བོད་ཡིག

e-texts based on the ACIP/ALL Input

//paN+Di ta a b+ha ya la sogs pa'i zhal snga nas/ dge slong tshul khrims rgyal mtshan gyis bsgyur ba'o// //rgya gar skad du/ mA hA kA la sA d+ha naM/ bod skad du/ mgon po nag po'i sgrub thabs de kho na bzhin du sngar bshad pa'i rim pas stong pa nyid bsgoms pa'i rjes thogS la/ sna tshogs pad+ma dang nyi ma la yi ge hUM gi de kho na nyid kha dog nag po yongs su rdzogs pa las/ dpal dang ldan pa'i rje btsun mgon po nag po ste/ zhal gcig phyag gnyis pa/ sku mdog nag po/ spyan gsuM pa 'bar ba chen po gri gug dang thod pa phyag g.yas pa dang g.yon pas 'dzin pa/ mgo bo'i phreng bas brgyan du byas pa/ skra kham pa gyen la 'phyur? pa/ sku la do shal dang ldad pa/ mche ba 'jigs pa dang/ yan lag thams cad la 'jigs pa chen po dang ldan pa'i lto 'phyes kyis brgyan pa/ sku bong thung ba/ zhal nas khrag 'dzag par gyur par bdag nyid skad cig gis rnam par rdzogs par byas la/ sngags bzlas par bya ba'o/ /de la sngags ni 'di yin te/ aoM sh+rI ma hA kA la hUM hUM hUM phaT phaT swAhA/ dug dang khrag dang/ ra so na yungs kar gyis mgon po nag po la bdug pa yul la/ dza bu la sha dang/ chang dang/ me tog dang/ byug pa dang/ lcags kyu lnga dang/ bdud rtsi rnams kyi mgon po nag po la gter ma dbul bar bya ba'o/ /sngags ni 'di yin te/ aoM sh+rI mahA kA la ye shA sa nA au pa ta ri re yi e ShA a pas tsi ma kA lo a yam ai daM/ ratna tra yA ya au pa kA ri NaM ya di pra ti dz+nyaM sma ra si tA dA ai doM?/ duShDA? kha kha khA hi kh'hi mA ra mA ra grih+na grih+na band+ha band+ha ha na ha na da ha d+ha pa tsa pa tsa daM na me ke nA mA ra ya hUM hUM phaT phaT/ 'di la sngon spy+d ni 'di yin te/ tsha ba gsum gyis bsgrub bya'i gzugs brnyan byas la/ lus tshor mas gang bar byas te/ dug dang ske tshes? cho ga bzhin du bris? la/ me la gang gi ming nas bsras pa de ni de'i skad cig la mi mthong bar 'gyur ro/ /slob dpon la ni rtag tu zhe sdang gang/ /dkon mchog gsum ni spong bar byed gang dang/ /sems can du ma gtse bar byed pa rnams/ /mgon po nag pos za bar byed pa yin/ /de lus sha ni gcod par byed pa dang/ /khrag kyang 'thud bar byed dang de bzhin du/ /mgo bo la ni rnam par gnas byas nas/ til tsam du ni gcod par byed pa yin/ zhes bya ba la sogs pa rgya cher go bar bya ba yin no/ /dpal dang ldan pa'i mgon po nag po'i sgrub thabs yongs su rdzogs so// //paN+Di ta a b+ha ya la sogs pa las dge slong tshul khrims rgyal mtshan gyis bsgyur ba'o/ / //snying po rtog mkhas ngag gis 'gal med chos kyang 'gal bar rtog bI 'gro don bstan 'jug rim par bca' ba mdzad mod kyi/ /bag yangs gyur dang theg mchog dus 'dir rgyus bzhos snying khu mchog dang mchog min dngos grub rnams ni sgrub byed sgrub pa'i thabs/ /pa tshab tshul khrims rgyal mtshan gyis bsgyur dge ba skyon bral nges ni skye dgu chos mchog snod dang brtson lan 'bras thob shog/ dang por bdag sogs sgrib zad sngags mos sngags pa'i chos ldan skad thabs gang gis 'dul bas rtag tu chos 'di ston gyur cig/ mos pa'i khyad par gyiS rgya gar na sgrub thabs bsdus pa 'ga' zhig srid na yang gzhung snyan dngags? dang ldan pas saM skri ta/ mchog tu gyur cing don bzang la gdams ngag che ba rnams bsdebs pa/ a b+ha ya kA ra'i phyag dpe las paN+Di ta chen po de dag dang/ pa tshab kyi rigs su skyes pa'i dge slong tshul khrims rgyal mtshan gyis sngon gyi khrims las ma 'das par bsgyur ba'i tshad du bsgyur ba'o/ / // sarba mang+gA laM?/

CLOSE WINDOW