བོད་ཡིག

e-texts based on the ACIP/ALL Input

/ //paN+Di ta don yod rdo rje dang/ khams pa lots+tsha ba dge slong ba ris bsgyur cing zhus so// //rgya gar skad du/ su ka la tA rA sA d+ha naM/ bod skad du/ sgrol ma dkar mo'i sgrub thabs/ bcom ldan 'das sgrol ma la phyag 'tshal lo/ /dkar po'i las na nyen sgrub pa'i/ /sgrol ma dkar po la btud nas/ /ting nge 'dzin 'byung gdam ngag gis/ /rnyed pa'i sgrub thabs de brjod bya/ /dang por re shig sngags pas yid dang 'thun pa'i gnas su/ bde ba'i gdan la rdo rje skyil mo krung bcas te/ thad ka la sogs pa'i bcom ldan 'das ma dkar mo/ /nye bar ston pa ni sgrol ma la/ me tog dang bdug spos la sogs pas mchod nas/ rang gi snying gar aoM las byung ba'i zla ba la hUM dkar po'o/ /de la 'od dkar po phyogs bcur yang dag par spros te/ de bzhin gshegs pa thams cad kyi thugs rab tu bskul nas/ rang gi snying kha'i sa bon la bzhugs par bya'o/ /de nas bar snang la bcom ldan 'das ma sgrol ma dkar mo zhal gsum phyag drug ma 'og nas gsungs pa'i rang gi gzugs su blta bar bya'o/ /de nas rang gi sa bon las byung ba'i lha rdzas kyis me tog la sogs pas mngon par mchod la/ sdig pa bshags pa dang/ bsod nams la rjes su yid rangs pa dang/ gsum la skyabs su 'gro ba la sogs pa bya'o/ /bu gcig pa la btse ba'i mtshan nyid kyi bde ba la nye bar ster ba'i mtshan nyid byams pa'o/ /sdug bsngal dang sdug bsngal gyi rgyu las/ yang dag par sgrol ba'i rang bzhin ni snying rje'o/ /nyan thos la sogs pa'i lta ba las rnam par rtog pa bcom pa'i mtshan nyid ni btang snyoms so/ /aoM shU n+ya tA dz+nyA na badzra swAhA At+ma ko haM/ zhes bya ba chos thams cad rang bzhin med pa'i stong pa nyid kyi ngo bo nyid kyi byang chub mngon du bya'o/ /de nas smon lam rjes su dran pa las mdun du raM las byung ba'i nyi ma la hUM yig yongs su gyur pa las rdo rje'i gur la sogs pa rnam par bsgoms la/ de'i dbus su paM yongs su gyur pa las pad+ma/ de'i steng du zla ba la hUM yig dkar po bltas la/ hUM gi sa bon nang du chud pa'i hUM dang/ autpal la blta'o/ /hUM dang autpa la gnyis 'dres shing gyur pa las rdzogs pa'i bcom ldan 'das dur khrod brgyad kyis nye bar brgyan pa/ dkar ba zhal gsum pa/ dkar ba dang/ ser pa dang/ nag po ni rtsa ba dang/ g.yas dang cig shos kyi zhal lo/ /zhal so so la spyan gsum gsum mo/ /de bzhin gshegs pa rnam pa lnga 'phro ba/ phyag drug pa/ g.yas kyis mchog sbyin dang/ phreng ba dang/ mda' bsnams pa'o/ /g.yon gyis autpa la dang/ pad+ma dang/ gzhu bsnams pa'o/ /zla ba'i gdan la skyil krung phyed mas bzhugs pa/ zla ba'i rgyab yol can/ ral pa'i cod pan dang ldan pa'i dbu la mgo bo rnam pa lngas brgyan pa/ zla ba phyed pas dbu thod byas pa/ rgyan thams cad kyis brgyan pa/ stag gi pags pa'i shaM thabs can/ brgyad gnyis lon pa'i rnam pa can/ ma lus pa'i sems can la dkar po'i las nye bar ston pa'i sgrol ma'o/ /mi g.yo ba'i de kho na nyid ston pas/ a tsa le'o/ /rgyu dang 'bras bu dbyer med pa'i rim pas a ni mi ta pa ri mo/ shes rab dang thabs kyi rang bzhin gyis hUM ngo/ '/smon pa med pa'i rang bzhin ma rig pa nye bar zhi bas phaT dang ospel ba'o/ /'dod chags la sogs pa nyon mongs pa rab tu zhi bas swAhA mthar bsgom par bya'o/ /de nas bcom ldan 'das ma'i snying gar gnyug ma'i sa bon bltas la/ de nas yang 'od zer phyung ste/ khams gsum khyab par byas nas/ de nyid la rab tu gzhug par bya'o/ /de'i rjes su bsgoms pas/ skyo na sngags bzlas par bya'o/ /aoM a tsa le a ni mit+ta ba raM hUM hUM phaT phaT swAhA/ yang cho ga ni 'di yin te/ tshes brgyad nas bzung ste gso spyod dang ldan par byas la/ ji srid zla ba nya'i bar du thun mtshams bzhi ru mchod pa dang/ gtor ma'i cho ga sngon du 'gro bas/ bcom ldan 'das ma bsgom zhing de ltar cho ga byas na/ char med na char 'bab par 'gyur ro/ /rtag tu bsgom par byed nas la sogs pa yang 'grub bo/ /'phags ma dkar ba nye bar ston pa'i sgrol ma zhes bya ba'i sgrub pa'i thabs/ bcom ldan 'das nyid kyis gsungs pa rdzogs so/ / //paN+Di ta don yod rdo rje dang/ khams pa lots+tsha ba dge slong ba ris bsgyur cing zhus pa'o// //rgya gar skad du/ mA yA rA la kra mA a ba lo ke te swa sA ra d+ha naM/ bod skad du/ sgyu 'phrul dra ba'i rim pa'i spyan ras gzigs dbang phyug gi sgrub pa'i thabs/

CLOSE WINDOW