CLOSE WINDOW

N2812: rdo rje sgrol ma'i sgrub thabs
བོད་ཡིགe-texts based on the ACIP/ALL Input

/ //rgya gar skad du/ /badzra tA ra sA d+ha naM/ bod skad du/ rdo rje sgrol ma'i sgrub thabs/ /rdo rje sgrol ma la phyag 'tshal lo/ /de nas sbyin sreg las mchog gis/ /'dod don kun grub de'i phyir/ /rdo rje sgrol ma'i sgrub thabs ni/ /bdag gis yang dag rab tu bshad/ /de la sngags kyi tshig ni 'di dag rnams yin te/ thugs rje chen po dang ldan pa'i byang chub sems dpa' sems dpa' chen po 'phags pa spyan ras gzigs dbang phyug la phyag 'tshal lo/ /'di lta ste/ aoM tA re tut+tA re tu re bdag gis dbang du bgyis pa'i ma rungs pa dang rab tu ma rungs pa thams cad rmugs par mdzod cig rengs par mdzod cig rmongs par mdzod cig/ chings shig hUM hUM hUM phaT phaT phaT ma rungs pa thams cad sgrol ma la swAhA/ /ma mo'i dkyil 'khor dbus gnas par/ /lha mo sgrol ma rnam bsgoms te/ /zhal bzhi ma la phyag brgyad ma/ /rgyan rnams thams cad kyis brgyan ma/ /gser gyi sku mdog skal ldan ma/ /gzhon nu mchan rnams mchog tu 'bar/ /sangs rgyas lnga yi dbu rgyan che/ /rdo rje nyi ma dbang skur bzhugs/ /lang tsho bdo zhing mdang bzang ma/ /gser gyi rna gdub rnams par g.yo/ /sna tshogs pad+ma'i gdan bzhugs shing/ /'od zer dmar pos rnam par brgyan/ /rdo rje zhags pa de bzhin du/ mda' g.yon dang bcas g.yas pa rnams/ /rdo rje lcags kyu autpal gzhu/ /sdigs mdzub mdzad rnams g.yon pa rnams/ /rdo rje skyil krung sbyor ba yis/ /sa gsum sgrub par byed pa yin/ /shar du me tog sgrol ma ste/ /yi ge aoM yig las grub pa'i/ /kha dog dkar po yid 'od ma/ /zhal gzig ma la phyag gnyis ma/ /me tog phreng bas phyag brel zhing/ /rgyan rnams kun gyis brgyan pa'o/ /lho na bdug spos sgrol ma ni/ /kha dog nag mo gzugs bzangs ma/ /phyag na bdug pa'i snod bsnams shing/ /rgyan rnams kun gyis brgyan pa'o/ /nub kyi mar me'i sgron ma ni/ /mar me'i kong bu lag thob shing/ /ser mo rgyan chen gyis brgyan ma/ /gser gyi sna gdub g.yo ba'o/ /byang gi dri yi sgrol ma ni/ /phyag na dri'i dung bsnams pa'i/ /lha mo sku mdog dmar gyur pa/ /dkyil 'khor lte bar bsgom par bya/ /lcags kyu ma sogs rab dbye bas/ /de nas sgo bsrungs bsgoms par bya/ shar gyi sgo ni rdo rje lcags kyu ma ste/ zhal gcig phyag gnyis ma/ lcags kyu dang autpa la phyag na bsnams shing/ zhal rnam par sgyur ba mdog nag mo/ /lho'i sgor ni rdo rje zhags pa ma ste/ mdog ser mo bzhin rnam par bsgyur ba/ zhal gcig phyag gnyis ma phyag na rdo rje'i zhags pa bsnams pa'o/ /nub kyi rdo rje lcags thag ma ste/ dmar mo zhal gcig phyag gnyis ma/ zhal rnam par sgyur ba phyag na rdo rje'i lcags thag bsnams pa'o/ /byang gi sgo na ni rdo rje dril bu ma kha dog dkar mo ste/ zhal gcig phyag gnyis ma bzhin rnam par sgyur ba rdo rje dril bu phyag na bsnams pa'o/ /de dag rnams ni nyi ma'i gdan la