བོད་ཡིག

e-texts based on the ACIP/ALL Input

/ //*/ /rgya gar skad du/ a li man+na tha sA d+ha naM/ bod skad du/ khor yug mngar sgrub pa'i sgrub thabs zhes bya ba/ khor yug mngar sgrub pa la phyag 'tshal lo/ /ston pa longs spyod rdzogs pa'i sku/ /kun dga' i mtshar ba rgyu mthun pa/ /bdud nas byung ba'i lus kyi ni/ /sgrub thabs mdor bsdus bshad par bya/ /dang po re zhig me tog pad+ma dmar po dang mtshungs pa'i dpal he ru ka'i skur bdag nyid bskyed la/ khams gsum ma lus pa rnam gang shes pa tsam du yang brtags te/ yang rang gi snying gar shin tu dmar ba/ 'dab ma bcu drug gi phyed pa'i autpal chen po'i lte ba la a'i sde dang/ ka'i sde mdor bsdus pa'i gzugs su gyur pa/ sangs rgyas kyi yon tan mdza' dag rjes su chags par byed pa'i yi ge a dang yi ge hUM gnyis yid kyis mngon par bri bar bya ba'o/ /de nas yi ge a dang/ hUM de dag las mchog tu dmar zhing/ shin tu mdzes pa'i 'od zer gyi tshogs spras la/ gur kum gyi khu ba dang 'dra bar gyur pa'i 'od zer gyi tshogs de nyid kyis kyang sems can dang/ snod kyi 'jig rten du bcas pa rnam par sbyangs nas de rnams kyi yang sku dang gsung dang/ thugs lhan cig gcig tu byas shing bkug la/ a'i yi ge dang hUM gi ge de dag gnyis nyid dang thig le la legs par gzhug par bya ba'o/ /de nas a yig dang/ hUM yig yongs su gyur pa las sgra snyan pa sgrogs pa'i bud ba zung cig ste/ rin po che dang mtshungs pa'i bum pa mchog tu snying rje dang ldan pas ze'u 'bru'i rtsi 'thung bar byed pa/ shin tu dga' ba dang ldan pa'i sku/ hUM gi sgra ring bo snyan par sgrogs pa'i bdag med ma dang/ he ru ka'i rang bzhin du rnam par bsam par bya ba'o/ /de nas 'di dag gi snying ga ra me tog sku sum b+ha dmar po bskus pa'i khu ba'i thigs ba dang 'dra zhing/ yungs kar phra mo tsam pa'i a dang/ hUM blta bar bya ba'o/ /de'i rjes la zung de dag dbugs 'byung ba'i rlung gi shing rta la zhon te/ sna bug gi bug pa nas 'phur nas khams gsum kun na gnas pa'i sems can rnams kyi lus dang dag dang/ yid rnam par khrid nas slar yang dbugs rdub pa'i rlung la zhon pas/ snying ga'i pad+ma'i lte ba ji lta ba de nyid la legs par gzhug go bcug la yang drangs pa'i lus dang/ ngag dang yid rnams rang gi lus dang/ ngag dang/ yid dang mnyam pa nyid du lhag par mos par bya ba'o/ /yang ji srid du skad cig la yang shin tu gsal bar rtogs pa'i ngo bo skye bar 'gyur ba de ltar bsgom par bya ba'o/ /phyi nas ni sgrub bya 'am sgrub bya mo'i snying gar skad cig gis pad+ma dmar po 'dab ma brgyad pa bsgoms la/ bdag nyid kyi snying ga'i pad+ma'i lte ba la bud ba zung /de dag dbugs 'gyud? ba'i rlung la legs par zhon nas/ sna bug gi bu ga las 'phur bas/ bsgrub bya sna bug gi bug pa nas de nyid kyi lus dang ngag dang yid kyi rang bzhin gyi snying ga'i pad+ma la rab tu zhugs so/ /zhugs nas kyang de'i snying gi rtsibs bub? nas lus kyi rang bzhin gyi 'dab ma'i bdag nyid rnams 'dzib par byed do/ /dag gi rang bzhin du gyur pa'i ze 'bru 'jib par byed do/ /sems kyi rang bzhin lte ba la yang za bar byed do/ /de'i rjes la sgrub pa po rang nyid kyi dbugs rdub pa'i rlang gis dwangs nas sgrub bya'i sna bug gi bu ga nas byung ste/ bdag nyid kyi sna bug gi bu gnas/ snying ga'i autpa la chen po'i lte ba la rab tu zhugs shing/ phabs pas mgul bar byas shing/ lus kyi rang bzhin 'dab ma btang nas/ ngag gi rang bzhin gyi ze 'bu dang/ sems kyi rang bzhin gyi snying po yang mchog tu g.yo bar byed par bsam par bya ba'o/ /yang de kho na bzhin du song zhing/ de kho na bzhin du rab tu zhugs te/ de kho na bzhin du bzung nas/ da kho na bzhin du phyir 'ongs pas/ de kho na bzhin du btang zhing/ da kho na bzhin du mchog tu g.yo bar byed par yang bsam par bya ba'o/ /ji srid du rjes su chags pa ston par mi byed kyi bar du de ltar yang dang yang du bya ba'o/ /rjes su chags pa ston pas ni dbang du gyur pa nyid du rtogs par bya ba'o/ /rtogs nas kyang ji ltar mngon par 'dod pa'i don grub par bya ba'i phyir 'bad par bya ba'o/ /de la bsgam pa 'dis kyang lam ma log pa dri ma med pa zhen par gyur pas lus kun nas rgyags par myos nas/ sgrub pa po rnams la 'khyud pa dang/ dam tshig gi rgyun chags pa nyid du dga' bar bya ba la brtson par byed pa nyid du 'gyur ro/ /gal te skyon mthong bas dga' bar mi byed na de'i tshe lha chen po sun 'byin par zhugs pa yin pas de dag rtogs par bya ste/ phyin ci log gi yul legs par khong du chud par bya zhing/ khong du chud par byas nas kyang sgom pas dbang du bya ba yin no/ /khor yug sngar byed sgrub pa'i thabs/ /rnam bkod las byung bsod nams gang/ /des ni skye dgu mthong 'gyur zhing/ /snying rje'i stobs ldan dpal du shog /khor yug mdar ba'i sgrub thabs/ /slob dpon chen po pad+ma 'byung gnas kyi mdzad pa/ a b+ha ya'i zhal snga nas tshul khrims rgyal mtshan gyis bsgyur ba'o// //rgya gar skad du/ many+dzu sh+rI sA d+ha naM/ bod skad du/ 'jam dpal gyi sgrub thabs/ 'jam dpal la phyag 'tshal lo/ /kha dog dmar po rab 'bar 'od zer phung po can/

CLOSE WINDOW