བོད་ཡིག

e-texts based on the ACIP/ALL Input

Arya many+dzu badzra sid+d+hi ka bI ra sA d+ha naM/ bod skad du/ 'phags pa 'jam dpa' i rdo rje dpa' bo gcig pa'i bsgrub thabs/ 'phags pa 'jam dpal la phyag 'tshal lo/ /ston ka'i zla ba'i 'od gsal ba'i/ /'jam dpal rdo rje la phyag 'tshal te/ /de yi sgrub thabs gsal po mchog / mdor bsdus bdag gis brjod par bya/ /dang por re zhig sngags pas yid dang mthun pa'i gtsang ma'i sa phyogs su bde ba'i gdan la bsdad nas/ rang gi snying gar a yig las byung ba'i zla ba la maM dkar po de nyid rnam par bkod par bya'o/ /de'i 'od zer nam mkha' gang bas bcom ldan 'das bla ma rje btsun nam mkha' la bltas te de nas bcom ldan 'das kyi mdun du gnas la yid kyi rang bzhin gyi mchod pas bcom ldan 'das 'jam dpal mchod de/ dge ba spel ba'i don du sdig pa thams cad so sor bshags par bgyi ba dang/ bsod nams thams cad la rjes su yi rang ba dang/ de yang bla na med pa'i sangs rgyas kyi byang chub tu yongs su bsngo bar bgyi ba dang/ byang chub kyi bar du sangs rgyas dang/ chos dang/ dge 'dun la skyabs su mchi ba dang/ yang dag pa'i byang chub tu sems ni bskyed par bgyi'o/ de nas bcom ldan 'das rang gi sa bon dang lhan cig tu gyur par blta'o/ /khams gsum po g.yo ba dang/ mi g.yo ba thams cad rten cing 'brel par 'byung ba rnam par spyad mi bzod pa dang/ rmi lam sgyu ma gzugs brnyan lta bur bsams te/ 'di gcig tu rang bzhin gyis 'od gsal ba yongs su dag pa'i bdag nyid du bsgom par bya'o/ /aoM swa b+hA ba shud+d+hapas maM 'jam pa'i rdo rje'i bdag nyid bcug ste bdag nyid maM las byung ba bsam par bya'o/ /ston ka'i zla ba'i rnam pa can gtsug phud lnga pa rgyan thams cad kyis brgyan pa/ phyag g.yon na autpal sngon po 'dzin pa/ phyag g.yas pa ni mchog sbyin pa/ sna tshogs pad+ma dang zla ba'i gdan la skyil mo krung gis bzhugs pa'o/ /rang gi snying gar zla ba la maM zla shel nor bu'i 'od can 'od zer rnams kyi nam mkha' i khongs na gnas pa'i 'gro ba'i don rnams byed do/ /gsal zhing ji srid skyo bar ma gyur ba'i rnam pa de steng du bsgom par bya'o/ /bsgom pas skyo na sngags pas sngags bzlas te/ aoM bA kye do na mepar 'gyur ro/ /rgyun du goms pa'i sbyor bas skye ba 'di la sangs rgyas nyid kyang 'grub par 'gyur ro/ /de ltar bsam gtan la gnas pas sngon du bsnyen pa 'bum phrag bdun bzlas la ral gri la sogs pa'i dngos grub bsgrub par bya'o/ /de la zla ba gzas zin pa 'am/ nyi ma gzas zin pa la khab len lcags las brdungs pa'i ral gri lag gis bzung ste/ zla ba la bltas nas ji snyed pa grol bar gyur pa de snyed du bzlas pa bya'o/ /ral gri'i rigs pa 'dzin par 'gyur ro/ /ji ltar rdo rje 'khor lo rtse gsum tho ba/ zhags pa lcags kyu la sogs pa dang/ mig sman/ rkang mgyogs/ thig le dbang du bya ba'i rdzas bsags la sgrub pa bya'o/ /rig 'dzin gyi bcud len bsdus byas la bsgrub par bya'o/ /'o thug gi bza' dang/ zho'i bza' ba 'am/ mar dang bcas pas sha ka ra'i lhung bzed bkang ste/ lag par nye bar gzhag la bzlas pa byas te bza' bar bya'o/ /lo lnga brgya 'tsho bar 'gyur ro/ /mon sran gre'u khar blugs la bzlas pa bya ste/ khrung so skye bar 'gyur ro/ /de ming na tshigs bcad la mkhas par 'gyur ro/ /thos pa 'dzin bar 'gyur ro/ /dag dang ldan zhing 'dzin blo rno bar 'gyur ro/ /bil ba rnams kyis 'bum phrag gcig sbyin sreg byas na 'jig rten gsum gyi rgyal po 'grub par 'gyur ro/ /ji ltar rnyed pa'i me tog yang 'bum phrag bzhi sbyin sreg byas na ngag gi dbang gi grub pa thob ste/ ngag gi dbang phyug dang yang mnyam mo/ /mar dang 'bru sna lnga'i sbyin sreg byas na 'bum phrag bzhi tsam gyis gnod sbyin mo 'gugs par 'gyur ro/ /sa 'og gi lha mo yang ngo/ /brA ma'i phye ma sor mo bzhi tsam brgya rtsa brgyad mngon par bsngags la/ nang par snga bar dkyil 'khor byas la ji ltar 'byor pas bcom ldan 'das mchod la/ mar ram kan dzi dang ltung bar bya'o/ /shu dag zho phyed tshad de bzhin du mngon par bsngags la/ mar sam/ 'o ma/ mar nag dang/ zla ba gcig tu btung bar bya'o/ /dig pa dang/ lkug pa rnam par nyams par byed do/ /zla ba drug na thos pa dang/ gzhan yang bstan bcos mngon du 'gyur ro mi shes pa rnam par nyams par 'gyur ro/ /thos pa 'dzin pa dang/ khu byug ltar 'jam pa'i dbyangs gsal ba'i dag tu 'gyur ro/ /'phags pa 'jam dpal pa'i rdo rje'i dpa' bo gcig pa'i sgrub thabs rdzogs so// //khams pa lo tsa ba ba ri dge slong chos kyi grags pas bsgyur ba'o// //rgya gar skad du/ many+dzu sh+rI pradz+nyA tsakra sA d+ha naM/ bod skad du/ 'jam dpal shes rab 'khor lo sgrub pa'i thabs/

CLOSE WINDOW