བོད་ཡིག

e-texts based on the ACIP/ALL Input

rdo rje sgrol ma'i sgrub thabs rdzogs so// //panDi ta chen po chos 'byung slob dpon zhabs kyis mdzad pa rdzogs so// //rgya gar skad du/ badzra tA ra sA d+ha naM/ bod skad du/ rdo rje sgrol ma'i sgrub thabs/ 'phags ma sgrol ma la phyag 'tshal lo/ /phun sum tshogs pa kun 'phel ba'i/ /sgrol ma la ni gus phyag 'tshal/ /man ngag ji bzhin bsdus nas ni/ /de yi sgrub thabs bri bar bya/ /dang por re zhig rnal 'byor pas me tog shin tu dri zhim pa la sogs pa yid du 'ong ba'i bsam gtan gyi khang pa la sogs par zhugs nas stan bde ba la rdo rje skyil krung bcings te/ rang gi snying gar tAM yig yongs su gyur pa las zla ba'i dkyil 'khor/ de'i steng du tAM yig ser po las rdo rje'o/ /de'i 'od zer gyis nam mkha' i phyogs su bcom ldan 'das ma'i 'khor lo blta zhing gdan drangs nas mngon du byas te/ rang gi snying ga'i sa bon las byung ba'i me tog la sogs pa'i lha mo rnams spros te/ me tog la sogs pa rnams kyis mchod par bya'o/ /de nas bcom ldan 'das ma'i 'khor lo de'i mdun du sdig pa bshags pa la sogs pa bya'o/ /sdig pa thams cad bdag gis so sor bshags so/ /sangs rgyas dang byang chub sems dpa' dang so so'i skye bo thams cad kyi dge ba thams cad la rjes su yi rang ngo/ /bdag gi dge ba thams cad ni bla na med pa yang dag par rdzogs pa'i sangs rgyas su yongs su bsngo bar bgyi'o/ /'dir bdag byang chub ma thob kyi bar du rkang gnyis rnams kyi mchog sangs rgyas la skyabs su mchi'o/ /yang dag pa'i chos rnams kyi mchog /theg pa chen po'i chos la skyabs su mchi'o/ /tshogs rnams kyi mchog byang chub sems dpa' phyir mi ldog? pa'i tshogs la skyabs su mchi'o/ /kye ma bdag bla na med pa yang dag par rdzogs pa'i byang chub tu mngon par rdzogs par sangs rgyas nas sems can gyi don dang phan pa dang bde ba'i phyir ji srid shin tu mi gnas pa'i mya ngan las 'das pa'i dbyings rdzogs pa'i byang chub la rab tu dgod cing drang ba'i phyir 'dir bdag bla na med pa yang dag par rdzogs pa'i byang chub kyi lam la brten par bgyid de/ 'di ltar rdo rje'i theg pa'o/ /de nas gsum la skyabs su 'gro ba'i tshigs bcad brjod par bya'o/ /de nas sems can thams cad la bde ba nye bar sdud par byed pa ni byams pa'o/ /sdug bsngal thams cad sel bar byed pa ni snying rje'o/ /mtho ris kyi bde ba rnam par sbyong bar nges par byed pa ni dga' ba'o/ /nyon mongs pa'i gnyen po phyogs kyi lam nye bar sdud pa'i btang snyoms rnams bsgom par bya'o/ /de nas chos thams cad la yid kyi dmigs te rnam par spyad par bya'o/ /bsam pa de bzhin du 'dir de dang de'i rnam pas 'khrul pa rnams so sor bsal te dper na rmi lam gyi sems las phyi ru yod pa lta bu'o/ /sems phyi rol tu bzung ba rang bzhin med pa 'dzin pa'i sems kyang rang bzhin med par 'gyur ro/ /de la sems dang lus kyi chos thams cad de rnams kyi gzung ba dang 'dzin pa stong pa nyid kyis don dam pa zhes bya'o/ /de bzhin du gcig gi mdza' yas nges pa dang 'khrul pa yang dag par skye ba 'khrul pa'i rtags chos