བོད་ཡིག

e-texts based on the ACIP/ALL Input

/a b+ha ya las dge slong tshul khrims rgyal mtshan gyis bsgyur ba'o// //rgya gar skad du/ badzra bA rA hi sA d+ha naM/ bod skad du/ rdo rje phag mo'i sgrub thabs/ rje btsun ma rdo rje phag mo la phyag 'tshal lo/ blo dman? 'jigs par mdzad la mkhas shing tshig dan dag gi phyogs 'jigs pa/ /dug 'joms skye bo'i tshogs kyi rtse dags brnyes par gyur pa'i thar pa yis/ /rab zhi bde ba phun sum tshogs pa lha mo rdo rje phag mo ste/ /ko ga tad tos btud la 'di ni rab tu mdzes par bri bar bya/ de la thun phyed lhag pa'i mtshan mo cho ga bzhin du langs la/ dur khrod la sogs pa yid kyi rjes su mthun pa'i gnas 'ga' zhig tu tsan dan dang bcas pala sogs pas/ nye par byugs shing/ me tog gi bye brag sna tshogs pa rnams kyis nye bar mdzes par bya te/ dngos su ro'i stan nam ji lta ba bzhin du nye bar gnas la/ byams pa la sogs pa bsgom pa sngon du 'gro bas rang gi snying gar yi ge aM las byung ba'i nyi ma'i dkyil 'khor la y i ge h+rIlas kun nas byung ba'i rab tu gtum pa'i mig can dang/ 'od ldan ma dang/ sna chen mo dang/ dpa' i blo gros ma dang/ bong thung ma dang/ lang ka'i dbang phyug ma dang/ shing grib ma ste/ thugs kyi 'khor lo'i brgyan dang/ sa skyod ma dang/ 'jigs byed chen po dang/ rlung gi shugs can ma dang/ chang thung ma dang/ lta mo sngo bsangs ma dang/ shin tu bzang mo dang/ rta rna ma dang/ khwa ga'i zhal te/ gsung gi 'khor lo'i brgyad dang/ 'khor lo'i shugs dang/ char 'tshod ma dang/ 'khor lo'i go cha ma dang/ shin tu dpa' mo dang/ stobs chen mo dang/ 'khor lo'i go cha ma dang/ brtson 'grus chen mo dang/ sku'i 'khor lo'i lha mo brgyad de/ kha dog mthing nag dang/ dmar mo dang/ dkar mo rnams dang/ mi bskyod pa dang/ snang ba mdza' yas dang/ rnam par snang mdzad rnams dbu la bzhugs pa dang/ spyan gsum phyag rgya lnga dang ldan zhing zla ba'i gdan dang/ rdo rje dang/ pad+ma dang/ 'khor lo dang/ thod pa'i phreng bas legs par bcings pas dbu'i zur phud gsum brgyan pa dang/ gri gug dang/ thod pa dang/ kha TwAM ga dang ldan zhing mchod pas sbrel ba'i phyag lim log dang ldan par legs par bltas la/ mchod pa'i yon la sogs pa sngon du 'gro bas mchod cing/ phyag 'tshal ba dang/ sdig pa bshags pa dang/ phyin char mi byed par legs par bsdoms pa dang bsod nams la rjes su yi rang ba dang/ gsum la skyabs su 'gro ba dang/ byang chub tu sems bskyed pa dang/ lam la legs par bsten pa dang/ bdag nyid kyi dngos po yongs su btang ba dang/ gsol ba dang/ bskul ba rnams kyang chog bzhin du rnam par bsgrubs la/ /bsod nams kyang yongs su bsngos te/ stong pa nyid kyi ye shes sgrub par bya ba las/ mgo thog tu thal mo legs par kha sbyar la/ tshigs su bcad pa'i dbyangs brjod pa sngon du 'gro bas de bzhin gshegs pa rnams la gsol ba gdab par bya ba'o/ /de la tshigs su bcad pa ni 'di yin te/ a de bzhin gshegs kun gyis ni dbang bskur