skad du/ Arya e ka dzA Ti sA d+ha naM/ bod skad du/ 'phags ma ral gcig ma'i sgrub thabs/ 'phags ma ral gcig ma la phyag 'tshal lo/ /dang por re zhig sngags pas yid dang mthun pa'i bsam gtan gyi khang par stan bde ba la nye bar 'dug ste/ bla ma dang sangs rgyas dang byang chub sems dpa' rnams la phyi dang nang gi mchod pa rnams kyis yang dag par mchod nas gsum la skyabs su 'gro ba dang/ sdig pa bshags pa la sogs pa byas nas shin tu brtan pa'i byang chub sems bskyed de/ aoM zhes yi ge brjod nas chos thams cad stong pa nyid mngon du byas te/ slar yang a yig brjod pa de yongs su gyur pa las sna tshogs pad+ma bsgom par bya'o/ /de'i dbus su TaM yig las skyes pa'i pad+ma'i snod du chu shel gyi 'od dang mtshungs pa/ de'i dbus su 'od zer 'phro bas 'jig rten gyi khams mdza' yas pa snang bar mdzad pa ainda ni la'i 'od dang ldan pa'i hUM yig rnam par bsam par bya'o/ /de yongs su gyur pa las/ /rin chen ain+d+ra nI la yi/ /'od ldan 'gro ba gsum po khyab/ phyag bzhi 'jigs pa chen mo ste/ /dmar zhing 'jigs pa'i spyan gsum ma/ /stag gi pags pa'i na bza' mnabs/ /pad+ma snod kyis rab brgyan ma/ /rus pa'i do shal gyis brgyan cing/ /gtum mo yi ni gzugs can ma/ /lo brgyad gnyis kyi rnam pa can/ /dkar 'dzin mtho zhing mkhregs pa ste/ /kun nas kham pa'i ral ba can/ /sbrul nag rgyan gyis rnam par brgyan/ /zhal ni cung zad mche ba gtsigs/ /ljags sgril 'jigs par byed ma ste/ /lto ni 'phyang zhing byams chen ma/ /snying rjes kun tu yid khyab ma/ /do shal rkang gdub dbu brgyan dang/ /g.yer ga ske rags la sogs pas/ /brgyan cing gtum mo hUM mdzad ma/ /bdud kyi dpung chen las rgyal ma/ /phyag g.yon chu skyes snod bsnams ma/ /g.yas kyi phyag na sor bzhin pa'i/ /bdud rnams skrag par mdzad pa yi/ /rdo rje dang bcas gri gug bsnams/ /slar yang g.yon pa'i phyag na ni/ /sdong bu dang bcas aud+pa la bsnams/ /phyag g.yas na ni ral gri blta/ /de ni yongs su gyur pa las/ /skar ma'i phreng ba'i 'od 'phro ba'i/ /bgrang phreng rnam par bsgom par bya/ /thod pa khrag gis gang pa'i dbus/ /g.yas brkyang gis ni yang dag gnas/ /bskal pa'i me dang mtshungs pa yi/ /'od zer 'bar bas 'khor ba'i sku/ /lha mo ral pa gcig pa bsam/ /'gro ba'i sngags bzlas de nas ni/ /bsam med sngags kyi nus pa mi/ phyed bcas yi ge bzhi pa yis/ /'gro ba g.yo zhing dbang byed dang/ /'bebs shing skrag mdzad sangs rgyas gsung/ /bsgrub bya'i spyi bor rkang pa dag /g.yas brkyang zhabs kyis kun nas mnan/ / de bzhin pad+ma'i snod la bsgom/ /rnal 'byor sngags ni spro zhing zla/ /sngags gsungs pa las dngos grub ni/ yang dag lha mo rab tu rtogs/ /dang po ma yi shing rta zhon/ /sa mdza' a'i yi dbyangs kyis brgyan/ /phyi nas zla phyed thig le yis// dbu yi steng du yang dag rgyan/ /gnyis pa yang ni de bzhin ta/ /'on kyang Na mdza' i gzugs kyis dbye/ /sa mdza' de bzhin gsum pa yang/ /drug pa'i dbyangs dang yang dag ldan/ /sngon ma bzhin du dbul mdzes/ /bzhi pa phaT kyi mdza' can te/ /sngags pas sngags 'di bzlas par bya/ /h+rIM trIM hUM phaT 'di bzhin zhes/ /'phags mar kha gcig mi'i sgrub thabs rdzogs so// //rgya gar skad du/ e ka dzA Ti sA d+ha naM/ bod skad du/ ral pa gcig ma'i sgrub thabs/

CLOSE WINDOW