བོད་ཡིག

e-texts based on the ACIP/ALL Input

slob dpon bo d+hi satwas mdzad pa// //*/ /de bzhin gshegs pa bdun gyi sngon gyi smon lam gyi khyad par rgyas pa'i gzungs bklag pa'i cho ga mdo sde las bsdus pa/ de bzhin gshegs pa bdun la phyag 'tshal lo/ /cho ga byed par 'dod pas/ lus legs par bkrus la gos bzang po dri ma med pa bgo zhing/ kha zas gtsang ma bza' bar bya/ sems nyon mongs pa la sogs pa'i dri ma med par bya ste/ dkon mchog gi yon tan dang mdo sde'i phan yon la yid ches shing dang pa dang gus pa bskyed/ tshad med pa bzhi bsgom/ khyim pa yin na bsnyen gnas kyi khrims bzung/ dus bzang po chos brgyad lta bu la btsam/ gnas yid du 'ong ba gtsang mar byas la/ gdugs dang rgyal mtshan mang pos legs par brgyan pa'i nang du sbos kyi maN+Dal chen po byas la/ tshon phye 'am me tog gis dgram par bya'o/ /lugs sku 'am bas bris sam 'jim ba las byas pa yang rung ste/ ring bsrel dang bcas pa bya/ 'khor 'jig rten pa dang 'jig rten las 'das pa'i gdan yang bsham/ mchod pa ci 'byor pa yang bsham ste/ sku gzugs re re'i spyan sngar mar me/ bdun bdun dang/ tshon sna lnga pa'i ba dan bdun bdun bzhag /gzhan yang sbos dang/ me tog dang/ dri dang/ lha bshos dang/ rol mo'i bye brag dang/ rin po che sna bdun dang/ bkra shis kyi rdzas brgyad dang/ bum pa la sogs sta gon bya'o/ /mdo sde 'di dang/ shes rab kyi pha rol tu phyin la la sogs mdo sde zab cing rgya che ba gzhan yang ci nus kyis bklag /gzungs kyi cho ga 'di zhag bdun nam/ nyi shu rtsa gcig gam bzhi bcu rtsa dgu snyed du brlag par bya'o// de ltar mchod pa bshams pa dang/ dge 'dun tshogs nas snyan bde ba la 'dug nas stong pa nyid kyi ting nge 'dzin ci nus su bsgom/ de nas langs nas sems can thams cad kyi don du tshad med pa bzhi sgom zhing byang chub kyi sems yid la bya/ de ltar rang gi nus pa dang/ phyogs bzhu'i de bzhin gshegs pa sras dang bcas pas de ltar byin gyis brlabs par yang bsam/ de nas gnas byin gyis brlab pa ste/ dkon mchog gsum gyi bden pa dang/ sangs rgyas dang/ byang chub sems dpa' thams cad kyis byin gyis brlabs dang/ tshogs gnyis yongs su rdzogs pa'i mnga' thad chen po dang/ chos kyi dbyings rnam par dag cing/ bsam gyis mi khyab pa'i stobs kyis/ /de bzhin gshegs pa bdun gyi sngon gyi smon lam khyad par rgyas pa'i mdo las 'byung ba'i cho ga bzhin/ phyogs bcu'i de bzhin gshegs pa sras dang bcas pa dang/ 'phags pa chos skyong ba thams cad gdan 'jom pa'i pho brang gi dkyil 'khor dang/ mchod pa'i tshogs sbyar ba 'di rnams ji ltar sangs rgyas dang/ byang chub sems dpa' de dag gi sngon gyi smon lam byed par can gyis bsgrubs pa'i sangs rgyas kyi zhing yongs su dag pa dang/ /bcom ldan 'das 'od dpag med kyi zhing gi bkod pa'i yon tan lta bu dang ldan par gyur te/ sa gzhi rin po che sna tshogs kyi rang bzhin lag mthil ltar mnyam pa tha gru che ba/ yangs? pa rog na 'jam zhing bde ba dri ma med cing 'od gsal ba/ tsan dan sbrul gyi snying po'i dri bsung dang ldan pa/ lta'i me tog sna tshogs kyis gcal du bkram pa/ mdza' rin po che'i pha gus brtsags pa/ gser dang dngul dang mu tig gi phye ma gram bur gdal ba/ autpal dang/ ku mu rta dang/ pad+ma 'gyid zhing ldem pas khebs par gyur cing/ chu bya sna tshogs skad snyan pa sgrogs pa/ dga' zhing 'phyo ba lding bas brgyan pa/ yan lag brgyad dang ldan ba'i mtsho dang/ rdzing dang/ ltar ka dag gis mdzes par byas pa/ rin po che'i dpag bsam gyi shing ljon pa lta'i nor bu dang/ mu tig gi rgyan phreng dang/ rin po che sbyangs pa me tog gi mgo lcogs dang 'bras bu mdzes par chags pas g.yur ba zhing ldem pa/ gser gyi dril bu g.yer kha 'brol ba las dam pa'i chos kyi sgra 'byung ba dang ldan pa tshar du sbreng ? pas legs par brgyan pa'i sa gzhi la/ gzhal med khang chen po rin po che sna bdun mchog tu 'bar pa bkod pa/ 'jig rten gyi khams dpag tu med par rgyas par 'gengs pa'i 'od zer chen po rab tu 'byung ba/ gnas tha dad pa shin tu rnam par phye ba mdza' yas pa rnam par gnas pa/ rgya yongs su ma chad pa/ khams gsum las yang dag par 'das ? spyod yul? 'jig rten las 'das pa de'i bla ma'i dge ba'i rtsa ba las byung ba/ shin tu rnam par dag cing dbang sgyur ba'i rnam par rig pa'i mtshan nyid/ de bzhin gshegs pa'i gnas/ byang chub sems dpa' i dge 'dun dang ldan pa/ lha dang// klu dang/ gnod sbyin dang/ dri za dang/ lha ma yin dang/ nam mkha' lding dang/ mi'am ci dang/ lto 'phye chen po dang/ mi dang mi ma yin pa mdza' yas pa rnam par rgyu ba/ chos kyi ro'i dga' ba dang/ bde ba chen pos brtan pa/ sems can thams cad kyi don thams cad yang dag par thob par byed pa nye bar gnas pa/ nyon mongs pa'i gnod pa'i dri ma thams cad dang bral ba/ bdud thams cad yongs su spongs pa/ thams cad kyi bkod pa las lhag pa'i de bzhin gshegs pa'i bkod pa'i gnas/ dran pa dang blo gros dang rtogs pa chen pos nges par 'byung ba/ zhi gnas dang lhag mthong gi bzhon pa yin pa/ nam par thar pa'i sgo stong pa nyid dang/ mtshan ma med pa nyid dang/ smon pa med pa nas 'jug pa/ rin po che'i pad+ma'i rgyal po yon tan mdza' yas pas brgyan pa'i bkod pa la brten pa'i gzhal med khang chen por gyur pa'i dbus su/ pad+ma'i gdan rin po che'i seng ge'i khri'i stan la/ de bzhin gshegs pa mtshan legs par yongs bsgrags dpal gyi rgyal po dang/ de bzhin gshegs pa rin po che dang zla ba dang pad+mas rab tu brgyan pa mkhas pa gzi brjid sgra dbyangs kyi rgyal po dang/ de bzhin gshegs pa gser bzang dri med rin chen snang brtul zhugs grub pa dang/ de bzhin gshegs pa mya ngan med? mchog dpal dang/ de bzhin gshegs pa chos bsgrags rgya mtsho'i dbyangs dang/ de bzhin gshegs pa chos rgya mtsho mchog gi blos rtsam bar rol pas mngon par mkhyen pa dang/ de bzhin gshegs pa sman gyi bla bai DUrya'i 'od kyi rgyal po dang/ bcom ldan 'das shAkya thub pa la sogs pa phyogs bcu'i de bzhin gshegs pa dang/ byang chub sems dpa' dang 'phags pa dam pa'i chos skyong ba thams cad gdan 'dzom pa'i bzhugs gnas/ 'phags pa so so'i smon lam khyad par can dang/ mnga' thad dang 'tsham par grub pa/ mdzes pa sha stag 'byung bar gyur cig /phyi nang kun tu yang cha rigs dang 'tsham par yang lha dang mi'i yo byad dam pa zhal zas dang/ na bza' dang rgyan dang/ rol mo la sogs pa phul du phyin pa sna tshogs phung po gsum pa'i