bas/ sems can thams cad la ni dngos grub kun/ /phun tshogs 'gyur bas de bzhin gshegs pa ni/ /thams cad kyis kyang byin gyis brlab tu gsol/ /aoM chos sku rang bzhin dag pa ni/ /bdag gi rang bzhin dag pa yin/ zhes bya ba'o// de'i rjes thogs la mchod par bya ba dang/ mchod pa dang/ mchod pa po rnams dang/ chos thams cad kyang stong pa nyid dang/ mtshan ma med pa dang/ smon pa med pa'i rnam pas rmi lam gyi rkyen bzhin du ste/ so so rang gis rigs par bya bar lhag par mos par byas la/ snying ga'i sngags kyi 'od zer spar ba'i 'bar bas/ kun nas snang ba med par byas te/ aoM stong pa nyid kyi ye shes kyi rdo rje'i rang bzhin gyi bdag nyid ni nga yin no/ /zhes bya ba'i nga rgyal 'di bskyed do/ /de nas rang gi sems yi ge paM dmar po'i ngo bor gyur par yongs su grub pa'o/ /de yongs su gyur pa las pad+ma dmar po'i steng du yi ge aM las byung ba'i nyi ma'i dkyil 'khor la yi ge hUM dkar po las nyi ma'o/ /nyi ma la gnas pa'i rdo rje rtse lnga pa 'od zer dang ldan pa/ yi ge h+rI:dkar pos byin gyis brlabs pa /spro ba dang bsdu ba sngon du 'gro bas bsgom par bya ba'o/ /de dag yongs su gyur pas lo bcu drug ma'i skur gyur pa/ ston ka'i zla ba ltar dkar ba/ spyan gsum dmar zhing zlum pa/ zhal mche ba cung zad rnam par gtsigs pa/ dbu skra lhug pa me tog sna tshogs pa rnams kyis mdzes par byas shing/ phyed bcings pas kyang rnam par mdzes pa/ rdo rje nag po'i phreng ba gnyis kyi bar du bcug pa'i thod pa'i phreng bas bcings pa'i zur phud gsum ? 'khor lo dang/ rna gdub dang/ mgul rgyan dang smad kas brgyan pa/ rnam par dag pa'i ba dan lce gsum pa mchog tu 'bar ba phyag g.yas pa bskyod pa na gnas pa dang/ sngar bshad pa'i rdo rjes ye shes kyi skyes bu 'jigs pa rjes su bsgrub par mdzad pa/ phyag g.yon pas ni 'og rtse gcig pa la steng nag po rtse lnga ba'i dbyug pa dkar po dang rjes su 'grogs pa'i skam po 'dzag pa dang bcas pa'i mgo bo dang/ sna tshags rdo rje dang/ gser gyi bum pa'i zhabs nas dang 'brel ba'i dril bu chung du sgra 'khrol ba dang ldan pa/ ba dan khru po rnam par mdzes pa'i dbyug gu dpung pa la kha TwAM ga dang/ dkris pa dang/ bdud bzhi'i khrag dang zhag gi legs par gang ba'i pad+ma'i snod bsnams par mdzad pa'o/ /'dzag pa dang ldan pa'i rgyu mas brgyus pa'i mgo bo khrag 'dzag par gyur pa lnga cu'i phreng ba rab tu khyad? ba pad+ma dmar po'i steng na nyi ma la gnas pa'i ye shes kyi skyes bu ma/ g.yon bskum pa'i zhabs kyis bzhugs pa/ gos med par rab tu gdug pa'i nyi ma'i 'od dang ldan ma/ ba spu'i tshogs rnams las 'od zer spro bar mdzad ma/ gzugs rgyan dang mtshungs par gyur pa/ sgeg pa la sogs pa'i nyams dang ldan pha/ sna tshogs p a'i sprul pa rnams kyis phyogs bcur skye dgu rnams kyi don ched cher mdzad pa nyi ma la gnas pa'i yi ge h+rIde nas snying ga'i sa bon gyi 'od zer kyi dra bas sems can thams cad sku de dang ldan par nges par bsgrubs