བོད་ཡིག

e-texts based on the ACIP/ALL Input

/ //paN+Di ta don yod rdo rje dang/ khams pa lots+tsha ba dge slong ba ris bsgyur pa'o// //rgya gar skad du/ badzra tA ra sA d+ha naM/ bod skad du/ rdo rje sgrol ma'i sgrubs pa'i thabs/ bcom ldan 'das sgrol ma la phyag 'tshal lo/ /sbyin bsreg las kyi cho ga yis/ /'dod pa'i don kun sgrub byed pa'i/ /rdo rje sgrol ma'i sgrub pa'i thabs/ /de nas yang dag bshad bya ba// de la sngags kyi tshig ni 'di yin te/ 'di lta ste/ na maphaT phaT phaT/ sarba duSh+TA staM b+ha ni tA re swAhA/ /de la dang por re zhig rang gi snying gar zla ba la sa bon traM bsams te/ de yi 'od kyis bla ma dang/ sangs rgyas dang/ byang chub sems dpa' spyan drangs te/ mchod pa rnam pa sna tshogs kyis yang dag par mchod la/ sdig pa bshags pa la sogs pa bya ste/ gsum pa skyabs su 'gro ba'i tshigs bcad brjod par bya'o/ /de nas tshangs pa'i gnas bzhi bsgoms la/ aoM shU n+ya tA dz+nyA na badzra swa b+hA ba At+ma ko haM zhes bya ba'i sngags brjod par bya'o/ /de nas paM las skyes pa'i pad+ma dang zla ba'i steng du yang taM gi sa bon yang bsams te/ de yongs su gyur pa las ma mo'i dkyil 'khor dbus gnas pa'i/ /lha mo sgrol ma bsgom par bya/ /zhal bzhi ma la phyag brgyad ma/ /rgyan rnams kyis ni brgyan pa yi/ /gser gyi mdog can bsgom par bya/ /gzhon nu ma yi mtshan nyid 'bar/ /sna tshogs pad+ma'i gdan gnas pa'i/ /zla ba'i gdan la yang dag bzhugs/ /ser dang nag dang dkar dang dmar/ /g.yas bskor du ni zhal bzhi'o/ /spyan gsum rdo rje skyil krung gnas/ /'od dmar sangs rgyas bzhi yi dbu rgyan can/ /rdo rje mda' dang dung da? mchog sbyin ni/ /g.yas kyi phyag na bsnams pa'o/ /autpal gzhu dang rdo rje lcags kyu zhags/ /sdigs mdzub g.yon pa'i rnams 'chad pa'o/ /rdo rje skyil krung rnal 'byor gyis/ /sa gsum po yang bsgrub par bya/ /de yi mdun du me tog sgrol ma ni/ /mdog ni dkar zhing yid 'ong ma/ /aoM yig las ni yang dag rdzogs/ /me tog phreng ba phyag na bsnams/ /zhal gcig phyag ni gnyis ba ste/ /rgyan rnams kun gyis brgyan pa'o/ /lho phyogs bdug spos sgrol ma ni/ /gzugs mdzes mdog ni nag po ste/ /bdug spos snang ni phyag bsnoms shing rgyan rnams kun gyis rnam par brgyan/ /nub phyogs mar me sgrol ma yang/ /mdog ni ser zhing yid 'phrog ma/ /bzang po mar me snod bsnams shing/ /gser gyi rna tsha rab tu g.yo/ /byang phyogs dri yi sgrol ma ni/ /dri yi dung chos phyag na bsnams/ /lha mo mdog ni dmar 'dra ba/ /snying po dkyil 'khor la bsgom bya/ /'di kun zhal gcig phyag gnyis pa/ /rgyan rnams kyis ni rnam par brgyan/ /rdo rje skyil mo krung gis saM/ /lha mo drug po 'di kun ni/ /cung zad zhal ni gtsigs pa ste/ /'gyid bag bcas pas yang dag gnas/ /'di dag dkyil 'khor gyi 'khor lo/ /thams cad shar sgor bsam pa ni/ /rdo rje lcags kyu 'od 'bar ma/ /phyag na rdo rje lcags kyus mtshan/ /yid 'ong ma yi bdag nyid do/ /lho sgor rdo rje zhags pa ma/ /nag cing shin tu 'dod