བོད་ཡིག

e-texts based on the ACIP/ALL Input

/ //rgya gar skad du/ dzyo tirmany+dza ri nA ma to ma pa yi ga/ bod skad du/ sbyin sre gi cho ga 'od kyi snye ma zhes bya ba/ dpal rdo rje sems dpa' la phyag 'tshal lo/ /de nyid bsdus sogs rgyud rnams su/ / rdo rje 'dzin pas sbyin sreg las/ /rab gtor 'jigs med shes rab dang/ /snying rje dga' bas yang dag bsdu/ /gzhan gyi byas pa yong mod kyi/ /rgya skar khrod na zla ba yi/ /'od zer ltar gsal khyad par du/ /dga' ba ster ni legs brtag bya/ /de la nyi ma bzang po la ci ltar brjod pa'i cho gas/ /rang gi 'dod pa'i lha'i bdag nyid can gyis mchod ba dang gtor ma 'bul ba sngon du 'gro bas/ lag pa g.yas pa sa la bzhag ste/ /aoM A:hUM zhes ba 'od dang/ aoM tan ha na gro d+ha hUM phaT ces pa 'am/ rang gi lha'i sngags brgyad rtsa brgyad bzlas te/ kun rdzob kyi dag pa'i thabs kyis sam stong ba nyid kyiS kyang rung ste/ thab khung rnams brko bar bya ba'i ngon du sa rnam par sbyangs te/ yang na yon bdag gi dbang gis rdo rje ? par brjod pa'i cho ga rnams kyis sa sbyang ba dang/ sa yongs su bzung ba dang/ bgegs la phur bus gdab pa dang/ sa'i lha mo lhag par gnas pa yang ci ltar rigs bar 'dod pa yis/ rgyas pa 'am bsdus pa byas nas sa bdag klu'i 'chan la thab khung rnams rko bar bya'o/ /de la zhi ba'i thab khung ni sa dkar po la rgyar khru gang zabs su sor bcu gnyis pa zlum po ste/ de'i dbus su sor bcu drug pa'i pad+ma'i steng 'khor lo 'am mgo shar du bstan pa'i rdo rje rtse lnga pa ste/ sor brgyad pa'i tshad tsam ba dpangs su sor gcig pa'o/ /thab khung gi steng du sor bzhi'i bar dor bar rgya dang dbangs su sor bzhi ba thab khung gi dbyings can kha bags kyi nang du gzhol ba'i kha khyer khor yug ste/ phyi'i zur rnams su zur gsum rnams la 'khor lo 'am rdo rje rtse gsum pas mtshan pa'o/ /thab khung las sa dkar bo dang phyi rol dus gzhi khru phyed du kun nas ba'i lci bas nye bar byugs te/ de nyid las bdud rtsi dkar po dang ldan pa'i dri dkar bos nye bar byugs la thun gsum du me tog dkar po sil ma gcal du dgram par bya'o/ /rgyas pa'i thab khung ni sa gzhi ser po la rgyar khru do zabs su khru gang pa gru bzhi ba 'am rin po che zung brgyad pa lta bu ste/ de'i dbus su 'khor lo rtsibs brgyad pa'i lte ba la gnas pa'i sor drug pa'i rin po che rdo rjes mtshan pa'o/ /thab khung gi steng du sor brgyad dor bar rgya dang bangs su sor brgyad pa'i tshad kyi thab kyi dbyibs can las phyir zur rnams su rin po che mtshan pa'i kha khyod/ /thab khung las ser po dang de'i phyi rol du ba'i lci bas nye bar byugs nas de dag la bdud rtsi ser po dang ldan ba'i dri ser pos nye bar byugs la me tog ser po dgram bar bya'o/ /dbang gi thab ni sa dmar po 'am/ gang yang rung ste b+ha ga'i rnam pa rtse mo shar du bstan pa la a shwdtha'i? lo ma lta buAm zla ba phyed ba'i rnam pa'i dbus su pad+ma dmar po rdo rjes mtshan pa'o/ /dbang gi dgug pa la yang thab khung 'di dag gam yang na rdo rje rtse gcig pa'i rnam pa can gyi dbus su pad+ma dmar po rdo rje'i lcags kyus mtshan pa ste/ thab khung gsum ga la yang gtso bo'i mtshan mas mtshan pa'i lcags kyus mtshan pa'i thab khung gi rnam pa'i kha khyer gyis bskor ba'o/ /sa dmar po bdung rtsi dang bcas ba'i dri dmar pos nye bar byugs la me tog dmar po sal ma dgram bar bya'o/ /thab khung gsum po ni zabs dang kha khyer la sogs pa'i tshad ni zhi ba'i thab khung bzhin du shes par bya'o/ /mngon spyod kyi thab khung ni gas pa tsha sgo can dang rtsub pa dang nam mkha' ltar nag pa'i sa la gru gsum byang du phyogs pa/ logs rnams la sor nyi shu pa zabs su sor bcu pa dbus su pad+ma nag po la gnas pa'i sor brgyad pa'i khro bo'i rdo rjes brgyan pa 'an/ dbus su rtse gsum ba la gnas pa'i gro bo'i rdo rjes brgyan pa'o/ /thab khung gi steng du sor gsum dor bar rgya dang dbangs su sor gsum pa kha phyir gzhol ba'i kha khyer khro bo'i rdo rjes mtshan paS yongs su bskor ba'o/ /bdud rtsi dang bcas pa'i sa nag po dang ro bsregs ba'i thal ba dang bong bu dang rnga mo la sogs ba'i sbangs gang rnyed bas byugs te/ dri ngan ba 'am dri med pa'i me tog sngon po 'am dmar po dag dang 'bru'i phub ma la sogs pa gtor la/ 'bar ba 'khrug pa 'jigs su rung ba/ me'i zhun la sogs ba'i mar me dang ldan par bya'o/ /las thams cad pa'i thab khung ni/ las dang rjes su 'thun pa'i sa gzhi la/ zhi ba'i thab khung dang mtshungs ba ste/ 'on kyang mchung ge sar dang bcas pa'i bre'u 'bru dang kha khyer la pad+ma'i 'dab ma rnams so/ /de bas na rab tu rgyas pa'i pad+ma'i rnam pa phyi rol gyis phyogs dang phyogs bral du rdo rjes mtshan pa 'am/ sna tshogs rdo rje 'am/ ral gris mtshan pa'i kha khyer gyis bskor ba dbus su rdo rje phreng bas bskor ba'i 'dab ma la gnas pa'i 'dab ma'i tshad kyi de bzhin gshegs pa bzhi'i mtshan ma'i nang du rgya dang dpang su sor brgyad dang sor gcig pa'i rang rang gi mtshan ma dang yang dag par ldan pa'o/ /mtshan ma yang rnam par snang mdzad kyi 'khor lo 'am/ de kho na nyid bsdus par gsungs pa'i rdo rje'o/ /rin chen 'byung ldan gyi rin po che'o/ /'od dpag tu med pa'i pad+ma'o/ /mi bskyod pa'i khro bo'i rdo rje'o/ /don yod grub pa'i ral gri 'am sna tshogs rdo rje'o/ /kha cig ni phyogs kyi rdo rje dang bral bar khor yug tu phyi rol rdo rje'i phreng ba kun nas bskor ba'i kha khyer te/ thab kyi dbus su rdo rje'i phreng ba med do/ /zhes zer ro/ /gzhan yang 'di la phyogs gzhan ni thab khung thams cad kyi dbus kyi cha rnams la pad+ma la gnas pa'i rang gi 'dod pa'i lho'i mtshan mas brgyan pa'o/ /de yang gtso bo'i mtshan ma ni srid dang dbangs su sor brgyad dang gcig tshid? rnams te cig shos kyi ni sor drug pa'o zhes so/ /'di dang sngar brjod ba'i phyogs la khyad par ma smos pa la kha khyer