mdo dang/ bzang po spyod ba'i smon lam las byung ba'i mchod pa'i sprin rgya mtsho thams cad kyis rgyas par gang zhing rgyan klubs pa dang ldan par gyur cig /'phags pa thams cad kyang gdan 'joms nas de bzhin du byin gyis brlabs shing bzhes te longs spyod par gyur cig / ces lan gsum bzlas la/ yang dkon 'chog gsum gyi bden pa dang/ sangs rgyas dang/ byang chub sems dpa' thams cad kyi byin gyis brlabs dang/ tshogs gnyis yongs su rdzogs pa'i mnga' thang chen po dang/ chos kyi dbyings rnam par dag cing bsam gyis mi khyab pa'i stobs kyis de bzhin du gyur cig /ces lan gsum bzlas/ mchod pa'i tshogs byin gyis brlab pa'i 'og tu 'phags pa spyan drangs te/ pus mo btsugs te me tog blangs/ thal mo sgyar nas tshig 'di skad ces/ bcom ldan 'das de bzhin gshegs pa mtshan legs par yongs sgrags dpal gyi rgyal po dang/ de bzhin gshegs pa rin po che dang zla ba dang pad+mas rab tu brgyan pa mkhas pa gzi brjid sgra dbyangs kyi rgyal po dang/ de bzhin gshegs pa gser bzang di med rin chen snang brtul zhugs grub pa dang/ de bzhin gshegs pa mya ngan med mchog dpal dang/ de bzhin gshegs pa chos bsgrags rgya mtsho'i dbyangs dang/ de bzhin gshegs pa chos rgya mtsho mchog gi blos rnam par rol pa mngon par mkhyen pa dang/ de bzhin gshegs pa sman gyi bla bai DUrya 'od kyi rgyal po dang/ ston pa bcom ldan 'das sha' kya thub pa la sogs pa phyogs bcu dus gsum du bzhugs pa'i de bzhin gshegs pa dgra bcom pa yang dag par rdzogs pa'i sangs rgyas dang/ byang chub sems dpa' i tshogs dang bcas pa thams cad bdag cag la dgongs su gsol/ /bcom ldan 'das thugs rje chen po dang ldan pa rnams kyis slad ma'i dus lnga brgya tha ma la dam pa'i chos ltar bcos pa 'byung ba na/ sems can las kyi sgrib pa sna tshogs kyis bsgribs pa/ nad sna tshogs kyis gzir ba/ mya ngan dang sdug bsngal sna tshogs kyis gtsem? pa/ phongs par gyur pa'i sems can thams cad rjes su bzung zhing/ lha dang/ mi rnams kyi don dang/ phan pa bde? ba'i slad du de bzhin gshegs pa rnams kyi thabs mkhas pa mang po dang/ sngon gyi smon lam gyi khyad par rgyas pa bzang zhing rlabs che ba/ mthu dang byin gyis brlabs dpag tu ma mchis pa mnga' ba la brten te che ge mo la sogs pa 'gro ba mang po bskyabs pa'i slad du/ mgon skyabs dang dpung gnyen du spyan 'dren cing mchis na/ mchod pa'i tshogs sbyar ba'i pho brang gi dkyil 'khor 'dir gshegs shing/ gdan 'dzom pa chen po mdzad de phyin gyis brlabs par ci gnang/ da ltar bdag cag gis ston pa sangs rgyas bcom ldan 'das shAkya thub pa gdul bya'i dbang du 'dzam bu'i gling 'dir mya ngan las 'das pa'i tshul bstan kyang 'jig rten gyi ? gzhan du de bzhin gshegs pa'i rnam par rol pa sna tshogs kyis 'gro ba'i don mdzad cing bzhugs pa yang de bzhin gshegs pa'i thugs rje chen po dang/ sngon gyi smon lam khyad par can las glengs te/ bdag cag rnams mnga' ris kyi gdul bya phyag mtshan du bzhes pa'i nang du gtogs te/ bka' drin thob pa'i 'phro mchis pa tsam la brten te/ che ge mo la sogs pa 'gro ba mang po skyab pa'i slad du/ mgon skyabs dang dpung gnyen du spyan 'dren cing mchis na mchod pa'i tshogs sbyar ba'i pho brang gi dkyil 'khor 'dir/ gshegs shing gdan 'dzom pa chen po mdzad de/ byin gyis brlabs par ci gnang/ byang chub sems dpa' sems dpa' chen po 'phags pa 'jam dpal gzhon nur gyur pa dang/ rgyal ba'i sras po skyabs grol dang/ phyag na rdo rje? la sogs pa byang chub sems dpa' sems dpa' chen po gang dag sngon de bzhin gshegs pa bdun gyi sngon gyi smon lam gyi khyad par rgyas pa'i mdo bka' stsal pa'i tshe gdan 'dzom par 'dus te/ mdo'i don byin gyis brlabs shing de bzhin gshegs pa bka' sgrub par thugs bskyed pa de dag kyang/ che ge mo la sogs pa gro ba mang po bskyab pa'i slad du/ mgon skyabs dang dpung gnyen du spyan 'dren cing mchis na yang/ mchod pa'i tshogs sbyar ba'i pho brang gi dkyil 'khor 'dir gshegs shes gdan 'dzom pa chen po mdzad de byin gyis brlab par ci gnang/ sngon gyi de bzhin gshegs pa gdan 'dzom pa chen pos bkas gtad cing so so nas kyang lha'i tshig bden pas gdod bsol du zhal gyis bzhes te/ dam pa'i chos dang/ 'khor rnam bzhi skyong bar mdzad cing de bzhin gshegs pa bdun gyi sngon gyi smon laM gyi khyad par rgyas ba'i mdo sde 'di yang lhag par phyag mtshan du bzhes pa/ lha'i dbang po brgya byin dang/ tshangs pa dang/ rgyal po chen po yul 'khor bsrung dang/ 'phags skyes po dang/ mig mi bzang dang/ rnam thos kyi sras la sogs ba 'phags ba chos skyong ba thams cad kyang/ che ge mo la sogs pa 'gro pa mang po bskyab pa'i slad du/ mgon skyabs dang dpung gnyen du spyan 'dren cing mchis na/ mchod pa'i tshogs sbyar ba'i pho brang gi dkyil 'khor 'dir gshegs shing gdan 'dzom pa chen po mdzad de byin gyis brlab par ci gnang/ sngon de bzhin gshegs pa gdan 'dzom pa'i spyan sngar/ de bzhin gshegs pa bdun gyi sngon gyi smon lam gyi khyad par rgyas pa'i mdo sde 'chang pa dang/ mchod pa la sogs pa'i sems can de dag phyag mtshan du bzhes shing bsrung bar zhal gyis bzhes pa/ gnod sbyin gyi sde dpon chen po ji 'jigs dang/ gnod sbyin gyi sde dpon chen po rdo rje dang/ gnod sbyin gyi sde dpon chen po rgyan 'dzin dang/ gnod sbyin gyi sde dpon chen po gza''dzin dang/ gnod sbyin gyi sde dpon chen po rlung dang/ gnod sbyin gyi sde dpon chen po gnas bcas dang/ gnod sbyin gyi sde dpon chen po dbang 'dzin dang/ gnod sbyin gyi sde dpon chen po btung 'dzin dang/ gnod sbyin gyi sde dpon chen po smra 'dzin dang/ gnod sbyin gyi sde dpon chen po bsam 'dzin dang/ gnod sbyin gyi sde dpon chen po g.yo pa 'dzin dang/ gnod sbyin gyi sde dpon chen po rdzogs byed de/ gnod sbyin gyi sde dpon chen po thams cad la yang sngon gyi thugs dam bzang po las glengs te/ che ge mo la sogs pa 'gro ba mang po bskyab pa'i slad du mgon skyabs dang dpung gnyen du sbyan 'dren cing mchis na/ mchod pa'i tshogs sbyar pa'i pho brang gi dkyil 'khor 'dir gshegs shing gdan 'dzom pa chen po mdzad de byin gyis brlab par ci gnang/ skabs 'dir spyan drang ba'i tshigs bcad bklag /spyan drang ba'i rjes la/ so so'i zhing khams nas rdzu 'phrul gyis nam mkha' la gshegs te/ gzhal med khang gi dbus su seng ge'i khri chen po brgyad la de bzhin gshegs pa brgyad bzhugs/ chos bo ti yang bzhugs/ bar gyi snam bu la byang chub