བོད་ཡིག

e-texts based on the ACIP/ALL Input

/ //rgya gar skad du/ auts+tshuSh+mi? dzam+b+ha la sA d+ha naM/ bod skad du/ dzam+b+ha la tshon po'i sgrub thabs/ dpal dang ldan pa'i dzam+b+ha la chen po la phyag 'tshal lo/ /mig gsum rtsa lags gi ni spyi gtsug brgyan pa yin? nor bum? zhabs dag la ni gtugs ba gang yin pa/ /phun tshogs phal chen dang ldan mchog gyur thub dbang sras/ /lha de thub pa gzhon nur gyur pa de nyid yin te/ bla med yon tan gnyis med pa'i/ /rin chen char 'bebs 'dran pa po/ /nyid kyi phun tshogs skye dbu la/ /myur 'byung 'di ni brten bya yin/ /de la re shig bdag gis dpal dzam+b+ha la mnyes par byas la sa dang mngon par rtogs pa'i rim pas de'i bdag nyid du gyur te/ skye dgu rnams mngon par mtho ba dang nges par legs pa'i phun suM tshogs pa la rab tu dgod par bya'o zhes bya ba'i bsam pa dang ldan pas/ snying gi nang ni bug par dang bar 'gyur zhing 'od zer 'phro ba dang ldan pa'i yi ge a klad kor med pa ste de las byung ba'i zla ba'i dkyil 'khor ro/ /de'i dbus su ni yi ge hUM mgo gyen la stan ba ste/ phyi rol gyi nye 'khor na cung zad ser ba'i 'od zer gyi tshogs 'phro bar gyur pa'o/ /des bskyed pa ni rdo rje ste dbus kyi rtse mo la 'brel pa'i rtse dgu pa steng dang 'og gcig tu byas pas gsungs rab yan lag dgu rnam par dag pa'o/ /kha dog ni yi ge hUM bzhin du bya ste/ lta ba'i nang du chung pa'i zla ba la gnas par de dang 'dra ba'i hUM dang ldan pa bsgom bar bya ba'o/ /de nas yi ge hUM dang rdo rje dag las 'od zer spros par gyur pas aoM Agyi phyogs bcur sems can gyi don mdzad pa'i dzam+b+ha la'i sku mdza' yas ba mar me gcig nas gcig tu mched pa'i tshul gyis spyan drangs la/ mdun du de'i sku gcig tu rnam bar bsgom par bya ba'o/ /'od zer gyi nye bar mkho ba'i mched ba rnam ba lnga dang/ sdigs pa dang/ ji srid du btang snyoms kyi bar du'o/ /de'i rjes thogs la hUM dang rdo rje'i 'od zer rnams mdza' dag lus kyi nang du bstims la/ spros pa thams cad dang bral ba nyid kyis na stong ba nyid kyi rang bzhin du gyur ba zla ba dang rdo rje dang sa bon dang 'od zer te/ aoM Alo lnga lon pa'i gzhon nu'i rnam pa bong thung ba/ /sna tshogs bad ma la gnas pa'i zla ba'i steng na rgyan rnams thams cad kyis brgyan cing/ rin po che'i dbu rgyan dang ldan pa/ kha nas rin po che sgyug? pa/ lus kyi mdog ser po phyiS skan? la nyal ba'i nor sbyin gyi dpral bar ni zhabs g.yas bas so/ /rkang pa gnyis g.yon pas mnon par mdzad pa/ zhabs g.yas pa bskum pas gyen du 'gyogs pa gcer bu rtags gyen la langs pa gsum pa 'jol ba/ khrag gis gang ba'i thod pa phyag g.yas bas thugs kar bsnams pa la zhal mngon du phyogs nas gzigs pa/ kha 'og tu brtan nas rin po che'i tshogs skyug par gyur pa'i ne'u le brla g.yon pa la legs pa 'khril bar phyag g.yon pas bsnams pa/ nang che ba'i rna ba ma phug pa zla tshes pa lta bu'i zhal mche ba rnam par gtsigs pa/ spyan gnyis dmar zhing zlum pa/ khro gnyer dang ldan pa/ dpral bar thod leb mas bcings pa'i dbu skra kham ser gyen du 'phyur ba/ sa gnon gyi phyag rgya dang ldan ba'i thub pa mi bskyod pa mthing nag gis dbu la rgyas btab pa/ ta mA la sngon po dang dga' bos dbu skra bcings pa/ 'jog po dmar pos rna ba'i gdub kor du byas pa/ pad+ma dkar po dang pad+ma chen bos do shal du byas pa/ dur ba ljang khu dang kar ko Ta ka tshangs pa'i dag byed du byas pa/ nor rgyas dkar bos smad skar byas pa/ 'khyil pa legs pa dang pad+mas rkang rgyan du byas ba/ dung skyong ser pos lag gdub du byas pa/ dung mdog kar bur dang rigs ldan gyis dbu rgyan du byas pa/ kha dog mthing nag la phyi rol gyi nye 'khor cung zad ser ba'i 'od zer ser po'i tshogs rnams spro bar byed par bsgom la/ dpral ba dang/ kha dang/ dpung pa g.yas pa dang/ g.yon pa dang/ snying kha dang/ rdo rje'i steng dang/ brla g.yas ba dang/ g.yon pa dang/ rkang pa g.yas g.yon rnams kyi nang gi sbubs na gnas pa'i zla ba tshes pa dkyil 'khor rnams la/ aoM dzam+b+ha la dza len+d+ra