la gtso bo'i mtshan ma'i phreng ba'o/ /dkyil 'khor gyi khang pa la sogs pa'i shar gyi phyogs su zhi ba'i thab khung ngo/ /lhor rgyas pa'i'o/ /nub tu dbang dang dgug pa'i thab khung ngo/ /byang du mngon spyod kyi thab khung dang drag pos dgug ba'i yang ngo/ /phyogs gzhan yang dpal saM bu Ti'i rgyud las/ shar gyi phyogs su zhi ba'o/ /de bzhin lto ni mngon spyod dang/ /nub tu dbang dang dgug pa dang/ /byang du rgyas pa'i thab khung ngo zhes gsungs so/ /yang na las dang rjes su mthun ba'i thab tshon gyis bri bar bya'o/ /'di ni thab khung gi rab tu 'byed ba'o/ /ba la sha dang au dum ba ra dang/ a shwad tha dang/ kaSh+ma ri dang/ au? mra dang/ ka dam opa dang/ sh+ra mI dang/ bla kA dang/ phaT la sogs ba'i shing 'o ma can gyi rtse mo'i cha las skyes pa/ lo ma gnyis dang ldan pa/ rlan dang bcas pa/ mnyam par bcas pa/ sor bcu gnyis pa/ mthe'u chung tsam du sbom pa/ rtse mo gnyis sbrang rtsi dang 'o ma dang mar du bsnyugs pa bdud rtsi dang de'i chus byan pa rtse mo la lo ma zung dang bcas pa'i yam shing rnams srin lag dang mthe bong gis gzung ste rtse mo gcig sbyin sreg bya'o/ /ku sha dang a mra'i lo ma dang/ dur ba ste 'di rnams kyang rtse mo dang bcas pa gnyis sbyar bas so/ /rnying lci phra dang kyag pa dang/ /ring thung lo ma med pa dang/ /srog chags kyi zos? brul pa dang/ /shun bran chags dang bu ga can/ /rtse mo gnyis ldan sbom pa spang/ /rnyings pa yis ni 'chi bar 'gyur/ /kyog pas bskal pa ngan par 'gyur/ /ring thung rig pa 'phral du nyams/ /lo ma med pas na tsha 'byung/ /sbom pos phun sum tshogs pa nyams/ /skam pos gzhan yang mi 'dod par/ /shes bya bsreg bya gzhan bshad bya/ /'bru mar gyis byugs ku sha dang/ /til zho 'o ma sa lu'i zan/ /dur ba can dang pri yang ku/ /thang chu dri zhim me tog dang/ /'bras yos a mra'i 'dab ma rnams/ /rtse gnyis sbrang rtsi sogs su bsnyugs/ /ji ltar rnyed pas sbyin bsreg bya/ /nang gi bdud rtsi zhi ba'i 'o/ /kha cig tu ni phyi rol gyi bdud rtsi lnga'o zhes so/ /rgyas pa la yang yam shing ni/ /de rnams nyid de dbus kyi cha la skyes ba chang ba'i tshang srid du khru gang ba bdud rtsi dang bcas pa'i dri ser po'i chus bran pa zho dang 'o ma dang mar du bsnyugs pa dang/ mngar gsum dang 'dres pa'i zas mchog zho dang sbrang rtsi dang zhun mar dang ldan pa dang til nag po dang zho zan dang/ zhun mar dang bcas pa'i sha lta buSh pa dang/ bil ba'i 'bras bu dang/ 'bras sa lu dang/ pad+ma dang/ na ga ge sar dang/ kA ra ni kA ra dang 'bru rnams so/ /zhing bshad skyon med yon tan can/ /so sor 'dab ldan pri yang ku/ /tsam pa ka dang pU n+nA ga/ klu shing ge sar la gu tsa/ /ka sho ka rnams yam shing ste/ /de bzhin nags las byung ba dang/ /'bras bu me tog sgyur ba dang/ dmar po yang na gzhan yang ni/ /rang gi rtogs pa las gsungs ba/ dbang gis las la shes par bya/ /de rnams nyid ni lcags kyu lta'i/ /tsher ma can rnams snga ma bzhin/ /dbang gi dgug pa la'o/ /mngon spyod la ni nim pa dang/ /seng ldeng ko bi dA ra dang/ /b+hi lo Ta ka dang myos byed rnams sam/ gzhan yang tsha ba dang tsher ma can dang/ kha ba'i shing rnams sam/ ro bsregS pa'i mgal dum ste rtsa ba'i cha las byung ba/ bkas pa sor bcu pa'i rtse mo gnyis rnob la dug dang khrag dang yungs mar gyis bskus pa'i yam shing rnams so/ /yungs kar dang tsha ba dang til mar dang khrag dang lan tshwa dang ske tshe dang ni ma pa'i lo ma dang/ ro bsreg ba'i thal ba dang/ rkang pa'i rdul dang/ bod bu dang/ rnga mo la sogs pa'i spangs dang/ skra dang khyim bya'i tshil dang/ khwa ta la sogs pa'i gshog pa dang/ bshad gcig dang tsher ma dang rus phye dang glang po che'i sha la sogs pa las ci ltar rnyed pa 'am/ rdzas re re la dug dang lan tshwa dang khrag dang bsres ba 'am rdzas de rnams kyis sam/ thal ba dang sol ba dang phub ma la sogs ba rnams la dgra'i gzugs byas la/ dug la sogs pas skus te rkang pa g.yon pa'i mthe'u chung nas brtsams te mtshon rnon pos bcang cing sbyin bsreg bya'o/ /drag po'i dgug pa la ni gzugs mi bya'o/ /las thams cad pa la ni pA la sha dang/ au dum ba ra dang/ plak+Sha dang/ seng ldeng dang/ arka dang/ n+ya gro d+hA dang/ bai kaM ka ta dang/ A mra dang/ sha mi dang/ kAshma ri dang a pa mArga dang/ a shwad tha las skyes pa mngon par gsar zhing mdzub gang ba drang po bdud rtsi dang bcas pa'i dri bzangs kyi chus byugs pa/ las dang rjes su 'thun pa'i snum la sogs pa rtse mo gnyis la byugs pa'i yam shing rnams so/ /las thams cad pa la zhi ba la sogs pa'i las la gsungs pa'i nas dang 'o ma la sogs pa rnams kyang bsres par bya'o/ zhi ba dang rgyas pa'i rdzas gang cung zad dang/ gang yang bdag nyid kyi kha zas de thams cad dang/ mar gyis byugs pa'i gu gul lam sa la'i thang chur yang nyin re bzhin zhi ba la sogs pa'i sngags tha dad pas sbyin bsreg bya'o/ /dri dang me tog la sogs pa nye bar spyod pa rnams la yang las dang rjes su 'thun pa'i rang rang gi sngags ci lta ba bzhin bzlas par bya'o/ /de ltar yang arka seng ldeng bai kAM ka/ ardzun a bA marga sogs/ zhir gsungs ka taM pa dor te/ ci ltar drang dang cig shos 'dod/ /yam shing zhi bzhin yang dag gzhan/ /thun mong gis ni cho ga las/ zhes gsungs so/ /rjes kyis rab tu byed ba'o/ /bud shing ni zhi ba la mchod sbyin gyi shing rnams las/ srog chags med pa thab khung pas cung zad kyis thung ba 'am 'brog dgon pa'i ba lang gi lci ba'o/ /rgyas pa la ni 'brog dgon pa'i ba lang gi lci ba ma gtogs pa'i ci skad bshad pa bud shing 'bras bu dang bcas pa'o/ /dbang du bya ba'i bud shing ni nim pa dang shing skyur ba dang gzhan yang me tog dang bcas pa'o/ /dgug pa la ni tsher ma dang bcas pa'o/ /mngon spyod la ni tsha ba dang tsher ma can dang kha ba dang dri ngan pa dang dri med