la/ bdag nyid la legs par bcug ste/ da rang kho na bcom ldan 'das ma rdo rje phag mo yin no zhes nga rgyal bskyed par bya ba'o/ /de'i rjes la rang gi lte bar sna tshogs pad+ma la 'od zer dkar po dang ldan pa'i nyi ma'i dkyil 'khor du yi ge h+rIbas kha'i sgo nas nges par byung nas/ sangs rgyas kyi yon tan gyi tshogs dang/ nor bu dang sngags dang/ sman dang/ zla ba dang/ skar ma dang/ yi ge dang/ bstan bcos dang/ rig pa la sogs pa rnams kyi gzi brjid kun nas blangS te/ lte ba'i bu gar legs par zhugs pas bdag dang gzhan gyi gti mug thams cad skrag par byed pa'i bdag nyid can du bsgom par bya ba'o/ /de nas snying kha'i sa bon gyi 'od zer gyis bskul bas nam mkha' la gnas pa'i ye shes kyi lha mo mdun du bltas la/ sngar brjod pa'i lha mo'i tshogs kyi mchod lon la sogs pa sngon du bdar bas mchod cing/ yi ge pheM gi sngags brjod pa sngon du 'gro bas/ dra ba'i phyag rgya bcings te/ dpral bar g.yon skor du bskor bas de spyan drang bar bya ba'o/ /de dang gcig tu gyur pas sngags kyi nga rgyal bskyed par bya ba'o/ /de la sngags ni 'di yin te/ aoM rnal 'byor pa dag pas chos thams cad kyi rnal 'byor dag pa ni nga yin no/ /snying ga'i sa bon nges yang dag par bskul bar gyur pas/ nam mkha' la gnas pa'i mi bskyod pa la sogs pa'i de bzhin gshegs pa rnams spyan drangs te/ de dag gis de bzhin gshegs pa lnga'i bdag nyid kyi bdud rtsi lngas gang ba'i bum pa bsnams shing/ de rgyu mtshan gyis rnga sgra dang/ dung dang/ rdza rnga dang/ pi wang dang/ 'khar rnga dang/ gling bu dang/ glu dbyangs sna tshogs pa rnams dang/ lha dang lha ma yin rnams kyis kyang rgyal bar gyur cig/ rgyal bar gyur cig ces ched cher byed pa dang/ gur gum dang/ ga bur dang/ gla rtsi dang/ me tog dri zhim po'i char rab tu 'bebs pas kyang ji ltar bltams pa tsam gyis ni/ /de bzhin gshegs kun khrus mdzad pa/ /lha yi chu ni dag pa yis/ /de bzhin bdag kyang khrus bgyi'o/ /bya ba'i tshigs su bcang pa brjod pas bdag nyid la dbang bskur ro/ /aoM de bzhin gshegs pa thams cad kyis dbang bskur pa'i dam tshig gi dpal gyi hUM/ bya ba 'dis byin gyis kyang brlab par bya ba'o/ /de dag las sna tshogs pad+ma dang nyi ma la gnas pa'i mi bskyod pas mgo la byin gyis brlabs par bsam par bya ba'o/ /de nas de'i rgyu mtshan du rab tu gtum pa'i mig can la sogs pa'i lha mo rnams kyis/ de'i rgyu mtshan gyis mchod pa rnam pa sna tshogs pa rnams kyis/ bdag nyid la mngon par mchod pa dang/ 'chang par 'gyur ba'i rim pas bdud rtsi myang ba yang bya ste/ spro ba dang bsdu ba sngon du 'gro ba can gyi ji srid kyi bar du bsgom par bya ba'o/ /myur ba la sogs pa'i skyon dang bral bas sngags bzlas par bya ba'o/ /de la sngags ni 'di yin te/ h+rIg e hIthams cad kyang de'i gzugs dang ldan par blta bar gyur pas ji ltar bde ba'i spyod lam bya ba'o/ /de la yi ge brgya pa'i sngags ni 'di yin te/ aoM Ame b+ha ba/ su to Sh+yo me b+ha pa/ su bo Sh+yo me b+ha ba/ a nu rak+to me b+ha ba/ sarba sid+d+himme pra yats+tsha/ sarba karma su co? me/ tsit+taM sh+rI yaM ku ru hUM/ ha ha ha ha hohUM zhes bya ba'o/ /thun tshod gzhan la yang skad cig gis lha mo'i rnam pa sngon du byas la/ mchod pa la sogs pa sngon du btang bas ji srid 'dod kyi bar du rnam par bsgoms shing/ sngar bzhin sngags kyang bzlas te/ sngar kyi bzhin duthams cad bya ba'o/ /nam byed kyi thun la yang thams cad sngar bzhin du byas la/ nyal ba'i dus su mgo'i phyogs su bla ma dang/ sangs rgyas dang/ byang chub sems rnams bltas te/ legs par mchod cing/ yan lag brgyad gtugs pas phyag 'tshal ba'i bsam pas seng ge'i nyal stangs kyis nyal bar bya ba'o/ /de nas nam mkha' 'byung ba'i tshod la ni lha mo langs par gyur pas sngar bzhin du thams cad bya ba'o/ /gang yang rim ba bzhin du sa phyogs 'ga' zhig tu sems dpa' i skyil krung gis bde ba'i stan la nye bar gnas la/ sems can rnams thams cad la yang/ snying rjes dmigs te/ sdig pa bshaD pa naS? brtsaMs nas/ ji srid du byang chub tu sems skyed pa yang sngon du btang pas/ yi ge Ayang byas te/ brgya phrag byed kyi ri lu'i phreng ba'i bgrang phreng gis thun chod gsum mam/ thun tshod bzhir yang rung ste/ rnal 'byor pas bzlas par bya ba'o/ /legs par nyal ba yang sngar gyi cho gas nyal bar bya pa'o/ /de ltar bzlas pa dang/ bsgom pa'i bdag nyid can cho ga bzhin du rjes su snang ba thob pa/ 'jig rten gyi chos brgyad las rnam par grol ba/ dad pa dang ldan zhing dam tshig dang sdom pa la gnas pa/ snying rje dang ldan zhing dge ba'i bshes gnyen mnyes par byed pa la/ ched cher 'dzin pa'i rnal 'byor pas ni 'bum phrag bdun bzlas pas bzo dang/ rig pa dang/ bstan bcos thams cad la mkhas par 'gyur ro/ /yid gzhungs pa dang/ dpa' ba dang/ 'jigs pa med pa 'khor rnam kyis zil mi non pa dang/ rtsod pa por yang 'gyur ro/ /tsha ba dang/ bad kan dang/ dug dang/ mkha' 'gro ma la sogs pa rnams kyis kyang nye bar 'tshe bar mi 'gyur ro/ /gang dag zos pa de dag kyang bdud rtsir 'gyur ro/ /sngags 'di'i bzlas pa grub par gyur pa na/ sngags des sngags pa'i thod lo kor gang gi lag du phyin par gyur pa de lkugs pa yin yang snyan dngags mkhan du 'gyur ro/ /de'i dri tsam gyis gang dag klu la sogs pa rnams nye bar yang mi 'gyur ro/ /nye bar 'tshe ba 'di dag gis nye bar 'tshe bar byed pa 'khor rnams dang/ gzhan dag rnams thams cad kyang nye bar phan 'dogs pa'i nus pa dang ldan par 'gyur ro/ /mang du smas la ci bya/ bstan bcos la dga' ba ma spyad cing/ sems rnam par g.yeng ba dang bcas ba'i blo gros blun po dag gis kyang/ sngags 'di 'bum phrag gnyis bzlas pas/ /shes rab kyi snang ba'i sgrub thabs 'di byas pa yin na/ gang yang sems brtan pa dang ldan zhing bshad ma thag gi yon tan dang ldan par gyur pa de dag la dngos grub ches myur ba nyid du 'gyur ro/ /shes rab kyi snang ba'i sgrub thabs kyi cho ga'o// // sems