བོད་ཡིག

e-texts based on the ACIP/ALL Input

/ //khams pa lots+tsha ba ba ri dge slong d+harmA kIrtis bsgyur ba'o// //rgya gar skad du/ badzrA lang+ga many+dzu g+ho Sha sA d+ha naM/ bod skad du/ yan lag med pa'i rdo rje 'jam dpa' i dbyangs kyi sgrub thabs/ 'phags pa 'jam pa'i dbyangs la phyag 'tshal lo/ /sngon du bstan pa bzhin du sdig pa bshags pa la sogs pa byas nas stong par bsgoms pa'i rjes su yi ge haM las skyes pa'i yi ge haM gi chad gzungs kyi dbus su mnan pa'i mda' dang ldan pa'i gzhu bsgoms nas/ de yongs su gyur pa las yan lag med par rdo rje zhes bya ba 'phags pa 'jam dpal mdog ser po phyag drug pa'o/ /rtsa ba'i phyag gnyis ni na ltag gi bar du bkad pa'i autpa la dmar po'i mde'u can gyi mda' dang ldan pa'i me tog gis gzhu 'dzin pa'o/ /g.yas pa'i phyag gnyis na ral gri dang ma lor bsnams pa/ g.yon pa gnyis na autpal sngon po dang/ mya ngan med pa dmar po yal ga me tog dang bcas pa bsnams pa'o/ /mi bskyod pa'i byin gyis brlab pa'i ral pa'i cod pan can g.yon brkyang ba'i zhabs can/ lo bcu drug gi rnam par byed cing cher sgeg pa'i skur blta bar bya'o/ /yang na phyag bzhi pa ste me long dang/ mya ngan med pa'i yal ga me tog dang bcas pa bsnams pa'i phyag dang bral ba bsgom par bya'o/ /de nas ye shes sems dpa' dang gcig tu byas nas/ a oM many+dzu g+ho Sha sh+rIrgyal brtan po byas pa'i yid kyis rang gi snying gar pad+ma dmar po 'dab ma bcu drug pa mngon par 'phyang ba'i sdong bu dang/ rtsa ba dang bcas pa dmigs nas de'i sdong po'i dbus su yi ge hUM dmar po dgu lta'o/ /de'i 'dab ma la g.yas bskor du dbyangs yig dmar po bcu drug bsgom par byas nas/ de'i ze 'bru'i steng du nub mo dang nyin mo ji ltar srid par nyi ma dang zla ba'i dkyil 'khor dmar po'o/ /de'i dbus su yang yi ge h+rirang gi sngags blta bar bya'o/ /de nas dbyangs yig dmar po de rnams sbrang ma yis ma drangs pa'i rgyas pa'i rnam par bsgoms nas/ rang gi sngags kyi 'od zer gyi tshogs kyis phyogs bcu bkang ste ji snyed mngon par 'dod pa'i bud med kyi gnas su song nas me rlung gi dkyil 'khor steng du stobs kyis gzhag nas 'od zer gyi rang bzhin nyid kyi zhags pas legs par rke nas bcings nas/ lcags kyu brtan pos chos 'byung nas phug ste/ mdun du yang dag par bkug nas thal mo sbyar te/ mgal me 'khor ba'i 'khor lo'i nang du bcug nas yi ge hUM dmar pos mig dang snying ga dang/ yan lag nying lag thams cad bkang bar bsgom par bya'o/ /de nas de'i snying gar dbyangs yig dmar po bcu drug dang ldan pa'i sdong bu'i sbugs nas yi ge hUM dang bcas pa'i pad+ma 'dab ma bcu drug pa dmigs par bya ste/ 'on kyang dri ma dang bcas pa'i mdog can no/ /de'i dbus su yi ge h+ridmar zhing phra ba'i lcags kyu rab tu rnon po dang/ pad+ma'i sdong po la gnas pa'i yi ge hUM gi 'od kyi steng du 'gro zhing bskul bas/ sbrang bu'i tshogs kyis rjes su 'gro bzhin pas/ rang gi sna bug g.yas las gzhan pa'i cig shos kyi sgor byung ste/ bsgrub bya'i/ sna bug g.yas pa'i sgo nas de'i snying gar zhugs te/ lcags kyu de yis de'i ming gi yi ge 'gugs par gnas par byed cing/ sbrang bu de rnams kyis dang dga' bas pad+ma de phyung zhing/ rang dags dum bur phyed cing dbyangs yig rnams bzhib par bya'o/ /zhes yun ring du mi g.yo bar blta bar bya'o/ /de nas de kho na bzhin du dbugs kyis bskul ba'i lcags kyus de'i ming stobs kyis blangs te/ sbrang bu de rnams kyis dang/ rang gi dbyangs yig bkug ste/ de'i sna bug g.yon pa'i lam du byung bar blta bar bya'o/ /yang de blangs nas 'jug pa'i rlung gis lcags kyu dang/ sbrang bu rnams bkug ste/ rang gi sna bug g.yas pa'i sgo nas 'jug ste/ de'i ming gi yi ge rang gi snying ga'i sngags la bcug nas/ de'i ming gi yi ge rang gi snying ga'i sngags kyis drag por mnan nas dbyangs yig da rnams 'dab ma so so sbrang bu mchog gis dbang du byas pa'i rnam par bsam par bya'o zhes bya'o/ /rim pa 'di yis rang gi rnam par shes pa dang/ de'i rnam par shes pa de gcig tu byas pa blta par bya'o/ /de nas de'i nu ma la autpa la dmar po'i mde'u rnon po dang ldan pa'i mangs phug nas 'dod chags chen por brgyal bar gyur pa des yang bltas nas lcags sgrog lta bu'i gzhus de'i rkang pa gnyis dam por bcings nas/ rang gis bsnams pa'i autpa la'i sdong bu'i rang bzhin gyi zhags pas rke ba nas bcings te/ yang dag par bkug nas rkang pa gnyis kyis drung du lhung bar byas nas/ mya ngan med pas snying gar brabs pa'o/ /mngon pa'i nga rgyal med par bya ste/ ral gri yis 'jigs par byas/ skyabs gzhan med par byas nas yang rang nyid ji ltar gnas pas skra grol shin tu 'dod chags kyis myos pa/ gcer bu gos med pa/ mi sbyor bas 'jigs shing shin du chags par gyur pa me long la brtan par byas nas rang rig pas rjes su chags par bya'o/ /aoM hI a mu kI a kar Sha ya many+dzu g+ho Sha h+raMgcig nas brtsams te/ ji srid tshes bcu bzhi'i bar du khri phrag gcig tsam bzlas par bya'o/ /yang bco lnga la mchod pa rgya chen po byas nas mtshan thog thag bzlas pa bya'o/ /de nas mtho rangs de nges par 'od bar 'gyur ro/ /'ongs nas de la yang phyag rgya chen po'i dngos grub kyi don du rang gi lha mchod pa'i bsam pas ji ltar bde bar longs spyod par bya'o/ /yan lag med pa'i rdo rje'i 'jam pa'i dbyangs kyi sgrub pa'i thabs rdzogs so// //khams pa lots+tsha ba ba ri dge slong d+harmA kIrtis bskyur ba'o/ / //rgya gar skad du/ d+harma d+hA hu bA gI swA ra sA d+ha naM/ bod skad du/ chos kyi dbyings ngag gi dbang phyug gis sgrub pa'i thabs/ 'phags pa 'jam dpal la phyag 'tshal lo/ /de kho na nyid bzhin du stong pa bsgoms pa'i rjes su sna tshogs pad+ma'i steng du/

CLOSE WINDOW