pa'i shing rnams dang/ dur khrod kyi shing ngam bod bu 'am rnga mo la sogs pa'i spangs dang shing shun skamS pas so/ /las thams cad pa'i bud shing ni las dang rjes su mthun pas so/ /bud shing gi rab tu byed pa'o/ /dgang gzar ni gser ram zangs las byas pa 'am mchod sbyin gyi shing las byas pa ste/ de'i yu ba ni skyes bu tsha dang nga ldan pa'i mthe bong gi sor nyi shu rtsa bzhi pa la rdo rje la sogs pa dang bcas pa'i khu tshur gyi bzung du rung ba'o/ /yu ba las steng du rgyar sor bzhi gru bzhi ba zabs su sor gnyis kyis dma' ba la rdo rje rtse lnga pa sor gnyis bas mtshan pa/ gru bzhi ba'i steng gi rgyar sor phyed la rdo rje'i phreng ba'o/ /gru bzhi pa'i steng du pad+ma'i 'dab ma'i dbyibs can sor bzhi pa zabs su mthe'u chung gi tshad la sor bzhi pa'i rdo rjes mtshan pa'o/ /yang na yu ba'i steng gi char pad+ma'i 'dab ma'i rnam pa srid du sor brgyad pa'i tshad dang ldan pa ci ltar mdzes pa la rgyar gru bzhi sor bzhi pa zabs su sor gnyis kyis dma' ba' i dbus su rdo rje sor bzhi pa rtse gsum pa 'am/ rtse lnga pas mtshan pa'o/ / srid du bcud 'dzag pa'i bu ga mthe bong dam yang na mthe'u chung gi tshad de'i steng du rdo rje rtse gsum pa sor bzhi pa'o/ /yu ba las 'og tu rin po che sor gsuM pa dang/ de'i 'og tu sor gsuM pa'i rdo rje ni 'dod pa gnyis ka la ste/ glugs gzar gyiyu ba'i 'og tu 'ang de bzhin no/ /glugs gzar kyang sngar smos pa'i rdzas sam shing las byas pa ste/ dgang gzar gyi yu ba'i phyed kyis phra ba khru gang ba'i yu ba ste/ 'di'i kha pad+ma'i 'dab ma lta bu rgyar sor gnyis pa zabs su sor gcig pa dbus su rdo rje rtse lnga pas mtshan pa'o/ /yu ba'i 'og tu rdo rje dang rin po che ci ltar mdzes ba bya'o/ /dgang gzar blugs gzar med na sor mo lnga yang dag par sbyar ba yis kyang dgang blugs dbul zhing/ sor mo gsum sbyar ba yis ni cig shos bsregs blugs so/ / de skad du yang yang na sor lnga yang dag par/ /sbyar bas dgang blugs dran bya ste/ /de ltar sor mo gsum sbyar bas/ /gzhan de dgang gzar blugs gzar ro zhes gsungs so/ /pi pa la'i lo mas kyang bsregs blugs 'di gnyis bya'o// zhes gsungs so/ /blugs gzar med na cig shos kyi bsregs blugs kyang dgang gzar gyis bya'o/ /dgang gzar blugs gzar gyi rab tu byed pa'o/ /de nas sgrub pa pos byams pa dang snying rje dang ldan pas khrus bya zhing lus dri zhim pos byugs la gos dkar po gon te/ las dang rjes su 'thun par 'dod pa'i lha'i rnal 'byor gyis bsrung ba'i cho ga dang bzlas pa bya zhing mi smra bas 'jam zhing shin tu bde ba'i stan la pad+ma'i 'dug stangs kyis 'dug la srod la kha shar du ltas la blos bsgrub bya la dmigs nas dkar po'i tshes gcig nas brtsams te zhi ba'i yid kyis zhi ba'i las bya'o/ /de bzhin du rgyan dang rjes su byug pa dang phreng ba ser po dang gos sna tshogs pa gon la/ bzang po'i 'dug stangs kyis 'dug la dga' ba'i yid kyis kha byang du bltas te nya nas brtsams nas snga dro rgyas pa bya'o/ /chags pa'i sems kyis rgyan dmar po la sogs pas klubs la kha nub phyogs su blta zhing mtho zhing bde ba'i stan la rdo rje skyil krung gis 'dug ste/ mtshan phyed dam gzhan du dbang gi las bya'o/ /dbang gi dgug pa la yang de bzhin te 'on kyang kha gyen du lta'o/ /lta mnyes par bya ba la yang kha nub tu phyogs par bya'o/ /khros shing rgyan dang gos sngon po 'am khrag gam chus gsher ba'i gos gon te/ stan srab pa la lho phyogs su kha bltas te 'dug pa 'am/ bsgrub bya'i gzugs brnyan gyi brang la gnas pa 'am/ stan med par tsog pur gnas te rkang pas rkang pa mnan te/ so yi so 'cha' zhing mig 'khor tshugs su blta bzhin khro gnyer can snying rje chen po dang ldan pas/ dkon mchog gsum la gnod pa bzlog pa'i don du nag po'i nyin zhag gang yang rung ba'i nyin phyed dang mtshan phyed la khro bo'i skyil krung dang khro bo'i rnal 'byor gyis gang? gi tshe bsgrub bya'i snying ga'i pad+ma'i nang na gnas pa'i bsrung ba de rang gi hUM yig las skyes pa'i rdo rje'i lcags kyu yis bcad de phyir bton nas rang nyid la bstim pa 'am/ rang gi shes rab kyi pad+mar rang gi rdo rje'i phur pas yang dag par btab nas/ bsgrub bya yang lha thams cad kyis spangs par bsam ste/ de'ang sdig pa las bzlog par 'dod pa'i brtse bas sangs rgyas kyi zhing yongs su dag pa 'am/ gzhan yang phan pa dang bde ba'i bzang po'i rigs su skye bar bya ba de'i tshe mngon par spyod pa bya'o/ /de bzhin du drag po'i dgug pa la yang ngo/ /rengs dang rmongs dang dbang ldan lta/ /de bzhin rdo rje skyil krung ste /bau ShaT sngags kyis mthar ldan pas/ thab khung gru bzhir byas pa la/ /ser dang dkar po'i rgyan gyis spras/ / rgyas mtshungs tshogs yang dag gnas / bskrad la de bzhin mer phyogs pas /rnga mo la sogs spangs kyis byug/ /dkar nag gis brgyan dug gis bri/ /bsreg pa'i rdzas ni 'di yin te/ /khwa ta la sogs gshog pa mchog/ spel tshig dang ni yang dag ldan/ /'dir ni khwa ta'i gshog pa la sogs pa'i mthar che ge mo auts+tshu Ta hUM phaT/ ces pa'i sngags bris pa dang ldan pa'o/ /dbye ba de ltar bden bral du/ /phyogs te rkang pa bzlog pas 'dug/ ser po nag pos rnam par brgyan/ /tsha ba'i til mar dug gis bri/ /thams cad phyogs dang phyogs bral gang du phyogs pa de'i thad ka'i phyogs dang phyogs bral gzhan rnams su gnas pas so/ /yang na don dam par phyogs rang rgyud pa ma yin pa'i phyir/ ji ltar rnam par gnas pa kho nas chen po yid kyi nga rgyal gyis ting nge 'dzin du zhugs pas de kho na ltar de thams cad bya'o/ /sgrub pa po'i rab tu byed pa'o// //gser dngul rdo dang zangs dang shing/ /sa snod nya phyis dung dang ni/ /'dab ma'i skod bu mchod yon dang/ /bsang gtor zhal bsil zhabs bsil snod/ /der nas dang 'o ma dang me tog dkar po dang til dang ku sha dang 'dras yos dang ldan pa bdud rtsi dang bcas pa'i dri dkar po'i