བོད་ཡིག

e-texts based on the ACIP/ALL Input

dpal ldan ngag gi rgyal po'i sgrub thabs/ /paN+Di ta dpal ldan yid bzhin nor bus mdzad pa rdzogs so// //rgya gar skad du/ Arya bA dI rA dza many+dzu sh+rI sA d+ha naM/ bod skad du/ 'phags pa 'jam dpal ngag gi rgyal po'i sgrub thabs/ 'jam dpal mgon la phyag 'tshal lo/ /gur kum bzang po ltar dmar gzhon nu'i sku la dpal gyi mtshan/ /rdzogs pa'i sangs rgyas 'od kyis rmongs pa'i dra ba bcom pa bzhin/ /dbang phyug yongs bcings phyag gis dam chos 'chad pa'i tshul mdzad pa/ /rol pa'i stobs bzhugs 'dod sbyin dag gi rgyal po la phyag 'tshal/ /snga bar langs te dang por ni/ /paM las snying gar sna tshogs bar/ ai las zla ba'i dkyil 'khor steng/ /h+rI yig gur kum lta bur dmar/ /bltas nas zhal bsang la sogs bya/ /bsam gtan khang pa gtsang ma ru/ /bde ba'i stan la yang dag gnas/ /sngags dang sangs rgyas yon tan gnas/ /byams pas 'gro la bu sdug bzhin/ /dga' bas yon tan stong ldan ltar/ /sdug bsngal rgyur gyur sdug bsngal las/ /gdon par 'dod pa'i snying rje yis/ /rtag tu rab dga' de bzhin du/ /yon tan dam pa rab 'byor 'dod/ /rang gi don la mi lta bar/ /btang snyoms gzhan gyi don byed pa/ sngags pas bsgom bya 'od zer tshogs/ /spros nas rgyal rnams gdan drangs te/ /de yis nam mkha' gang bar blta/ /yid kyis rang bzhin las 'byung chod/ /byug pa dril phyis khrus rnams dang/ /sna tshogs rgyan gyis brgyan par bya/ /mchod pa'i sprin tshogs 'phro ba yi/ /khams gsum yang dag lha ru spro/ /so so so so grangs med pa'i/ /lus sbrul nas ni phyag bya'o/ /'dod chags zhe sdang gti mug dang/ /rnam gsum lus ngag yid dbang gis/ /byas pa'i sdig dang byed pa la/ /rjes su yi rang de rnams bshags/ /sems can don byed dang bcas pa'i/ /sdom pa yang nas yang du gzung// rdzogs pa'i sangs rgyas 'jam dbyangs sogs/ /sbyin pa la sogs dge las skyes/ /yang dag rdzogs la gsol 'debs shing/ /yun ring dam chos gsung rab bskul/ /dkon mchog gsum la skyabs 'gro zhing/ /byang chub sems kyi lam mchog brten/ /aoM shU n+ya tA dz+nyA na badzra swa b+hA ba At+ma ko haM/ de nas sna tshogs pad+ma gnas/ /aoM yig las skyes zla steng gnas /yi ge'i tshogs 'phro blta byas nas/ /'gro ba rnams la 'jam dbyangs mchog/ dgug gzhug byas nas sngags pa yis/ /dag gi rgyal po bsgom par bya/ /gur kum ltar dmar mdzes pa'i sku/ /sgyu ma 'dod lha las rgyal ba/ /ha ri ha ri'i gdan la bzhugs/ /'khrul pa med pa rol pa'i stabs/ /phyag g.yon sdong bu dang bcas ba'i/ / autpal sngon po yongs su bsnams/ /rdzogs pa'i sangs rgyas yon tan tshogs/ /rin chen rgyan gyis rab mdzes pa/ /'od zer 'phro zhing 'thon gyur nas/ /sangs rgyas tshogs kyi phreng ba blta/ /chos kyi 'khor lo'i phyag rgya che/ /phyag rgya pad+ma nges bar sbyar/ /de bzhin autpal dang 'dra ba'i/ /h+rI yig 'od zer sna tshogs kyis/ /gzhan gyi mgon byed gdan drangs te/ /gzhal yas khang pa dang mtshungs par/ /de dag mtshungs nyid gdan drangs te/ /dam