བོད་ཡིག

e-texts based on the ACIP/ALL Input

(//brtan pa'i 'khor lo'i cho ga bzhugs) // !/ /rgya gar skad du/ s+thi ra tsakra b+hA ba na/ bod skad du/ brtan pa'i 'khor lo'i cho ga/ bcom ldan 'das 'jam dpal gzhon nur gyur pa la phyag 'tshal lo/ /thugs rje dang ni shes rab gnyis/ / sangs rgyas kun ltar dbyer med pa'i/ /dam pa'i lam ston lta bu yi/ /sku yi rnam pa 'chad mdzad pa/ /'jam dpal dbyangs la phyag 'tshal te/ /slob mas legs par rtogs phyir dang/ /bdag nyid kyis kyang dran pa'i phyir/ /de yi sgrub thabs bri bar bya/ /gsang sngags rang nyid len pa yi/ /'gro ba dmyal ba 'ba' zhig yin/ /sngags kyang 'grub par mi 'gyur te/ /lus nyon mongs pa kho nar zad/ /de la bgegs rang 'byung 'gyur zhing/ /lus la'ang gnod par gyur pa yin/ /de ltar brtags nas mkhas pa yis/ /'jam pa'i dbyangs kyi sgrub pa'i thabs/ /myur du byang chub rab bsgrub pa/ /slob dpon med par bsgrub mi bya/ /de bas dang pas bla ma ni/ /dam par byas te 'di bzung ngo/ /de la re zhig rnal 'byor pas/ /sa phyogs yid du 'ong ba gang yang rung bar stan bde ba la 'dug ste/ tshangs pa'i gnas bzhi bsgom par bya'o/ /de la sems can thams cad la bu gcig pa dang 'dra bar sdug par 'dzin pa ni byams pa'o/ /kye ma sems can 'di dag ni 'khor ba'i rgya mtshor nub cing yun ring du sdug bsngal nyams su myong bar 'gyur ro zhes de ltar bsams la/ bdag nyid 'jam pa'i dbyangs kyi go 'phang thob par byas nas/ 'di dag ma lus par sdug bsngal dang sdug bsngal gyi rgyu las thon te 'jam pa'i dbyangs kyi go 'phang la bdag gis gzhag par bya'o/ /de ltar yang skye ba dang/ rga ba dang/ na ba dang/ yid mi bde ba dang/ bkres pa dang/ skom pa dang/ nad dang 'chi ba la sogs pa'i sdug bsngal las bdag dang bdag gir 'dzin pa la mngon par zhen pa dang/ 'dod chags dang/ zhe sdang la sogs pa'i mtshan nyid can gyi rgyu las grub pa gdon bar bya'o/ /de nyid ni snying rje bsgom pa'o/ /sems can thams cad zag pa med pa'i bde ba rgyun mi chad pa la 'jog par 'dod cing dga' ba ni dga' ba'o/ /bde ba dang/ sdug bsngal dang/ grags pa dang/ ma grags pa dang/ rnyed pa dang/ ma rnyed pa dang/ bstod pa dang/ smad ba ste 'jig rten gyi chos brgyad po 'di dag la bde ba de lta bar sdug bsngal la yang de bzhin du lta ba la sogs pa sems mnyam par bsgom pa ni btang snyoms so/ /de nas rang gi snying gar a dkar po yongs su gyur pa las zla ba'i dkyil 'khor ro/ /de'i steng d u yi ge muaoM na mo many+dzu sh+rI ye/ aoM badzra nai pi dya hUM/ aoM na mo many+dzu sh+rI ye zhes bya ba'i sngags kyis byin gyis brlabs pas 'phags pa 'jam dpal dang/ bla ma dang/ sangs rgyas dang/ byang chub sems dpa' rnams la mchod pa bya'o/ /de nas mdun du dkyil 'khor byas nas phyag byas la pus mo g.yas pa'i lha nga sa la btsugs te/ snying gar thal mo sbyar nas bshags pa la sogs pa bya'o/ /gang yang bdag rmongs pa'i dbang gis lus dang ngag dang yid kyis sdig pa mi dge ba'i las ci bgyis pa dang/ bgyid du stsal ba dang/ bgyis pa la rjes su yi rang ba de dag thams cad ma lus par bshags par bgyi'o/ /slar yang sdig pa mi bgyid do/ /sangs rgyas dang/ byang chub sems dpa' dang 'phags pa gzhan rnams kyis dge ba gang mdzad pa de dag thams cad la rjes su yi rang bar bgyi'o/ /der nas brtsams te byang chub kyi snying po'i bar du khyed rnams la bdag nyid lus dbul bar bgyi'o/ /dge ba'i rtsa ba 'dis bdag 'jam pa'i