thams cad kyi rnam par spong ba de rnams kyi rang bzhin de nyid 'ba' zhig pa gnyis su med pa dag cing mtshan nyid shel dag pa lta bu ston ka'i dri ma med pa'i nyin gung gi nam mkha' lta bu mdza' yas pa blta bar bya'o/ /'dir 'jig rten las 'das pa stong pa nyid kyi ye shes spros pa dang bral ba rnam par mi rtogs par gsungs so/ /de nas de'i sngags kyis byin gyis brlab par bya'o/ /aoM shU n+ya tA dz+nyA na badzra swa b+hA ba At+ma ko haM/ bsnyen pa ni bcom ldan 'das ma shes rab kyi pha rol tu phyin ma bsnyen pa'i mchog bsrung bar bya'o/ /de nas de'i mi 'jig par 'gyur ba'i rnam pa dang ldan ma bsrung zhing dag pa 'jig rten pa'i ye shes kyi rang bzhin bsgom par bya'o/ /de nas ra yig las ni nyi ma mdun du bsgom/ /nyi mar hUM yig las byung sna tshogs rdor/ /de yis de bzhin rdo rje rnams bsgom nas/ /ra ba dang ni gur yang bcing bar bya/ sna tshogs rdo rje'i 'od bskal pa'i me ltar bzod par dka' bas thams cad du 'phro zhing mkhregs par spras pa'o/ /'phreng du gru bzhi pa 'bar bzhin pa'i rdo rje'i ra ba'o/ /steng du rdo rje'i gur ro/ /'og tu rdo rje'i rang bzhin gyi sa gzhis ro ldan gyi 'og kun tu rnam par skras par blta bar bya'o/ /de nas nyi ma dang sna tshogs rdo rje dag las 'od zer byung nas phyogs phyogs su 'phro zhing mkhregs par gyur pas phyi ru sgo'i mtshams bcing bar bya'o zhes pa ni tshigs su bcad pa'i don no/ /de'i dbus su nam mkha' 'byung ba chen po'i rang bzhin chos 'byung zhes bshad pa rdo rje chen po 'dzin pa'i rang bzhin ston ka'i zla ba ltar dkar ba smad phra zhing steng yangs ba zur gsum pa nam mkha' i rang bzhin no/ /de'i dbus su sna tshogs chu skyes kyi ze 'bru la gnas pa'i sna tshogs rdo rje chen po'o/ /de'i stegs bu la 'byung ba chen po bzhi las grub pa'i dkyil 'khor gyi rnam pa bzhi po lha mo bzhi'i rang bzhin rnams ni steng du yongs su blta bar bya'o/ /de la dang por yaM yig las rlung gzhu'i rnam pa nag po du ba'i mdog lta bu rtse mo gnyis la g.yo ba'i ba dan gyis brgyan pa'o/ /de nas raM yig las me gru gsum dmar po zur rnams raM yig gis mtshan pa'o/ /de nas baM yig las chu dkar po zlum po buM pas mtshan pa'o/ /de nas laM yig las dbang chen gyi dkyil 'khor gru bzhi ser po zur rnams su rdo rje rtse gsum pas mtshan pa'o/ /de'i steng du b+huM yig las skyes pa'i 'khor lo la/ dang po naM de las ngo bo nyid kyi lha 'jig rten las 'das pa'i ye shes nyid kyis khyab cing gnas pa/ de nas sna tshogs rdo rje'o/ /stegs bu'i dbus su 'byung ba chen po bzhi yongs su gyur pa las skyes pa yongs su dag pa'i sangs rgyas kyi zhing bsdus pa'i gzugs thar pa'i grong khyer chen po rnam par snang mdzad kyi rang bzhin rin po che sna tshogs pa'i rang bzhin gyi gzhal yas khang gru bzhi sgo bzhi pa/ ka ba brgyad kyis nye bar mdzes pa/ stegs bu bzhis yongs su bskor ba/ rta babs bzhis brgyan pa/ dra ba dang/ dra ba phyed pa dang/ dar dpyangs dang/ me tog phreng ba dang/ bla re dang/ me long dang/ rnga yab kyis mdzes pa/ rdo rje'i srad