བོད་ཡིག

e-texts based on the ACIP/ALL Input

/ //rgya gar skad du/ badzra tA ra sA d+ha naM/ bod skad du/ rdo rje sgrol ma'i sgrub thabs/ 'phags ma sgrol ma la phyag 'tshal lo/ /sngags pas dang por re zhig rang gi snying gar a yig yongs su gyur pa las zla ba'i dkyil 'khor/ de la gnas pa'i tAM yig kha dog ser po'o/ /de yongs su gyur pa las rdo rje rtse mo dgu pa/ de'i lte ba la tAM yig bsgom par bya'o/ /de'i 'od zer gyis ye shes sems dpa' i rang bzhin gdan drang bar bya ste/ bcom ldan 'das ma 'chad par 'gyur ba'i phyag mtshan la sogs pas rgyan ba/ zhal bzhi phyag brgyad ma/ rdo rje skyil krung gi bzhugs pa/ lha mo bcu'i 'khor gyis bskor ba nam mkha' la bltas te/ rang gi snying ga'i sa bon las 'thon nas me tog la sogs pa'i nyer spyod lnga'i mchod pas yang dag bar mchod nas sdig pa bshags pa dang/ bsod nams la rjes su yi rang ba dang/ gsum la skyabs su 'gro ba dang/ byang chub tu sems bskyed pa dang/ byams pa dang snying rje dang dga' ba dang/ btang snyoms bsgom par bya'o/ /de nas chos thams cad kyi bdag nyid kyang dper na rmi lam lta bu rang bzhin med pa gdod ma nas ma skyes shing lhag par grol ba'i sngags brjod par bya ste/ aoM shU n+ya tA dz+nyA na badzra swa b+hA ba At+ma ko haM/ de nas byang chub kyi sems rjes su dran par bya ste/ nam mkha' la raM yig yongs su gyur ba las nyi ma'i dkyil 'khor/ de nas hUM yig yi ge yongs su gyur pa las rdo rje rtse gsum pa'o/ /de'i 'od zer las yang dag par byung pa ji srid du 'dod pa rgya che ba'i 'od zer gyi dra ba 'phro ba'i rdo rje'i ra ba'o/ /de'i 'od zer las byung ba'i rdo rje'i gur/ rdo rje'i sa gzhi dang/ phyi rol tu mtshams bcings yang bsgom par bya'o/ /de'i 'od zer gyis bgegs rnams bskrad nas gur gyi dbus su nam mkha' i rang bzhin chos 'byung e yig gi rnam pa smad phra ba steng yangs pa dkar po bsgom par bya'o/ /de'i dbus su nam mkha' i rang bzhin la sna tshogs chu skyes kyi ze 'bru la gnas pa rdo rje rtse gsum pa/ de'i khris khyab pa'i 'byung ba chen po bzhi'i dkyil 'khor rnams ni yaM yig yongs su gyur pa las rlung gi dkyil 'khor nag po zla ba phyed pa'i rnam pa rtse mo gnyis la g.yo ba'i ba dan gyis mtshan pa'o/ /de'i steng du raM yig las skyes pa'i me'i dkyil 'khor dmar po zur gsum pa zur rnams su raM yig gis mtshan pa'o/ /de'i steng du baM yig las skyes pa'i chu'i dkyil 'khor dkar po zlum po dril bus mtshan pa'o/ /de'i steng du laM yig las skyes pa'i dbang chen gyi dkyil 'khor ser po gru bzhi pa'i zur rnams su rdo rje rtse gsum pas mtshan pa'o/ /de'i rang bzhin rmi lam lta bur shes par byas nas khams gsum khyab pa'i stegs bu la 'byung pa chen po bzhi yongs su gyur pa las s kyes pa'i yongs su dag pa'i sangs rgyas kyi zhing mdor bsdus pa'i gzugs thar ba'i grong khyer chen po rnam par snang mdzad kyi rang bzhin sna tshogs rdo rje'i stegs bu'i dbus su rin po che sna tshogs pa'i rang bzhin gyi gzhal yas khang gru bzhi pa/ sgo bzhi pa/ ka ba brgyad kyis nye bar mdzes pa/ stegs bu bzhis yongs su bskor ba/ rta babs bzhis brgyan pa/ dra ba dang/ dra ba byed pa/ dril bu dang/ me long dang/ rnga yab dang/ ba dan sna tshogs pa dang/ dril bus rnam par brgyan pa/ de'i snying po'i dbus su pad+ma 'dab ma brgyad