བོད་ཡིག

e-texts based on the ACIP/ALL Input

/ //a b+ha ya'i zhal snga nas dge slong tshul khrims rgyal mtshan gyis bsgyur ba'o// //rgya gar skad du/ badzra bA rA hi sA d+ha naM/ bod skad du/ rdo rje phag mo'i sgrub thabs/ bcom ldan 'das 'phaD? ma rdo rje phag mo la phyag 'tshal lo/ /de nas de'i phyir na bcom ldan 'das ma gsang ba'i dbang phyug ma lha dang bcas pa rnams kyi mnga' bdag ma chen mo/ /shin tu che ba'i gsang chen mo/ /lha mo chen mo dbang phyug che/ /'jig rten gsum po 'jigs mdzad cing/ /'jig rten gsum 'di skyed par mdzad/ /gsang ba zhes bya'i yum 'di ni/ /sgyu ma chen mo zhes rnams grags/ /rig ma 'jig rten gsum skrag ma/ /dbang phyug chen mo rab 'jigs ma/ rig pa gang zhig shes tsam gyis/ /sgrub pa po'i dbang phyug gis/ /lhar bcas dri za'i tshogs rnams dang/ /lha min mi dang gnod sbyin bcas/ /rig 'dzin sha za srin po dang/ /lto 'phye mi 'am ci rnams dang/ /'byung po rnams kyang dbang du byed/ /chu las skyes dang thang skyes kyi/ /rig pas ngo mtshar cher byed yin/ /de bzhin mig 'phrul byed pa dang/ /rmongs dang rengs pa nyid dang ni/ /nam par dbye ba skrad sogs dang/ /dbang dang dgug dang rmug bya dang/ /ya mtshan rnam pa mang po rnams/ /rig pa bklags pa tsam gyis byed/ /sgrub pa po yis klags bsgrub kyis/ /bzlas pa dang ni srung sdom dang/ de la snyung gnas med par brjod/ /dka' ba med par 'grub 'gyur bar/ /lha mo das ni bden par smras/ /'jig rten gsum kun sgrub byed pa'i/ /sgyu ma chen mo khyod kyi sngags/ /lha rdzas yi ge'i phreng pa yis/ /rnal 'byor chen mo ngas rab bshad/ /aoM bcom ldan 'das ma rdo rje phag mo la phyag 'tshal lo/ /'phags ma gzhan gyis mi thub ma 'jig rten gsum gyi rig pa chen mo/ /'byung po thams cad kyi 'jigs pa sel bar mdzad ma/ /rdo rje chen mo rdo rje'i gdan ma/ /mi thub ma gzhan gyis mi thub me/ /dbang du mdzad ma/ mi 'phrul bar mdzad ma/ dug skem par mdzad ma/ khros ma khro mo mche ba gcigs ma/ kun tu skrag par mdzad ma/ /gsod mdzad ma/ rab tu 'jigs mdzad ma/ gzhan las rnam par rgyal ma/ rnam par rgyal ma/ rmugs par mdzod cig/ rengs par mdzod cig/ rmongs par mdzod cig/ rdo rje phag mo rnal 'byor ma chen mo 'dod pa'i dbang phyug ma/ kha ge 'di lta ste/ pri? taM go pro taM ge pra NA na ko ni? ki Ni khe khi ni d+hu na d+hu na rdo rje'i phyag gis skoms shing?/ /kha TwAM gA dang thod pa bsnams ma chen mo gsol bar mdzad pa'i sha gsol ma/ mi'i rgyu ma legs par gon pa la rgyus pa'i mi'i mgo bo kun nas zum pa'i phreng ba dang ldan pa/ sum+b+ha ni sunb+he ha na ha na prA Na na sdig pa dang sems can rnams thams cad kyi dbang phyug rnams thams cad kyi sha chod cig/ khros par gyur pa'i sku mtshe ba rnam par gtsigs ma/ phyag rgya chen mo dpal he ru ka lha'i btsun mo dam po rnams kyi mchog dbu stong phrag ma/ phyag stong ma/ zhal stong phrag brgya mnga' ma 'bar ba'i gzi brjid can zhal 'bar ma spyan ser ma/ rdo rje'i gdan mnga' ma/ mi li mi li ti mi li ti mi li he he hUM hUM kha kha d+hu d+hu d+hu ru d+hu ru su ru mu ru gnyis su med pa'i rnal 'byor ma chen mo bklags pas grub pa dreM d+hoM dreM d+haM? graM graM he he ha ha 'jigs mdzad ma ha sa ha sa dpa' mo ha ha ho ho hUM hUM/ 'jig rten gsum rnam par 'joms par mdzad ma/ de bzhin gshegs pa bye ba phrag 'bum gyis yongs su bskor ma hUM phaT/ seng ge'i sku ma/ kha:glang po che'i sku ma gamed ma/ hUM hUM hA hA phyugs chen po rnams rmongs par mdzad ma'i rnal 'byor dbang phyug ma khyod/ /mkha' 'gro ma'i 'jig rten ma rnams kyis phyag byas ma/ 'phral la yid ches mar mdzad ma hUM phaT/ 'byung po rnams skug? par mdzad ma/ dpa' mo chen mo mchog tu grub ma rig pa'i dbang phyug ma phaT/ hUM hUM phaT hUM hUM phaT swAhA/ bcom ldan 'das ma rgyu ma chen po 'di ni bklaD pa ci gyi 'grub pa yin no/ 'di sgrub thabs su gyur pa ni zla ba gzas bzung ba na yang rung ste/ gzas bzung ba la blta zhing lan nyi shu rtsa gcig bzlas par bya ba'o/ /de las ni 'grub par 'gyur ro/ /ji srid du bzlas pa byed pa de srid du bud med stong rjes su 'brang bar 'gyur ro/ /lan gcig brjod pas 'gugs par byed do/ /khro ba'i sems kyis ni bsod par byed do/ /bskrang bya dbyi dang rengs par bya ba yang/ /'dod pa'i dbang gis byed par 'gyur ba yin/ me tog la lan cig bsngags nas nam mkha' la 'phangs pas tshangs pa la sogs pa rnams mthong bar 'gyur ro/ /dur khrod kyi sol ba la lan cig sngags nas khyim mam grong ngam/ grong khyer la btab pa tshig par mthong bar 'gyur ro/ /rma bya'i mjug sgrol lan cig bsngags pas nam mkha' la dbyuD pas slar yang nye bar zhi bar 'gyur ro/ /gram bsags la lan cig bsngags nas phyogs bzhir gtor bas dpung gi tshogs yan lag bzhi mthor bar 'gyur ro/ /rma bya'i mjug sgro phyin ci log tu bskor bas mthong ba phyir bzlog par 'gyur ro/ /thag mo'i sgrub thabs so// // a las tshul khrims rgyal mtshan gyis bsgyar ba'o/ / //*/ /rgya gar skad du/ sh+rI badzra pA rA hi kalpa sarbArbba sA d+ha kA/ bod skad du/ dpal rdo rje phag mo'i rtog pa don thams cad sgrub pa zhes bya ba/ rdo rje phag mo la phyag 'tshal lo/

CLOSE WINDOW