བོད་ཡིག

e-texts based on the ACIP/ALL Input

many+dzu sh+rI badzra sA d+ha naM/ bod skad du/ 'jam pa'i rdo rje'i sgrub thabs/ dpal 'jam pa'i rdo rje la phyag 'tshal lo/ /don rnams phun sum tshogs gyur pa/ /bdag nyid 'jam pa'i rdo rjer bya/ /sems can rnams kyi 'khrul bltas nas/ /dang por yongs su bsgom par bya/ /snying gar maM yig de nyid dgod/ /mchod cing mngon par phyag 'tshal nas/ /bla ma rdzogs pa'i sangs rgyas kyi/ /skur gyur gsum la skyabs 'gro sogs/ /dkon mchog gsum la bdag skyabs mchi/ /sdig pa thams cad so sor bshags/ /'gro ba'i dge la rjes yi rang/ /sangs rgyas byang chub yid kyis bzung/ /dngos med ngo bo nyid kyis stong/ /mtshan med rgyu dang bral ba ste/ /smon pa dang bral dngos kun gyi/ /rtog pa spangs pa nyid du 'dod/ /aoM shU n+ya tA dz+nyA na badzra swa b+hA ba At+ma ko haM/ gru gsum dkar po mtho ba'i dbyibs/ /sna tshogs chu skyes rdo rje'i dbul/ /mchod rten nang du rdzogs sangs rgyas/ /rdo rje sems dpa' rig bcas bsgom/ /de'i zhal zhugs de bzhin du/ /rang sems rdo rje las 'thon nas/ /yi ge gsum byung chu skyes la/ /ho yig gnyis kyis rnam par brgyan/ /de las byung ba'i 'od zer gyis/ /de nas lus ni zhi bar blta/ /zla ba khu ba'i 'od zer zhu/ /mer mer la sogs yang dag 'dzin/ /phyogs kun na gnas lha mo rnams/ /glus bskul de yi phyi nas ni/ /'gro rnams bde bar bsgrub pa'i/ /bdag nyid bzhengs pa bsam par bya/ /rdo rje'i thugs khyod gnas kyi dbang phyug sems can khams/ /skyob pa dag ni dga' ba yid 'ong don chen 'dod/ /gnyen chen sems can yab nyid bdag la 'dod pa yis/ /gal te mgon pos bdag la 'dod mdzad 'tsho bar 'gyur/ /rdo rje'i sku khyod sems can mang mnyes bka' i 'khor lo/ /sangs rgyas ched du don dam byang chub phan rjes ston/ /chags pas 'dod chags dam tshig ma mA kI bdag la/ /gal te mgon pos bdag la 'dod mdzad 'tsho bar 'gyur/ /rdo rje gsung khyod kun la phan mdzad brtse bcan 'jig rten don gyi bya mdzad rtag tu yang dag 'jug / 'dod pas bdag la shin tu spyod mdzad kun tu bzang/ /gal te mgon po bdag la 'dod mdzad 'tsho bar 'gyur/ /rdo rje'i sku khyod dam tshig mchog gi phan chen don/ /rdzogs bya rgyud la 'dod bzhin mnyam nyid brtse ba can/ /'dod pas bdag la yon tan rin chen gter mang 'byung/ /gal te mgon po bdag la 'dod mdzad 'tsho bar 'gyur/ /bcom ldan de nyid la gshegs kyang/ /lha mo rnams kyi glu yis bskul/ /dngos rnams sgyu ma ltar rig nas/ /rang gi sngags don bsgom par bya/ /sangs rgyas sprul tshogs 'phro ba yis/ /'gro ba gsum po rab tu bsgrub/ /maM yig las byung brtags las ni/ /'jam pa'i rdo rje rang byon nyid/ /sku kha dog dmar po gur kum 'dra/ /sngo dang dkar po zhal gsum ste/ /phyag gnyis rang 'od rig ma la/ /mnyam 'khyud chu