can dbang du byas nas 'phags pa'i bden pa bzhi la 'jug pa rnams la/ dbang du bya ba'i cho ga bshad par bya ba'o/ /de ni sngon bshad pa'i rim pas bcom ldan 'das ma yongs su rdzogs par bya ba las/ gzhan yang sa bon dang phyag mtshan dmar po yongs su gyur ba las sku mdog dmar mor rnam par bsgoms shing/ legs par mchod de/ mi bskyod rdo rje zhes bya ba la sogs pa'i tshigs su bcad pas bstod pa yang byas la/ de kho na nyid gsum laS nges par grub pa'i thod pa kha spub pa gsum gyi steng du yi ge A dmar po las byung ba'i pad+ma'i snod kyi steng du dam tshig bcu dang/ dbyangs bcu drug dang/ ka la sogs pa'i gsal byed sum cu rtsa bzhis kyang byin gyis brlangs par bltas pa'o/ /'og tu yaM? dang raM? yongs su gyur pa las rlung dang/ me'i dkyil 'khor gnyis kyi sbar zhing/ bskol te/ dam tshig rnams dang/ sa bon de dag gi 'od zer gyis kyang bskul ba'i de bzhin gshegs pa'i tshogs spyan drangs la de'i nang du bstim mo/ /dbyangs yig dang po las byung ba'i zla ba'i dkyil 'khor gyi steng du yi ge hUM las byung zhing/ des byin gyis brlabs shing/ zla ba la gnas pa'i rdo rje dkar po rtse lnga pa 'od zer gyi dra ba 'phro ba dang ldan pa'o/ /rdo rje 'dzin pa yang zla ba dang rdo rje la legs par bzhugs par bya ba'o/ /ma smin pa dang yid gnyis la sogs pa'i skyon dag par byed pa de'i steng du yi ge aoM bsgom par bya ste/ de'i 'od spros pas bdud rtsi'i sku mnga' ba'i de bzhin gshegs pa rnams dang/ 'jig rten gyi khams sna tshogs na gnas pa'i bdud rtsi yang de la bzhugs par bya ba'o/ /rang sngags kyang rab tu gzhug par bya ba'o/ /ji lta ba bzhin du bdud rtsi grub pa mthong ba dang/ de kho na nyid gsum gyis byin gyis brlabs la/ cho ga bzhin du bdud rtsi myang bar bya ste/ ji srid 'dod ba'i bar du rnam par bsgom par bya zhing/ rang gi ming gi yi ge yongs su gyur pa laS bsgrubs bya mdun du sngon du phyoD par bltas la/ sngags kyi phreng ba de dag las kun nas byung ba'i 'od zer gyis de bkug la de la bstim par bya ba'o/ /de'i sems kyis a yongs su gyur pa las shin tu dmar ba'i zla ba'i dkyil 'khor la a bsgoms la/ sngags kyi phreng ba de dag las n ges par byung ba'i lha mo mdog dmar mo phyag g.yon bas yi ge h+riste/ rnal 'byor bas/ aoM Azhing lcags kyus bskul bar gyur pas ji blta bzhin du legs par bkug nas rang gi sems la legs par bcug pa dang/ lha mo yang sngags kyi phreng ba la nang du thim par blta bar bya ba'o/ /de nas de skra zhig? ba myos shing lus dang dbang med bar dga' bar bya 'dod pas gcig du mchog tu dbang du gyur par byas pas lag pa thal mo sbyor ba dang ldan pas ci bgyi ba nyid du bsgrub pa po la mngon du phyogs par bya ba yin no/ /rdo rje phag mo'i sgrub thabs rdzogs so/ / //a b+ha ya'i zhal snga nas dge slong tshul khrims rgyal mtshan gyis bsgyur ba'o// //rgya gar skad du/ badzra bA rA hi sA d+ha naM/ bod skad du/ rdo rje phag mo'i sgrub thabs/

CLOSE WINDOW