chu rnam par rgyal ba'i bum pa na gnas ba blugs la spos kyi bdug ste/ rang gi lta'i sngags sam las thams cad pa'i sngags kyi mthar swAhA dang bcas pa zhi ba'i don du lan brgyar bzlas pa bya'o/ /rgyas pa la ni de bzhin du til dang bcas pa'i zho dang me tog ser po dang dri ser po la sogs pa'i chu la yi ge aoM gyi mdza' can gyis so/ /dbang la ni dri dmar po la sogs pa'i chu la yi ge homngon spyod la longs spyad pa'i rdza por gyi dum bu la sogs pa'i snod du khrag dang bcas pa'i ko dra ba dang ba'i lci ba dang bcas pa'i chu dang dri nga ba dang/ dri med pa'i me tog nag po la sogs pa dang ldan pa'i chu la mthar yi ge phaT ces bas so/ / de ltar drag pos dgug pa la yang ngo/ /rgyas pa la sogs pa thams cad du las thams cad pa la dri dang me tog dang til dang ku sha dang 'bras yos dang chu rnams las dang rjes su mthun pa ci ltar rnyed pa gzhug par bya'o/ /mchod yon gyi rab tu byed pa'o/ / //zhi ba dang/ rgyas pa dang/ dbang dang/ dbang gis dgug pa'i las rnams la bdud rtsi 'khyil pa'i sngags dang yi ge hUM bzlas pa'i chu snod dang/ mchod yon la sogs pa'i snod gsum yang rang gi g.yon du'o/ /de dag gi mdun du bzed zhal gyi snod gsum yang maN 'ji la sogs pa'i steng du bkod la/ de nyid bzlas pa'i chu lag pa g.yas pa na gnas pa'i ku sha'i rtse mos blangs pas yam shing dang bud shing la sogs pa'i bsreg rdzas thams cad bsang zhing rang gi g.yas phyogs su dgod par bya'o/ /rang dang dgang gzar blugs gzar yang bsang bar bya'o/ /rnam par rgyal ba dang las thams cad pa'i bum pa la sogs pa ltag par gnas pa ni rdo rje phreng bar brjod pa'i cho gas bya'o/ /cho ga bsdus pa la dga' ba ni bum pa med do zhes kha cig go/ gsang ba dang skrad pa la sogs pa'i las dang drag bo'i dgug pa la yang lag pa g.yon gyi bsang gtor bya'o/ /g.yas phyogs su las thams cad pa dang bsang gtor la sogs pa'i snod dang g.yon logs su rdzas thams cad gzhag por bya'o/ /dgod pa'i rab tu byed pa'o// //zhi ba la ni shing sa ma cam dang/ gtsub shing las byung ba'i me dang/ dgon pa'i me dang sbyin bsreg gi me yang rung ngo/ /rgyas pa la ni rgyal po 'am/ rgyal rigs kyi khyim nas byung ba dang/ nags mes tshig pa dang/ nor bu las byung ba dang/ dge 'dun gyi tshad mang las blangs pa'i mes so/ /dbang la ni smad 'tshong ma dang/ rje rigs kyi khang pa las byung ba'i mes so/ /dbang gi dgug pa la gar mkhan dang 'gron bos bus pa'i mes so/ /drag po la ni mi'i rus pa bsregs pa dang rdo dang gdol pa la sogs pa'i khyim nas byung ba'i mes so/ /drag pos dgung/ pa la yang me de dag gzung ngo/ /las thams cad la yang rang rang gi ci lta ba bzhin no/ /me'i rab tu byed pa'o// //rdo rje phreng bar brjod pa'i cho gas rdo rje dang dril bu gsor ba dang/ dkrol ba byas la gtor ma phul te/ bsrung ba dang ldan pa'i yi ge gsum gyis snod kyi nang du me gzhag la/ de nas bdud rtsi 'khyil pa'i snga/ kyis zhun mar gyi mar me sbar bas me rab tu sbar nas de brjod pa'i ku sha'i rtse mos blangs pas lan gsum du g.yas su bskor ba dang/ drag po'i las la g.yon du bskor bas bsang gtor byas la/ thab tu gtsang zhing shin tu skam pa'i rtswa'i chun po dang bcas pa du ba med pa gzhug cing drag po la bzlog pas bcug nas/ aoM dzwa la dzwa la hUM zheS pa 'di dang yi ge hUM gis kyang rlung yab kyi rlung gis me rab tu sbar nas rigs kyi snying po lan bdun bzlas pa'i blugs gzar gyi mar gyis kyang rab tu sbar bar bya'o/ /drag po la tsha ba'i til mar gyis te gong du yang ngo/ /de nas ku sha rnams aoM badzra satwa apa 'di brjod nas ku sha ljang khu gnyis gnyis rtse mo bzhi bas pa dri ma med pa 'dab ma ma grugs pa ha cang yang ring ba ma yin pa rnams dang por sgrub pa po'i g.yon gyi kha khyer la rtse mo shar du bstan pa dang/ gshin rjer phyogs pa dang rtse mo nub tu blta ba dang/ byang du phyogs pas dgram par bya'o/ /de nas thab khung du rtse mo shar du bstan pa'i ku sha ba lang gi rna ba lta bu ha cang mi ring bas g.yog go/ rgyas pa dang dbang du bya ba dang/ mngon spyod kyi thab khung rnams su rim pa bzhin du rtse mo byang dang nub dang lhor bstan pa rnams te dang por g.yon gyi kha khyer la ku sha gnyis kyi rtse mo yang de ltar ro/ /'dir yang sgrub pa po gang du mngon du phyogs pa de la ltos nas shar la sogs pa'i tha snyad bya ste/ don dam par shar la sogs pa'i phyogs med pa'i phyir ro/ /de nas lha'i bdag nyid can gyis rang gi snying ga'i sa bon gyis thab bskyed nas me 'bar ba rig nas de'i dbus su bdag med par bsams te raM las gyur ba'i ma'i dkyil 'khor gru gsum pa la/ /pad+ma dang nyi ma la gnas pa'i raM yig las byung ba 'am skad cig gis rdzogs pa lto ba 'phyang ba sha rgyas pa sku bong thung ba zhal gsum ? zhal re re zhing yang spyan gsum pa phyag g.yas pa gnyis kyiS mi 'jigs pa dang bgrang phreng gzung ba/ g.yon pa gnyis kyis dbyug pa dang ril ba spyi blugs 'dzin pa/ phyag gtso bo gnyis kyis rang 'od kyi shes rab la 'khyud pa las dang rjes su mthun pa'i sku mdog dang gos dang rgyan dang ldan pa/ rnam par shes pa'i 'od zer gyi phreng ba dang rgyas 'debs kyis rigs kyi bdag po can smar dang ral pa'i tshogs dang ldan pa me'i dkyil 'khor la gnas pa'i sa bon gyi snying gar brgyan pa'i me lha rnam par bsgoms la/ dam tshig sems dpa' i snying ga'i sa bon gyi 'od zer lcags kyus nam mkha' la dam tshig sems dpa' dang 'dra ba'i ye shes sems dpa' i me lta me mtshams nas byon pa drang srong gi tshogs kyis yongs su bskor ba rtsa ba'i zhal ni sku mdog dang mthun pa ste/ de dkar po nyid yin na g.yas dang g.yon gyi zhal nag po dang dmar po/ ser po dang dmar po ljang gu yin na sngon po dang dkar po ste sngon po la ni dkar po dang dmar por rnam par bltas nas g.yas pa'i mthe por mi 'jigs pa bskyod pa dang/ sngags 'dis