བོད་ཡིག

e-texts based on the ACIP/ALL Input

/shes rab 'khor lo'i mchog gyur 'di/ /bris pa'i 'bras bu gang thob pa/ /de yis 'jig rten thams cad 'dir/ /'jam dpal go 'phang thob par shog /mtshan yang dag par brjod ba'i man ngag shes rab 'khor lo'i dngos grub mchog gi sgrub thabs rdzogs so/ / //rgya gar skad du/ d+harmA shaM kha sa mA d+hi many+dzu sh+rI sA d+ha naM/ bod skad du/ chos kyi dung gi ting nge 'dzin 'jam dpal gyi sgrub thabs/ 'phags pa 'jam dpal la phyag 'tshal lo/ /de la 'dir chos kyi dung gi ting nge 'dzin ni chu'i dkyil 'khor zlum po dkar po'i steng du ge sar dang bcas pa'i pad+ma 'dab ma brgyad pa'i ze 'bru la 'chi ba 'joms shing chos thams cad gsal bar mdzad pa'i phyir maM yig gi sa bon las skyes pa'i sku mdog dkar po phyag gnyis pa rdo rje skyil krung gi steng na ting nge 'dzin gyi phyag rgya dang ldan pa/ gzhon nu rgyan dang ldan pa zur phud lnga dang ldan zhing gsal zhing dri ma med pa'i ye shes kyi rang bzhin 'jam dpal gyi skur bdag nyid bsgom par bya'o/ /rang gi snying gar zla ba'i steng du pad+ma la paM yig las skyes pa'i dung/ de'i dbus su aoM badzra dzi hwa ra ma zhes pas lce rdo rje lce'i steng du rin po che dang pad+ma la ting nge 'dzin dang yang dag par ldan pa'i sangs rgyas 'od dpag med/ de'i dbu ru rkan la baM yig mgo thur du bstan pa bdud rtsi'i thig le 'bab bzhin pa'o/ /de bzhin du go rims bzhin du zla ba phyed dang zla ba dang zla ba drug gi mthar thug pa bsgom par bya'o/ /dngos grub kyi mtshan ma mthong nas dkyil 'khor bri bar bya'o/ /de la phyi ru zur bzhi pa bsgo bzhi rkyang dang ldan pa'o/ /sgeg mo dang/ phreng ba ma dang/ glu ma dang/ gar ma dang/ me tog ma dang/ bdug spos ma dang/ mar me ma dang/ dri chab ma rnams dkyil 'khor gyi phyir dgod par bya'o/ /de'i nang du sgo med pa'i re khA dkar po zlum po gcig bri bar bya'o/ /de'i dbus su pad+ma dkar po de bzhin du bris nas smin drug dang/ dbo dang/ sa ga la sogs pa'i zla ba gang ba la zhal zas la sogs pa'i mchod pa sngon du 'gro bas gtor ma phul nas/ ting nge 'dzin dang ldan pas dkyil 'khor gyi dbus su rdo rje skyil krung gis nye bar bzhugs pa'i 'jam dpal gyi sku la yongs su bskor ba'i 'od dpag med kyi sku'i bdag nyid kyi dbyings dang mtshungs pa'i 'od gsal ba bsgom par bya'o/ /de nas de bzhin gshegs pa thams cad kyi sku dang gsung thugs kyi phyag rgyas phyogs thams cad nas byon te rang gi lus ngag yid rnams la rab tu zhugs te brtan par bya'o/ /rang gi snying gar zla ba dang pad+ma la gnas pa'i dung gsal po blta bar bya'o/ /de la yi ge'i rang bzhin thams cad kyis yongs su bskor zhing gnas pa'i ge sar gyi thig le las ngag gi brdul phra rab mgrin pa'i phyogs nas thob pa'i dbyangs kyi gzugs su 'gyur ro/ /dbyangs la sgra sgra las yi ge'i gzugs 'di lce las byung zhing rdo rje'i rnam pas rim pa bzhin du nam mkha' ma lus pa bsal bar mdzad pas nam mkha' thams cad du 'phros nas sgrib pa dang bral ba'i dbyangs bcu drug gi rnam par blta bar bya zhing dbyangs kyis nam mkha' gang ba'o/ /aoM b A kye daM na maso rnams las kyang sna tshogs pa'i 'od zer 'phro bar 'gyur ro/ /de nas de lta bu la sogs pa'i ji ltar sems dpa' i tshigs su bcad pa'i tshig dang/ tshigs bcad dang/ sngags dang/ rig pa dang/ snying po rnams dung las 'bad pa med par de bzhin du 'byung bar 'gyur ro/ /khong du ma chud pa'i bstan bcos rnams kyang khong du chud par 'gyur ro/ /thams cad mkhyen pa nyid dang yun mi ring bar lha nyid du 'gyur ro/ /chos kyi dung gi ting nge 'dzin 'jam dpal gyi sgrub thabs rdzogs so/ / //rgya gar skad du/ Arya na mA saM gI ti sA d+ha naM/ bod skad du/ 'phags pa mtshan yang dag par brjod pa'i sgrub thabs/ 'phags pa 'jam dpal la phyag 'tshal lo/ /dang por re zhig sgrub pa pos snga bar langs la kha bsang ba la sogs pa byas te bsam gtan gyi khang par rab tu zhugs nas stan bde pa la skyil mo krung gis nye bar 'dug ste/

CLOSE WINDOW