dbyangs su gyur nas/ srid pa'i rgya mtshor nub pa'i sems can rnams gdon bar bgyi'o/ /brtan pa'i 'khor lo bsgom pa'i rim pa 'di nyid kyis kyang byang chub chen por bsgrub pa'i lam la bdag gnas par bgyi'o/ /bdag gi bsod nams 'dis 'khor ba'i sems can ma lus pa 'jam pa'i dbyangs dang 'dra bar gyur cig ces dge ba'i rtsa ba bsngo bar bya'o/ /de nas 'od zer gyi tshogs rnams ba spu'i bu ga rnams nas muba dang mi rgyu ba'i dngos po rnams dang bdag nyid kyang sgyu ma lta bur bsgom par bya ba'o/ /de yang sgyu ma mkhan gyis 'jim pa'i gong bu la sogs la dngos po gcig las glang po che dang/ rta la sogs pa ston yang/ de rnams don yod pa ma yin gyi 'phrul pa 'ba' zhig tu zad la/ ? khrul? ba de brtags na dngos po med de/ de bas na snang du zin kyang yod pa ma yin la/ dngos po'i tshogs thams cad kyang de dang 'dra'o zhes de ltar rang bzhin gyis lhag par mos pa byas la/ aoM shU n+ya tA dz+nyA na badzra swa b+hA ba At+ma ko haM zhes bya ba'i sngags brjod par bya'o/ /'di brjod pa'i rjes thogs kho na la rgyu ba dang mi rgyu ba'i dngos po dang bdag nyid kyang stong pa nyid du bsgoms la/ sems tsam du gnas par bsgoms nas sems de yang yod par rtag go /de nas snying rje chen po can gyi sngon gyi smon lam gyi 'phen shugs kyis langs nas/ kye ma sems can 'di dag rang bzhin gyis rnam par dag ba yin yang/ ma rtogs pas da dung 'khor ba'i rgya mtshor 'khyams par gyur gyis/ des na de las stong pa nyid du gnas pas phan mi thogs pas gnyis su dmigs su med kyang snying rje chen po'i dbang gis re zhig 'jam pa'i dbyangs su gyur par b ya'o zhes rnam par bsams la rang gi sems yongs su gyur ba las 'byung ba'i yi ge mugyen du bltas pa bsam par bya'o/ /de'i steng du yi ge mu gnyis la/ kha dog dmar po can las byung ba'i zla ba'i dkyil 'khor bsam par bya'o/ /de'i steng du ka nas k+Sha'i mthar thug pa la Da Dha da d+ha ya la zhes bya ba'i yi ges bsnan pa nyis 'gyur du byas pa'i yi ge brgyad cu mgo gyen du bltas pa mdog rnam par dmar bar bsam par bya'o/ /de'i steng du yi ge mu gsum pa yongs su gyur ba las autpa la shin tu sngo ba de'i lte par yi ge mu bzhi pa kha dog dmar po bsam par bya'o/ /de nas de rnams las 'od zer byung ? ? gtos khyab par spros la/ de bzhin gshegs pa ma lus pa ba spu'i bu ga'i gseb nas thugs kar zhugs te/ de rnams kyi bsod nams dang ye shes kyi tshogs dang/ lhan cig tu ro gcig par gyur nas ba spu'i bu ga nas slar log ste de rnams nyid la zhugs par bsam? bar bya'o/ /de nas de dag thams cad yongs su gyur pa las 'phags pa 'jam pa'i dbyangs kyi sku band+hu ka'i me tog ltar dmar ba/ chos chen po'i tshon gyis bsgyur ba lta bu pad+ma'i steng du rgol ba ma lus pa'i snying po/ gnon pa lta bu'i tshul gyis zla ba'i dkyil 'khor gyi steng du sems dpa' i skyil mo krung gis bzhugs pa/ 'das pa dang/ ma 'ongs pa dang/ da ltar byung ba'i bstan bcos ma lus pa 'dzin ba'i tshul gyis phyag g.yon pas thugs kar glegs bam bsnams pa/ 'gro ba ma lus pa'i mi shes pa'i ri bo 'jig par mdzad pa'i tshul gyis phyag g.yas pa na ral gri bsnams pa zur phud lnga dang ldan pa gzhon nu'i cha lugs 'chang ba/ mi bskyod pa dbu la bzhugs pa'i cod pan 'chang ba sgeg pa'i nyams kyis gnas gcig pur 'gro ba la zhi ba thugs rje la gcig tu gzhol ba/ shin tu yid du 'ong ba gzhir myur bar bdag nyid bsgom par bya'o/ /de nas rang gi snying gar