ni zhal gyis 'dzin/ /phyag na ral gri mda' dang ni/ /gzhu dang autpal sngon po bsnams/ /sna tshogs chu skyes zla ba'i gdan/ /rdo rje skyil krung zla 'od bzhin/ /srid par chags shing 'khor ba la/ /yang dag chags shing chags bral mdzad/ /dpal 'jam rdo rjer kun bdag nyid/ /thams cad sgyu ma lta bur bsam/ /aoM d+harmA d+hA tu swa b+hA ba At+ma ko haM/ mig sogs rnams la 'od zer gyis/ /de nas sa bon la gzhug bya/ /k+ShiM dzriM khaM gaM skaM saM zhes/ sa bon rnams kyis nyer sgrub bo/ /sa dbang rdo rje nam mkha' dang/ /'jig dbang sgrib sel kun tu bzang/ /de bzhin rdo rje skye mched rnams/ nyi ma'i dkyil 'khor la zhugs so/ /rang gi mgo bo mgrin snying zla/ /aoM AaoM sarba ta thA ga ta bAg badzra swa b+hA ba At+ma ko haM aoM sarba ta thA ga ta tsit+ta badzra swa b+hA ba At+ma ko haM/ rdo rje gsum gyi mtshan nyid bltas/ /snying gar ye shes sa bon las/ /phyogs rnams kun byon rdzogs sangs rgyas/ /rig ma mchod cing rig dbang 'dzin/ /spyan dang sku sogs byin gyis brlab/ /rang sngags las byung 'od gsal ma/ /mgo bo snying ga lte gsang zhabs/ /sku sogs rdo rje rnams blta zhing/ /aoM hUM swA Agsal/ /sku dbang mi g.yo rin chen dbang/ /'od dpag med dang don yod grub/ aoM sarba ta thA ga tA nu rA ga Na badzra swa b+hA ba At+ma ko haM/ rdo rje chu skyes sbyor las byung/ /phyogs kun dus gsum bzhugs pa yi/ /rdzogs sangs bsgom bya rnal 'byor pas/ /de tshe gzugs rdo rje sogs kyis/ /aoM sarba ta thA ga ta pU dza badzra swa b+ha ba At+ma ko haM/ chos kun lha la bstod pa ni/ /sgra snyan sgra ni bzang po yis/ /rang gi nga rgyal mchog zhugs shing/ /rang yid lhag pa'i tshig 'di ste// mchog sbyin rdo rje mchog khyod 'dud/ /yang dag mthar gyur khyod la 'dud/ /stong nyid snying po khyod la 'dud/ /sangs rgyas byang chub khyod la 'dud/ /sangs rgyas chags pa khyod la 'dud/ /sangs rgyas 'dod la phyag 'tshal 'dud/ /sangs rgyas dgyes pa khyod la 'dud/ /sangs rgyas rol la phyag 'tshal 'dud/ /sangs rgyas 'dzum pa khyod la 'dud/ /sangs rgyas bzhad pa phyag 'tshal 'dud/ /sangs rgyas gsung nyid khyod la 'dud/ /sangs rgyas thugs la phyag 'tshal 'dud/ /med pa las byung khyod la 'dud/ /sangs rgyas 'byung ba khyod la 'dud/ /nam mkha' las byung khyod la 'dud/ /ye shes las byung khyod la 'dud/ /sgyu 'phrul dra pa khyod la 'dud/ /sangs rgyas rol ston khyod la 'dud/ /thams cad thams cad khyod la 'dud/ /ye shes sku nyid khyod la 'dud/ /shU mU mA ra bi sogs dang/ /lnga ni da ha na go ku/ /yid gsum bdud rtsi'i zas kyis ni/ /lus ngag yid ni dag par bya/ /rgyu'i nus pa mi bsam ste/ /'dod chags la sogs 'khrul pa bral/ /'di nyid kyi yang pha rol gyis/ /byang chub thob par thub pas gsungs/ /yi ge gsum gyi nang