sems dpa' gleng gzhi las byung ba 'am/ yang na byang chub sems dpa' i 'khor dpag tu med pa bzhugs pa'i gdan bsham/ de'i mdun du byang chub sems dpa' 'jam dpal dang/ skyabs grol dang/ phyag na rdo rje gsum gdan 'jom pa la sngon gyi thugs dam bskul zhing phrin las mdzad cing bzhugs par bsam/ gsum pa la g.yon grol du gnod sbyin gyi sde dpon chen po bcu gnyis kyi gdan bsham/ g.yas gral du tshangs pa dang/ brgya byin gyi gdan bsham/ sgo bzhi la rgyal po chen po bzhin gi dam bcas ba bzhin sgrub cing bzhugs par bsam/ mchod pa dang dkyil 'khor sngar bden pa bdar ba'i tshul dang 'dra bar mos par bya'o/ /de ltar bsam pa'i rjes la spyir phyag 'tshal zhing mchod de/ mchod yon la sogs pa ci 'byor bso/ /phyogs bcu dus gsum gyi/ bde bar gshegs pa sras dang bcas pa thams cad la phyag 'tshal lo/ /mchod do/ /skyabS su mchi'o/ /de bzhin gshegs pa dgra bcom pa yang dag par rdzogs pa'i sangs rgyas mtshan legs par yongs bsgrags dpal gyi rgyal po zham 'bring ba byang chub sems dpa' i 'khor dpag tu med pa bye ba khrag khrig brgya stong du ma dang bcaS pa la phyag 'tshal lo/ /skabs su mchi'o/ /de gzhin gshegs pa dgra bcom pa yang dag par rdzogs pa'i sangs rgyas rin po che dang zla ba dang pad+mas rab tu brgyan pa mkhas pa gzi brjid sgra dbyangs kyi rgyal po byang chub sems dpa' i tshogs du mas kun nas bskor ba la phyag 'tshal lo/ /skyabs su mchi'o/ /de bzhin gshegs pa dgra bcom pa yang dag par rdzogs pa'i sangs rgyas gser bzang dri med rin chen snang brtul zhugs grub pa byang chub sems dpa' i bye ba khrag khrig brgya stong du mas kun nas bskor ba dang bcas pa la phyag 'tshal lo/ /skyabs su mchi'o/ /de bzhin gshegs pa dgra bcom pa yang dag par rdzogs pa'i sangs rgyas mya ngan med mchog dpal byang chub sems dpa' i 'khor dpag tu med pa dang bcas pa la phyag 'tshal lo/ /skyabs su mchi'o/ /de bzhin gshegs pa dgra bcom pa yang dag par rdzogs pa'i sangs rgyas chos bsgrags rgya mtsho'i dbyangs byang chub sems dpa' i 'khor du mas kun nas bskor ba la phyag 'tshal lo/ /skyabs su mchi'o/ /de bzhin gshegs pa dgra bcom pa yang dag par rdzogs pa'i sangs rgyas chos rgya mtsho mchog gi blos rnam par rol pa mngon par mkhyen pa byang chub sems dpa' grangs med pas bsgor ba dang bcas pa la phyag 'tshal lo/ /skyabs su mchi'o// de bzhin gshegs pa dgra bcom pa yang dag par rdzogs pa'i sangs rgyas sman gyi bla bai DUrya 'od kyi rgyal po 'khor byang chub sems dpa' nyi ma ltar snang byed dang/ /zla ba ltar snang byed la sogs pa byang chub sems dpa' dpag tu med pa dang bcas pa la phyag 'tshal lo/ /skyabs su mchi'o/ /ston pa bcom ldan 'das de bzhin gshegs pa dgra bcom pa yang dag par rdzogs pa'i sangs rgyas shAkya thub pa 'khor byang chub sems dpa' sum khri drug stong dang bcas pa la phyag 'tshal lo/ /skyabs su mchi'o/ /byang chub sems dpa' sems dpa' chen po 'jam dpal gzhon nur gyur pa dang/ skyabs grol dang/ phyag na rdo rje la sogs pa la phyag 'tshal lo/ /skyabs su mchi'o/ /tshangs pa dang/ brgya byin dang/ rgyal po chen po bzhi sogs pa dam pa'i chos skyed ba thams cad la phyag 'tshal lo/ /skyabs su mchi'o/ /gnod sbyin gyi sde dpon chen po ji 'jigs la sogs te/ gnod sbyin gyi sde dpon chen po bcu gnyis la phyag 'tshal lo/ /skabs su mchi'o/ /'phags pa'i tshogs de dag thams cad la mtshad yon dang byug pa/ me tog dang/ bdug spos/ mar me dang zhal zas/ rol mo dang sil snyan/ gdugs dang ba dan la sogs pa dngos su ci 'byor pa 'di dag dang/ phyogs bcu na bdag pos yongs su ma bzung pa'i lha dang mi'i ? pa bde ba'i yo byad phun sum tshogs pa thams cad dang/ gzungs dang rig pa'i mthu dang mos pa'i stobs kyis bskyed pa'i mchod pa'i sprin bzang po spyod pa'i smon lam las byung ba rgya mtsho thams cad kyis nam mkha' i khams kyi mthas klas pa thams cad rgyas par bkang ste/ 'bul lo mchod do/ /ming 'di zhes bgyi ba dang/ bdag cag gis thog ma mchis pa nas 'khor ba nas 'khor ba'i tshe rabs thams cad du sdig pa mi dge ba'i las mdor na mi bgyi bar rigs pa'i las ni bgyis kyis? 'os pa'i las ma bgyis pa la sogs pa'i dngos sdig ci mchis pa thams cad yang dag par 'chags so/ /dus gsum gyi 'phags pa dang/ so so'i skye bo'i dge ba mdza' dag gi bsod nams thams cad la rjes su yi rang ngo/ /phyogs bcu'i rgyal ba thams cad la chos kyi 'khor lo bla na med pa bskor bar bskul lo/ /'jig rten gyi sgron ma gad dag mya ngan las bzla ba'i tshul ston par bzhed pa de dag thams cad la mya ngan las mi 'da' bar 'jig rten gyi don mdzad cing yun du? bzhugs par gsol ba 'tshal lo/ /bcom ldan 'ds gdan 'jom pa chen po dgongs su gsol/ /bcom ldan 'das thugs rje chen po dang ldan pa rnams kyis slad ma'i dus lnga brgya pa tha ma la dam pa'i chos ltar bcos pa 'byung ba na sems can las kyi sgrib pa sna tshogs kyis bsgribs la/ mya ngan dang sdug bsngal sna tshogs kyis gtses pa/ phongs par gyur pa'i sems can thams cad rjes su bzung zhing lha dang mi rnams kyi don dang/ phan pa dang bde ba'i slad du sngon bcom ldan 'das de bzhin gshegs pa dgra bcom pa yang dag par rdzogs pa'i sangs rgyas bdun gyi thabs mkhas pa dang/ sngon gyi smon lam gyi khyad par rgyas pa rlabs po che ji ltar brlab cing/ byin gyis brlabs pa dang/ don de nyid da ltar bdag cag gi ston pa sangs rgyas bcom ldan 'das dpal shAkya thub pas ji ltar bka' stsal cing byin gyis brlabs pa dang/ 'phags pa 'jam dpal dang/ skyabs grol dang/ phyag na rdo rje la sogs pa byang chub sems dpa' sems dpa' chen po rnams kyis bcom ldan 'das de dag gis bka' lung yang dag par bsgrubs pa dang/ so so'i dgongs spyod rgya chen po rdzogs par bskang pa'i slad du mdo sde'i don bsgrub pa'i phrin las mdzad par 'phags pa'i bka' btags pas zhal gyis bzhes shing/ ji ltar byin gyis brlabs pa dang/ tshangs pa dang/ lha'i dbang po brgya byin dang/ rgyal po chen po bzhi dang/ gnod sbyin gyi sde dpon chen po bcu gnyis la sogs te/ dam pa'i chos skyong pa'i dge bsnyen chen po thamS cad gdan 'dzom pa'i spyan sngar mdo sde 'dzin pa'i sems can bsrung ba dang/ bskyabs par ji ltar zhal gyis bzhes pa la sogs pa/ sngon 'phags pa rnams kyis ji ltar byin gyis brlabs shing bka' stsal pa'i mdo sde las 'gyur? bzhin du/ bcom ldan 'das de bzhin gshegs pa sras dang bcas pa/ de rnams gdan 'dzom