ye swAhA zhes bya ba'i yi ge ser po 'od ser po dang ldan pa blta bar bya ba'o/ /de'i rjes la sna bug gi rlung p hyir 'byung ba'i dus su aoM la sogs pa rnams kyi 'od zer dang snying kha'i rdo rje dang hUM gi 'od zer gyis kyang phyogs rnams su spros pas reg pa tsam gyis bcom ldan 'das kyis skur byas pa'i sems can thams cad kyi sems dang sems byung ba'i dbugS 'jug dus su yi ge hUM la legs par bcug la/ sems gnas bar bya ba'i don du gnan par bya ba'o/ /'jig rten gyi khams thams cad na gnas pa'i rin po che sna tshogs pa rnams kyang klu dang ne'u le dang nor sbyin rnams kyi khang legs par gzhug par bya ba'o/ / yang rlung phyir rgyu ba na ni klu la sogs pa rnams kyi min pa'i rin po che rnams mdun gyi g.yon du bsgom par bya'o/ /de ltar yang dang yang du kun tu spro ba dang legs par bsdu ba la sogs pa yang bya'o/ /skyon de'i rjes lan mo rang na tra yA ya/ na mo gA? NI? b+ha drA ya mahA yak+Sha se na ba ta ye/ aoM dzam+b+ha la dza len dra ye swAhA zhes bya ba'i sngags 'di bzlas par bya ste/ bkod pa'i yi ge bcu'i sngags kyang rung ngo/ /chu sbyin pa'i dus su ni lag pa g.yas pa'i kha bkan pa'i dbus su yi ge bgyis lag pa bum pa bzang po bzhin du byas shing/ lag 'bum du ni yi ge aoM gyi 'od kyis lag gdub kyi rnam pa dang ldan par te/ baM gi dbus su ni dzaM ngo/ /mdzub gu dang gung mo dang srin lag dang mthe'u chung dang mthe bong rnams? gyi rtse mo la ni dzam+bu? la dza len dra'i yi ge rnams rim pa bzhin no/ /aoM dang baM gnyis kyi bar du ni ya'o/ /yi ge ya'i g.yas dang g.yon gyi blo gnyis la ni yi ge swA dang ha'o/ /yi ge la sogs pa de dag rnams ni rang rang gi gnas kyi sbubs na zla ba la gnas pa ste/ kha dog ser po dang 'od ser po can du bsgoms la/ chu dang bcas pa me tog gi snying po can gyi kha dang thag nye bar byas te/ aoM ain+d+ra ni mu kha b+h+ra ma ri swAhA zhes bya ba'i sngags kyis lan bdun du mngon par bsngag go/ de'i rjes thog la lag pa brkyang bas sbyin par gyur pa na chu rang gi kha nas zhugs par gyur te/ yi ge dzAM gi 'od zer dang snying kha na gnas pa'i dzA dang rdo rje dang yi ge hUM gi 'od zer gyis kyang byas pas kha dog ser po'i kha nas nges par byung ste/ lag pa nas bab pas skad cig gis mdun du bsgoms pa mdun gyis phyogs pa de'i 'am/ bcom ldan 'das 'di'i sku gzugs kyang rung ste/ zhal gyi sgor aoM dzluM swAhA zhes bya ba'i sngags kyi lan brgya rtsa brgyad dang/ na mo rad na tra yA ya zhes bya ba la sogs pas kyang lan bdun du sbyin par bya'o/ /yang na mo rad na zhes bya ba la sogs pa lan gcig brjod pas bu ram dang bsres pa'i skya khur ram 'bru la sogs pa'i gtor ma bcom ldan 'das la dbul bar bya ba'o/ /de dag de ltar nus pa ji lta ba bzhin du thun sum mam thun gcig la rjes su bsgrub par bya zhib/ bstod pa dang smon lam yang gdab par bya pa'o/ /de'i rjes la bsgoms pa'i bcom ldan 'das aoM badzra mu:zhes bya bas gshegs su gsol lo/ /gzhan yang smin drug dang sta dang sa ga dang chu stod rnams sam/ nya gzhan yang gang yang rung ba 'am/ dge ba'i nyi ma la gzhan dag la yang rung ste/ rdo ba rangs pa skad cig gis bcom ldan 'das kyi skur bskyed par bya zhing legs par yang mchod la/? bzo po snyen gnas blangs par gyur pas nyi ma gcig nyid la sku bzhengs su gsol bar bya ste/ dpa' bo nyo ba ni ma yin bas so byas la yang bdag nyid bzhin du bcom ldan 'das kyi sku rims pa ji lta ba bzhin du yi ge 'god pa dang bcas pa rnam par bsgoms la/ chu sbyin pa la sogs pas mnyes par bya ba'o zhes bya ba ni gdams ngag go/ de'i tshe na ni gshegs su gsol bar mi bya ste/ sku gzugs kyi sku'i bcom ldan 'das ni gang gi phyir rtag tu gnas pa yin pas bsnyen bkur bar bya ba yin no/ /zhes bya ba'o/ /paN+Di ta aoM b+ha ya ka ra gu pa tas mdzes par sbyar ba'i dzam+b+ha la tshon po'i sgrub thabs rdzogs sto?// //paN+Di ta mkhas pa de nyid dang dge slong tshul khrims rgyal mtshan gyis gtsang mar bsgyur ba'o// rgya gar skad du/ dzam+b+ha la sA d+ha naM/

CLOSE WINDOW