g.yon bskums pa'i zhabs kyis bzhugs shing/ nyi ma'i gzi brjid can/ 'bar ba'i phreng bas dkrigs pa/ /sprul gyis brgyan par blta bar bya ba'o/ /steng du ni gtsug tor rnam par rgyal ba steng 'og tu yang sum+b+ha rnam par bsgom par bya ba ni/ 'khor lo dang klu'i zhags pa dang ldan par bsgoms la/ sngags spros pas bzlas par bya ba ni/ /aoM tA re tut+tA re tu re swAhA'o/ /pha rol phyin bcu la brten pa/ /yi ge bcu las lha bcu ni/ /sbyor ba yis ni bsgoms byas na/ /don rnams thams cad rab tu 'grub/ /sangs rgyas kun gyis phyag byas ba'i/ /sngags kyi gtso bo mchog de dag/ brjod pas sgrub byed rno gyur pa/ /rdo rje gur las gsungs pa yin/ /sngags 'dis stong g.yogs kyi grwa la lan bdun mngon par sngags te/ mdud pa bcings nas ri 'bigs byed la 'gro bar gyur na yang 'ga' zhig gis kyang gnod par mi nus so/ /stag dang tshom rkun dang/ chu srin na kra dang/ seng+ge dang/ sbrul dang/ mche ba can dang/ ma hi Sha dang/ dom dang/ ba man la sogs pa rnams kyang ming dran pa tsam gyis 'joms shing thul bar 'gyur ro/ /sngags 'dis ji srid du autpa la brgya rtsa sbyin bsreg bya ste/ aoM tA re tut+tA re che ge mo bdag gi dbang du khug swa' hA/ sngags 'di khwa ta'i gshog sgro la lan sum cu rtsa gnyis kyi bar du yongs su sngags la dgra'i sgor sbas te/ nyi ma bdun na skrod par 'gyur ro/ /aoM tA re tut+tA re tu re tsa la pra tsa la sh+rig+h+raM gA mi ni lhas ni skrod cig hUM hUM phaT phaT/ de nas sbyor ba gzhan yang yod do/ /aoM tA re tut+tA re ya mu ka ma b+hi d+hA nA ku m A rI ma dzyaM pA he naM ha syama bdun na rnal 'byor bas/ /rang 'dod bu mo de rnyed do/ /de nas sbyor ba gzhan yang yod do/ /aoM tA re tut+tA re tu re che ge mo rang gi gnas nas mngon par bkug nas bdag gi drung du khrid la shog ja'byung gi me tog gis byugs la stong phrag lnga sbyin bsreg bya ba'o/ /bya ba 'dis ni mi'i bdag po'i bu mo yang 'gugs par byed pa yin no/ /de nas sbyor ba gzhan dag kyang yod do/ /nga tsa sa la'i ras la bcom ldan 'das ma zhal gcig phyag gnyis ma lcags kyu dang autpal dang zhags pa phyag na bsnams pa rnam par bris la/ de'i mdun du lha rdzas kyi me tog mchog 'di dag bya ba la sogs pas mchod par bya ba'o/ /de'i phyi nas ni bsgom pa dang ldan pas bzlas pa bya ste/ aoM tA re tut+tA re che ge mos bdag 'dod pa'i spa snaM ka tha ya hUM phaT bya bas stong phrag ldan 'ong bar 'gyur ro/ /zhags pas rke ba nas bcings shing lcags kyus phug nas bzung ba'i bsgrub bya rkang pa'i 'og tu bsgoms la/ /bran ma'i tshul gyis longs spyad par bya ba'o/ /de nas sbyor ba gzhan yang yod pa ni sgrol ma'i gzungs kyis lan bdun du mngon par sngags la/ /bdag nyid mig gnyis mnyes te/ rgyal po'i pho brang gi sgor zhugs par gyur na 'gal bar zhugs shing gus pa med pa yang de nas rgyal po de slob ma bzhin du gus bar byed do/ /rab tu dang bar gyur