pa/ gser dang bcas pa'i ze 'bru'i steng du a yig yongs su gyur pa las zla ba'i dkyil 'khor ni me long lta bu'i ye shes kyi rang bzhin no/ /de'i steng tAM yig ser po nyi ma'i dkyil 'khor la bzhugs pa mnyam pa nyid kyi ye shes kyi rang bzhin no/ /de nas tAM yig yongs su gyur pa las rdo rje rtse dgu pa gser gyi mdog lta bu sa bon gyi snying po can no so sor rtog pa'i rang bzhin no/ /de nas byung ba'i 'od zer 'phro bas phyogs bcur bcom ldan 'das ma'i rnam pas sems can thams cad kyi don mdzad nas slar yang de la de bzhin du rdo rje'i rtags la sdur pa ni bya ba grub pa'i rang bzhin nyid do/ /de nas sa bon gyi rtags dang zla ba dang nyi ma yongs su gyur pa las bcom ldan 'das ma ni chos kyi dbyings rnam par dag pa'i rang bzhin rdo rje sgrol ma ste/ zhal bzhi pa/ rgyan thams cad kyis brgyan pa/ phyag brgyad pa gser gyi mdog lta bu/ gzhon nu ma'i mtshan nyid can/ gzi brjid dang ldan pa/ na tshong gzhon nu 'od dang ldan pa/ gser gyi rna cha g.yo ba can/ sangs rgyas bzhi'i cod pan chen po pad+ma rA ga'i 'od dang ldan pa/ phyag g.yas na rdo rje dang zhags pa dang/ mda' dang/ dung bsnams pa/ de bzhin du g.yon na autpa la ser po dang/ gzhu dang/ lcags kyu dang/ zhags pa dang bcas pa'i sdigs 'dzub po/ /zhal dang po gser gyi mdog lta bu g.yas dkar po/ g.yon dmar po/ rgyab sngon po/ rdo rje skyil krung gis bzhugs pa'o/ /sngags pas rang gi snying ga'i sa bon las yang dag par byung ba'i dkyil 'khor bdag po'i zhal nas phyung ste/ lha mo bcu po rnams kyi dbye ba tAM gyi sa bon las byung ba/ aoM tA re tut+tA re tu re swAhA/ /shar la sogs pa'i phyogs gyi 'dab ma rnams la zla ba'i dkyil 'khor la gnas pa'i aoM tA re tu re'i yi ge rnams so/ /shar la sogs pa'i phyogs kyi sgo rnams la nyi ma la gnas pa'i tA re tu re'i yi ge rnams so/ /steng du nyi ma'i dkyil 'khor la gnas pa'i swA yig go / 'og tu nye ba'i dkyil 'khor la gnas pa'i hA yig go /de'i sa bon gyi yi ge rnams yongs su gyur pa las mtshan ma sa bon gyi snying po can bsgoms na/ de'i 'od zer gyis spro ba dang bsdu ba byas nas de'i sa bon dang mtshan ma yongs su gyur pa las lha mo rnams te/ lha mo bcu ni sa bcu yi/ /rang bzhin nyid du shes par bya/ /rdo rje skyil krung rnal 'byor ma/ /zhal gcig pa la phyag gnyis ma/ /shar phyogs sgrol ma sku mdog dkar/ /zla ba la gnas rgyan gyis brgyan/ /phyag na me tog phreng ba bsnams/ /aoM yig las byung bsgom par bya/ /lho phyogs bdug spos sgrol ma ni/ /zla ba tA yig las byung gcig /phyag na spos kyi sdong bu bsnams/ /rgyan rnams kyis ni rnam par brgyan nub tu mar me'i sgrol ma ni/ /sku mdog ser mo legs par brgyan/ /mar me'i sdong bu phyag na bsnams/ /zla ba re yig las byung ma/ /byang? du de bzhin dri'i sgrol ma/ /zla ba tu yig las byung ma/ /phyag na dri'i dung chos bsnams/ /sku mdog dmar mo legs par brgyan/ /mi bskyod la sogs dbye ba yis/ /rdo rje 'khor lo de bzhin du/ /bad du de yi kha dog dbye/ /de nas sgo skyong ma rnams bsgom/ /nyi ma la gnas rgyan kun ldan/ /shar gyi sgo ru lcags kyu ma/ tA yig sa bon las byung dkar/ /phyag g.yas na ni lcags kyu bsnams/ /g.yon pa gdug la sdigs 'dzub mdzad/ /lho na zhags pas re mo ste/ /re yig sa bon las byung ma/ /zhags pa dang bcas sdigs