spyan drang par bya'o/ /aoM tshur sbyon tshur sbyon 'byung po che/ /lha'i drang srong bram ze mchog/ bsregs blugs zhal zas bzhes slad du/ /'dir ni yang dag snyen par mdzod/ /ces pa dang/ aoM agna ye/ A dI bya/ A dI pya/ A bi sha A bi sha ma hA sh+ri ye hA bya ka bya bA ha na ya swAhA/ zhes pa'i sngags 'dis sbyan drangs la de dang lhan cig lhags pa'i bgegs thams cad gshin rje gshed la sogs pas skrad nas/ de rnams k yi dzatIts+tsha hUM swAhA/ zhes pa'i sngags sam/ aoM Ama noM dang a b+hu k+Sha NaM zhes pa bcug nas/ zhabs bsil dang/ zhal bsil dang bsang gtor dbul lo/ /las dang rjes su 'thun pa'i me tog la sogs pa dang/ gsang ba'i mchod pa la sogs pa rnams kyis kyang mchod par bya'o/ / ji ltar rigs par yang/ ku sha'i chun pos snod dang por/ /las kun byed las chu yis ni/ /bsang gtor lan gsum dbul bar bya/ /de nyid du ni zhal bsil te/ /mdzub mos me tog blangs nas ni/ /khu tshur 'og tu kha bstan nas/ / mthe'u chung srin lag gung mo dang/ /mdzub mo rims kyis dgrol zhing dbul/ /gnyis pa'i dung gi chu yis ni/ /mchod yon bzed zhal gnyis pa ru/ /rdo rje'i snyim pa kha phye bas/ /dbul zhing zhal bsil gsum par ni/ /khu tshur bcas nas mtheb mdzub kyi/ /skam pas me tog blangs nas su/ /sangs rgyas rnams kyi spyan sngar ni/ /lan gsum bskor ba'i sor mo ni/ /mdzub mo gung mo ming med dang/ /mthe'u chung rims kyis dkrol bas so/ zhes bya ba'i gdams pa khyad par kho bo'i bla ma rnams gsung ngo/ /phyogs gzhan ni dpal saM pu Ti'i rgyud las/ /sngon du mchod yon gyi snod cas gsungs ba'i dgongs pa'o/ /mdor bsdus pa'i rim pa'o/ /rgyas par ni aoM Athab khung gi me'i phyogs kyi logs na ku sha'i chun po la 'dug pa la/ mchod yon la sogs pa phul te/ de nyid gsum gyis spel ba'i dzaba'i tshul dang ldan pa'i phyag gnyis kyi se gol gtog pa sngon du 'gro bas dam tshig sems dpa' la rab tu bcug la bcing ba dang dbang du byas nas yang mchod yon la sogs pa thams cad bya'o/ /de nas aoM badzra a na la mahA b+hu te dzwa l a dzwa la ya sarba b+hasmI ku ru sarba duSh+Ta na hUM phaT dri sh+ya dzadgang gzar bzung nas lag pa g.yas pa ni kha spub pas blugs gzar gan rkyal du byas pa mar gyis gang ba dang/ /de bzhin du drag po'i las la ni dug dang bcas pa'i tsha ba'i mar nag gis gang ba'i dgang gzar g.yas kyi bzung zhing g.yon pas blugs gzar yang ste dgang gzar dang blugs gzar gyi kha la rang gi lha'i sa bon yi ge gsum gyis spel ba'i 'od zer dang bcas pa dang/ me lha'i zhal du raM rnam par bkod la dgang gzar gyi khar blugs gzar gyi kha bzhag ste lag pa gnyis pus mo'i nang du dang/ drag po la phyir bya ste/ zhi ba dang rgyas pa dang/ dbang gis dgug pa'i las rnams la swAhA dang/ aoM dang hogdangs pa dang/ drag pa dang drag po'i dgug pa la ni zhal shin tu gdangs par dgang gzar g.yas skor dang/ drag po la g.yon skor byas te yon bdag gi nus pa ji lta bas dgang blugs lan gsum mam lan bdun dbul bar bya ste aoM Agna ye/ A dI bya/ A rI pya/ a bi sha a bi sha mahA sh+rI ye ha bya ka bya bA ha nA ya swAhA/ zhes pa me lha'i sngags kyis sam/ aoM na maye swAhA/ zhes pa cig shos kyi mar gyi bsreg blugs kyi sngags kyis so/ /de nas me la bgegs dang bral ba dang bgegs dang ldan par rtags kyis mtshon par bya ste/ rab sngags dge ba me yi 'od/ /dpal gyi be'u dang rnga yab gdugs/ /rgyal mtshan pad+ma bum lta bu/ /rtse gsum ral gri nya lta bu/ /bkra shis ain+d+ra nI la dang/ /rdo rje dud la sogs pa dang/ /dgang gzar blugs gzar rnam pa dang/ /dkar dang 'jam 'dra mdog sdug dang/ /g.yas su 'khyil dang shin tu sdum/ /byi ru dang ni gser mdog 'dra/ /lug ru dngul dang bai DUrya/ /nyi 'od 'bar mtshungs dri ma med/ /du ba med cing dri zhim pa/ /pi wang rdza rnga'i sgra ldan mchog/ zhi bar kha dog dkar pos snang/ /rgyas pa la ni gser dang mtshungs/ /dbang la dmar po rtse mo mchog/ mngon sbyod la ni sngo nag go/ zhi ba'i las la sogs pa la/ /gser 'dra rtse gcig dam pa ste/ /rtse gnyis 'bar ba 'bring du bstan/ /rtse gsum sbrin 'dra shin tu dman/ /du ba che ba mi dge ste/ /'bar ka me lce chang ba dang/ /rtsub nag pa la sha yi mdog/ gsal zhing ba lang mgo lta bu/ /me stag 'phro dang drag po'i sgra/ /ro'i dri nga mi dge ba/ /drag po'i las la shis pa ni/ /de ltar mi dge ba yi ltas/ /bgegs dang bcas pa nyid na me la bsang gtor dang/ bsrung ba las thams cad pa'i sngags kyis mar gyi bsregs lugs lan bdun byas la/ de nas slar yang me lha'i sngags sam/ las thams cad pa'i sngags kyis bsang gtor byas nas dgang blugs gsum mam bdun nam lan gcig gam rtsi 'byor ba'i me lha'i sngags kyis bsregs te blugs gzar la sogs pa rnams kyis/ mar la sogs pa rnams kyis bsregs blugs gsum mam bdun nam gcig la ci ltar rnyed pa bsreg par bya'o/ /de ltar yang blugs gzar gyis ni mar bsreg cing/ 'bru rnams de nyid kyis dbul bya/ zhes gsungs so/ /dang po yam shing la sogs pa sbyang bar bya ste/ de la aoM A:swAhA/ yam shing spyang ba'i sngags so/ /aoM shimar sbyar ba'i sngags so/ /aoM Atil dang dur ba 'bras zho zan/ /ku sha la sogs bsreg par bya/ /'chad par 'gyur ba'i rang rang gi sngags kyi yam shing dang/ dur ba dang ku sha mthe bong dang ming med kyis blangs nas so/ /thams cad du khu ba'i rdzas rnams ni zhal du'o/ /yaM shing dang ni mi rus kyi pha? ma la sogs ni 'od kyi dkyil 'khor la'o/ /zho zan dang bza' ba dang/ zhal bsil dang/ til la sogs pa ni phyag tu'o/ /dri ni thugs dkar ro/ /me tog ni dbu la'o/ /bdug spos ni 'bar ba la'o/ /zhabs bsil ni zhabs dag la'o/ /mar me dang mchod yon mdun du dbul bar bya'o/ /mchod yon gyi chu snod du yang dbul bar bya'o/ /kha cig ni kun tu lus la bsang gtor dang mdun tu spos kyi bdug pa dang/ zhabs bsil zhal du la na gsum ste/ mchod yon dbul? dbul bar bya zhes zer ro/ /de'i rjes su zhal bsil dang bsang gtor byas la/ me lha thab du 'bar ba'i rnam pas sam/ rang gi gzugs kyis me'i phyogs su gzhag par bya'o/ /de nas yi ge hUM dang bdud rtsi 'khyil pa'i sdags kyis kyang sngar bzhin du cho ga ji lta bar yo byad la yang bsang gtor byas nas/ zhi ba la rigs kyi bdag po dkar po shin tu zhi ba pad+ma dkar po dang zla ba la gnas pa rnam pa thad du ges dang rgyan dang 'od dkar po dang ldan pa 'khor lo can snyoms par 'jug pa 'am cig pa'i gzugs can 'od zer spros pa las sbrul pa'i spyan ma la sogs pa'i ltas zla shel gyi bum pa byang chub sems kyis bdud rtsis gang ba/ phyag gis bzung ba'i rgyun rnams kyis bsgrub bya? la dbang bskur bas de'i rims la sogs pa ma lus par sel bar mdzad pa'o/ /rgyas pa la ni ser po shin tu rgyas pa gos dang rgyan ser po dang gdan ser po dang/ shin tu dgyes shing rengs pa ste/ sngar bzhin du gser gyi bum pa las 'bab pa'i bdud rtsi 'am rang na'i char pa rnams kyis bsgrub bya'i lus sam/ khang pa yang dag par gang bar byas te ring la sogs pa 'am dbul ba 'jig par byed pa'o/ /dbang la ni stan dmar po la sogs pa dang ldan pa sngar bzhin du aut pa la dmar po kha bye ba lta bu'i mdangs snying phug nas dbang du sdud par byed ba'o/ /dbang gis dgug pa la zhags pa dang lcags kyu dag gis bcings shing phub nas 'gugs pa'o/ /mngon spyod la gdan nag po la sogs pa dang ldan pa khros pa bsgrub bya'i sdeng du rdo rje me'i char phab nas bsgrub bya thal bar byed pa'o/ /drag pos dgug pa la yang de ltar bsam par bya'o/ /de bzhin du las thams cad pa nyid rang gi lhag pa'i lha nyid las dang rjes su mthun pa'i rnal 'byor dang ldan pa 'am/ yang na thab khung du bkod pa'i lha'i rnal 'byor dang ldan pa'o/ /khyad par du zhi ba la bcom ldan 'das rnam par mdzad dang/ rgyas pa la ni rin chen 'byung ldan dang/ dbang dang dbang gis dgug pa la 'od dpag med dang/ bsad pa dang/ yams dang nye bar 'tshe ba bsal ba la don yod grub pa dang/ yang na rnam par snang mdzad dang/ mngon spyod la ni mi bskyod pa 'am gshin rje mthar byed la sogs pa'i khro bo rnams kyi rnal 'byor dang ldan pas so/ /zhi ba la sgrub thabs dang mngon par rtogs pas ci ltar gsungs pa'i rim pas dam tshig sems dpa' bskyed pa dang ye shes sems dpa' spyan drang ba la sogs pa'i cho ga dang dbang bskur ba'i mthar thug pa byas la/ dri bzang po dang me tog dkar po la sogs pa de'i sngags dang rang gi lha'i sngags kyis mngon par sngags pa rnams kyis mchod par bya'o/ /de bzhin du rgyas pa la yang ste khyad par de dag nyid ser pos so/ /dbang dang dbang gi dgug pa la yang dmar po rnams kyis so/ /drag po la ni dri med pa dang/ dri ngan pa dang/ bil ba dang/ arga dang dza ba la sogs pa'i me tog rnams dang/ spos dkar po la sogs pa'i spos dag dang/ mi dang nya la sogs pa'i zhag gi mar me rnams dang/ kha ba dang tsha ba la sogs pa'i yid du mi 'ong ba'i zas rnams kyis so zhes pa khyad par ro/ /de nas aoM Agyi ljags rdo rje'i rnam pa la rang gi lha'i sa bon du bkod de rang gi sngags kyis dgang blugs gong bzhin du phul la/ mar la sogs pa rdzas rnam re re'i bsregs blugs gsum mam bdun nam gcig bsregs te bdud rtsi dang bcas mar gyi bsregs blugs ci ltar rnyed pa bsreg par bya'o/ /dkyil 'khor bri ba la sogs pa'i las la dkyil 'khor gyi gtso bo 'am/ rab tu gnas bar bya ba 'am bsgrub bya'i lha rnams sam/ zhi ba la sogs pa'i las kyi dbang du byas pa'i lha rnams sam/ rang gi 'dod pa'i lha rnams thab khung du go rims ci lta ba bzhin du bkod la/ bdag nyid kyang rang gi lhag pa'i lha'i rnal 'byor dang ldan pa 'am yang na thab khung du bzhugs pa'i lha'i rnal 'byor dang ldan par bya'o/ / de nas zhi ba la rang sngags kyi mthar che ge mo'i shAn ting ku ru swAhA zhes pa dang/ rgyas pa la puSh+TiM ku ru aoM dang/ dbang la ba shaM? ku ru hopa la yang mA ra ya phaT ste yang na hUM hUM dang/ de bzhin du dgug par gyis shig bskrad par mdzod cig/ ces pa la sogs pa'i tshig dregs pa dang bcas shing nga ro chen po dang bcas pa rang gi sngags la rang gang 'dod pa'i ming spel bcug pa 'am yang na ma bcug par rang bzhin gyis zhi ba la sogs pa'i bsam pas lhag par mos par bzlas shing bsreg rdzas rnams brgya 'am stong dam dpag tu med pa bsreg par bya'o/ /yang na thab khung gi dbus su rang bzhin gyis gnas pa'i de bzhin nyid kyi ye shes kyi rang bzhin gyi me lha'i thugs ka kho nar rang gi sa bon las byung ba'i rang gi 'dod pa'i lha'i bdag nyid dam dkyil 'khor gyi 'khor lo 'am/ yang na sngar brjod pa'i dkyil 'khor gtso bo la sogs pa'i lha bsgoms te/ ye shes kyi dkyil 'khor spyan drangs nas bzhugs pa la sogs byas la de'i zhal du bsregs blugs bya'o/ /phyogs 'di la gsung rab ni me ni nges par lha'i zhal/ /sbyin bsreg dngos grub rab tu gter/ zhes gsungs so/ /de nas me lha la sogs pa'i bsregs blugs kyis sngaD ni/ aoM sarba pA paM da ha na badzra ya sarba pA paM? da ha da ha swAhA/ zhi ba'i don du til rnaMs kyi'o/ /aoM badzra A yu She swAhA/ tshe ring ba'i don du dur ba rnams kyi'o/ /aoM badzra puSh+Ta ye swAhA/ rgyas par bya ba'i phyir ma gtsos shing ma grugs pa'i 'bras rnams kyi'o/ /aoM sarba saM pa de swAhA/ phun sum tshogs pa'i don du zho zan dang 'bras mchog gi'o/ /aoM a pra ti ha ta badzra ya swAhA/ bsrung ba'i don du til mar gyis byugs pa'i ku sha rnams kyi'o/ /aoM badzra bI dzwa ya swAhA/ so ba dri ma med pa'i'o/ /aoM mahA bidyA ya swAhA/ nas kyi'o/ /aoM mahA ba lA ya swAhA/ sran ma mA shI'o/ /aoM badzra g+hasma ri swAhA/ gro'i'o/ aoM badzra yadz+nya ya swAhA/ au dum ba ra'i'o/ /aoM bo ti brik+Sha ya swAhA/ a shwad tha'i'o/ /aoM badzra la tA yai swAhA/ plak+Sha'i'o/ /aoM badzra ku be ya swAhA/ n+ya gro d+ha'i'o/ /aoM sa hA kA rA ya swAhA/ a mra'i'o/ /aoM badzra