pa mdzad pa'i pho brang gi dkyil 'khor bshams/ 'byor ba'i stobs ci mchis pas mchod pa'i tshogs sbyar nas gdan 'dzom pa'i spyan ldan mtshan nas? brjod de/ mchod pa 'bul/ bka' drin nod cing mchis na/ gdan 'dzom pas sngon ji ltar byin gyis brlabs shing bka' stsal pa bzhin du mdo sde'i cho ga yongs su rdzogs par mdzad cing phan yon ji skad 'byung ba'i bka' drin thams cad che ge mo la sogs pa bdag cag gis 'phral du thob par stsal par ci gnang/ de'i 'og tu 'phags pa rnams la re re nas mchod pa dbul zhing smon lam gdab par bgyi'o/ /de bzhin gshegs pa mtshan legs par yongs bsgrags dpal gyi rgyal po'i mtshan nas brjod de mchod nas smon lam du gsol pa/ bcom ldan 'das de bzhin gshegs pa dgra bcom pa yang dag par rdzogs pa'i sangs rgyas mtshan legs par yongs su bsgrags dpal gyi rgyal po la phyag 'tshal lo/ /mchod? skyabs su mchi'o/ / zhes lan bdun bzlas la/ skabs 'dir mchad pa dbul/ deng rgyal ba sras dang bcas pa gdan 'dzom pa'i spyan sngar de bzhin gshegs pa mtshan legs par yongs bsgrags dpal gyi rgyal po'i mtshan thos te/ yid la dran zhing lan bdun ? pa dang/ phyag 'tshal zhing mchod pa la sogs pa'i mthus de bzhin gshegs pa mtshan legs par yongs bsgrags dpal gyi rgyal po de'i sngon gyi smon lam khyad par can dang mthun par bdag cag la sogs pa sems can gang dag nang sna? tshogs? kyis lus yongs su gzir te/ rims dang bshed byed dang/ byang dang/ ro langs dang/ 'jigs pa sna tshogs kyis gtses pa de dag thams cad gnod pa dang/ nad thams cad 'phral du zhi bar gyur cig /byang chub kyi mthar thug ? dang sdig pa can gyi gdon dang/ nad thams cad med par gyur cig /rab tu zhi bar gyur cig /bdag cag la sogs pa sems can gang dag long ba dang/ 'on pa dang/ smyon pa dang/ sha bkra dang/ nad tshabs chen pos btab par gyur pa de dag byang chub kyi mthar thug gi bar du dbang po thams cad yongs su tshang bar gyur cig / sdug bsngal dang nad thams cad rgyun chad par gyur cig /bdag cag la sogs pa sems can gang dag 'dod chags dang/ zhe sdang dang/ gti mug gis bsgribs pa/ mtshams med pa lnga byed pa/ bya ba ma yin pa spyod pa mang ba/ dam pa'i chos spong ba/ sdig pa mi dge ba'i las sna tshogs byed pa/ ngan song gsum dang sems can dmyal bar 'gro ba de dag sems can dmyal ba chen por skyes nas/ sdug bsngal gyi tshor ba myong ba de dag thams cad kyi mtshams med pa lnga la sogs pa las kyi sgrib pa thams cad yongs su byang zhing zad par gyur cig /bla na med pa yang dag par rdzogs pa'i byang chub mngon par rdzogs pas sangs rgyas pa'i bar du/ su yang sems can dmyal ba dang/ ngan 'gror 'gro bar ma gyur cig /lha yul pa'i lha'i bde ba dang/ mi'i bde ba myong bar gyur cig /bdag cag la sogs pa sems can gang dag dbul por gyur te/ zas dang skom dang/ gos dang nor dang/ 'bru dang/ mal cha dang/ spos dang/ phreng ba dang/ yo byad mi bdog pa de dag byang chub kyi mthar thug gi bar du dbyig dang/ gos dang/ nor dang/ 'bru dang/ mal cha dang/ spos dang/ phreng ba dang/ yo byad 'phel bar gyur cig / bdag cag la sogs pa sems can gang dag bcing ba dang/ brdeg pa dang/ go rar gzhug pa dang/ mtshon cha'i tshogs rnam pa sna tshogs kyis lus longs su gzir ba de dag byang chub kyi mthar thug gi bar du bcing ba dang/ brdeg pa thams cad las thar bar gyur cig / lus kyi gdung ba thams cad rgyun chad par gyur cig /bdag cag la sogs pa sems can gang dag mgon med par gyur pa lus la gdung ba'i me 'bar ba dang/ seng ge dang/ stag dang dom dang/ dreng dang/ sprul gdug ba'i nang du chung de/ srog la bab cing nyam thag pa de dag byang chub kyi mthar thug gi bar du lus la gdung pa'i me thams cad rab tu zhi bar gyur cag /bdag cag la soD pa seM? can gang dag mgon med par gyur pa lus la btung pa'i me 'bar ba dang/ seng ge dang/ stag dang/ dam dang/ dred dang/ sbrul gdug pa'i nang du chu de/ srog la bab cing nyam thag pa de dag byang chub kyi mthar thug gi bar du lus la gdung ba'i me thams cad rab tu zhi bar gyur cig// seng ge dang/ stag dang/ dom dang/ dred dang/ sbrul gdug pa de dag kyang byams pa la gnas bar gyur cig /'jigs pa med pa dang/ zhi ba'i gnas la gnas par gyur cig /bdag cag la sogs pa sems can gang dag phan tshun 'thab pa dang/ rtsod pa dang/ 'gyed bar gyur te/ 'khrugs shing 'jigs skrag nas sdangs pa de dag byang chub kyi mthar thug gi bar du/ 'thab pa dang/ rtsod pa dang/ 'gyed pa thams cad rab tu zhi bar gyur cig /phan tshun byams pa la gnas par gyur cig/ bdag cag la sogs pa sems can gang dag chu'i nang du son pa grur zhugs pa gling med par phyin pa srog 'dor ba chu klung dang/ rgya mtsho'i nang du son te/ smre sngags sna tshogs 'don pa de dag byang chub kyi mthar thug gi bar du chu klung chen po de las dbugs 'byin pa phyin par gyur cig / 'jigs pa med par rgal bar gyur cig /'di nas shi 'phos nas kyang de bzhin gshegs pa dgra bcom pa yang dag par rdzogs pa'i sangs rgyas mtshan legS pa yongs bsgrags dpal gyi rgyal po'i sangs rgyas kyi zhing du pad+ma'i snying po'i seng ge'i khri la rdzus te skye zhing/ skyes ma thag tu gzungs dang ting 'dzin la sogs pa'i yon tan gyi tshogs thams cad mngon du gyur te/ ston pa bla na med pa mtshan legs par yongs bsgrags dpal gyi rgyal po la sogs pa phyogs bcu'i sangs rgyas thams cad las bka' lung yang dag par nod/ thugs mnyes par byed cing skad cig skad cig la sangs rgyas kyi zhing thams cad du thogs pa med par 'jug par 'gyur cig/ bcom ldan 'das de bzhin gshegs pa dgra bcom pa yang dag par rdzogs pa'i sangs rgyas rin po che dang zla ba dang pad+mas rab tu brgyan pa mkhas pa gzi brjid sgra dbyangs kyi rgyal po la phyag 'tshal lo/ /mchod do/ skyabs su mchi 'o/ /zhes lan bdun bzlas/ skabs 'dir mchod pa 'bul/ deng rgyal ba sras dang bcas pa'i tshogs gdan 'dzom pa'i spyan sngar/ de bzhin gshegs pa rin po che dang zla ba dang/ pad+mas rab tu brgyan pa mkhas pa gzi brjid sgra dbyangs kyi rgyal po'i mtshan yid la dran zhing lan bdun brjod pa dang/ phyag 'tshal zhing mchod pa la sogs pa'i mthus/ bcom ldan 'das rin po che dang zla ba dang pad+mas rab tu brgyan pa mkhas pa gzi brjid sgra dbyangs kyi rgyal po de'i sngon gyi smon lam khyad par can dang mthun par bdag cag la sogs pa sems can gang dag zhing las kyi las kyi mdza' dang/ tshong la