bu las 'phros pa'i sangs rgyas kyi tshogs kyi 'od zer gyis sems can g.yo ba'i ba dan gyi rtse mo la dril bu'i sgra sna tshogs phyogs kun tu 'phro ba/ lha mo mchog 'dod pa lnga po nye par dbul bas mnyes par mdzad pa'o/ /'khor lo gnyis te/ ge sar dang bcas pa bsgom par bya ba gcig pa dang/ gzhan ni zur gsum pa dran par bya'o/ /de'i dbus su yon tan nyis 'gyur A yi yongs su gyur pa las zla ba'o/ /de'i steng du tAM yig yongs su gyur pa las rdo rje'o/ /de'i lte ba la tAM yig go /de nas yang yon tan nyis 'gyur Da Dha da d+ha ya la dang ldan pa'i kA li yongs su gyur pa las nyi ma'o/ /gnyis po sbyor ba ni bde ba chen po'i mchog tu dga' ba me long lta bu'i ye shes dang ldan pa ni zla ba'o/ /mnyam pa nyid dang ldan pa'i nyi ma dang/ sa bon gyi rtags las rang gi lha ni so sor rtog pa zhes brjod do/ /bya ba thams cad gcig tu grub cing rdzogs pa dang/ dag pa'i chos nyid do zhes pa ni rnam pa lngas mngon par byang chub pa'o/ /de'i sa bon gyi 'od zer gyis ye shes sems dpa' rnams bkug nas rang gi 'dod lha'i 'khor lo la de bzhin du gzhug cing/ yang rnal 'byor pas mtshan ma dang sa bon yongs su gyur pa las lha mo sgrol ma rnam par bsgom par bya ste/ phyag brgyad pa dang zhal bzhi ma/ /rgyan thams cad kyis kun nas brgyan/ / gser gyi mdog can gzhon nu ma'i/ /mtshan nyid dang ldan gzi brjid 'bar/ /sangs rgyas bzhi yi cod pan can/ /rdo rje nyi mas dbang bskur skyes/ /mchod gzhon zhing mdzes ldan ma/ /gser gyi rna cha g.yo ba can// sna tshogs pad+ma'i gdan la bzhugs/ /'od zer dmar pos rnam par brgyan/ /rdo rje zhags pa de bzhin dung/ /mda' stong pa ni g.yas kyi phyag/ rdo rje'i lcags kyu autpal dang/ /gzhu dang sdigs mdzub de bzhin g.yon/ /rdo rje sgrol bdag rnal 'byor pas/ /sems can kun don pha rol phyin/ /rdo rje skyil krung sbyor ba yis/ /sa gsum po ni bsgrub par bya/ /shar du me tog sgrol ma ste/ /sgrol mdog dkar mo yid 'ong ma/ /aoM yig ye shes rdzogs pa yi/ /me tog phreng ba phyag na bsnams/ /zhal gcig pa dang phyag gnyis ma/ /rgyan rnams kun gyis rnam par brgyan/ /lho ru bdug spos sgrol ma ni/ /sku mdog nag mo gzugs mdzes ma/ /rgyan rnams kun gyis rnam par brgyan/ /phyag na spos kyi sdong bu bsnams/ /nub tu mar me'i sgrol ma ni/ /mar me'i sdong po phyag na bsnams/ /sku mdog ser mo rgyan chen ma/ /gser gyi rna cha g.yo ba can/ /byang du dri yi sgrol ma ni/ /dri yi dung chos phyag na bsnams/ /lha mo sku mdog dmar mo brjid/ /dkyil 'khor pa kun bsgom par bya/ /lcags kyu la sogs dbye ba yis/ /de nas sgo skyong ma rnams bsgom/ /phyag g.yas na ni lcags kyu dang/ /g.yon pa gdug la sdigs mdzub mdzad/ nyi ma'i dkyil 'khor dbus gnas pa'i/ /sku mdog dkar mo yid 'ong ma/ /lcags kyu ma'o/ /phyag g.yas na ni zhags pa dang/ /g.yon pa gdug la sdigs mdzub mdzad/ /dkyil 'khor dmar po'i dbus gnas pa'i/ /sku mdog dkar mo yid 'ong ma/ /zhags pa ma'o/ /phyag g.yas na ni lcags sgrog bsnams/ /g.yon gyi phyag ni sdigs mdzub mdzad/ /rdo rje skyil krung dbu gnas