བོད་ཡིག

e-texts based on the ACIP/ALL Input

/ //rgya gar skad du/ tA ro da b+ha ba ku ru ku l+le sA d+ha ni/ bod skad du/ sgrol ma las 'byung ba'i ku ru ku l+lE'i sgrub thabs/ sgrol ma las 'byung ba'i ku ru ku l+le la phyag 'tshal lo/ /re shig thog mar sngags pas yid du 'ong bar 'gyur ba'i gnas 'ga' zhig tu 'jam po'i stan nad tshangs can la sogs pa la nye par gnas te/ thad ka la sogs pa la zhugs pa'i bcom ldan 'das ma bkram la/ phyi rol gyi mchod ? byang? nas rang gi snying khar/ dri med zla ba nya ba'i mdog/ dbyangs yig dang po las legs byung/ /sems kyi zla ba legs bsgoms la/ /sa bon de rten dgod par bya/ /dro ba rnams kyi bzhi pa ni/ /me'i yi ge'i steng na gnas/ /yi ge ai dang yang dag ldan/ /nam mkha' gnyis kyis brgyan pa'o/ /de yi 'od zer sna tshogs kyis/ /'jig rten dri ma med byas shing/ /mi mched khams sogs sbyang byas nas/ /ku ru ku l+le'i ring song ste/ /de ni legs par bskul nas kyang/ /spyan drangs nas ni mdun du bzhugs/ /sa bon de las mkhas pa yis/ /mchod pa'i sprin tshogs chen po spro/ /me tog bdug pa de bzhin sgron/ /dri dang lha bshos tshogs rnams dang/ /'gying bag phreng ba gar dang glu/ /rol mo'i mchod sogs de bzhin du/ /dkon mchog gsum la bdag skyabs mchi/ /bdag gi sdig kun so so'i bshags/ /'gro ba'i dge la rjes yi rang/ /sangs rgyas byang chub yid kyis bzung/ /sngags 'di lan gsum brjod byas la/ /de nas bzod pa mdzod ces kyang/ /de la tshigs su bcang pa'i dbyangs ni 'di yin te/ /bdag ni rmongs pa'i yid kyis kyang/ /sdig pa cung zad gang bgyis pa/ /lus can gang yin skyob mdzad pa'i/ /lha mo khyod kyis de bzod mdzod/ /sems ni byams pa la gnas par bya zhing de nas ni yang sems snying rje la nges par gzhag par byas la rab tu dga' ba'i sems kyang legs par bskyed bas gnas par byas te/ phyi nas ni btang snyoms su byas pas thaMs cad kyang seMs can du rnam par gzhag par bya'o/ /rang bzhin nga rgyal gzhom don du/ /de nas sems kyang stong par bya /stong nyid me yis bsregs pas ni/ /yang srid phung po lnga mi 'byung/ /aoM stong pa nyid kyi ye shes kyi rdo rje'i rang bzhin gyi bdag nyid ni da yin no/ /yud tsam stong nyid rnal 'byor bya/ /sems ngal bso bar bya ba dang/ /dang po'i smon lan dran byas la/ /yang ni sa bon tsam dran bya/ /gcig tu yongs su myang 'das las/ /bdag gis sems can rab tu bsgral/ /'khor ba'i rgya mtsho rgal dka' las/ /ji ltar de dag bdag gis bsgral/ /snying rjes zin pas 'di rtogs nas/ /spyod med stong pa nyid gtang ste/ /chos kyi dbyings kyi rang bzhin gyis/ /sems bskyed pa dang ldan pa la/ /sa bon sangs rgyas byin brlabs kyis/ /de la aud pa la zhes bya 'byung/ /aud pal la ni zla ba'i gzugs/ /dbyangs yig e las legs 'byung ngo/ /zla ba der yang sa bon no/ /de las 'od zer sbyod ba yis/ /'jig rten khams rnams ma lus pa/ /de yis rnams sbyangs bsgom par bya/ /sbyangs nas mkhyen bya 'od zer gyis/ /sangs rgyas bye ba thams cad ni/ /aud pa la de la zhugs par bsgom/ /de las sgrol ma 'byung ba yin/ /sku mdog dmar mo phyag bzhi ma/ /pad+ma dmar po'i gdan la bzhugs/ /gos dmar thung? mnabs bskal ldan ma/ /rna gdub dbu rgyan dmar po can/ /g.yas kyi phyag gnyis