བོད་ཡིག

e-texts based on the ACIP/ALL Input

/ //rgya gar skad du/ au dI yA Na kra mA rI tsyai sA d+ha ni/ bod skad du/ au rgyan gyi rim pa'i 'od zer can gyi sgrub pa'i thabs/ 'phags ma 'od zer can la phyag 'tshal lo/ /dang por snying gar nyi ma'i gdan la hUM do/ /de'i 'od zer gyis bcom ldan 'das ma bkug ste/ sna tshogs pa'i mchod pas yang dag par mchod la sdig pa bshags pa la sogs pa byas nas/ stong pa nyid bsgoms pa'i rjes su sna tshogs rdo rje'i rnam pa sems kyis bsams la/ de yongs su gyur pa las rdo rje'i sa gzhi dang/ rdo rje'i ra ba la sogs pa bsams la/ de'i dbus su dpal au rgyan gyi gnas gru gsum dkar zhing dmar ba'o/ /de'i dbus su nyi ma la gnas pa'i rdo rje rtse lnga pa hUM gis de'i lte ba la mtshan pa'o/ /de yongs su gyur pa las byang chub sems kyi ngo bo nyid 'jigs pa'i dus chen po'i me lta bu gyen du rnam par 'phro ba/ zil gyis mi non pa'o/ /ha he? zhes dgod cing bdud rnam bzhi g.yon brkyang ba'i zhabs kyis mnan pa/ phyag bcu gnyis pa/ zhal drug pa/ spyan gsum pa/ mdog dmar po/ dang po g.yas kyi phyag drug rnams su ral gri dang/ sna tshogs rdo rje dang/ rdo rje rtse gcig pa dang/ dgra sta dang/ mnga' dang/ gtun shing bsnams pa'o/ /g.yon gyi phyag rnams su sdigs mdzub dang bcas pa'i khab dang/ rtse gsum dang/ mya ngan med pa'i yal ga dang/ gzhu dang/ zhags pa dang/ tshangs pa'i mgo bo rnams so/ /mi mgo'i 'phreng ba 'phyang ba/ lus kyi yan lag dang/ nying lag thams cad mdzes pa'i/ /stag gi pags pa'i stod g.yogs kyi gos can/ rtsa ba'i zhal ni dmar ba'o/ /dkar ba dang nag po ni g.yon pa'i zhal gnyis so/ /ser po dang nag po ni g.yas kyi zhal gnyis so/ /steng gi phag gi zhal ni nag po'o/ /ljags 'dril ba/ skra kham pa gyen du 'bar ba/ rnam par snang mdzad kyi dbu rgyan can/ sbrul dang rus pa'i rgyan gyis brgyan pa/ gnyug ma'i 'od zer gyis rnam pa thams cad kyi bdud 'joms par byed ma/ phyogs bcur 'bros bzhin pa'i mkha' 'gro ma dang/ 'byung po dang/ ro langs phreM phreM gyi rnam pa dang/ ha ha'i 'jigs pa'i sgra sgrog pas yongs su bskor ba'i dur khrod brgyad kyis brgyan pa/ dpal au rgyan gyi 'od zer can gyi bdag nyid du skad cig gis bskyed la/ mgo bo dang/ mgrin pa dang/ snying ga rnams su aoM Atshogs kyi pad+ma la zla ba nyi ma kha sbyor gyi dbus su hUM gi rnam pa pad snod kyi rang bzhin sna tshogs kyi mdog can gyi yi ge bsam par bya'o/ /aoM badzra d+ha twI sha ri sarba duSh+Tan ha na ha na/ da ha da ha/ pa tsa pa tsa/ aoM mA rI tsyai miM hUM hUM phaT swAhA/ snying po'i sngags so/ / a oM Abadzra DA ki nI sa ma ya stwaM tri sh+ya ho/ kha kha khA hi khA hi sarba yak+Sha rak+Sha sa b+hU ta pre ta bri sha tse na ma da a pa smA ra DA ki n+ya da ya/ ai daM ba ling grih+na thA phi ba thA ma tikra ma thA ma hA su/ kha bi/ brid+d+ha ya ma ma swAhA/ yak+Sha b+ha ba thA hUM hUM phaT swAhA/ zas la sogs pa yang h+rI'i: yi ge 'am/ hUM gi yi ge la sogs pas yang dag par sbyangs la spyad par bya'o/ /au rgyan gyi rim pa'i 'od zer can gyi sgrub thabs rdzogs so// //paN+Di ta don yod rdo rje dang/ khams pa lo tsa ba ba ri dge slong gis bsgyur cing zhus pa'o/ / //rgya gar skad du/ tsunda sA d+hA naM/ bod skad du/ tsunda'i sgrub pa'i thabs/ 'phags pa tsunda la phyag 'tshal lo/ /lha mo tsunda phyogs skyong che/ /yang dag rgyal ba de btud nas/ mdor bsdus myur du sgrub pa'i thabs/ /de yi mnyes thabs brjod par bya/

CLOSE WINDOW