ba'i/ sku mdog dmar mo bsgom par bya/ /rdo rje lcags sgrogs ma'o/ /rdo rje dril bu phyag na bsnams/ /g.yon pa gdug la sdigs mdzub mdzad/ /'od zer dkyil 'khor dbus gnas pa'i/ /mar gang dang mtshungs autpal bsnams/ /rdo rje dril bu ma'o/ /zur cha rnams kyi mtshan ma ni/ /rnam pa bzhi ni bsgom par bya/ /byang sems bum pa ri rab dang/ /me thab dang ni rgyal mtshan che/ /steng du gtsug tor rnam rgyal ma/ /sku mdog dkar mo gzugs mdzes ma/ /phyag g.yas na ni 'khor lo dang/ /g.yon pa gdug la sdigs mdzub mdzad/ /phyag g.yas sbrul gyi zhags pa dang/ /g.yon pa gdug la sdigs mdzub mdzad/ /sku mdog nag po 'jigs chen mo/ /'og tu gnod mdzes ma bsgom bya/ /de ltar bsgom zhing sngags spros nas bzlas pa bya'o/ /aoM tA re tut+tA re tu re swAhA/ /yi ge bcu'i lha mo bcu/ /pha rol phyin pa bcu la brten/ /bsgom pa rab tu sbyor yis/ /las kun rab tu grub par byed/ /gti mug rdo rje mig la dgod/ /zhe sdang rdo rje rna ba dag /ser sna rdo rje de bzhin sna/ /zhal la 'dod chags rdo rje ma/ /lus la phrag dog rdo rje ma/ /nyon mongs mun pa kun 'joms pa'i/ /skye mched rnams su shes par bya/ /snying gar bdag med rnal 'byor ma/ /zhes pa ni mig la sogs pa byin gyis brlab pa'o/ /zhal gcig la dang phyag gnyis ma/ /sna tshogs gzugs rnams g.yo ba yis/ /gri gug thod pa phyag na bsnams/ /srog ni steng du yang dag gnas/ /de nas lus ngag yid gsum byin gyis brlab pa ni/ /aoM yig sku yi rdo rje yis/ /rgyal po chen po rnam par brgyan/ /hUM yig thugs kyi rdo rje yis/ /rgyal chen rdor sems go 'phang gnas/ /Anyid dag/ /ji ltar rnam snang mdzad par 'dod/ /kun la de bzhin yum gyur pa'i/ /ye shes rang bzhin thugs kar dgong/ /sems dpa' ye shes sbyor ba yis/ /sangs rgyas byang chub thob par 'gyur/ rang sngags yi ge las byung ba'i/ /phyag rgya'i 'khor lo brtag pa yis/ /dkyil 'khor ba kun 'byung ba yis/ /spro dang bsdu ba byas nas ni/ /nam mkha' i khams kyi dbus gnas pa'i/ /ye shes dkyil 'khor bsgom par bya// ye shes lnga yi yon tan grags/ /sna tshogs gzugs dang ldan pa yi/ /mchod pa kun gyis mchod pa dang/ /mngon par bstod pas mchod par bya/ /sgo skyong ma rnams rab sbyor bas/ /ye shes chu bor rab tu bsgrubs/ /dam tshig 'khor lor yang dag zhugs/ /ye shes 'khor lo shin tu 'bar/ /sangs rgyas kun mtshungs rnal 'byor pas/ /gnyis med gyur par skad cig la/ /aoM badzrA? ku shi a karSha ya dzaband+ha ya baM/ aoM badzra be shi ba shI ku ru homgon byed pas/ /aoM a b+hi Shiny+tsa na tu maM sarba ta thA ga tAba ni rdo rje che/ /khams gsum pa yis phyag byas pa/ /sangs rgyas kun gyi gsang ba gsum/ /gnas gyur bdag la stsal du gsol/ /zhes brjod nas sangs rgyas he ru ka'i gzugs kyis bdud rtsi lngas gang ba'i de bzhin gshegs pa lnga'i bdag nyid kyi bum pa lngas dbang bskur te/ dbang bskur pa'i dus su me tog gi char 'bab par 'gyur ro/ /rnga bo che'i sgra 'byung bar 'gyur ro/ /gur kum gyi char 'bab par 'gyur ro/ /gzugs rdo rje ma la sogs pa rnams kyis m? ba byed par 'gyur ro/ /spyan ma la sogs