བོད་ཡིག

e-texts based on the ACIP/ALL Input

/gal te de'i tshe ma grub na ngas mtshams med pa lnga byas par 'gyur ro/ /seng ge sgra'i sgrub thabs rdzogs so// //rgya gar skad du/ sh+rI siM ha na da sA d+ha naM/ bod skad du/ dpal ldan seng ge sgra'i sgrub thabs/ dpal ldan seng ge sgra la phyag 'tshal lo/ /nad kun 'joms byed bla ma ste/ /seng ge sgra la phyag 'tshal lo/ /rnal 'byor bsgoms pa tsam gyis ni/ sdig pa kun las grol bar 'gyur/ /dang por re zhig kha bsang ba la sogs pa byas te/ gos gtsang ma gon nas sa gzhi gtsang mar stan pa de ba la nye bar 'dug ste/ rang gi snying gar zla ba la h+rIde'i 'od zer gyis de bzhin gshegs pa thams cad gdan drangs te/ mchod par byas nas sdig pa bshags pa la sogs pa bya'o/ /de nas byams pa dang/ snying rje dang/ dga' ba dang/ btang snyoms rnams rnam par bsgoms te/ rang bzhin gyis dag pa'i sngags brjod pa sngon du 'gro bas stong pa nyid bsgom par bya'o/ /aoM swa b+hA ba shud+d+hab ltas nas ra yig dmar po yongs su gyur pa las pad+ma dmar po 'dab ma brgyad pa'i steng du Anyid la bcug nas 'jig rten dbang phyug seng ge sgra bsgom par bya'o/ /sku mdog dkar po spyan gsum pa/ ral pa'i cod pan gyis brgyan pa/ stag gi pags pa'i na bza' bsnams pa/ seng ge dang/ zla ba'i gdan la rgyal po chen po rol pa'i stabs kyis bzhugs pa zla ba'i 'od lta bu bsgom par bya'o/ /phyag g.yas na sbrul dkar po dkris pa'i rtse gsum dkar po'o/ /phyag g.yon na pad+ma langs pa'i steng na ral gri 'bar ba'o/ /g.yon na me tog dri zhim po sna tshogs pas gang pa'i pad+ma'i snod do/ /rang gi lus las de bzhin gshegs pa lnga 'phre bas blta'o/ /de nas rang gi snying ga'i sa bon gyis ye shes sems dpa' bkug cing bcug nas de bzhin gshegs pa rnams 'phro zhing bdag nyid la dbang bskur pa nas/ 'od dpag tu med pas dbu brgyan cing/ rgyas btab par bsam par bya'o/ /de nas sngags bzlas par bya'o/ /lha rnams kyi gzugs kyis so/ /de la sngags 'di'o// a oM Am abzlas nas/ nad pa la byugs na 'tsho bar 'gyur ro/ /'jig rten dbang phyug seng ge sgra'i sgrub thabs rdzogs so// //rgya gar skad du/ hA la hA la lo ke shwa ra sA d+ha nAM/ bod skad du/ 'jig rten dbang phyug hA la hA la'i sgrub thabs/

CLOSE WINDOW