བོད་ཡིག

e-texts based on the ACIP/ALL Input

/a las tshul khrims rgyal mtshan gyis bsgyur ba'o// //rgya gar skad du/ tA ra sA d+ha naM/ bod skad du/ sgrol ma'i sgrub thabs/ sgrol ma srid gsum sgrol mdzad ma/ /rgya nag chen po'i lugs btud nas/ /bla ma'i gdams dag ji bzhin du/ /de yi sgrub thabs bdag gis bshad/ /rtags cig dang ni dur khrod dang/ /thams cad du yang khyim stong ste/ /rnal 'byor pas ni der gnas la/ /rig pa srid gsum sgrol mdzad sgrub/ /stan 'jam nang tshangs can gnas pa/ /stan gzhan 'jam po yin yang rung/ /legs par gnas la dngos grub ni/ /mchog tu gyur pa sgrub par bya/ /skad cig rnam pa'i sbyor ba yis/ /mnyam par gzhag pas rdo rje gsum/ /gnas gsum du ni bsgom byas la/ /de nas 'od zer rnam par spro/ /'dis ni srid gsum 'gro ba yis/ /sems can snang byas slar yang ni/ /legs par bsdu dang yang bsgom pa/ /mdza' dag stong pa nyid du ste/ /aoM stong pa nyid sogs rang bzhin can/ / gsang sngags de nas brjod par bya/ /de nas nam mkhar bsgom bya ba/ /pad+mar a yig las byung ba/ /yang ni de steng bsgom bya ba/ /TA yig las byung pad snod do/ /yang ni dbus su bsgom bya ba/ /hUM yig kuN nas mthing nag mdog/ de nas hUM yig las byung bar/ /gri gug sa bon gyis brgyan blta/ /gri gug yongs gyur bdag nyid ni/ /sgrol ma dang ni mtshungs par bsgom/ /zhabs g.yas bskum dang 'jigs rung ba'i/ /mgo bo'i phreng ba legs par 'phyang/ /bod thung grod 'jol 'jigs rung ma/ /autpal sngon pos brgyan pa nyid/ /lha rdzas zhal gcig spyan gsum ma/ /'jigs pa'i gang rgyangs rab tu 'bar/ /legs par rab 'dzum ro bcibs shing/ /klu brgyad kyis ni rnam par brgyan/ /stag gi pags pas pho ka dkris/ /spyan ni dmar dang zlum pa ste/ /gzhon nu lang tsho la bab ma/ /phyag rgya lnga yis rnam par brgyan/ /'jigs pa chen por ljags 'dril ma/ /cung zad tshems gtsigs bsdigs par mdzad/ /ral gri gri gug phyag g.yas na/ /g.yon na autpal thod pa bsnams/ /ser zhing drag pa'i zhal gcig gis/ /cod pan mi bskyod kyis brgyan bsgom/ /bsgom pa'i stobs ni rdzogs pa na/ /rnal 'byor snyan dang gags? mkhan 'gyur ro/ /rmongs dang gal te lkugs gyur kyang/ /bsgom pa'i rol phyed gnyer ba?/ /'jam pa'i ngag gi 'thob pa dang/ /gsang sngags 'bum phrag bzlas pas kyang/ /sngags chen 'di ni yig gsum gyi/ /mthar mar phaT do snying la gnas/ /'od zer lnga dang kun nas ldan/ /gti mug bud shing bsreg byed yin/ /rnal 'byor spyod pa'i rjes 'brangs la/ /de btu ba yi cho ga bshad/ /dang por sa yi pha rol sbyin/ /dbyangs yig bzhi pas brgyan par bya/ /yi ger mnan 'bar 'phro ba'i/ /zla ba'i thig ler yang dag ldan/ /de nas yi ge traM sbyin te/ /bzhi pa nyid kyis brgyan pa'o/ /yi ge au ring legs ldan pa'i/ /yang ni haM yig sbyar bar bya/ /de nas phaT yig kyang sbyin pa/ /grub pa'i gsang sngags yongs rdzogs yin/ /mkhas pas ral gri'i gnas su ni/ /spro dang bsdu ba'i sbyor ba yis/ /sgom bya mi rus phreng ba yis/ /sngags kyi mchog ni legs par bzlas/ /brtan pa'i sems kyis brtag par bya/ /rgyun tu sgom pa goms pa las/ /mkhas pa nyid dang snyan dngags par/ /'gyur ba 'di la the tshom med/ /sgrol ma'i sgrub thabs byas pa las/ /bdag gis dge ba gang thob pa/ /der ni 'gro kun ston pa yi/ /bstan la mkhas pa nyid du shog/ 'di ni rtag pa'i rdo rjes byas/ /'dis ni blo rnon rab grub byed/ /bgrod ka 'di la paN+Di ta/ /bzang po rnams kyis bzod par rigs/ /rgya nag chen po'i lugs kyi sgrol ma'i sgrub thabs rdzogs so// //a b+ha ya las dge slong tshul khrims rgyal mtshan gyis bsgyur ba'o// // rgya gar skad du/

CLOSE WINDOW