dga' ste g.yeng ba sna tshogs mang pas dge pa'i chos byang chub kyi phyogs rnams dang/ byang chub kyi sems yid la byed pa las yongs su nyams te/ 'khor ba naS 'khyam zhing so sor 'khor ba'i sdug bsngal rnams myong ba dang/ rga ba dang/ na ba dang/ rgung ba dang/ 'chi ba dang/ mya ngan dang/ smre sngags 'don pa dang/ sdug bsngal ba dang/ yid mi 'di ba dang 'khrug pa sna tshogs so sor myong ba de dag thams cad bla na med pa'i byang chub tu sangs rgyas kyi bar du/ bza' ba dang/ bgo ba dang/ btung ba dang/ longs spyod dang/ nor dang/ 'bru dang/ dbyig dang gser rnams 'byung zhing/ 'byor pa phun sum tshogs par gyur cig / dge ba'i chos rnams kyis rnam par 'phel bar gyur cig /byang chub kyi sems yid la byed pa dang mi 'bral bar gyur cig /ngan song dang sems can dmyal ba la sogs pa 'khor ba'i sdug bsngal thams cad ? yongs su thar bar gyur cig / bdag cag la sogs pa'i sems can gang dag grang pa dang/ tsha ba dang/ bkres pa dang/ skom pas lus yongs su gdung zhing/ sdug bsngal gyi tshor bas nyam thag pa de dag thams cad kyi sngon gyi las sgribs bde dag thams cad yongs su byang bar gyur cig / skye ba de yang tha ma bar gyur cig /bla na med pa'i byang chub tu sangs rgyas kyi bar du skye ba'i sdug bsngal thams cad las yongs su thar bar gyur cig /lha dang mi'i bde ba myong bar gyur cig /bud med gang dag nad sna tshogs kyis lus yongs su gzing? cing bud med kyi skye gnas la smod pa dang/ sems can gang dag btsa'? ba'i dus gyi sdug bsngal gyi tshar ba myong ba de dag thams cad kyi sdug bsngal thams cad rgyan chad par gyur cig /skyed de dag yang thams? gyur cig / byang chub kyi mthar thug gi bar du skyes pa nyid thob par gyur cig /bdag cag la sogs pa sems can gang dag 'chi ba dang/ dgra dang dgon pa'i gnod pas gtses pa dang/ phan tshun pham dang/ sring mo dang mdza' ? dang/ nyi du'i mya ngan myong zhing sdug bsngal pa dang/ mya ngan gyi zug rdu lus la zug pa de dag thams cad byang chub kyi mthar thug gi bar du 'chi ba dang/ dgra dang dgon pa'i gnod pa thams cad rab tu zhi bar gyur cig /mya ngan dang/ sdug bsngal dang bral bar gyur cig / bdag cag la sogs pa sems can gang dag mtshan mo mun pa mun nag na rnam par rgyu ba las kyi mdza' rnam pa sna tshogs la zhugs pa/ sdig pa can gyi gdon sna tshogs kyis gtsos pa/ 'jigs pa dang smre sngags 'don pa de dag thams cad byang chub kyi mthar thug gi bar du mun pa mun nag thams cad med par gyur cig / sdig pa can gyi gdon thams cad las thar bar gyur cig /mchod pa dang rim gro bya ba sna tshogs la mngon par brtson par gyur cig / bdag cag la sogs pa sems can gang dag dman pa la mos shing/ shes rab chung la dran pa rmongs te/ dge ba'i chos rnams dang/ stobs dang/ byang chub kyi yan lag dang/ ting nge 'dzin dang/ gzungs kyi sgo rnams dang/ sangs rgyas dang/ chos dang/ dge 'dun rjes su dran pa las yongs su nyams pa de dag thams cad byang chub kyi mthar thug gi bar du ting 'dzin dang/ dran pa dang stobs dang gzungs kyi sgo dang/ byang chub kyi yan lag rnams mngon du gyur cig / shes rab chen po rjes su rgyu bar gyur cig /bdag cag la sogs pa sems can gang dag dman pa la mos shing nyan thos kyi theg pa dang/ rang sangs rgyas kyi theg pa la 'dod pa bskyed de/ de la gnas shing bla na med pa yang dag par rdzogs pa'i byang chub la rgyab kyi phyogs par gyur pa de dag thams cad byang chub kyi mthar thug gi par du bla na med pa yang dag par rdzogs pa'i byang chub las phyir mi ldog par gyur cig / nyan thos dang sangs rgyas kyis las yang dag par 'das par gyur cig / byang chub kyi sems yid la byed pa dang mi 'bral bar gyur cig /bdag cag la sogs pa sems can gang dag bskal pa chen po zad pa'i tshe/ 'dzam bu'i gling kun du 'bar bas 'khrugs gyur te du zhing mya ngan byed la sngon mi dge ba'i las kyi sdug bsngal 'byung zhing skyabs med/ mgon med pa de dag thams cad sdug bsngal ba dang/ mya ngan dang bral bar gyur cig /bsil ba'i dngos po thob par gyur cig /'di nas shi 'phos nas kyang bcom ldan 'das de bzhin gshegs pa rin po che dang/ zla ba dang pad+mas rab tu rgyan pa mkhas pa gzi brjid sgra dbyangs kyi rgyal po'i sangs rgyas kyi zhing rnam par dag pa'i pad+ma'i snying po'i seng ge'i khri la rdzus te skye bar gyur cig/ skyes ma thag tu gzungs dang/ ting nge 'dzin la sogs pa'i yon tan sna tshogs mngon du gyur te/ ston pa bla na med pa rin po che dang zla ba dang pad+mas rab tu brgyan pa mkhas la gzi brjid kyi sgra dbyangs kyi rgyal po la sogs pa phyogs bcu'i sangs rgyas thams cad las bka' lung yang dag par nod/ thugs mnyes par byed cing skad cig skad cig la sangs rgyas kyi zhing thams cad du kun tu thogs pa med par 'jug bar gyur cig /bcom ldan 'das de bzhin gshegs pa dgra bcom pa yang dag par rdzogs pa'i sangs rgyas gser bzang dri med rin chen snang brtul zhugs grub pa la phyag 'tshal lo mchod ? skyabs su mchi'o/ zhes lan bdun bzlas/ skabs 'dir mchod pa ci 'byor pa dbul/ dang rgyal ba sras dang bcas pa'i tshogs gdan 'dzom pa'i spyan sngar/ de bzhin gshegs pa gser bzang dri med rin chen snang brtul zhugs grub pa'i mtshan yid la dran zhing lan bdun brjod pa dang/ phyag 'tshal zhing mchod pa la sogs pa'i mthus/ de bzhin gshegs pa gser bzang dri med rin chen snang brtul zhugs grub pa de'i sngon gyi smon lam khyad par can dang mthun par/ bdag cag la sogs pa sems can gang dag srog gcod pa mi dge ba'i las rnam pa sna tshogs byed pa srog chags sna tshogs kyi srog gcod pa'i las byang chub tshe thung zhing nad mang pa dang/ chu dang/ dug dang/ mtshon dang/ me dang/ nad sna tshogs kyis 'chi bar 'gyur ba de dag thams cad las kyi sgrib pa de yongs su byang ste/ /tshe ring bar gyur cing/ /nad med par gyur cig du sa ma yin par 'chi ba'i dus byed par ma gyur cig / bdag cag la sogs pa sems can gang dag sdig pa mi dge ba'i las sna tshogs byas te/ /gzhan gyi rdzas brkus khrogs pas dbul por skyes te/ sgren mo dang/ bkres pa dang/ skom pas lus yongs su gdungs shing/ sdug bsngal phyog? pa de dag thams cad phral du/ sdig pa thams cad byang ste/ byang chub kyi mthar thug gi bar du dbang phyug phun sum tshogs shing/ mtshang pa med pa thob par gyur cig /bdag cag la sogs pa sems can gang dag gcig la gcig gnod sems dang ldan zhing phan