བོད་ཡིག

e-texts based on the ACIP/ALL Input

kriSh+Na ya mA ri sA d+ha naM/ bod skad du/ gshin rje nag po'i sgrub thabs/ dang por re zhig bde ba'i stan la nye bar gnas par gyur pa'i sgrub pa pos yi ge aM dmar po las nges par grub pa'i nyi ma'i dkyil 'khor rang gi snying la rnam par bsgoms la/ de'i steng du yi ge hUM mthing nag rnam par bkod de/ hUM gi 'od zer gyi gshin rje mthar byed la sogs pa'i bla ma dang/ sangs rgyas dang/ byang chub sems dpa' rnams dmigs la/ me tog la sogs pas yang dag par mchod cing phyag kyang 'tshal lo?/ gsum la skyabs su 'gro ba la sogs pa rnams byas te/ stong pa nyid bsgoms par bya bas na/ aoM stong pa nyid kyi ye shes kyi rdo rje'i bdag nyid kyi rang bzhin ni nga yin no par ro/ /de'i rjes la yi ge aM dmar po las byung ba'i nyi ma'i dkyil 'khor gyi steng du yi ge hUM ngo/ /de yongs su gyur pa las rdo rjes mtshan pa'i dbyug tho sngon po yi ge hUM legs par gnas pa rnam par bsgom par byas la/ yi ge hUM gi 'od zer gyis bskul pa'i de bzhin gshegs pa thams cad bzhugs pa sngon du 'gro ba can gyi de dag thams cad yongs su gyur pa las brkyang bskum gyi zhabs kyis gnas pa'i gshin rje gshed du bdag nyid bsam par bya ste/ zhal gcig phyag gnyis pa/ sku mdog mthing nag phyag g.yas pas rdo rje mtshan pa'i dbyug tho sngon po phyar nas bsnams pa/ phyag g.yon pas ni sdigs mdzub dang zhags pa thugs kar ro/ /de lta bur gyur pa'i gshin rje gshed sbro ba dang bsdu ba'i gzugs kyis pad+ma 'dab ma sna tshogs pa'i steng na nyi ma la bzhugs ma he Sha la bcibs pa bsgom par bya ba'o/ /de nas bcom ldan 'das kyi thugs kar nyi ma'i dkyil 'khor la yi ge hUM yongs su gyur pa las hUM gis byin gyis brlabs pa'i dbyug tho sngon po ste/ yi ge hUM las kun nas byung ba'i 'od zer gyis skye dgu rnams kun tu snang bar byas nas slar yang de nyid la legs par gzhug go/ rim pa de lta bu dag gis ji srid 'dod kyi bar du spro ba dang bsdu bar yang bya ba'o/ /dam tshig la sogs pa cho ga bzhin du byas pa sngon du 'gro bas thun tshod gnyis sem gsum mam bzhir de ltar bsgom par bya ba'o/ /aoM h+rI:Sh+Trabzla bar bya ba'o/ /gshin rje gshed nag po'i sgrub thabs so// //a b+ha ya'i zhal snga nas dge slong tshul khrims rgyal mtshan gyis bsgyur ba'o// //rgya gar skad du/ krir+Na ya mA ri sA d+ha naM/ bod skad du/ gshin rje gshed nag po'i sgrub thabs/

CLOSE WINDOW