zhugs sngags/ /sbrul nas sku sogs rdo rje yis/ /mkha' khyab sngags mthar bsdu ba dang/ /mkhas pas de'i bzlas pa bya/ /de bzhin bzlas pas skyo gyur na/ /spyi bor zla ba aoM gsher las/ /tshim pa nyid du 'gyur pa'i phyir/ /byang chub sems bzlas slar yang ni/ /kun la rmi lam sgyu sogs bzhin/ /bya ba thams cad 'gro phan phyir/ /'jam pa'i rdo rje nyid bskyed nas/ /rgyun mi 'chad par gtso bo bsgom/ /sngags pas mchod pa la sogs bya/ /dam pa'i skye bo las skyes 'dod/ /yi ge gsum phan rdzogs sangs bsgom/ /sku la sogs pa brtag par bya/ /thabs dang shes rab bdag nyid kyis/ /de nyid 'gro la 'dir 'dod cing/ /'gro ba'i de nyid las skyes pa'i/ /smon lam dag ni spel bar bya/ /dpal ldan 'jam pa'i rdo rje ni/ /bsgoms pa las thob dge ba 'dis/ /'jam dpal ye shes skur gyur nas/ /'gro ba kun la mchog sbyin shog / gang tshe blta bar 'dod pa dang/ /'ga' zhig 'dri bar 'dod pa la/ /de la de bzhin mgon 'di bstan/ /'jam pa'i mgon po bgegs med cing/ /phyogs bcu nam mkha' i mthar thug pa'i/ /sems can don rnams ma lus bsgrub/ /ji ltar 'jam pa'i spyod ba bzhin/ /bdag kyang spyod cing bsten par shog /ji srid dang po mthar thug pa'i/ /'khor ba'i mdza' yang spangs gyur pa/ /de srid sems can phan mdzad nyid/ /spyod pa tshad med bdag gis spyad/ /ji srid sangs rgyas ma lus rnams/ /nges par myang 'das 'jig rten gnyen/ /de rnams kyi yang bstan pa'i phyir/ /dus re dus rer bdag gis spyad/ /byis pa gzhon nu'i gzugs kyis ni/ /thams cad du ni bdag gis spyad/ /sngags kyi gzugs kyis sems can rnams/ /de nad de tshe bdag gis 'dul/ /langs nas 'jam pa'i mgon po yi/ /spyod pa'i nga rgyal mnyam bzhag las/ /thams cad lha yis gzugs kyis ni/ /yul gyi rjes 'brangs bzlas par bya/ / dbang po gnyis ni rab sbyor bas/ /zhal gsum phyag drug de bzhin du/ /'khor lo rdo rje rin po che/ /pad+ma ral gri phyag na bsnams/ /gzugs dang sgra dang dri chen dang/ /ro dang reg bya chos rnams dang/ /sku dang rdo rje rin dbang dang/ 'od dpag don yod ngo bos bskyed/ /yul lnga'i gzugs su gyur pa las/ /sangs rgyas thams cad khong du chud/ /rang gi lhag pa'i lhar sbyor bas/ /rang gzhan de bzhin mchod par bya/ /za dang nyal dang khrus dang ni/ /de bzhin stan la 'dug pa yang/ /rang gi lhag pa'i lhar sbyor bas/ /kun kyang rang bzhin brtag par bya/ /mdor bsdus yan lag bzhi pa yi/ /don bris legs par bshad pa yis/ /'jam pa'i rdo rje 'dir gyur nas/ /'jig rten bde 'bras rab sbyin shog/ 'jam pa'i rdo rje'i sgrub thabs rdzogs so/ / //rgya gar skad du/ e kA k+Sha ra ga ti ba ya pra yo gi/ bod skad du/ yi ge gcig pa'i rab tu sbyor ba cung zad pa/ 'phags pa 'jam pa'i mgon la phyag 'tshal lo/ /thiM zhes pa ni bya ba kun grub nus/

CLOSE WINDOW