བོད་ཡིག

e-texts based on the ACIP/ALL Input

/ //rgya gar skad du/ bAg sA d+ha naM/ bod skad du/ ngag gi sgrub thabs/ 'phags pa 'jam dpal la phyag 'tshal lo/ /nyes pa'i dri 'joms dpal ldan rdo rje chos/ /ngag gi dkyil 'khor 'od zer dra ba 'phro/ /rdzogs sangs kun gyi gsung gi rang bzhin la/ /phyag 'tshal nas ni ngag gi sgrub thabs bshad/ /mkhas pas brtson 'grus rlung gis rab bskyod nas/ /sngags kyi rang bzhin rnam dag gzugs brjod cing/ /'jig rten tshogs pa 'di rnams sgyu ma dang/ /smig rgyu chu zla'i rtog pa bzhin du bsgom/ /paM yig sa bon las byung sna tshogs pad/ /bsgom bya rnam par dag pa kun gyi gzugs/ /aM yig las skyes 'od zer mdza' yas rnam dag zla ba cha shas kun rdzogs pa/ /slar yang gsang ba mchog gyur dag pa yi/ /sa bon yi ge 'od zer 'dra bar 'gyed/ /ban b+hu'i me tog 'od zer dang mtshungs pa'i/ /ngag gi spros pa brkyang mdzad rgyu gcig bo/ /sa bon las byung skyon du ma gyur pa'i/ /ting 'dzin phyag rgya tshim mdzad pad+ma'i phyag /brtsebs sngon dga' rdo rje'i gdan la bzhugs/ /rdo rje'i chags pa dpal ldan yongs dag chags/ /ba spu'i khung bu las byung sangs rgyas kyi/ /sprin tshogs dra ba 'gre la phan par mdzad/ /'gro ba rnams kyi rang bzhin thams cad kyang/ /shin tu rnam dag blo yis bsgom par bya/ /snying gar zla ba'i dkyil du rdo rje yi/ /'od zer dra bas 'jig rten kun gsal blta/ /mgon po hUM yig las ni skyes gyur pa/ /sku lnga'i bdag nyid las byung sangs rgyas sprin/ /de dbus rtse mo 'phro ba'i me yi khro/ /sku gnas srid pa gsum po snang bar mdzad/ /'byung po'i rgyud kyi sdug bsngal mun khyab rnams/ /yi ge chen pos gang ba rnam par 'joms/ /brjod par rab mdzes 'od zer gyis khyab pas/ /dri med nyi ma 'char ka dga' bas chags/ /ljags skyes legs gsugs shes rab mchog gis springs/ /rdo rje las byung sdig pa rnam par 'joms// de yi rtse mor g.yo zhing rab chags pa'i/ /'od zer rgya chen de nyid bsam par bya/ /bdag gi brtson 'grus mthu yis gzhan zil no/ /mchog gi mthu ldan rgol ba nges par 'joms/ /skad cig la goms stobs las skyes gyur pa/ /ngag 'grub dngos grub rnams ni nyer thob 'gyur/ /tshigs bcad rkyang bas rtag tu smra 'gyur zhing/ /rnal 'byor bstan bcos sna tshogs rig pa dang/ /bstan bcos sna tshogs nges par rtsom 'gyur zhing// rang nyid 'gro ba'i ched du don chen 'gyur/ /gzhan gyi sems kyis 'jug pa'ang 'du shes 'gyur/ /chags sogs sdig pa rnams kyang de yis 'joms/ /de la ting 'dzin brtan pa thob gyur nas/ /shin tu phra zhing rno 'phro nges pa yis/ /sangs rgyas go 'phang kun thob gzugs 'dzin 'gyur/ /de dag 'dir ni rnam par spyad bya min/ /rnal 'byor goms par gyur na skyes bu yis/ /'byung dang ma byung ba rnams mdun gnas 'gyur/ /'dod pas 'khrugs bzhin dga' bzhin chags pa yis/ /sems kyi rjes 'jug sbyor ba dang ldan 'gyur/ /'di byas bdag gis dge ba nyer bsags gang/ /'gro rnams rgyal ba'i dpal mchog 'dzin gyur cig / ri bong 'dzin pa'i 'od zer yid 'ong nye ba yis/ /mya ngan zug rngu yid 'jigs dang bral shog /rgyun mi 'chad pas dge la yid chags pas/ /blo mchog las brnyed pa de ba'i man ngag gis/ /rang bzhin 'di yis pad+ma'i rigs 'jug cing/ /dpal ni rjes 'jug ting 'dzin dga' ba nges/ /bdag kyang legs pa'i skye bo srid rtse 'dis/ /'bar ba'i phreng ba'i dbus kyi skur gyur cig /bla ma mchog gi brtse bas thod phreng gi/ chu 'dzin gyis gang mngon rol dpal tshogs shog / ngag gi sgrub thabs mchog gyur pa/ /skye bo bzang pos legs sbyar ba/ /'di yis ngag ni sgrub byas nas/ /ngag gi dbang phyug thob par shog /ngag gi sgrub thabs rdzogs so// / rgya gar skad du/

CLOSE WINDOW