བོད་ཡིག

e-texts based on the ACIP/ALL Input

/rdo rje rnal 'byor ma'i sgrub thabs rdzogs so// //dA dang a b+ha ya'i zhal snga nas dge slong tshul khrims rgyal mtshan gyis bsgyur ba'o// //rgya gar skad du/ sh+rI b+hu ta DA ma ra sAM k+Shi pa ta sA d+ha naM/ bod skad du/ dpal 'byung po 'dul byed kyi mdor bsdus pa'i sgrub thabs/ 'byung po 'dul byed la phyag 'tshal lo/ /tshangs pa brgya byin ku be ra sogs rnams/ /dregs pa rnams 'joms pa la mkhas gyur pa'i/ /dpal ldan 'byung po 'dul byed la btung nas /de yi sgrub pa'i thabs ni bri bar bya/ /yang dag gdams dag mdor bsdus rnams dag pa/ /mdor bsdus la dga' rnams la mdzes brjod pa'i/ /gnod sbyin bya sogs yang dag sgrub byed pa/ /bdag snying gcig tu ngo mtshar skyes phyir ro/ /dang por re shig sngags pas rang gi snying ga'i zla ba la sna tshogs rnam par gsal bar byed pa'i 'od zer gyis lus kun nas gang bar gyur pa'i raM gi sa bon dmar po rnam par bsam par bya ba'o/ /de nas de las kun nas 'phros pa'i lcags kyu'i rnam pas spyan drangs la/ mdun du 'dul byed legs par mngon par mchod par bya zhing/ zla na med pa'i mchod pa rnam pa bdun dang/ stong pa nyid kyang bsgom par bya ba'o/ /de nas kun da dang mtshungs dri med rnam gsal zla ba'i steng gi ni/ /dbus ni thig le'i zhal snga nas mtshungs hUM gi rnam pa ste/ /kun nas gsal byas ma lus yongs gyur pas ni yang dag pa'i/ /sna tshogs pad+ma 'dab ma brgyad ba legs par blta bar bya/ /de nas de'i dbus su yi ge a yongs su gyur pa la zla ba'i dkyil 'khor gyi steng du yi ge hUM lte bar gyur pa'o/ /yi ge hUM yongs su gyur pa mthing nag 'bar ba'i rdo rje rnam par bsgom par bya ba'o/ /de dag yongs su gyur pa las skad cig gis blta bar bya ba ni/ zhal rnam par bsgyur zhing 'gying pa/ 'byung po rnams kun nas skrag par mdzad pa'i rang bzhin can/ skye dgu rnams la phan par byed pa dang/ byed pa bo dang/ khyab pa chags pa'i rgyu gcig pur gyur pa/ khyab 'jug dang/ dbang phyug dang/ smin drug dang/ drag po dang/ bdud rnams la gcig tu dpa' ba/ zhal cung zad tsam tshems gtsig pa/ khro bo'i dra ba rnam par spro bar mdzad pa/ sku mdog mthing nag skra ser po byen du 'khyil ba bgyigs pa na bza' sngon po sku la mnabs pa/ g.yas pas rdo rje bsnams pa/ g.yon pas zhags pa bsnams shing sdigs mdzub mdzad pa/ thod pa lnga'i dbu rgyan dang ldan pa/ g.yon pas rtse gsum dang thod pa bsnams pa/ g.yas pas DA ma ru dang gri gug bsnams pa/ ral pa ser po dang cod pan dang ldan pa/ spyan gsum pa/ stag gi pags pa'i sham thabs can/ /'byung po'i mnga' bdag dkar po gzhan gyis mi thub pa/ g.yas bskums pa'i zhabs kyis kun nas mnan pa/ phyag gnyis snyoms par sbrel ba'i phyag rgya dang ldan pa ni/ dpal 'byung po 'dul byed do/ /de la phyag rgya ni 'di yin te/ srin lag gnyis mdung cing mdzub mo gnyis cung zad kug la mthe'u chung dang/ gung mo dang? ? mthe bong gi sbrel bar byed pa'o/ /klu chen po brgyad kyis brgyan pa sde/ de la mgo bo la dkris pa ni 'jog po sngon po/ mgul pa'i rgyan ni tak+Sha ka dmar po/ dga' bo dang nye dga' ni rna ba'i gdub kor te/ gcig tu ser ba nyid do/ /tshangs pa'i skud pa ni mdza' yas dkar po'o/ /rked ka'i the gu ni naM ra rgyas skya bo'o/ /phyag rgya'i phyag gnyis ni rigs ldan te/ kha dog dmar po'o/ /de bzhin du de las gzhan pa'i phyag dag kyang dud skyong dkar pos so/ /rkang gdub ni pad+ma dang pad+ma chen po ste/ gcig tu dmar ba kho na'o/ /spyan gnyis dmar dang de ltar gyur pa yi/ /dpal ldan 'byung po 'dul bar byed pa ni/ /'jig rten don la gcig tu phyed che ba'i/ /shin tu khros par gyur pa bsam par bya/ /snying ka dang/ mgul pa dang/ mdzod spu dang/ spyi bo rnams su rtag tu srung par bya ba'i don du phyag rgyas gtug par bya ba'o/ /bsam gtan gyis skyo bar gyur na rdo rje'i tshig gam/ khro ba'i tshig gis sngags bzlas par bya ba'o/ /sngags ni hUM aoM badzra phaT ces bya ba'o/ /yon tan ldan pas don gnyer nas ni 'di ni gar phyir gsal byas pa/ /rnam par snang mdzad bdag gis 'di las dge ba gang dag thob pa des/ /'jig rten gsum gyi 'jig rten pa rnaMs dri ma ma lus zad par shog/ dpal 'byung po 'dul byed kyi sgrub thabs mdor bsdus pa rdzogs so/ / //mkhas pa a la sogs pa las dge slong tshul khrims rgyal mtshan gyis bsgyur ba'o/ //rgya gar skad du/ b+hu ta DA mar sA d+ha no pa yi ka/ bod skad du/ 'byung po 'dul byed kyi sgrub thabs yan lag dang bcas pa/

CLOSE WINDOW