བོད་ཡིག

e-texts based on the ACIP/ALL Input

/ //rgya gar skad du/ badzra tA ra sA d+ha naM/ bod skad du/ rdo rje sgrol ma'i sgrub thabs/ 'phags ma sgrol ma la phyag 'tshal lo/ /sku mdog dkar mo yid 'ong ma/ /rdo rje sgrol ma la phyag 'tshal/ /sems can kun gyi don rgyu'i phyir/ /de yi sgrub thabs bshad par bya/ /'dir lhag par sgom pa'i rnal 'byor pas rang gi snying gar zla ba'i dkyil 'khor la tAM yig bsams la zhal bsang ba la sogs pa bya'o/ /shin tu bde? ba'i stan la nye bar 'dug ste/ rang gi snying ga'i sa bon las 'od zer 'phros te/ 'od zer des rje btsun sgrol ma gdan drangs te/ mdun gyi nam mkha' la bzhugs pa'i bla ma dang sangs rgyas dang byang chub sems dpa' rnams kyi yang mdun du sdig pa bshags pa la sogs pa byas te/ sdig pa bshags shing mi byed par sdom pa dang/ rjes su yi rang ba dang/ yongs su bsngo ba dang/ gsum la skyabs su 'gro ba dang/ byang chub tu sems bskyed pa dang/ lam la bsten pa dang/ tshad med pa'i gnas bzhi bsgoms nas/ aoM shU n+ya tA dz+nyA na badzra swa b+hA ba At+ma ko haM zhes pas stong pa nyid du bsgom par byas nas gzugs rdzogs par sgom bya ba yang bsgom par bya'o/ / de nas baM yig yongs su gyur pa las pad+ma dkar po 'dab ma brgyad pa/ de'i steng du a yig yongs su gyur pa las zla ba/ zla ba'i steng du tAM yig yongs su gyur pa las autpa la dkar po'o/ /aud+pa la'i dbus su zla ba/ zla ba'i dbus su t AM yig tAM yig las nam mkha' i mthil du khams gsum yang sgrol ma'i skur spros te sgrol ma'i skus sa gsum na gnas pa'i sems can rnams dang gnas rnams kyang slar yang tAM yig de la de bzhin du bsdu bar bya'o/ /autpa la dang zla ba dang tAM yig yongs su gyur pa las rje btsun ma sgrol ma'i skur bdag nyid blta bar bya ste/ sku mdog dkar mo chu skyes dkar po'i steng du zla ba'i gdan la rdo rje skyil krung gis bzhugs pa/ zla ba dkar po la brten ba lo bcu drug gi na tshod ma sna tshogs pa'i brgyan gyis brgyan pa/ phyag g.yas pa mchog sbyin/ g.yon pa aud+pa la bsnams pa/ bdud ma lus pa 'joms par mdzad pa nyid kyi sku'i ba spu'i khung nas sangs rgyas dang/ byang chub sems dpa' rnams 'phro bsgom par bya'o/ /'di lta bu'i bsgom pa brtan par mdzad nas sngags bzlas par bya'o/ /rang gi snying gar 'khor lo rtsibs brgyad pa dkar po rnam par bsams la/ rtsibs so so la yi ge brgyad rnam par bsams la/ dbus su swAhA yi ge byin nas bzlas par bya'o/ /yi dam dag gi sngags 'di'o/ /aoM tA re tut+tA re tu re swAhA/ 'di bsams pa tsam gyis bdud thams cad 'joms par 'gyur ro/ /shes rab shin tu dri ma med/ /snyan ngag dang ni smra bar ldan/ /rdo rje 'dzin pa rang nyid kyis/ /bskal pa'i mthar yang 'tsho thabs gsungs/ /rgyal po'i btsun mo nang 'khor bcas/ /de'i dbang du 'du bar 'gyur/ /dgra rnams kun gyis thams cad du/ /ba spu'i bdag nyid kyang mi gcod/ / rdo rje sgrol ma gzi chen 'phags/ /dngos grub thams cad rab ster ma/ /mkhas shing bdag nyid chen mo la/ /gser ram yang na dngul la sogs/ /yon ni dbul bar byas nas ni/ /mchog tu gus pas mnyan par bya/ /mchog gnyis ma lus thob pa ni/ /bla ma la gus bdag nyid mchog/ de thos gyur las 'di nyid du/ /rgyal ba'i thugs ni rtag tu gsungs/ /gal te gzhan du dngos grub min/ /rgyal ba nyid kyis mngon sum mdzad/ /rdo rje sgrol ma'i sgrub thabs/ slob dpon 'phags pa klu grub zhabs kyis mdzad pa rdzogs so/ / //rgya gar skad du/ badzra tA ra sA d+ha naM/ bod skad du/ rdo rje sgrol ma'i sgrub thabs/ 'phags ma sgrol ma la phyag 'tshal lo/ /sngags pas dang por re zhig rang gi snying gar a yig yongs su gyur pa las zla ba'i dkyil 'khor/

CLOSE WINDOW