la dga' / /bzang po rgyan gyis brgyan pa'i lus/ /rdo rje zhags pa 'chad ba'i mchog /rdo rje lcags sgrog mdog ser ma/ /rdo rje lcags sgrog phyag bsnams shing/ /sna tshogs rgyan gyis brgyan pa ni/ /nub kyi sgo ru bsam par bya/ /byang sgor rdo rje dril bu ma/ /rdo rje dril bu rab bsnams pa'i/ /mdog dmar bzang po yi ni gzugs/ /dge zhing rtag par blta bar bya/ /steng du gtsug tor rnam rgyal ma/ /gzugs bzang mdog ni ser ba ste/ /byang chub 'bras bu sbyin byed bsam/ /de nas sngags pas 'khor lo 'chad/ /snying po dkyil 'khor 'og tu ni/ /dge zhing 'od 'bar ba yi gzugs/ /klu yi zhabs pa phyag na bsnams/ /zhal gcig phyag ni gnyis ma ste/ /thams cad mkhyen pa yid 'ong ma/ /mdog nag rnam par bsgom par bya/ /yi ge bcu yis lha mo bcu ni rnam par sbrul/ /pha rol phyin bcu dag pa ste/ /chos kun rab tu 'grub par bya'o/ / de la yi ge bcu ni/ aoM tA re tut+tA re tu re swAhA/ /rang gi snying ga'i sa bon gyi 'od kyi ye shes kyis 'khor lo spyan drangs te/ dzadbang bskur ba dang/ thig le dang/ phra mo dang/ bzlas pa la sogs pa bsgom par bya'o/ /sangs rgyas kun gyi phyag byas pa/ /sngags mchog 'di ni gtso bo ste/ /bzang po spyod pas grub 'gyur ba/ /rdo rje gur las gsungs pa'o/ /'dir sngags ni nye bar spyod pa ni/ /sngags 'dis gos kyi thub nas bzung ste lan bdun bsngags la mdud pa byas te 'jigs pa dang bcas pa'i sa gang du 'gro yang 'jigs par mi 'gyur ro/ /stag dang/ rkun ma dang/ chu srin dang/ seng ge dang/ sprul dang/ glang po dang/ ma he sha dang/ dred dang/ rta la sogs pas kyang gnod par mi byed do/ /de bzhin du sngags 'dis autpa la brgya rtsa brgyad sbyin sreg byas na gang 'dod pa de dbang du 'gyur ro/ /aoM tA re tut+tA re tu re a mu ke me ba sha mA na ya swAhA/ /de bzhin du sngags 'dis khru'i sgo la lan sum cu rtsa gnyis sngags la/ dgra bo'i khang bar sbas/ zhag bdun gyis skrod par 'gyur ro/ /aoM tA re tut+tA re tu re/ tsa la sh+rI b+h+raM gA mi ni de ba dat+ta muts+tsha ta ya hUM phan ces bya ba ni bskrad pa'i cho ga'o/ / de bzhin du sbyor ba gzhan yang aoM tA re tut+tA re tu re a mu ka a b+hI d+hA nAM/ ku mA riM ma hye mudbA? he na/ ta syalnga ni sbyin bsreg bya/ /mar dang sbrang rtsi bu ram gyis/ /sbyin sreg bu mo 'grub la sngags/ /de nas zhag bdun spyod pa yis/ /rang 'dod bu mo thob par 'gyur/ /de nas sbyor ba gzhan la yang/ /aoM tA re tut+tA re tu re a mu ka b+hI d+hA naM/ swa b+hA na ta a karSha ya ma ma an+ti ke dzasbyor ba 'di yin te/ rang byung gi me tog bskus pa'i las la/ bcom ldan 'das zhal gcig phyag gnyis ma/ lcags kyu dang/ autpa la'i zhags pa phyag na bsnams pa bris la/ de'i mdun du la rdzas me tog bzang po 'di zhes bya ba la sogs pas mchod pa byas la/ bsgom pa dang ldan pas bzlas pa bya'o/ /aoM tA re tut+tA re tu re a mu ka ma me pa si haM swa paM naM ka tha ya hUM phaT/ stong phrag lnga bzlas pas 'od bar 'gyur ro/ /zhags pas ske ba nas bcings te/ lcags kyus phug la rkang pa gnyis nas autpa la yis bcings te/ bsgrub bya mdun du bkug ste/ rkang pa'i 'og tu bsams la bran mo'i gzugs kyis longs spyad par bya'o/ /de nas sbyor ba gzhan yang sgrol ma'i gzungs kyis lan bdun bsngags pa ste/ bdag nyid kyi mig gnyis la byugs la rgyal po'i rigs kyi nang du zhugs na/ rgyal po dang bcas pas bla mar byed cing gcig tu dbang du byed par 'gyur ro/ /de nas gzhan yang sbyor ba ni sgrol ma'i gzungs brgya rtsa brgyad brjod la/ sbrul gyi rgyal po mgo bo gnyis pa'i mgo thal bar bya ste/ ba dmar ma'i mar la arga'i spra ba la sdong bu byas te/ me spar la dud pa bsags par bya'o/ /dud pa de dag rdo rje nyi ma dang/ rdo rje chos gnyis dang/ bsres shing mnyes la rta mchog gis bdug par bya'o/ /de nas thal ba dang lhan cig tu mig la bskus na gang rdo rje mig gis bltas pa de/ pad+ma gar dbang 'dzag par 'gyur ro/ /de ltar ma gyur na bdag nyid sgrol mas bcom ldan 'das nges par bkrongs pa yin no/ /des nas sbyor ba gzhan yang lto ba'i srin bu la gzungs kyis lan bdun bsngags pa/ rdo rje chos dang lhan cig tu byas la/ so rtsi dang sbyor la sbyin no/ /de longs? spyad na sbyor ba'i mchog 'dis rang gi chung ma bzhin du gtong bar mi 'gyur ro/ /de nas sbyor ba gzhan yang 'di yin te/ so ma skyes pa'i bu chung gi lce blangs la sgrol ma'i gzungs kyis lan bdun bsngags la 'bre ngag ra tha ma 'ge'u waM dang gcig tu byas te dpral bar thig le byas te gang la ltas pa de dbang du 'gyur ro/ /sbyor ba gzhan ni zhag chen pos rang gi lus la byugs te bsgoms pa dang ldan pas sgrol ma'i gzungs khri cho gcig bzlas pa bya'o/ /bzlas pa'i mthar 'bras sA lu'i zan gyis dril phyis byas la dris phyis de bsdus te gang la byin pa ji srid 'tsho'i bar du dbang du 'gyur ro/ /sbyor ba gzhan yang zla ba gzas zin pa'i dus su sgrol ma'i gzungs bzlas shing sngon du bsnyen pa byas na/ de las 'byung ba'i spyan ras gzigs kyi dbang phyug tu dung gi phye ma sbyor bar bya'o/ /de gang la byin pa de ji srid 'tsho'i bar du rjes su 'jug par 'gyur ro/ /sbyor ba gzhan yang sgrol ma'i gzungs smyo byed kyi 'bras bu la lan brgya rtsa brgyad bsngags te 'bras bu de dang/ rta mgrin dang lhan cig tu gang la byugs pa de dbang du 'gyur ro/ /sbyor ba gzhan ni/ aoM tA re tut+tA re tu re a mu ka sya band+ha na muk+tiM ku ru swAhA/ /sngags 'dis arka'i 'dab ma la sgrub bya'i ming bar du bcug ste bris la/ srin pu ka ka ru'i khung bur bcug sta sbas na/ bcings ba las grol bar 'gyur ro/ /rdo rje sgrol ma'i sgrub thabs rdzogs so// //paN+Di ta don yod rdo rje dang/ khams pa lots+tsha ba dge slong pa'i sa bsgyur cing zhus so/ / //rgya gar skad du/ Arya rA ga ta ya mar sA d+ha naM/ bod skad du/ 'phags pa gshin rje dmar po'i sgrub pa'i thabs/ 'phags pa gshin rje dmar po la phyag 'tshal lo/ /de kho na bzhin du sdig pa bshags pa la sogs pa sngon 'gro bas stong pa nyid du rnam par bsams la/

CLOSE WINDOW