arka ya swAhA/ arka'i ya la ga'i'o/ /aoM badzra brahma Ne swAhA/ pA la sha'i'o/ / aoM badzra gA trA ya swAhA/ seng ldeng gi'o/ /aoM badzra sh+ru bA ya swAhA/ bai kaM ka'i'o/ /aoM badzra sh+rI bA ya swAhA/ shing sha mi'i'o/ /aoM sarba ta b+ha drA? ya swAhA/ g+haM b+ha ri'i'o/ /aoM badzra shi kha rA ya swAhA/ a pA marga'i'o/ /yang na so ba la sogs pa rnamS ni tshim par bya ba'i lha'i sngags kyis so/ /rdzas lhag ma rnams ni tshim par bya ba'i lha'i sngags kho nas bsregs par bya'o/ /bsreg bya'i rdzas thams cad bshad pa la sogs pa bdud rtsi lngas bran cing bdud rtsi'i dngos bor bsgom pas bsregs blugs bya'o zhes man ngag rig cing mang du mkhyen pa rnams gsung ngo/ /de ltar rang dang gzhan gyis rtog pa'i cho gas ji ltar rnyed pas sbyin bsreg bya ste/ rang gis rigs kyi snying po lan gsum mam lan bdun nam nyer gcig tu mer gyi sregs blugs rnams dbul bar bya'o/ /de'i mthar dgang blugs phul nas rigs kyi bdag po'i snying po brjod pas mchod yon dbul bar bya'o/ /de nas bsang gtor dang zhabs bsil dang gos sar pa dang rdo thal med pa'i so rtsi dang drag mo'i las la rdo thal dang bcas pa phul la sngar bzhin mchod nas yang dag par bstod de/ phyag byas nas mchod yon phul te/ me tog dang bcas pa'i thal mo snying gar sbyar la ma tshang ba la sogs pa'i nyes pa zhi bar bya ba'i phyir bcom ldan 'das la bzod par gsol te/ gang yang bdag blo mongs pa yis/ /nyes byas cung zad gang bgyis pa/ /gang phyir lus can skyabs yin pa/ /mgon khyed de kun bzod par mdzod/ /ma rnyed yongs su ma shes dang/ /gang yang nus pa ma mchis pas/ /'dir ni bya ba gang bgyis pa/ /de kun gtso boS? ? mdzad rigs/ /shes brjod cing bzod par gsol nas/ /mngon par 'dod pa'i dngos grub kyi phyir gsol ba btab ste/ lhag pa dang chad pa'i nyes pa zhi bar bya ba'i phyir thar pa'i sems kyis aoM badzra satwa as atwa as u tsa me tsit+taM sh+re yadu gshegs nas kyang/ /slar yang 'byon par mdzad du gsol/ zhes bya bas yang dag par bskul nas rang gi sngags yi ge gsum gyi nang du byas pa'i mthar yi ge mubzhin du gshegs su gsol bar bya'o/ /de nas me lha thab khung du spyan drang ste slar yang dag par mchod nas bsang gtor dang zhabs bsil dang rdo thal med pa'i so rtsi dang/ drag po la rdo thal dang bcas pa'i so rtsi dang gos gsar pa phul pa/ bsreg rdzas lhag ma sbyin bsreg byas nas mthar dril bu dkrol zhing bstod par bya'o/ /cho ga 'di ni phal che bar rang gi mngon par 'dod pa'i dngos grub kyi ched du'o/ /rab tu gnas pa la sogs gzhan don 'dod pas/ yon phul ba'i slob ma'i mthe bong g.yas pa g.yon pa'i mthe'u chung gis bzung ste/ thab khung du lan gsum du g.yas su bskor ba byas la blugs gzar gyi mgo la g.yas bskor gyis 'jug pas lan bdun du bsreg blugs kyang dbul du gzhug par bya'o/ /'khyil bas sngags pa'i bsrung skung dkar po de'i lag pa la bcings la bsang stor bya'o/ /bdag por gyur na rgyal po la sogs pa'i dag par dmigs la dgang blugs dbul? lo/ /de ltar yang rgyal po dang 'jig rten skyong ba rnams dang sems can thams cad dang slob ma rnams dang/ gang la la mngon par 'dod pa rnams kyis yang re re zhing len gsum ma ma re re cho ga bsreg blugs dbul bar bya'o/ /yon yang dbul du gzhug go/ zhes gsungs so/ /'di ni khyad par ro?/ / de'i rjes su zhal bsil phul la/ bsang gtor byas te yang dag par mchod nas mchod yon phul te bzod par gsol la mngon par 'dod pa'i dngos grub zhus nas aoM badzra satwa yayang dag par bskul la/ aoM badzra mu:zhes brjod cing cho ga bzhin gshegs su gsol lo/ /gang gi tshe de ltar 'jig rten pa'i lha rnams thab khung du dgod par 'dod na yang/ de'i tshe dam tshig sems dpa' bskyed pa dang/ ye shes sems dpa' bkug pa dang dam tshig la rab tu gnas par bya ba dang mchod pa dang sbyin bsreg la sogs me lha bzhin du sbyor ba ci lta bar rjes su bsgrub cing/ phyis kyang me lha bzhin du gshegs su gsol lo/ /de ltar nyin re zhing dam bshad pa'i dus sam thun gsum mam thun bzhir bya'o/ /de nas 'o ma dang 'bras ma chag pa dang/ mar dang sbrang rtsi dang ka ra rnams rang gi 'dod pas rjes su 'thun pa'i dris byugs la mgul par me tog phreng bas bcings pas snod nag po ma yin pa man 'ji'i steng du gzhag pa'i nang du dgang gzar ram blugs gzar gyis blugs te/ rdo rje phreng bar bshad pa'i cho gas bdud rtsi'i rang bzhin gyi 'o thug thab khung gi me la bsgrub par byas nas rang nyid ci lta ba bzhin du rnal 'byor la snyoms par zhugs te/ de bzhin gshegs pa'i lhag ma 'di/ /sdig pa rnam par nyams phyir gsol/ /zhes pas lha dang 'jig rten skyong ba dang rang yang tshim par bya'o/ /lhag ma ni sbyin bdag dang lhag ma don du gnyer ba rnams la go bsha' bya'o/ /zhi ba la ni 'o mas me/ /gzhil bya rgyas pa bsgrub pa la/ /ser po'i chab kyis dbang dag la/ /'o mar dmar dang nag pos so/ /de nas sbyin bsreg gi thab kyi thal ba dang sol ba rnams las thams cad pa'i bum par blugs la chu bo la sogs pa'i chu la bskur bar bya'o/ zhes pa lte cho ga par byed pa'i rab tu byed pa'o/ /'di ni phyi rol gyi sbyin bsreg gi cho ga'o/ / //'di rnams thams cad lhag chad med par sems/ kho nas bya ste nges par mngon par 'dod pa 'grub par 'gyur ro/ /'di ni yid kyi sbyin bsreg gi khyad par cig go/ rnam pa gzhan ni ci lta ba bzhin rang gi 'dod pa'i lha'i rnal 'byor dang ldan pas bris pa'i dkyil 'khor gyi gtso bo las dang rjes su 'thun pa'i gdan la sogs pa dang ldan pa ji skad bshad pa'i me la gnas pa'i ngo bo mdun gyi nam mkhar gnas pa'i dkyil 'khor gyi dbus su gnas par byas la/ rang gi logs su rin po che sna bdun gyi rang bzhin gyi snod sbrang dang zhun mar gyis gang ba bzhag nas/ rin chen sna bdun gyi rang bzhin gyi dgang gzar dang blugs gzar gyis dgang blugs dbul bas yid kyi sbyin bsreg byas pa yang de bzhin du rang