mdzub phyag dkyil 'khor dmar po la brten ma/ /nub tu lcags sgrog dmar mo ste/ /tu yig sa bon las byung ma/ /rdo rje phreng ba sdigs mdzub phyag /rdo rje dkyil 'khor la gnas ma/ /byang du ljang gu dril bu ma/ /re yig sa bon las byung ma/ /phyag na rdo rje dril bu bsnams/ /g.yon pa sdigs mdzub 'od la gnas/ /mtshams kyi cha la mtshan ma rnams/ /mA ma kI sogs rnam dag pa'i/ /byang chub sems kyi bum pa dang/ /ri rab me thab rgyal mtshan che steng du gtsug tor rnam rgyal ma/ /nyi ma swA yig las byung ma/ /dkar mo rdo rje dkar mo bsnams/ /g.yon pa dgra la sdigs mdzub can/ /nyi ma hA yig las byung ba'i/ /sngon mo sbrul gyi zhags pa bsnams/ /phyag g.yon sdigs mdzub mi bzad pa/ /'og tu gnod mdzes ma bsgom bya/ /mig sogs thams cad byin brlabs nas/ /gti mug rdo rje spyan la dgod/ /zhe sdang rdo rje snyan ngag la/ /shangs la de bzhin ser sna ste/ /zhal la 'dod chags rdo rje ma/ /sku la phrag dog rdo rje ma/ /yid la rnal 'byor bdag med ma/ /zhes pas mig la sogs pa byin gyis brlab par byas nas sku gsung thugs byin gyis brlab pa ni aoM yig gis sku byin gyis brlab par bya'o/ /Agis gsung byin gyis brlab par bya'o/ /hUM yig gis thugs byin gyis brlab par bya'o/ /de nas lha mo thams cad kyi thugs kar zla ba'i dkyil 'khor la gnas pa'i rang rang gi sa bon blta bar bya'o/ /de'i 'od zer gyis ye shes sems dpa' i dkyil 'khor gdan drangs te/ me tog sgrol ma la sogs pa'i lha mo rnams spros nas mchod pa thams cad kyis mchod par bya'o/ /de nas ye shes sems dpa' i dkyil 'khor sgo skyong ma rnams kyis rab tu sbyor bas dam tshig sems dpa' i dkyil 'khor la rab tu gzhug par bya'o/ /aoM badzra aM ku sha A karSha ya dzasa bon las byung ba'i 'od zer gyis khams gsum na bzhugs pa'i sangs rgyas rnams gdan drangs nas yum rnams kyis yang dag par mchod nas rjes su mgon du byed pa ste/ a bi Shiny+tsa na tu mAM sarba ta thA ga tA bud+d+ha dz+nyA na na zhes so/ /de nas sangs rgyas he ru ka'i gzugs kyis bdud rtsi lnga las byung ba'i de bzhin gshegs pa lnga'i bdag nyid kyi bum pa lngas dbang bskur nas/ dbang bskur ba'i dus su me tog dang gur kum gyis char 'bab cing rnga bo che'i sgra la sogs pa 'byung ba dang/ lha rnams kyis mchod cing bstod par yang 'gyur ro/ /dbang bskur bas rin chen 'byung ldan gyis rab tu brgyan pa'o/ /snying po'i dbus su lha mo rnams kyis rim pa ji lta ba bzhin du de bzhin gshegs pa rnam par snang mdzad dang/ mi bskyod pa dang/ 'od dpag med dang/ don yod grub pa rnams sgo skyong ma rnams la dbu rgyan du 'gyur ro/ /gtsug tor la rin dbang po'o/ /gnod mdzes la mi bskyod pas dbu brgyan pa'o/ /de nas bcom ldan 'das ma'i sprul pa'i skus phyogs thams cad du sems can thams cad kyi don mdzad par blta zhing sngags bzlas par bya'o/ /aoM tA re tut+tA re tu re swAhA/ /sngags mchog 'di ni rab mchog ste/ /sangs rgyas kun gyi phyag byas pa/ /bklags pa yis ni dngos grub byed/ gsal por rdo rje gur las gsungs/ /de nas bzungs gzhan yang/ na mahUM hUM hUM phaT phaT phaT sarba duSh+TaM staM b+ha ni tA re swAhA/ rdo rje sgrol ma'i sgrub thabs rdzogs so// //panDi ta chen po chos 'byung slob dpon zhabs kyis mdzad pa rdzogs so// //rgya gar skad du/ badzra tA ra sA d+ha naM/ bod skad du/

CLOSE WINDOW