pa rnams kyis rdo rje'i glu dang bstod pa byed par 'gyur ro/ /dbang bskur ba dang ldan pa'i spyi bor rdo rje nyi mas dbu brgyan te/ cod pan gyi phyogs rnams su de bzhin gshegs pa rnam par snang mdzad dang/ mi bskyed pa dang/ 'od dpag med pa dang/ don yod grub pa rnams so/ /dbus kyi 'khor lo'i rim pa ji lta ba bzhin du lha mo bzhi po rnams kyi cod pan can no/ /sgo skyong ma rnams kyi yang ste/ gtsug tor du rin chen dbang po dang/ gnod mdzes ma la mi bskyod pa'i cod pan can no/ /zhe sdang rdo rje khyod la 'dud/ /gti mug rdo rje phyag 'tshal 'dud/ /ser sna rdo rje bdag skrag pas/ /'dod chags rdo rje bdag la stsol/ /nga rgyal chen po phrag dog che/ /rdo rje thams cad bdag la stsol rdo rje thams cad dam tshig mgon/ /las rnams thams cad rab tu sgrub/ /bstod pa'o/ /lha yi me tog dam pa 'di/ /gtsang zhing dam pa'i skye gnas te/ /bdag gis gus pas nges par 'bul/ /so sor bzhes nas bdag la skyobs/ /me tog go / nags kyi re sogs yid 'ong ba/ /dri la sogs pa'i bdug spos mchog /bdag gis gus pas nges par dbul/ /so sor bzhes nas bdag la skyobs/ /bdug spos so/ /bsrung ba'i tshogs dang ngag pa dang/ /yid kyi mun 'joms dge ba 'di/ /bdag gis gus pas nges par 'bul/ /so sor bzhes nas bdag la skyobs/ /mar me'o/ /lha yi dri mchog dam pa 'di/ /gtsang zhing dag pa'i skye gnas te/ /bdag gis gus pas nges par 'bul/ /so sor bzhes nas bdag la skyobs/ /dri'o/ /de'i rjes su yaM yig yongs su gyur pa la rlung gi dkyil 'khor gzhu'i rnam pa rgyal mtshan gyis mtshan pa'o/ /raM yig dmar po'i sa bon las byung ba'i me'i dkyil 'khor zur gsum g yi steng du Alnga'i rang bzhin bdud rtsi lnga go gu da ha na zhes pa'i sa bon lnga bsams nas/ de'i steng du mtho gang tsam 'phags pa'i zla ba la gnas pa'i hUM yig las byung ba'i rdo rje chen po rtse lnga pa bsgoms nas/ de'i 'og tu aoM yig bsams nas rlung gis bskyod pa'i me'i dkyil 'khor/ me'i steng du rdo rje'i me/ de'i thams cad sdud par bltas nas de'i reg byas aoM yig dang rdo rje zhu nas de la de bzhin du bdud rtsi dang mar zhu ba bzhin du ro gcig tu gyur par par bsams nas/ de'i steng du tAM yig dkar po'i 'od zer gyis khams gsum gyi nang du zhugs nas bdud rtsi thams cad bkug ste/ de'i nang du byas pas chos kyi dbyings dang mtshungs pa/ des de bzhin gshegs pa thams cad kyi thugs la zhugs shing ye shes kyi bdud rtsi bkug nas de bzhin du lhan cig tu byas te/ de'i steng du de nyid gsum bsams nas de bzhin du mngon par bsngags te/ dkyil 'khor thams cad kyi thugs kar dkyil 'khor gyi 'khor lo bsams nas ljags rnams la hUM yig dkar po las skyes pa'i rdo rje dkar po nas 'bru'i tshad tsam bsams nas de'i bdud rtsis dkyil 'khor ba'i bdag nyid kyang mnyes par bya'o/ /'dis dkyil 'khor rdzogs nas thun mtshams gsum du bsgoms nas ldang bar bya'o/ /rtag tu lha'i gzugs kyis gnas par bya'o/ /de la bzlas pa'i sngags ni 'di'o/ /aoM tA re tut+tA re tu re tu re swAhA/ /sngags mchog 'di ni gtso bo ste/ /sangs rgyas kun gyis phyag byas pa/ /glags