བོད་ཡིག

e-texts based on the ACIP/ALL Input

rang gi dbang du bya'i gnas su gzhag par bya'o/ /zhes so/ /dbang du byed pa'i sgrol ma'i sgrub thabs slob dpon rdo rje myu gus mdzad pa rdzogs so// //rgya gar skad du/ badzra ta rA sA d+ha naM/ bod skad du/ rdo rje sgrol ma'i sgrub thabs/ rdo rje sgrol ma la phyag 'tshal lo/ /sbyin sreg las kyi cho ga yis/ /'dod pa don kun sgrub byed pa'i/ rdo rje sgrol ma sgrub pa'i thabs/ de nas yang dag bshad par bya/ de la sngags kyis tshig ni 'di rnams su 'gyur ste/ /na ma Arya a ba lo ke te shwar yo bo d+hi satwa ya mahA satwa a mahA kA ru Ni ka ya tadya thA/ aoM twa re tud tA re sarba duSh+TaM pra duSh+TAM ma ma kri Te dzi ma b+ha ya stwaM b+ha ya mo hA ya/ ban d+ha ya hUM hUM hUM phaT phaT phaT/ sarba duSh+TAM taM b+ha ni tA re swAhA/ ma mo'i dkyil 'khor dbus gnas pa'i/ /lha mo sgrol ma bsgom par bya/ /phyag brgyad zhal gcig dang ldan pa/ /rgyan rnams kun gyis brgyan pa yis/ /gser gyi mdog can bsgom bya ste/ /gzhon nu ma'i mtshan ldan brjod/ /rdo rje nyi mas dbang bskur skyes/ /sangs rgyas lnga'i cod pan can/ /lang tsho gzhon zhing yid du 'ong/ /gser gyi rna brgyad g.yo ba can/ /'od zer dmar pos rnam brgyan cing/ /sna tshogs pad+ma'i gdan la bzhugs rdo rje zhags pa de bzhin dung/ mda' rnams bsnams pa g.yas kyi phyag/ rdo rje lcags kyu aud+pal gzhu/ /sdigs 'dzub rnams ni g.yon gyi phyag/ rdo rje skyil krung rnal 'byor gyis/ /sa gsum po ni sgrub par bya/ /mdun du me tog sgrol ma ni/ /dkar mo shin tu yid 'ongs ma// aoM yig rnam pa gnyis las skyes/ /me tog phreng ba phyag na bsnams zhal cig phyag ni gnyis pa ste/ /rgyan rnams kun gyi rnam par brgyan/ /lho phyogs bdug spos sprol ma ste/ /gzugs mdzes sku mdog nag mo ste/ /bdug spos snod ni phyag na bsnams/ /rgyan rnams kun gyis rnam par brgyan/ /nub phyogs mar me'i sgrol ma ste/ /rgyan chen sku mdog ser mo ste/ /gser gyi rna cha g.yo ba can/ /phyag na mar me'i sdong bu bsnams/ byang phyogs dri za'i sgrol ma ni/ /dri'i dung chos phyag na bsnams/ /lha mo sku mdog dmar 'bar ma/ snying po'i dkyil 'khor gsal bsgom bya/ /lcags kyu la sogs dbye ba yis/ /de nas sgo skyong bsgom par bya/ /shar sgo rdo rje lcags kyu ma/ /zhal gcig phyag ni gnyis pa ste/ sku mdog nag mo bzhin mdzes ma/ /rdo rje lcags kyu autpal phyogs/ lho sgor rdo rje zhags pa ma/ /sku mdog ser mo bzhin 'jigs ma/ zhal cig phyag ni gnyis pa ste/ phyag na rdo rje zhags pa bsnams nub sgor rdo rje lcags sgrogs ma/ zhal gcig phyag ni gnyis pa ste/ sku mdog dkar mo 'dzin 'jigs ma/ rdo rje lcags sgrog phyag na bsnams/ byang sgor rdo rje dril bu ma/ zhal cig phyag ni gnyis pa ste/ sku mdog dkar mo bzhin 'jigs ma/ phyag na rdo rje dril bu bsnams/ 'di rnams g.yas rkyang zhabs kyis bzhugs/ nyi ma'i gdan la nyi 'od bzhin/ 'bar ba'i phreng bas kun nas 'khrigs/ /sbrul gyi rgyan gyis brgyan pa blta/ /steng du gtsug tor rnam rgyal ma/ /'og tu gnod mdzes ma nyid bsgom/ /'khor lo sprul gyis zhags bsgom na/ /sngags na 'phro zhing bzlas pa bya/ /aoM tA re tud tA re tu re swAhA/ /yi ge bcu'i lha mo bcu/ /pha rol phyin pa bcu la brten/ bsgom pa rab tu sbyor ba yis/ /don rnams thams cad rab tu 'grub/ /sangs rgyas kun gyi phyag mdzad pa'i/ /sngags mchog 'di ni gtso bo ste/ /bklags pa de? ni don 'grub 'gyur/ /myur du rdo rje'i gung bsdam nas/ sngags 'dis gos kyi sna la lan bdun mngon par sngags byas nas/ bstod pa byas na 'jigs bcas gang du 'gro yang 'jigs mi 'gyur/ /stag dang chom po chu srin seng ge glang chen mahe sbrul/ /dom dang dre de sogs rnams la ming dran tsam gyis 'jigs med 'gyur/ /sngags 'dis aud pa la brgya rtsa brgyad sbyin bsreg byas na gang 'dod pa de dbang du 'gyur ro/ /aoM tA re tud tA re a mu gi me b+ha ba sha ma na ya sAhA zhes so/ de bzhin du sngags 'dis bya reg gi sgro la lan sum cu rtsa gnyis bzlas te khang par bzlas na zhag bdun gyis bskrod par 'gyur ro/ /aoM tA re tud tA re tu re tsa