བོད་ཡིག

e-texts based on the ACIP/ALL Input

s+thi ra tsakra sA d+ha naM/ bod skad du/ brtan pa'i 'khor lo sgrub pa'i thabs/ 'phags pa 'jam dpal la phyag 'tshal lo/ /dpal dang ldan pa'i dbyangs chen ma lus pa'i 'khrul pa spangs te/ rab tu rgyas shing 'bar ba yi/ /'od zer dkar po gyin du 'phro zhing dri med gzugs ni rgan yang byis pa'i cha lugs can/ /mdzes pa'i ral gri 'phyar zhing phyag na bsnams pa'i shes rab la yang gus pas rab tu 'dud/ /rin chen 'khor lo 'di ni bdag gi dran par bya ba'i phyir ni bri bar rab tu bya/ /kun mkhyen ye shes rgya mtsho ni/ / phyogs mdza' med par rnam par bsam/ /rab skrag sems can tshogs mang ni/ /yang dag yongs su bskyab 'dod pas/ /yid bzhin nor bu sems 'byung zhing/ /sna tshogs dag gis de rnams mchod/ /byas nas 'jig rten bskyab don du/ /bdag gis lus yid dbul bar bya'o/ /de nas dge ba 'phel phyir sngags pas 'di bya ste/ /sdig pa thams cad dag ni 'jig pas bshags par bgyi/ /dga' bas 'gro ba'i dge ba dag la rjes yi rang/ /dkon mchog gsum la yang ni skyabs su 'gro bar bya/ /yang dag byang chub sems ni gzung bar bya/ /de'i rjes la yang ni brtsam par bya/ /gzung dang 'dzin pa spangs shing 'gro ba 'di ni rmi lam dang ni mig 'khrul lta bu ste/ /dag cing yang ni rang bzhin 'od gsal 'gyur ba de yang nam mkha' lta bur mnyam pa ste/ /bdag nyid kyang ni yid kyi rol pa dag tu rtogs shing yang dag bsdus par nges byas la/ /yang ni mudbyangs yig 'bar ba'i phreng bas mnyam par rab tu 'khrigs/ /phyogs sgo gsal zhing 'bar ba rnam par bsam par bya/ /de las yang ni sa bon mupar bskor/ /steng du mar me'i 'od dang dmar po ste/ /de la yang ni sngags pas mu yig bsam par bya/ /de las byung ba'i yid 'ong 'od 'bar 'dab ma ste/ /'bar ba'i autpal sngon po'i 'od kyi dra ba can/ /mu'od zer las ni sangs rgyas spros par 'gro ba rab tu 'gengs par byed/ /zla ba la gnas bud ba'i yan lag lta bu'i 'od kyis shin tu 'bar ba'i lcang lo can/ /shin tu mthug pa'i mun pa'i rab rib 'joms shing med par zhal gyi 'od zer 'dra bas 'byed/ /rnam pa thams cad mchog ni sbyin pa'i dpal ldan dbyangs kyi dbang phyug ni/ /'bying dang sgeg pa'i ro yis mngon du khyab par byed/ /g.ya zhing g.yang gi zhal gyis cher ni bzhad 'gyur ba/ /dpa' bo gzhon nu'i rgyan ni rab tu 'chang ba'o/ /de yi go 'phang thob par 'dod pas bsam par bya/ de ltar dag dbang rnams bsam nas/ /mu yig snying gar bsgom par bya/ /'bar zhing dmar ba'i mdog gi 'od/ /byung nas sgron ma'i dkyil 'khor la/ /de las skyes pa'i rtsibs brgyad pa'i/ /'khor lo mi shes mun pa 'joms/ /sna tshogs 'od kyis dag bar bya/ /ye shes rang bzhin dge ba ltar/ /sprul pa'i nyi ma 'char ba'i 'od/ /sgron ma gsal ba'i 'od tshogs 'dra/ /me tog dmar po rnam par lta/ /yi ge dmar po kun tu dgram/ /de la re zhig 'khor lo'i rtsibs rnams su/ /yi ge bsam par bya ste/ shar dang lho dang nub dang byang phyogs rnams su rim bzhin du a ra pa tsa na'o/ /yi ge ni lte bar ra/ /me dang bden bral dang rlung dang dbang ldan rnams su sngon bzhin du yang/ ni bra pan tsa yig go /de bzhin du bar dang bar rnams su a la sogs pa'i dbyangs kyi tshogs so/ /phyi rol du ka la sogs pa'i gsal byed rnams so/ /'di mi g.yo bar nges par byas la phyis ni 'khor lo'i yi ge'i tshogs kyi 'od zer gyis sems kyi mun pa'i dkyil 'khor 'joms pa/ /rang gi lus po'i ba spu'i khur bu rnams nas phyir byung ste/ phyogs bcu'i 'jig rten gyi khams na gnas pa'i de bzhin gshegs pa'i ba spu'i bu ga nas thugs kyi ye shes kyi bdud rtsi dang lhan cig tu ro gcig cing mnyam par gyur nas de rnams phyir byung ste/ ba spu'i bu ga de nyid du zhugs nas rang gi lus bo gsal bar byed pa yun ring du gsal bar bya'o/ /brtan pa'i sems kyis phyis ni spro ba dang bsdu ba'i rim pas ji srid mngon du gyur pa de srid du bsgom par bya'o/ /'jam dpal? dang ni gnyis med go 'phang 'chang zhing yi ge bcas nyid yongs su yid la 'dod byed pa/ /'di ni 'khor lo gsal pos nye bar song zhing nyin dang mtshan mo bsam gtan byed la mngon sbyor bas/ /de yi sngon ma mthong ba'i ngag gi rang bzhin grangs kyi rig pa'i tshogs ni ma lus de yang ni/ /ji ltar bde bar yid ni rab tu 'jug cing nor bu'i sgron ltar rab gsal 'thug pa'i mun 'joms pa/ /'khor lo 'di ni phan par shes na yid ni byed pa yi/ /ngo mtshar ched du yang ni brtag par bya/ /yongs su brtags pas bde gshegs rang gi ngo bo nyid/ /ring por mi thogs par ni rab tu rtogs par 'gyur/ /gang zhig 'dir ni 'khor lo rnam par dgod pa'i bsod nams ci skyes pa/ /bdag gi yid dang skye 'gro yid rnams 'khor lo de yis gsal bar shog /'dir ni gti mug mun pa 'zug por? 'char? ka nyi ma lta bu yis/ /'gro tshogs 'di ni gang gi gtso bo dpal gyi rol par 'gro bar shog /brtan pa'i 'khor lo sgrub pa'i thabs slob dpon b+ha ba skand+has mdzad ba rdzogs so// //paN+Di ta don yod rdo rje dang/ khams pa lots+tsha ba dge slong ba ris bsgyur cing zhus pa'o// // rgya gar skad du/

CLOSE WINDOW