mi 'jigs dang/ /mda' bsnams pa dang gzhan ma yin/ /g.yon pa'i phyag ni gnyis kyis kyang/ /gzhu dang mchog dmar aud pal bsnams/ /ku ru kul+le'i ri phug gi/ nang bzhugs snang mdza' cod pan gnas/ /pad+ma dmar po'i gdan 'og na/ /dgra can de stengs yongs gnas pa/ /'dod pa'i lha ni khyo shug gnyis/ /shin tu rgyal ba bsgom bya ste/ /de la rdo rje dkyil gyis bzhugs/ /rig pa kun la rnam sbyangs ma/ /rgyan rnams thams cad kyis brgyan pa'i/ /bcom ldan 'das ma yang dag bsgom/ /dam tshig sku ni legs ldan pas/ /ye shes 'khor lo legs par dgug/ skad cig snang ba yongs rdzogs pas/ /ye shes 'khor lo mdun du bzhugs/ /dza:hUM baM ho:zhes bya ba 'dis spyan drangs gzhug brtan par bya dgyes par yang bya ba'o/ /dam tshig gi phyag rgya'i sbyor pas kha'i lam nas gzhug par bya ste/ lag pa gnyis snyim par byas la gung mo gnyis ka yang rtse sprad cing/ /rtse 'og mthil du srin lag gnyis dgug nga mtheb mo gnyis khogs su btang ba'i 'og tu mnan la/ /mdzub mo gnyis gung mo gnyis kyi glor sbyar zhing gang gi tshe mthe chung gnyis kyang cung zad rtse dgug pa'o/ /'dis ni dam tshig la bcing bar bya ba dang/ /'dis 'khor lo gzhug par bya ba yang yin no/ /de nas ni sangs rgyas rnams kyi zhes bya ba'i tshigs su bcad pa'i dbyangs brjod pas dbang bskur ba don du gnyer bar bya ste/ byang chub rdo rje sangs rgyas rnams/ /ji ltar byin pa chen po'i che/ /bdag kyang skyab par bgyi don du/ /mkha' rtor la sogs bdag la gsol/ /de dag cher gyur sbyin mdzad de/ /dbang bskur rgyal po zhes bya ba'o/ /me tog dbang bzhin rgyal po yang/ /spyan ma la sogs lnga dag gis/ /khams gsum pa yis phyag rgyas pa'i/ /dbang bskur rdo rje chen po pa/ /sangs rgyas kun gyis gsang gsum gyis/ /gnas las legs byung bdag gis sbyin/ /sangs rgyas dbang bskur ba yis sgrol/ /chos ni gtsug gi nor bur bzhugs/ /ngo mtshar 'od zer dmar 'od kyis/ /'jig rten gsum po gsal bar mdzad/ /dbang bskur rin chen thob pas ni/ /dngos grub thams cad rab sgrub byed/ /lo phyed brtan pas legs gnas dang/ /ji skad bshad chog sngon du btang/ /sgom pa'i riM pa sngon 'gro bas/ /sgrol ma'i snying po yis ni 'dir/ /sngags ni mnyam par gzhag pas bzlas/ /aoM ku ru kul+lE h+rIbzlas pa las yang dag par brtsam par bya ba'o/ /cha shas kyis ni shes rab 'phel/ /cha gzhan gyis ni dbang du byed/ /cha ni gsum pa nyid kyis kyang/ /mi yi dgu ni 'byin par byed/ /de ni 'jig rten kun gyis mchod par byed 'gyur zhing bud med rgyags pa dag gis dreg ldan rnams kyang ste/ /ji ltar 'dod bzhin sngags 'dzin byed pa'i rje bo yi/ /bshad la nges pa'i sbyor bas lha mi mdzes rnams kyang/ /bsgrin pos rims kyis goms byas te/ /dngos grub yin? tshegs bsgrub byas la/ /dngos grub chen pos bsgrub par bya/ /thams cad du 'dir the tshom spang/ /sgrol ma las byung ba'i ku ru kul+lE'i sgrub thabs rtogs pa las gsungs pa rdzogs so// //paN+Di ta chen po a b+ha ya las dge slong tshul khrims rgyal mtshan gyis bsgyur ba'o/ / //rgya gar skad du/ ku ru kul+lE sA hA noM/ bod skad du/ ku ru kul+le'i sgrub thabs/ sgrol ma las nges pa'i 'byung ba'i ku ru kul+lE la phyag 'tshal lo/ /gang zhig dran pa tsam gyis kyang/

CLOSE WINDOW