la pra tsa la shi g+haM ga mi ni de ba da taM/ au ts+tsha tra ya hUM hUM phaT de nas gzhan yang rab tu sbyor bar 'gyur te/ aoM tA re tud tA re tu re a mu ka a b+hi d+ha nA rim hya b+hyi ba ha na tyaMphrag lnga byas te/ mar dang sbrang rtsi bu ram gyis/ sbyin sreg bu mo sgrub la sngags/ /da ni zhig bdun sbyor ba'i sa/ /rang 'dod bu mo thob par 'gyur/ /de nas gzhan yang sbyor bar 'gyur ste/ aoM tA re tud tA ra tu re a mu ka a b+hi d+ha naM swa s+thi na ta a kar Sha y a ma ma na ti ke dzatog gis bkus pa'i ras la bcom ldan 'das zhal gcig phyag gnyis pa lcags kyu dang aud pa la zhags pa bsnams pa bris pa/ de'i mdun du lha rnams rdzas la me tog dam pa 'di bzhes la sogs pas mchod pa yang byas la/ phyi nas bsgoms pa dang ldan pas bzlas pa bya'o/ /aoM tA re tud tA re a mu gi ma ma ai pa chi taM swaM snan ka tha ya hUM phaT stong phrag lngas 'ong bar 'gyur ro/ /zhags pas sge bcings te/ lcags kyus phug nas sgrub bya rkang pa'i mthil du bsam te bran mo'i gzugs kyis spyad par bya'o/ /de nas gzhan yang rab tu spyod par 'gyur te/ sgrol ma'i gzungs lan bdun du mngon par sngags te bdag nyid kyi mig gnyis la byugs nas rgyal po'i rigs kyi nang du zhugs de nas rgyal po dang bcas pa slob mar gyur nas mi gus par byed par mi 'gyur ro/ /'gal bas smra bar mi 'gyur ro/ /dad pas 'dul bar 'gyur ro/ /dga' ba'i gtam byed par 'gyur ro/ /de'i g.yog byed par 'gyur ro/ /khro ba yang dbang du 'gyur ro/ /mthong ba'i rkyen du yang dag par 'gyur ro/ /de nas gzhan la yang sbyor par 'gyur ro/ /sgrol ma'i gzungs lan brgya bzlas na sbrul gdong gnyis pa'i mgo thal bar byas te/ ba dmar mo'i mar la a ka'i bal la sdong bu byas te rab tu sbar nas mig sman byas te/ de'i mig sman dang rdo rje'i nyi ma dang rdo rje chos dag mnyes shing rta mchog gi bdug par bya'o/ /thal ba dang lhan cig mig sman byas nas gang la rdo rje'i mig gis bltas ba de'i gal te pad+ma gar dbang 'dzag par ma gyur na de'i tshe sgrol ma bdag gis bcom ldan 'das nges par bslum pa yin no/ /de nas gzhan la rab tu sbyor bar 'gyur ro/ /so ma skyes pa'i bu chung gi kha chu blangs nas sgrol ma'i gzungs lan bdun mngon par bsngags te/ b+h+rid ga ra dza'i rtsa ba dang/ 'gi wang dang lhan cig tu byas nas dbral bar thig le byas na gang dang gang la bltas pa de dang de dbang du 'gyur te gzhan la dga' bar mi 'gyur ro/ /gzhan la mi 'gro zhing rang spong bar mi 'gyur ro/ /de nas gzhan la yang rab tu sbyor bar 'gyur te/ lto ba'i srin bu la sgrol ma'i gzungs lan bdun mngon par bsngags te rdo rje'i chos dang bcas te so rtsi gzhon nu ma la byin nas des longs spyad na sbyor ba'i mchog 'di mi spong zhing gzhan la dga' bar mi 'gyur la/ gzhan la mi 'gro bar rang gi bdag po yang spong bar byed do/ /de nas gzhan la yang rab tu sbyor bar 'gyur te/ zhag chen po rang gi lus la byugs te/ sgrol ma'i bzungs khri phrag gcig bzlas te bsgom pa dang ldan pas bzlas pa'i mthar 'bras sa lu'i zan gyi dril phyis byas pa'i dri ma bsdus te gang la byin ba de ji srid 'tsho'i bar du gtong bar mi 'gyur ro/ /de nas gzhan la yang rab tu sbyor bar 'gyur te/ zla ba gzas gzin pa'i dus su sgrol ma'i gzungs bzlas shing bsnyan pa byas la/ de las byung ba'i 'jig rten dbang phyug blangs la dung gi phye mar spang bar bya'o/ /de gang la byin pa de ji srid 'tsho'i bar du rjes su 'gyur ro/ /de nas gzhan la yang rab tu sbyor bar 'gyur te/ sgrol ma'i gzungs myos byed kyi 'bras bu la lan brgyad yongs su bzlas te 'bras bu rta mgrin dang lhan cig tu byas na de dbang du 'gyur ro/ /de las gzhan la yang rab tu sbyor bar 'gyur te/ aoM tA re tud tA re tu re che ge mo'i band+ha muk+Shi ku ru muste yang dag par bris nas srin bu sdig pa'i tshang du sbas na bcings pa las grol bar 'gyur ro/ /rdo rje sgrol ma'i sgrub thabs rdzogs so// //rgya gar skad du/ badzra tA rA sA d+ha naM/ bod skad du/ rdo rje sgrol ma'i sgrub thabs/ 'phags ma sgrol ma la phyag 'tshal lo/

CLOSE WINDOW