pas dngos grub myur du byed/ /rdo rje gur las gsal por gsungs/ /de nas gzhan gsungs kyi sngags ni/ /na mo ratna tra yA ya/ na mapa ma kri te dza b+ha ya/ staM b+ha ya/ mo ha ya/ band+ha ya hUM hUM hUM phaT phaT phaT sarba duSh+TaM staM b+ha ni tA re swAhA/ yi ge bcu'i cho ga'i sngags 'di gos kyi sna la lan bdun du mngon par bsngags nas mdud pa byas nas 'jigs pa dang bcas pa'i sa gang du 'gro yang 'jigs par mi 'gyur ro/ /stag dang/ chom po dang/ chu srin dang/ seng ge dang/ sprul dang/ ma he dang/ dom dang/ dreng la sogs pa ming dran pa tsam gyis zhi zhing 'jigs par mi 'gyur ro/ /sngags 'dis autpa la'i sbyin sreg brgya rtsa brgyad byas te/ aoM tA re tut+tA re tu re a mu kaM me ba sa mA na ya swAhA/ yang sngags des de bzhin du bya rog gi sgro la lan sum cu rtsa gnyis yongs su bzlas te dgra'i khyim du sbas na zhag bdun na skrod par 'gyur ro/ /aoM tA re tut+tA re tu re ? ? thI b+h+raM ga mi ni de ba dat+taM auts+tsha Ta ya hUM phaT/ de nas gzhan la yang sbyor bar 'gyur te/ aoM tA re tut+tA re tu re a mu kA b+hi d+ha nAM ku mA rI mahA mudba he na ta syAde bzhin du/ /mya ngan med shing me tog bcas/ /sbyin sreg stong phrag lnga bcas te/ /mar sbrang bu raM sbyin sreg ni/ /bu mo sgrub la mchog tu bsngags te/ /de nas zhag bdun sbyor ba yis/ /rang 'dod bu mo thob par 'gyur/ /de nas gzhan la yang rab tu sbyor bar 'gyur te/ aoM tA re tut+tA re tu re a mu kA b+hi d+ha naM swas+tha nA dA karSha ya ma mAn+te ke dzargyal po'i bu mo yang 'gugs par bya'o/ /de nas gzhan la yang rab tu sbyor bar 'gyur te/ rang byung gi me tog gis bskus pa'i ras la bcom ldan 'das ma zhal gcig phyag gnyis ma lcags kyu dang aud+pa la'i zhags pa phyag na bsnams pa bris la de'i mdun du mchod pa byas nas/ me tog dam pa 'di zhes pa la sogs pas mchod par bya'o/ /phyis bsgom pa dang ldan pas bsngags bzlas par bya'o/ /aoM tA re tut+tA re tu re a mu kaM ma me ba si taM swasnaM mar+Ne ka tha ya hUM phaT/ stong phrag lngas 'ong bar 'gyur te/ zhags pas mgul pa bcings shing lcags kyus snying gar phug la bkug nas bsgrub bya rkang pa'i 'og tu bsams la bran mo'i tshul gyis spyad par bya'o/ /de gzhan la yang rab tu sbyor bar 'gyur te/ sgrol ma'i gzungs lan bdun du mngon par bsngags nas bdag gi mig gnyis la byugs nas rgyal rigs kyi nang du zhugs nas rgyal po dang bcas pa slob mar 'gyur zhing gus par byed// 'gal ba smra bar mi 'gyur ro/ /dad pas 'bul bar 'gyur ro/ /dga' ba'i gtam byed par 'gyur ro/ /de'i g.yog byed par 'gyur ro/ /khro ba yang dbang du 'gyur ro/ /mthong ba'i rkyen gyis ngo mtshar du 'gyur ro/ /de nas gzhan la yang rab tu sbyor bar 'gyur te/ sgrol ma'i gzungs lan brgya bzlas nas sbrul mgo gnyis pa'i mgo thal bar byas te ba dmar mo'i mar la a na'i bal la sdong bu byas te rab tu sbar nas mig sman byas te/ de'i mig sman dang rdo rje nyi ma dang/ rdo rje chos dag la mnyes shing rta mchog gis bdug par bya'o/ /thal ba dang lhan cig mig sman byas nas gang la rdo rje'i