བོད་ཡིག

e-texts based on the ACIP/ALL Input

/ //*/ /rgya gar skad du/ pra tiSh+Tha bi d+hi/ bod skad du/ rab tu gnas pa'i cho ga /thams cad mkhyen pa la phyag 'tshal lo/ /de la re zhig pha rol tu phyin pa'i theg pa'i sgor byang chub mchog tu sems bskyed pa thob pa'i dge bsnyen nam/ dge tshul lam/ dge slong gi dge 'dun nas gang zag gis mchod rten nam/ bris sku la sogs pa rab tu gnas par byed pas gang rab tu gnas par bya ba mtshan nyid dang ldan pa'i de'i nye 'khor cig skyang nul byas te/ mthar tsan dan la sogs pa dri zhim po'i rgus byugs nas mdun du maN+Dal gru bzhi pa khru gang yan tshed nas ji tsam nus par byugs nas/ dar? pad+ma 'dab ma brgyad pa tshon gyis bri bar bya'o/ /de'i steng du mtshan nyid dang ldan pa'i bum pa gser la sogs pa'i rgyu las byas pa kha rgyan dang/ mgul dkris dang bcas par rin po che dang/ sman dang/ 'bru rnams gzhug cing/ tsan dan dang ga bur la sogs pa dri zhim po dang sbyar ba'i chu klung gi chu gtsang mas dgang zhing/ grangs kyang gcig nas brtsams te ji snyed 'byor pa gzhag par bya'o/ /me tog la sogs pa'i yo byad ci 'byor pa rnams kyang mdun du sta gon byas la/ nang bar snga dro'i dus su yid du 'ong ba'i bla ra? bris pas mdzes pa'i gnas su sgrub pa pos stan bde ba la skyil mo krung la sogs pa mnyam par bzhag pa'i spyod lam gyi gnas te/ 'jig rten skyod ba rnams la gtor ma byin nas/ gser ram dngul gyi gzhi 'am grog la'ang rung/ tsan dan dkar pos/ ye d+harma he tu pra b+ha bA he tun+te ShAn+ta thA ga to dya ba dang/ te ShAny+tsa yo ni ro d+ha e baM bA dI mahA sh+ra ma Na:zhes pa tshar bdun du bris la/ tshar re re zhing lan bdun bdun bklags te/ bum pa'i chus bkrus la bum pa de nyid du ? gzhug par bya'o/ /de nas bum pa'i steng du zla ba la sngags kyi phreng ba dkar po 'od dang bcas pa skad cig gis bsams te/ de'i 'od zer gyis 'jig rten gyi khams thams cad nas lha'i bdud rtsi'i rgyan rnams bkur pa bum pa'i chu de sngags kyi phreng ba zhu ba dang lhan cig ro gcig tu gyur pas bum pa gang bar dmigs nas/ de la lag /pas reg nas brgya rtsa brgyad bzlas par bya'o/ /de'i rjes la mchod rten la sogs pa'i nang dam snying gar zla ba la snga ma ltar sngags kyi phreng pa dmigs la de'i 'od kyis 'jig rten khyab par bltas te/ des sangs rgyas dang byang chub sems dpa' thams cad ? bskul nas/ gang zhig rab tu gnas par bya ba mchod rten la sogs pa de'i gzugs kyis byon nas de dang de la thim pa dang/ sngags la sogs pa thams cad ro gcig tu gyur par bsams nas lugs su blugs pa rnams la ni dngos su khrus bya'o/ /glegs bam la sogs pa la ni me long la bkra shis kyi tshigs su bcad pa dang/ glu dang/ ? dang bcas pas sngags bzlos bzhin du sngar gyi bum pa'i chus khrus gsol par bya'o/ /de nas dri zhim pas bsgos pa'i gos kyi sku phye ba byos pa'i rjes la ci 'byor pa'i na bza' dang rgyan rnams dbul bar bya'o/ /de nas me tog la sogs pa'i mchod pa ci 'byor ba rnams dbul lo/ /de'i rjes la lag pas reg nas snying po brgya rtsa brgyad bzlas par bya'o/ /de nas mchod rten naM ma lugs sku'i nang du gro ga la snying po bris te gzhug go /glegs bam mam zis sku'i ni tha mar bri'o/ /de ltar byas nas slar yang me tog la sogs pa'i mchod pa rnams kyis mchod cing cing rol mo'i sgra yang bsgrugs te/ 'byung po gang dag 'dir ni lhags gyur cing/ /sa 'am 'on ti bar snang 'khor ba dag /skye dgu rnams la rtag tu byams byed cing/ /nyis dang mtshan du chos kyang spyod gyur cig / rgyal ba dgra rgyal bden pa'i byin gang gis/ /bden 'di gsung ba 'di la sdig med cing/ /lhar bcas lha min gyis rtag mchod 'os pa'i/ /bden pa des ni deng 'dir bde legs shog /dam chos bdud rtsi thams cad mkhyen pa yis/ /zhal nas gsungs pa bsil ba'i ro 'di yis/ /nyon mongs 'bar ba'i me yis gdungs pa yis/ /'gro kun sdug bsngal rtag tu zhi byed shog /ces rjod cing sngar gyi bum pa'i chu'i lhag mas rab tu gnas pa'i sa gzhi dang/ gnas khang dag tu nyung zad gtor bar bya'o/ /bya ba rnams rdzogs pa na rdul tshon la sogs pa rnams chu bo chen po 'am/ khron pa rnying par dor nas sa gzhi lci bsar pas byugs te/ /rab gnas byed pa'i slob dpon dang/ /dge slong la mchod ston dang/ yon dbul ba la sogs pa bya'o/ /de nas rten de la mchod pa phul te/ yon bdag 'di'i ched du bzhugs la sems can gyi don mdzad par gsol ba gdab bo/ /rab tu gnas pa'i cho ga thun mong ba paN+Di ta dpal su ma ti kI rtis mdzad pa rdzogs so/ // mkhas pa de nyid dang lo tsa ba pradz+nyA kI rtis bsgyur ba'o/ / //yed+ha rmA he tu pra b+ha wA he tun+te ShAn+ta thA ga to hya ba data/ teShAny+tsa yo ni ro d+ha e waM wA dI mahA sh+ra ma Na:/

CLOSE WINDOW