yi ge muba bzhin du bsams la dbus su yi ge na'o/ /me dang bden bral dang/ rlung dang dbang ldan gyi mtshams su ni pra pan tsaM zhes bya ba snga ma bzhin bsam mo/ /rtsibs rnams kyi par mtshams su dbyings kyi yi ge bcu drug las gnyis gnyis so/ /'khor lo'i mu 'khyud las la sogs pa'i yi ge g.yas nas kun nas bskor bar bsgom par bya'o/ /'di dag thams cad kyang bcom ldan 'das kyi sku mdog gi mdangs dang 'dra'o/ /de nas snying ga na gnas pa'i 'khor lo las byung ba'i 'od zer rtse mo lcags kyu dang 'dra ba rnams kyis gdod ma nas yang dag pa'i brtan pa'i 'khor lo spyan drangs la de dang lhan cig tu 'dres bar bdag nyid bsgom par bya'o/ /de'i rjes la 'khor lo'i yi ge'i tshogs rnams las 'od zer dmar po rnams ba spu'i bu ga rnams nas byung ste/ brtan pa'i 'khor lo'i gzugs su gyur bas nam mkha' i gtos khyag bar bsgoms te/ des reg pa tsam gyis sems can gyi tshogs rnams 'jam pa'i dbyangs kyis gzugs su byas nas/ sangs rgyas dang/ byang chub sems dpa' thams cad kyi ba spu'i bu ga nas 'od zer gyi gzugs kyis thugs kar zhugs te/ de rnams kyis bsod nams dang ye shes kyi tshogs dang lhan cig tu ro gcig tu gyur nas de nyid nas slar byung nas 'phags pa 'jam pa'i dbyangs kyi sku nam mkha' i ngos ma lus pa khyab par mdzad nas slar byon nas sems can gyi tshogs ma lus pa 'jam ba'i dbyangs kyi sku lta bur mdzad nas nyid kyi sku'i thad du lhags te ba spu'i bu ga de nyid nas 'khor lo dang yi ge'i tshogs de dag gi nang 'od zer gyi gzugs kyis zhugs par bsam par bya'o/ /ji ltar bshad pa'i tshul gyis bcom ldan 'das kyi nga rgyal shin tu brtan pa sngon du 'gro ba dang/ spro ba dang bsdu pa'i rim pa ji srid skyo bar ma gyur gyi bar du de srid du rgyun tu bsgom par bya'o/ /gal te skyo bar gyur na 'od zer bsdus nas spro bar mi bya bar 'khor lo dang yi ge rnams bsam pa dang/ rang gi phyag mtshan dang dbyibs kyi tshul rtog cing sngags bzlas pa bya'o/ /de la bzlas pa bya ba'i sngags ni/ aoM a ra pa tsa na munub par gyur pa ji snyed dang/ /gang zhig 'jig rten du ni ring gnas 'gyur/ /bstan bcos gang zhig da ltar gnas pa dang/ /srog chags rnams kyi skad ni ma lus dang/ /bzo dang sgyu rtsal la sogs mkhas gang dang/ /de las gzhan pa'i dbang po las 'das gang/ /de dag thams cad tshig don bcas par go / snying la gzugs brnyan tshul du gnas par gyur/ /phyogs gang tshar bcad ba dang bsgrub 'dod pa/ /'bad pa med pa nyid du 'jug 'gyur te/ /phur bu lha chen brgya byin tshangs pas kyang/ /tshar chod bsgrub pa de ni rgol mi nus/ /'khor lo 'di med par ni shes rab dag / rnon por mi 'gyur de med phra ba yi/ /chos rnams 'dzin par mi nus de med par/ /nam yang 'khor ba'i mtsho las sgrol mi nus/ /de bas rang la phan 'dod bas/ /'khor lo bsgom pa mi spang zhing/ /gsang sngags rgyal po bzlas pa yang/ /mnyam par bzhag pas rtag tu bya/ /bdag gi dge ba 'di yis srid pa gsum po las byung 'jig rten rnams/ /bde gshegs ma lus thugs dang gcig 'gyur 'jam dbyangs 'dra bar shog /bdag dang rnam rtog mang po'i tshogs bral bde mchog ldan pa yi/ /phyag rgya chen po dngos grub tshogs 'dis tshe 'dir myur thob shog / bcom ldan 'das 'jam pa'i dbyangs kyi sgrub thabs brtan pa'i 'khor lo bsgom ba zhes bya ba rdzogs so// //rgya gar gyi mkhan po bIrya b+ha dra dang/ lots+tsha ba dge slong rin chen bzang pos bsgyur ba'o// // rgya gar skad du/

CLOSE WINDOW