tshun srog gcod par byed pa dang/ 'thab pa de dag thams cad bla na med pa'i byang chub tu sangs rgyas kyi bar du phan tshun pha ma ltar byams pa la gnaS par gyur cig / bdag cag la sogs pa sems can gang dag 'dod chags dang/ zhe sdang dang gti mug gis bsgribs te/ tshul khrims 'chal par gyur nas sdig pa kun tu spyod cing bslab pa dral la dad pas byin pa long spyod pas ngan song gsum du ltung zhing sems can dmyal bar 'gro bar gyur pa de dag thams cad 'phral du las kyi bsgrib pa thams cad yongs su byang bar gyur cig / nye ba'i nyon mongs pa thams cad dang bral bar gyur cig /byang chub kyi snying po la thug gi bar du tshul khrims yang dag par 'dzin cing/ lus dang ngag dang/ yid sdom pa la gnas par gyur cig /byang chub kyi sems yid la byed pa dang mi 'bral bar gyur cig /tadya thA/ si d+d+he si d+d+he/ su sid+d+he/ mo tsa ni mo k+Sha ni/ mu k+te/ bi muk+ta/ a ma le/ bi ma le/ maM ga lye/ hir N+ye? garb+he/ ratna garb+he/ sarba artha swa d+ha ni pa ra mAnwa sA d+ha ni/ ma na si/ mahA ma na si/ adb+hu te/ a dyada b+hu te/ /b+hI ta b+ha ye/ su bar+Ne/ brahma g+ho Sha/ brahma d+hyu Shi te/ sarba erbe Shu/ a pa rA dzi te/ sarba tra a pra? ti ha te tsa tu?shing dru du bzhugs te/ sems can 'dod chags dang/ zhi sdang dang/ gti mug gis bsgribs pa/ nad sna tshogs kyis gzir ba/ 'chi ba dang/ dgra dang dgon pa sa gnod par gyur pa/ tsha bskal par thub pa'i sems can dmyal bar gzhol ba'i sems can rnams gzigs nas/ de dag gi don tu sangs rgyas kyi byang chub la dgod pa dang/ las kyi sgrib pa thams cad zad par bya ba'i phyir gzungs sngags kyi gzhi gsungs pa 'di bzlas pa'i byin gyi brlabs kyis/ bdag cag la sogs pa sems can thams cad kyi mtshams med pa lnga la sogs pa'i sdig pa thams cad byang bar gyur cig / re ba thams cad yongs su rdzogs par gyur cig /'chi ba'i tshe yang bcom ldan 'das gser bzang dri? med rin chen snang brtul zhugs grub pas dgongs par gyur cig / 'di nas shi phos nas kyang de bzhin gshegs pa gser bzang dri med rin chen snang brtul zhugs grub pa'i sangs rgyas kyi zhing du pad+ma'i snying po'i seng ge'i khri la rdzus te skye zhing skyes ma thag tu gzungs dang ting nge 'dzin la sogs pa yon tan gyi tshogs thams cad mngon du gyur te/ ston pa bla na med pa gser bzang dri med rin chen snang? brtul zhugs grub pa la sogs pa phyogs bcu'i sangs rgyas thams cad las bka' ? lung yang dag par nod cing/ thugs mnyes par byed cing ? skad cig la yang sangs rgyas kyi zhing thams cad du thogs pa med par 'jug par gyur cig /bcom ldan 'das de bzhin gshegs pa dgra bcom pa yang dag par rdzogs pa'i sangs rgyas mya ngan med mchog dpal la gus pas phyag 'tshal lo/ /mchod do/ skyabs su mchi'o/ /zhes lan bdun bzlas/ skabs 'dir mchod pa ci 'byor pa dbul/ de brgyal ba sras dang bcas pa'i tshogs gdan? 'dzom pa'i spyan sngar/ de bzhin gshegs pa mya ngan med mchog dpal gyi mtshan yid la dran zhing lan bdun brjod pa dang/ phyag 'tshal zhing mchod pa la sogs pa'i mthus/ de bzhin gshegs pa mya ngan med mchog dpal de'i/ sngon gyi smon lam khyad par can dang mthun par/ bdag cag la sogs pa sems can gang dag mya ngan dang sdug bsngal ba dang/ yid mi bde ba dang/ 'khrug pa mang ba dang/ sdug bsngal rnam pa sna tshogs myong ba de dag thams cad ma ngan dang/ sdug bsngal ba dang/ yid mi bde ba dang/ 'khrug pa mang ba de dag rab tu zhi bar gyur cig /su yang sdug pa dang bral ba'i sdug bsngal myong bar ma gyur cig /tshe ring bar gyur cig /bdag cag la soD pa'i sems can gang dag sdig pa mi dge ba sna tshogs byas te/ mnar med pa'i sems can dmyal ba chen po mun pa mun nag chen po can du skye bar 'gyur ba 'am/ skyes pa de dag la de bzhin gshegs pa mya ngan mang mchog dpal gyi sku las 'od zer gyi snang ba byung bas? reg cing mthong par gyur te/ /de ma thag tu sdig pa thams cad byang nas sems can dmyal ba'i sdug bsngal de dag thams cad las yongs su thar bar gyur cig /sdug bsngal gyi tshor ba myong ba thams cad rgyun chad par gyur cig / byang chub kyi snying po la thug gi bar du lha dang mi'i bde ba myong bar gyur cig /bdag cag la sogs pa sems can gang dag sngon sdig pa mi dge ba bgyis te/ gzhan gyi rdzas phrogs nas dbul po dang man pa'i khyim du skyes nas gos dang/ bza' ba dang/ btung ba dang/ mal cha dang brgyan mi bdog pa grang pa dang/ tsha ba'i sdug bsngal myong ba dang/ bkres pa dang/ skom pas lus gzir cing mdog ngan par gyur pa de dag byang chub kyi mthar thug gi bar du bgo ba dang/ bza' ba dang/ btung ba dang/ mal cha thams cad la yang longs spyod par gyur cig /lus la lha'i lus kyi kha dog gis brgyan par gyur cig /bdag cag la sogs pa sems can gang dag gnod sbyin dang srin po dang/ 'byung po dang/ sha za rnams kyis gtses shing mdangs phrogs te/ /nang kyi sdug bsngal sna tshogs myong ba de dag byang chub kyi mthar thug gi bar du gnod sbyin dang/ srin po dang/ sha za rnams kyis mdangs phrogs pa thams cad rab tu zhi zhing byams pa la gnas par gyur cig / nad kyi sdug bsngal sna tshogs las yongs su thar bar gyur cig /'di nas shi 'phos nas kyang de bzhin gshegs pa mya ngan med mchog dpal gyi sangs rgyas kyi zhing du pad+ma'i snying po med ge'i khri la rdzus? te sgyu zhing skyes ma thag tu gzungs dang ting nge 'dzin la sogs pa'i yon tan gyi tshogs thams cad mngon du gyur te/ ston pa bla na med pa mya ngan med mchog dpal la sogs pa phyogs bcu'i sangs rgyas thams cad las bka' lung yang dag par nad/ thugs mnyes par byed cing skad cig skad cig la sangs rgyas kyi zhing thams cad du 'jug par gyur cig /bcom ldan 'das de bzhin gshegs pa dgra bcom pa yang dag par rdzogs pa'i sangs rgyas chos bsgrags rgya mtsho'i dbyangs la phyag 'tshal lo/ /mchod do/ skyabs su mchi'o/ /zhes lan bdun bzlas/ skabs 'dir mchod pa dbul/ deng rgyal ba sras dang bcas pa gdan 'dzom pa'i spyan sngar/ de bzhin gshegs pa chos bsgrags rgya mtsho'i dbyangs? kyis mtshan thos te/ yid la dran zhing lan bdun brjod de phyag 'tshal zhing mchod pa la sogs pa'i mthus/ de bzhin gshegs pa chos sgrags rgya mtsho'i dbyangs de'i sngon gyi smon lam khyad par can dang mthun par bdag cag la sogs pa sems can gang dag log pa'i lta ba can gyi khyim du skyes pas/ sangs rgyas dang chos dang dge 'dun la ma dad pa/ byang