tshig rnam gsum brtan bar bya de nas yang dag rdzogs sangs rgyas/ /dgug gzhug dbang du bya ba rnams/ /aoM badzra satwa sa ma ya/ dri sh+ya ho/ sa ma stwaM/ sa ma yo haM/ sa ma yastwaM/ a haM dzabrlab/ hUM gis thugs byin gyis brlabs nas/ autpa la'i phyag rgya dang/ yi ge'i tshogs kyis ye shes byin gyis brlabs te/ 'od zer gyis yang dag par bskul nas/ rdzogs pa'i sangs rgyas kyi sku las 'thon te lha'i rnam par bkug nas bum pa'i ye shes kyi chu dang/ rdo rje spyi bor sbyin par bya'o/ /phyogs bcu'i sangs rgyas rnams kyis mchod/ /sangs rgyas mchod pa'i dpung gnyen gyis/ /slar yang srid par 'byung ba yi/ /srid pa grub cing dag par 'gyur slar yang bsgom bya las thob bas/ /lus dang sems ni shin tu sbyang/ /do shal phreng ba'i rim pa yis/ /de nas sngags bzlas yang dag brtsam/ /khams gsum ma lus pa yon tan gyi rgya mtshor byas nas gzhug pa la sogs pa byas te/ rnam par bsgoms la aoM Ala de bzhin dgod/ /dkon mchog gsum la rab dang ba'i/ /slob ma rnams kyis shes byas la/ /'jig rten dngos grub des pa ni/ /dag gi rgyal po'i sgrub thabs yin/ /bla ma dang/ sangs rgyas dang/ byang chub sems dpa' dang/ yi dam gyi lha thams cad nang du bsgoms nas/ de'i maN+Dal mdor bsdus pa brtsam par bya'o/ /aoM h+rIb+hu mi hUM/ sa yongs su gzung ba'i sngags so/ /aoM sarba big+hA nud sar ya hUM swAhA/ ba'i lci ba la sogs pa len pa'i sngags so/ /de nas legs par byugs nas/ aoM badzra re khe hUM/ zhes pa ni re khe byin gyis brlab pa'i sngags so/ /yang me tog maN+Dal phul nas/ aoM su re khe sarba ta thA ga tA d+hi tiSh+Than+tu swAhA/ /zhes brjod nas lag bkru bar bya'o/ /de'i rjes su me tog gcig bzlas nas/ aoM ma Ni d+ha ri badzra Ni mahA pra ti sA re rak+Sha rak+Sha mAM hUM phaT swAhA/ zhes pas rang gi spyi bor me tog bzhag nas bdag nyid bsrung bar bya'o/ /yang aoM Athog ma med pa nas yang dag par grub pa'i bcom ldan 'das rab tu 'bar ba gdan drangs te/ rim pa bzhin du byon nas de la de bzhin du rab tu zhugs shing bcom ldan 'das bskyed nas/ aoM many+dzu g+ho Sha ya badzra puShpe hUM/ aoM ak+Sho b+hya badzra puShpe hUM/ aoM badzra bai ro tsa na ya badzra puShpe hUM/ ratna saM b+hA ba dang/ a mi tA b+hA ba dang/ a mo g+ha sid+hi dang/ lo tsa na dang/ mA ma kI dang/ baN+Da rA dang/ tA rA rnams sngon ma bzhin du me tog dang/ spos dang/ mar me dang/ zhal zas dang/ dri bzangs dang/ gos 'phyang ba la sogs pa byin gyis brlabs nas dbul bar bya'o/ /phyag 'tshal ba dang/ sdig pa bshags pa dang/ bsod nams la rjes su yi rang ba rnams byas nas sngags bzlas par bya'o/ /de nas gshegs pa ni aoM badzra muro mu khaM sarba d+harmA NaM Adya nud pan na twat/ aoM Ap aN+DI sha ne b+hyaba'i sngags so/ /rdo rje rnal 'byor mas gsungs pa'i 'jam dpal ngag gi rgyal po'i sgrub thabs rdzogs so //rgya gar skad du/ bA dI rA dza sA d+ha naM/ bod skad du/ ngag gi rgyal po'i sgrub thabs/ 'phags pa 'jam dpal la phyag 'tshal lo/

CLOSE WINDOW