mig gis bltas pa de'i gal te pad+ma gar dbang 'dzag par ma gyur na/ de'i tshe sgrol ma bdag gis sangs rgyas bcom ldan 'das bslus par 'gyur ro/ /de nas gzhan la rab tu sbyor bar 'gyur te/ byis pa so ma skyes pa'i kha chu blangs nas sgrol ma'i gzungs lan bdun du mngon par bsngags te/ b+h+rid ga rA dza'i rtsa ba dang gi waM dang lhan cig tu byas te dpral bar thig le byas nas gang dang gang la ltas pa po dang de dbang du 'gyur ro/ /de nas gzhan la yang rab tu sbyor bar 'gyur te/ lto ba'i srin po la sgrol ma'i gzungs lam bdun du mngon par bsngags nas rdo rje chos dang bcas te so rtsi gzhon nu ma la byin na longs spyad pa tsam gyis sbyor ba'i mchog tu 'gyur ro/ /'di mi spong zhing gzhan la dga' bar mi 'gyur ro/ /gzhan du ni 'gro la skyes bu gzhan mi 'dod do/ rang gi bdag po yang spong bar byod do/ /de nas gzhan la yang rab tu sbyor bar 'gyur te/ zhag chen po bdag nyid kyi lus la byugs te/ sgrol ma'i gzungs khri phrag gcig bzlas shing bsgoms te/ bzlas pa'i mdza' la 'bras sA lu'i phye mas dril phyis byas pa'i dri ma bsdus te gang la byin pa de ji srid 'tshol bar du gtong par mi 'gyur ro/ /de nas gzhan la yang rab tu sbyor bar 'gyur te/ zla ba gzas zin pa'i dus su sgrol ma'i gzungs bzlas shing bsnyan pa byas nas de la yang dag par 'byung ba'i 'jig rten dbang phyug blangs te dung gi phye ma dang bsre bar bya'o/ /de nas sgeg mo la byin nas de ji srid 'tsho'i bar du rjes su 'jug par 'gyur ro/ /de la de bzhin du bdag por 'dod cing gzhan du mi 'gro'o/ /de nas gzhan la yang rab tu sbyor bar 'gyur te/ sgrol ma'i gzungs sngags kyis byed kyi 'bras bu la lan brgya rtsa brgyad yongs su bzlas te myos byed kyi 'bras bu dang rta mgrin lhan cig tu mnyes la byugs na de dbang du 'gyur/ /de nas gzhan la yang rab tu sbyor bar 'gyur ro/ /aoM tA re tut+tA re tu re a mu kasya band+ha nA muk+ti ku ru ma swAhA/ /zhes pa'i sngags 'dis arka'i lo ma la bsgrub bya'i ming bar du bcug ste bris nas sdig pa'i tshad du sbas nas de bcings pa las grol bar 'gyur ro/ /rdo rje sgrol ma'i sgrub pa'i thabs/ yang dag bris las nyer bsags pa'i/ /bsod nams gang des 'jig rten 'di/ /bde gshegs gnas su 'jug par shog /rdo rje sgrol ma'i sgrub thabs rdzogs so/ / //paN+Di ta chen po rin chen 'byung gnas zhi ba'i zhabs kyis mdzad pa'o/ /lha mchod ka ra bi ra'i me tog la/ /thun mtshams gsum du brgya rtsa brgyad bzlas nas/ /'dod pa'i mchog nyid bslang bya zla gcig gis/ /'phags ma sgrol mas nges par stsol bar mdzad/ /aoM dzaM b+he mo he swAhA// //rgya gar skad du/ dz+nyA ra sA d+hA naM/ bod skad du/ sgrol ma'i sgrub thabs/ 'phags ma sgrol ma la phyag 'tshal lo/ /yon tan chen mo nyes pa ma lus dang bral ba/ /rgyal ba'i yum chen sgrol ma la ni phyag 'tshal nas/ /de yi sgrub thabs gsal zhing tshigs bzang gus pa yis/ /'dir yang rang gi yid phyir de tshig yang dag bri/ /sngon med cung zad bri min te/ /'on kyang bla ma'i gsung las ni// gang thos de yang dran bya'i phyir/

CLOSE WINDOW