gi 'dod pa'i lha'i 'khor lo yang bsgoms nas dgug pa la sogs pa'i cho ga yid kyis rjes su bsgrub par bya ste/ sbyin bsreg gis tshim par bya'o/ /sbyin bsreg gis cho ga 'di ni bla na med pa ste bla na med pa'i yid mngon par 'du byed pa'i rgyu yin pa'i phyir dang/ phyi rol gyi cho ga la yang don de nyid yin pa'i phyir dang/ sangs rgyas dang rig pa 'dzin pa la sogs pa'i dngos grub kyang sna tshogs pa sgyu? ma lta bu'i yid 'od gsal ba rnam par dag pa'i mtshan nyid yin pa'i phyir ro zhes yid kyi sbyin bsreg gi cho ga'o/ / //rang gi 'dod pa'i lha'i rnal 'byor dang ldan pas de'i ngo bo 'am rdo rje sems dpa' i rang bzhin rim pa ci lta bar rang bzhin gyis rnaM dag pa'i naM? par? snang mdzad la sogs pa'i rang bzhin gzugs la sogs pa'i 'dod pa'i yon tan rnams ci ltar rnyed pa la the tshom med par nye bar longs spyad par bya'o/ /bza' ba'i dus su ni rang gi zas thams cad mnyam pa nyid kyi rnam par dag pas bdud rtsir byas nas lte ba'i thab khung gi mes 'khyud pa'i snying gar son? ba'i rang gi lhag pa'i lha'i 'khor lo la lag pa'i dgang gzar la sogs pa cho ga bzhin yang dag par tshim par bya'o zhes pas phyi rol gyi rdzas kyis nang gi sbyin bsreg go/ / //phyi rol gyi rdzas la ma ltos pa'i nang gi sbyin bsreg mchog tu dga' ba phun sum tshogs pa'i rgyu ni dpal kha sbyor gyi rgyud kyi 'grel par kho bos gsal bar byas pas der shes par bya'o/ / //khams gsum pa steng pa nyid dang snying rje gnyis su med pa'i 'khor lo'i rnam pa'i ye shes kyi me la gdams pa/ ci lta bar phung po la sogs pa'i bud shing bsreg pa ni bla na med pa'i sbyin bsreg go/ //'di ni lha thams cad kyi cho ga thaMs cad spros te bshad pa'o/ /gang yang rnal 'byor dang rnal 'byor ma'i rgyud kha cig tu cho ga'i dbye ba cung zad tha dad pa bstan pa de yang 'di dag gi rjes su 'brangs nas ci ltar rigs par bya'o/ /'dir bsdu ba ni 'di yin te/ lha'i bdag nyid kyis mchod cing/ / gtor mas sbyangs thab khung bya/ /zhi rgyas dbang dang mngon spyod la/ /dkyil 'khor gyi ni shar dang lho/ /nub dang byang du thab khung rnams so/ /shar byang nub lhor kha bltas pa'i/ /slob dpon g.yon du chu dang ni/ /mchod yon la sogs snod rnams dgod/ /g.yas su yam shing mngal sogs/ /bsregs rdzas rnams te me sbar nas/ /thab tu ku sha dgram zhing g.yog/ bud shing mar gyis rab sbar te/ /me dang de yi ye shes sku/ /cig byas mchod yon sogs pas mchod// dgang gzar blugs gzar kha la 'thon/ /dgang blugs byas te tshim par bya/ /yon bdag nus pa'i rjes mthun pas/ /g.yas su skor ba'i sbyor bas so/ /de nas mar sogs kyis kyang gzhan/ /bsregs blugs blugs gzar gyis kyang dbul/ /zhabs bsil zhal bsil bsang gtor chu/ /mchod yon zhabs phyag sku dang mdun/ /khu ba zhal du yam shing 'od/ /bza' ba la sogs phyag du dbul/ /me tog dbul bdug spos dang/ /mar me mdun du dri chab thugs/ / me lha dang ni lhag pa'i lha/ /de dag tshim pa la sogs bya/ /mar dang til dang ngur ba'i rtse/ /'bras dang bza' ba 'o thug dang/ /ku sha so ba nas dang ni/ /ma shA gro dang au dum bar/ /bil pa plak+Sha n+ya gro d+ha/ /a mra arka tshangs shing dang/ /seng ldeng pai kaM ka sha mI/ /g+haM b+hir a pA marka dang/ /rim bzhin bsregs nas gos stsogs dang/ /klog dang dril bu dkrol zhing bstod/ /bzod gsol lha dang me lha la/ /dngos grub blangs nas gshegs su gsol/ /zhi ba sogs la dge ba ni/ /bzlog pa dag las mi dge ba/ /ji lta dmigs par yid dang lus/ /klag dang las la yang dag brtsam/ /yang na thams cad yid kyis so/ /nang du snying rje'i bdag nyid dang/ /stong nyid ye shes me la ni/ /'gro ba sbyin ba sreg rgyal ba mchod ces pa'o/ /shes rab 'od zer 'bar bas yod med 'dzin pa'i rlabs kyi bsreg rdzas zang byed pa/ /rab tu 'char ba'i pad+ma kha bye rgod pa phun sum tshogs pa'i tshul/ /gang gi de nyid de ltar legs par brjod pa'i dge ba'i bdud rtsi dbang brten nas/ /'gro bas rdo rje 'chang gi sku yi phun sum tshogs pa rab tu thob gyur cig /ces pa sbyin sreg gi cho ga 'od kyi snye ma zhes bya ba/ rje btsun ma rdo rje rnal 'byor mas byin gyis rlabs pa'i paN+Di ta chen po a b+ha ka ra gupta'i? zhal snga nas mdzad pa rdzogs so/ / //rgya gar gyi mkhan po paN+Di ta chen po thams cad mkhyen pa'i dpal bzang pos/ bod yul gyi dbus drang srong srin po rir rang 'gyur du mdzad pa'o/ /slang kyi paN+Di ta che? po rig pa'i gnas rnams su thugs su chud pa'i mkhas pa dag dang/ grub pa me ? pa'i skyes bu chen po rnams kyi gsung gi bdud rtsi'i rgyun gyis thugs gtams zhing de kho na nyid la gzhol ba'i slob dpon nyi ma'i dbang po'i 'od zer dang/ chog? lo tsa ba dge slong chos rje dpal gyis legs par bsgyur cing gtan la phab pa/ dus phyis shod lo tsa ba dge slong blo brtan gyis legs par bcos shing dag par byas so/ /tshigs su bcad pa nyiS brgya bdun cu rtsa lnga pa'o// // 'jig rten dbang phyug tshangs dbang mgon gyi sras/ /me lha'i rgyal po Tak+kis dbang bskur ba/ /shes rab mchog gis nyon mongs thams cad bsreg/ 'dzin byed me lha nyid la rnam par 'dud/ /tshangs pa 'jig rten mgon gyi sras/ /me lha'i rgyal po drang srong mchog/ 'byung po yongs su bskyab pa'i phyir/ /thugs rje'i dbang gis sku sprul pa/ /rigs sngags grub pa'i drang srong mchog/ nyon mongs bsreg pa'i shes rab 'ong/ /bskal pa'i me ltar gzi rjid 'bar/ /mngon shes rdzu 'phrul zhabs dang ldan/ /thabs kyi sprul pa'i theg pa bcibs/ /rig sngags gsung gi bgrang phreng 'dzin/ /bdud rtsi'i bcud ldan gun d+he rnams/ /chos kyi bdud rtsi yongs la bsil/ / nyes pa'i skyon bral tshangs par spyod/ /'jig rten gnas kyang mya ngan 'das/ /zhi ba brnyes kyang thugs rje che/ /de bas bstong de phyag kyang 'tshal zhes 'byung ngo// //pa tshab tshul khrimS rgyal mtshan gyis bsgyur ba'i sgrub thabs brgya rtsa bzhugs so/

CLOSE WINDOW