བོད་ཡིག

e-texts based on the ACIP/ALL Input

/ //rgya gar skad du/ Arya badzra sa ra sA te sA d+ha naM/ bod skad du/ 'phags ma rdo rje dbyangs can ma'i sgrub pa'i thabs/ 'phags ma rdo rje dbyangs can ma la phyag 'tshal lo/ /yang dag rdzogs sangs rgyas kyi gsung gter yon tan rang bzhin rdo rje dbyangs can la btud nas/ /rang la mnyes byed phan mdzad mdzes pa'i rol ldan spro zhing rtsod pas thub par dka' mdzad pa/ /da ni yang dag mnyes byed phan phyir srid pa byed cing mi bzad mi shes mun pa 'joms/ /blo ngan dag gi ni ched du sems can phan phyir legs par gsungs pa'i cho ga brjod par bya/ /dang por snga bar kha la sogs pa dag pa'i rang bzhin snying rje dang ldan bzod ldan pas/ /sngags pas gtsang ma'i stan la byams pa'i dga' bas myos shing gang zhig dga' bdag gis ni/ /ming dang mthun pa'i dben pa'i gnas su yang ni dga' bas rang gi snying gar pad+ma blta/ /de 'dir sprul par brjod pa'i ri bong 'dzin pa la ni yang dag 'byung bar do'di nas kyang ni phyogs gzhan kun ni yongs su bkang/ /sangs rgyas tshogs ni kun tu bltas la mchod pa la sogs 'di ni bsgom par rab tu bya/ /me tog la sogs de nas phyag byas 'dir ni sdig pa bshags pa de bzhin rab tu byas/ /sngags rig pas ni bsod nams rjes su yi rang skyabs gsum yang dag rab tu 'gro bar bya/ /shes bya la sogs smon lam las btab de yis bdag nyid kyis ni dmigs pa rab tu bya/ /gcig dang du ma dang bral lta bur yongs brjod bden zhing dag bar shes rtogs pas/ / de nas sna tshogs thams cad rnam rdog? dra ba ma lus stong pa nyid du bsgom par bya/ /aoM shU n+ya tA dz+nyA badzra swa b+hA ba At+ma ka haM/ stong pa nyid las byung pad+ma dang ni zla ba la gnas yang ni dogyur pa'i pad+ma 'dab brgyad pa/ /de las dmar zhing 'od zer chen po dang ldan bcom ldan 'das ma bzang po'i rgyan gyis brgyan/ /g.yon brkyang ba'i zhabs kyis yang dag gnas shing zhal gsum phyag drug dag gis rab brgyan pa/ /g.yas pa'i zhal ni sngo zhing phyag na pad+ma ral gri gri gug rab tu bsnams pa ste/ /zhal g.yon dkar zhing lhung bzed dang bcas de bzhin rin chen 'khor lor rab tu ldan pa'i phyag/ snying gar pad+ma la gnas zla ba'i dbus su gnas pa'i 'bar ba'i doshes mun pa 'joms pa'i 'od zer gyis ni ma lus rab tu 'gengs/ /yang dag bsdus la rang gi snying gar zla bar gnas pa'i sa bon la gnas bltas la yang ni spro/ /de nyid yang dang yang du rgyun tu snyoms las med par nyin re bsaM par rab bya ste/ /bsam gtan skyo nas sa bon snyam skyes bsdus la sngags ni bzlas pa rab tu bya /do shal g.yo zhing gsal ba'i rim pas 'byung bas yid bzhin du ni sngags kyi bzlas pa bya/ /aoM pi tsu pi tsu pradz+nyI pa ra d+ha ni dzra la dzra la/ me d+hA pa ra d+hA ni/ d+hi ri d+hi ri/ pradz+nyA barda ni swAhA/ /thun mtshams thams cad du ni lha mo'i gzugs la yid kyis rtag par shin tu rab dga' bas/ /yang dag gsungs pa'i cho gas sems can don gyi rgyur ni sngags 'di yongs su bzlas pa bya/ /bsod nams bsngo bya dgos pas byed na bsam gtan rtse gcig nges par gnas pas spyad bya ste/ /ji srid 'bum phrag yongs su ma rdzogs pa ni rdzogs 'gyur nas ni las kyi rim bzhin bya/ /rnam pa thams cad du ni mi mthun pa'i phyogs su nye bar song yang ngo/ nyid bsam gtan byed/ dkar po tshe gcig nyid nas shin tu mdzes pa'i yid kyis ji srid zla ba gnas pa'i bar/ /de nyid sbyar ba'i skad cig nub re bzhin du ji snyed zla ba nya ba'i bar du bya/ /de nyid kyi na nub mo thub par dka' ba'i tshigs bcad mkhan gyis dngos grub thob par 'gyur/ /gang zhig dpal ldan nag pos rgyal po dpal ldan gshin rje gshed kyi rgyud du gnas byas pa/ /dpal dang ldan pa'i rdo rje dbyangs can bcom ldan 'das ma de ni yang dag mnyes pa'i thabs/ /sems can rnams la phan pa'i don du bdag gis byas pa'i bsod nams yang dag gyur ba des/ /des ni 'gro kun nag po lta bur thub par dka' ba'i tshigs bcad mkhan ni grub par shog /sangs rgyas rnal 'byor dpal 'dzin gyis/ /dpal ldan rdo rje dbyangs can gyi/ /'joms byed mthar ni byed pa yi/ /sgrub pa'i thabs ni 'di byas so/ /rdo rje dbyangs can ma'i sgrub pa'i thabs/ slob dpon dpal gyis mdzad pa rdzogs so// //paN+Di ta don yod rdo rje dang/ khams pa lo tsa ba dge slong ba ris bsgyur cing zhus so/ / //rgya gar skad du/ big+h+na sA d+ha naM/ bod skad du/ bgegs bskrad pa'i sgrub thabs/ bcom ldan 'das bgegs mthar byed la phyag 'tshal lo/ /dang por re zhig sgrub pa po chen po'i gdan la 'dug ste / rang gis snying gar aM dmar po las skyes pa'i nyi ma'i dkyil 'khor bsgoms la/

CLOSE WINDOW