chub kyi sems yid la byed pa las ring du gyur pa de dag las kyi sgrib pa de zad par gyur nas/ byang chub kyi mthar thug gi bar du yang dag pa'i lta ba can du gyur cig / sangs rgyas dang chos dang dge 'dun la dad pa mi phyed pa dang ldan par gyur cig /byang chub kyi sems yid la byed pa las phyir mi ldog par gyur cig / bdag cag la sogs pa sems can gang dag gang na sangs rgyas kyi sgra mi grag pa dang/ chos kyi sgra mi grag pa dang/ dge 'dun gyi sgra mi dgra pa/ yul mdza' 'khob tu skyes te/ mi dge ba'i bshes gnyen gyi rgyus/ sdig pa'i laS b yed pa de dag de nas shi 'phos nas ngan song gsum du ltung zhing dge ba'i chos rnams las nyams par gyur pa de dag la de bzhin gshegs pa chos bsgrags rgya mtsho'i dbyangs kyi mtshan rna lam du grags par gyur cing chos kyi sbrin dang rgya mtsho'i sgra 'byung bar gyur cig / de ngag gis chos kyi sgra de thos nas sngon gyi las zad par gyur te/ byang chub kyi mthar thug gi bar du byang chub kyi sems yid la byed pa dang mi 'bral bar gyur cig /bdag cag la sogs pa sems can gang dag gos dang/ rgyan dang/ sbas dang/ breng ba dang/ byug pa dang/ mal cha dang/ na ba'i gsos sman dang bral zhing mi ldan pa'i dbang gis sdug bsngal myong zhing sdig pa'i las byed pa de dag gos dang/ rgyan dang/ spos dang/ breng? ba dang/ byug pa dang/ mal cha dang/ na ba'i gsos sman dang/ longs spyod rnams bsams ma thag tu 'byung zhing mi ldan pa med par gyur cig /byang chub kyi mthar thug gi bar dus? su? yang ci dang yang mi ldan par med par gyur cig /bdag cag la sogs pa sems can gang dag sngon gyi las kyi rnam par smin pas phan tshun 'thab mo 'thab pa dang/ rtsod pa dang/ 'gyed par gyur cing gcig la gcig gnod par bya ba dang/ bsod par bya ba'i phyir btul ba dang mtshon dang/ mda' dang/ dbyig pa dag gis bsnun te/ sdug bsngal bar gyur pa de dag mda' dang mtshon dang dbyig pa la sogs pa las slar log par gyur cig /phyir phyogs par gyur cig /dgra thams cad kyang byams pa la gnas par gyur cig /su'i srog gi dbang po yang 'gag par ma gyur cig / byang chub kyi mthar thug gi bar du rang rang gi rdzas dang longs spyod dang/ dbang phyug dag gis chog shes par gyur cig /'di nas shi 'phos nas kyang de bzhin gshegs pa chos bsgrags rgya mtsho'i dbyangs kyi sangs rgyas kyi zhing du pad+ma'i snying po seng ge'i khri la rdzus te skye zhing skyes ma thag tu gzungs dang/ ting nge 'dzin la sogs pa yon tan gyi tshogs thams cad mdon du gyur te/ ston pa bla na med pa chos bsgrags rgya mtsho'i dbyangs la sogs pa phyoD bcu'i sangs rgyas thams cad las bka' lung yang dag par nod/ thugs mnyes par byed cing skad cig skad cig la sangs rgyas kyi zhing thams cad du thogs pa med par 'jug par gyur cig // bcom ldan 'das de bzhin gshegs pa dgra bcom pa yang dag par rdzogs pa'i sangs rgyas chos rgya mtsho mchog gi blos rnam par rol pas mngon par mkhyen pa la phyag 'tshal lo/ /mchod do skyabs su mchi'o/ /zhes lan bdun bzlas skabs 'dir mchod pa dbul/ deng rgyal ba sras dang bcas pa'i tshogs gdam 'jom pa'i spyan sngar/ de bzhin gshegs pa dgra bcom pa yang dag par rdzogs pa'i sangs rgyas chos rgya mtsho mchog gi blos rnam par rol pas mngon par mkhyen pa'i mtshan thos te/ yid la dran pa'i lan bdun brjod de phyag 'tshal zhing mchod pa la sogs pa'i mthus/ de bzhin gshegs pa chos rgya mtsho mcho gi blos rnam par rol pas mngon par mkhyen pa de'i sngon gyi smon lam khyad par can mthun par bdag cag la sogs pa sems can gang dag zhing las dang/ sa bon 'debs pa dang/ tshong byed pa dang/ 'thab mo dang/ rtsod pa la sogs pa'i sdig pa'i las byed pa de dag thams cad kyis bdag gi ming thos nas bdag gi mthus bsams ma thag tu 'chog chas thams cad 'byor par gyur cig / gnod sems med par gyur cig /rtag tu dge ba'i chos spy+d par gyur cig /bdag cag la sogs pa sems can gang dag mi dge bcu'i las kyi lam yang dag par slangs pas/ sems can dmyal ba 'gro bar 'gyur ba de dag thams cad dge ba bcu'i las kyi lam dang ldan par gyur cig /sems can gang yang dmyal bar 'gro bar ma gyur cig /bdag cag la sogs pa sems can gang dag gzhan gyi dbang du song ste/ chad pas bcad pa dang/ brdegs pa dang/ go rar gzhug pa dang/ bsad pa'i 'os su gyur pa de dag thams cad byang chub kyi mthar thug gi bar du bcing ba dang brdeg pa la sogs pa las thar bar gyur cig /bla na med pa'i rang dbang phun sum tshogs pa dang ldan par gyur cig / bdag cag la sogs pa sems can gang dag tshe thung bar 'gyur ba'i sdig pa mi dge ba sna tshogs byas te/ 'chi bar 'gyur ba de dag thams cad sdig pa'i las thams cad yongs su byang ste/ tshe thung zhing dus ma yin par 'chi bar 'gyur bas/ nam yang 'ga' yang 'chi bar ma gyur cig /'chi kar de bzhin gshegs pa chos rgya mtsho mcho gi blos rnam par rol pa mngon par mkhyen pa'i mtshan rna lam du grags cing rjes su dran nas bde 'gro mtho ris kyi 'jig rten du skye bar gyur cig / byang chub kyi mthar thug gi bar du lha dang mi'i bde ba myong bar gyur cig /'di nas shi 'phos nas kyang bcom ldan 'das de bzhin gshegs pa dgra bcom pa yang dag par rdzogs pa'i sangs rgyas chos rgya mtsho mchog gi blos rnam par rol pa mngon par mkhyan pa'i sangs rgyas kyi zhing du pad+ma'i snying po'i seng ge'i khri la rdzus te skye zhing/ skyes ma thag tu gzungs dang/ ting nge 'dzin la sogs par yon tan gyi chogs thams cad mngon du gyur te/ ston pa bla na med pa chos rgya mtsho mchog gis blos rnam par rol pas mngon par mkhyen pa la sogs pa phyogs bcu'i sangs rgyas thams cad las bka' lung yang dag par nod/ thugs mnyes par byed cing skad cig skad cig la sangs rgyas kyi zhing thams cad du thogs pa med par 'jug par gyur cig / bcom ldan 'das de bzhin gshegs pa dgra bcom pa yang dag par rdzogs pa'i sangs rgyas sman gyi bla bai DUrya 'od kyi rgyal po la gus par phyag 'tshal lo/ /mchod do/ /skyabs su mchi'o/ / zhes lan bdun bzlas/ skabs 'dir mchod pa ci 'byor pa dbul/ /deng rgyal ba sras dang bcas pa gdan 'dzom pa'i spyan sngar/ de bzhin gshegs pa sman gyi bla bai DUrya 'od kyi rgyal bo'i mtshan thos te/ yid la dran zhing lan bdun brjod phyag 'tshal zhing mchod pa la sogs pa'i mthus/ de bzhin gshegs pa sman gyi bla bai DUrya 'od kyi rgyal po de'i sngon gyi smon lam khyad par can dang mthun par bdag cag la