བོད་ཡིག

e-texts based on the ACIP/ALL Input

khams pa lots+tsha ba dge slong ba ris bsgyur ba'o// //rgya gar skad du/ ma hA ba la sA d+ha naM/ bod skad du/ stobs po che'i sgrub thabs/ bcom ldan 'das stobs po che la phyag 'tshal lo/ /sngon du bstan pa'i cho gas stong pa nyid du bsgoms pa'i rjes su/ pad+ma dkar po dang/ nyi ma la hUM las srid pa'i stobs po che zhal gcig phyag bzhi pa/ yan lag thams cad dmar po/ skra kham pa gyen du 'greng ba/ sbrul gyis bcings pa/ phyag g.yas kyi dang po na dbyug pa dkar po bsnams pa/ g.yas kyi gnyis pa na rnga yab dkar po bsnams pa/ phyag g.yon gyi dang po na phyag 'tshal ba'i tshul du byed pa'i phyag go / g.yon gyi phyag gnyis pa na sdigs mdzub dang bcas pa'i zhags pa'o/ /stag gi pags pa'i sham thabs can/ sbrul gyi rgyan sna tshogs kyis mdzes pa/ g.yon brkyang ba'i zhabs can/ zhal mche ba gtsigs pa nyi ma'i dkyil 'khor 'od kyi phreng ba dang ldan pa/ dam tshig sems dpar bdag nyid rdzogs par byas la/ ye shes sems dpa' dang gcig tu byas la/ 'od dpag med pas dbu rgyan dang bsam par bya'o/ /de nas sngags bzlas par bya'o/ /'di lta ste/ aoM ma hA ba la swAhA/ zhes bya'o/ /stobs po che'i sgrub thabs rdzogs so// //paN+Di ta don yod rdo rje dang/ khams pa lots+tsha ba dge slong ba ris bsgyur cing zhus so// // rgya gar skad du/

CLOSE WINDOW