pa yang legs par gsal bar byed do/ /mthun pa'i gtam smra bar byed do/ /g.yog po nyid du yang yod par 'gyur ro/ /gtum po yin yang dbang du 'gyur ba 'di ni mthong bas yid ches pa dang nges par bden pa yin no/ /yang de nas sbyor pa gzhan du gyur pa ni sgrol ma'i gzungs lan brgya bzlas shing sprul dug can do gnyis pa thal bar byas te/ pa kha dog dmar mo'i mar dang shing nyi ma'i shing bal gyis sdod bu byas la legs par sbar bas dmig rtsi dpag par bya ba'o/ /mig rtsi de dang rdo rje nyi ma dang rdo rje chos gnyis dang legs par mnyes te rta mchog gi du ba bdugs la/ thul ba dang lhan cig du mig la byugs par gyur pa'i mig rdo rje gang la bltas ba de gang gis tshe pad+ma gar gyi dbang phyug yin yang 'dzag par ma gyur na de'i tshed sgrol ma ma yin zhing ngas sangs rgyas bcom ldan 'das rnams kyi sku bcom par yang 'gyur ro/ /de nas sbyor ba gzhan yang yod pa ni bu chung so med pa'i lce blangs la sgrol ma'i gzungs kyi lan bdun mngon par sngags te/ b+h+rIr ga rA dza'i rtsa ba dang gi haM dang lhan cig gcig tu byas la dpral dang thig le byugs pa gang dang gang gis mthong ba de dbang du byed do/ /gzhan la dga' bar mi 'gyur zhing gzhan du 'gro bar yang mi byed de/ /bdag nyid kyang mi 'dor ro/ /de nas ni sbyor ba gzhan dag kyang yod de/ gsus pa'i bu mo sgrol ma'i gzungs kyis lan bdun mngon par bsngags nas rdo rje chos dang lhan cig tu byas te/ tA ma bu la dang bu mo la sbyin na bros pa tsam gyis rnal 'byor dang ldan pa ni mi phyed par 'gyur ro/ /gzhan la dga' bar mi byed cing/ /gzhan du 'gro bar yang mi 'gyur ro/ /rang gi khyim thab kyang spong bar 'gyur ro/ /de nas sbyor ba gzhan yang yod pa ni mar nag chen pos bdag nyid kyi lus la byugs la/ bsgom pa dang ldan pas sgrol ma'i gzungs khri bzlas par bya ba'o/ /bzlas pa dang 'bras shA la'i phye mar byas pa'i 'de gus dri ma dril phyis byas pa/ /gang la byin pa de nyi ma sngar yang mi phyed pa yin no/ /de nas sbyor ba gzhan yang yod pa ni zla ba gzas bzung ba'i dus su sgrol ma'i gzungs bzlas pa dang/ sngon du 'gro ba yang byas pas da lta bur gyur pa'i 'jig rten dbang phyug blangs la dung 'de gu dang bcas pa bag ma la sbyin par bya ste/ nyi ma lngar yang rjes su byed par 'gyur ro/ /de nas sbyor pa gzhan dag kyang yod de/ gang la sgrol ma'i gzungs kyi sngags kyis myos pa'i 'bras bu la lan brgya rtsa brgyad yongs su bsngags shing 'bras bu de dang rta mgrin lhan cig tu byas pa gang la byugs pa de dbang du 'gyur ro/ /de nas sbyor ba gzhan yang yod pa ni/ aoM tA re tut+tA re tu re che ge mo'i 'ching ba grol bar mdzod mu'gyur ro/ /rdo rje sgrol ma'i sgrub thabs rdzogs so// //paN+Di ta chen po a b+ha ya ka ra'i zhal snga nas dge slong tshul khrims rgyal mtshan gyis bsgyur ba'o// //*// /rgya gar skad du/ badzra tA ra sA d+ha naM/

CLOSE WINDOW