sogs pa sems can thams cad skyes bu chen po'i sum cu rtsa gnyis dang/ dpe byad bzang po brgyad cu lus legs par brgyan par gyur te/ bdag ci 'dra ba de bzhin du sems can thams cad kyang de 'dra bar gyur cig /lus kyi 'od zer kyi 'jig rten gyi khams grangs med pa dpag gis mi lang ba lha me/ lha ne/ lha nger gyur cig /lus nor bu rin po che bai DUrya ci 'dra bde 'dra? bar phyi nang shin tu yongs su dag pa dang/ dri ma med la 'od gsal ba dang/ kho lag yangs shing gsal ba dang/ dpal dang gzi brjid 'bar ba dang/ legs bar gnas pa dang/ nyi ma dang zla ba bas lhag pa'i 'od zer gyi dra ba rnams kyis legs par brgyan par gyur cig /de bzhin gshegs pa sman gyi bla bai DUrya'i 'od kyi rgyal po ci 'dra ba de 'dra bar gyur te/ sems can gang dag 'jig rten gyi bar du skyes pa dag dang/ gang dag yang mi'i 'jig rten 'di na mtshan mo mun nag gi nang na/ phyogs tha dad par 'gro ba de dag bdag gi 'ong kyi phyogs dga' mgur 'gro zhing las rnams byed par gyur cig/ de bzhin gshegs pa/ sman gyi bla bai DUrya'i 'od de'i shes rab dang thabs dpag tu med pas/ bdag cag la sogs pa sems can gyi khams dpag gi mi lang ba dag /longs spyod zad mi shes pa dang ldan par gyur te/ su yang cis kyang brel ba med bang gyur cig / bdag cag la sogs pa sems can gang dag lam ngan par zhugs pa dang/ nyan thos dang/ rang sangs rgyas kyi lam du zhugs pa de dag thams cad theg pa chen po bla na med pa'i lam la zhugs par gyur cig /bdag cag la sogs pa sems can thams cad byang chub kyi mthar thug gi bar du sdom pa gsum gyi bsams? pa dang/ tshul khrims nyams pa med par gyur cig /su yang tshul khrims log par zhugs te/ ngan 'gror 'gro bar ma gyur cig ? bdag cag la sogs pa sems can gang dag lus ngan pa dang/ dbang po ma tshang ba dang/ mdog mi sdug pa dang/ bems po dang/ yan lag skyon can dang/ sgur po dang/ sha bkra can dang/ zhar ba dang/ long ba dang/ 'on pa dang/ smyon pa dang/ lug la nad kyis btab pa de dag thams cad las kyi sgrib pa thams cad byang nas/ thams cad dbang po tshang zhing yan lag yongs su rdzogs par gyur cig /sems can gang dag nad sna tshogs kyis gzir ba/ skyabs med pa/ mgon med pa/ 'tshog ches dang sman mi bdog pa/ dpung gnyen med pa/ dbul ba/ sdug bsngal ba de dag gi nang thams cad rab tu zhi bar gyur cig /byang chub kyi mthar thug gi bar du nad med cing gnod pa med pa dang/ yo byad phun sum tshogs par gnas par gyur cig / bud med gang dag bud med kyi slon? brgya ngag gis kun nas nyon mongs par gyur pa bud med kyi dngos po la mi dga' ba bud med kyi skye gnas las thar bar 'dod pa de dag thams cad bud med kyi dngos po las log par gyur cig / byang chub kyi mthar thub? gi? bar du skyes pa'i dbang po dang ldan? par gyur cig / bdag cag la sogs pa sems can thams cad bdud kyi zhags pa las yongs su thar par gyur cig /lta ba tha dad pa mi mthun pa zing zing bas mi mthun pa dag spangs te yang dag par lta ba ? gnas par gyur cig / byang chub kyi spyad pa rlabs po che rdzogs par gyur cig /bdag cag la sogs pa sems can su dag rgyal po'i 'jigs pas skrag pa dang/ gang dag bcing ba dang/ brdeg pa dang/ go rar gzhugs pa dang/ bsad ? 'os pa rgyu du mas kun tu gcos pa/ nga rgyal dang bral ba/ lus dang ngag dang/ sems sdug bsngal gyis nyen pa de dag bdag gi bsod nams kyis mthus/ gnod pa thams cad las yongs su thar par gyur cig /bdag cag la sogs pa sems can gang dag bkres pa dang/ skom pa'i me rab tu 'bar ba/ kha zas tshol ba la rab tu brtson pa/ sdig pa'i las byed pa de dag gi kha dog dang/ dri dang/ ror? ldan pa'i bza' btung gis tshim par byas te/ phyis chos kyis ros shin tu bde ba la 'god par gyur cig / bdag cag la sogs pa sems can gang dag sgren mo bgo ba med pa dbul ba sdug bsngal ba grang ba dang/ tsha ba dang/ sbrang bu dang/ /sha sprang dag gis nyin mtshan du sdug bsngal gyi tshor ba myong ba de dag gis/ gos yong su spyad par 'os pa tshon sna tshogs su kha sgyur ba dang/ rin po che'i rgyan dang/ spud pa dang/ phreng ba dang/ byug pa dang/ rol mo'i sgra dang/ sil snyan dang/ pheg rdob pa rnams kyis sems can rnams kyi bsam pa thams cad yongs su rdzogs par gyur cig / 'phags pa dgyes pa'i tshul khrims kyi dga' ba dang ldan par gyur cig /nyon mongs pa'i gdung bas mi rdzi bar rnam par grol pa'i bde ba la gnas par gyur cig / 'di nas shi 'phos nas kyang de bzhin gshegs pa sman gyi bla bai DUrya'i 'od kyi rgyal po'i sangs rgya kyi zhing du pad+ma'i snying po seng ge'i khri la rdzus te skye zhing skyes ma thag tu gzungs dang? ting nge 'dzin la sogs pa yon tan gyi chog? thams cad mngon du gyur te/ /ston pa bla na med pa sman gyi bla bai DUrya'i 'od kyiS rgyal po la sogs pa phyogs bcu'i sangs rgyas thams cad las bka' lung yang dag par nod/ thugs mnyes par byed cing/ skad cig skad cig la? sangs rgyas kyi zhing thams cad du thogs pa med par 'jug par gyur cig/ //ston pa bcom ldan 'das de bzhin gshegs pa dgra bcom pa yang dag par rdzogs ba'i sangs rgyas dpal shAkya thub pa la phyag 'tshal lo/ /mchod do/ /skyabs su mchi 'o/ /zhes lan bdun bzlas/ skabs 'dir mchod pa dbul/ deng rgyal ba sras dang bcas pa gdan 'dzom pa'i spyan sngar/ de bzhin gshegs pa shAkya thub pa'i mtshan yid la dran zhing lan bdun brjod de/ phyag 'tshal zhing mchod pa la sogs pa'i mthus/ ston pa bcom ldan 'das de bzhin gshegs pa shAkya thub pas bdag cag la sogs pa'i sems can gang dag las kyi sgrib pa sna tshogs kyis bsgribs pa/ nad sna tshogs kyis gzir? ba/ mya ngan dang sdug bsngal sna tshogs kyis gtses pa/ phongs par gyur pa/ thams cad rjes su bzung zhing/ lha dang mi'i don dang/ sman pa dang bde ba'i slad du/ de bzhin gshegs pa bdun gyi thabs mkhas pa dang/ sngon gyi smon lam gyi khyad par rgyas pa byin gyis brlabs shing/ dpal gyi mgur nas 'di skad du 'jam dpal de lta bas na/ yon tan thams cad don du gnyer ba rnams kyi nyon mongs pa dang ma 'dres par de bzhin gshegs pa bdun gyi mtshan bzung bar bya/ nyin lan gsum mtshan lan gsum du yid la bya/ gus pas dad par bya/ sku gzugs kyang bya/ me tog dang bdug pa dang/ mar me dang/ byug pa dang/ zhal zas dang/ rol mo'i sgra la sogs pas mchod par bya/ / yan lag brgyad dang ldan pa'i bsnyen gnas la nye bar gnas par bya/ nyin bdun gtsang mar byas te/ sa phyogs gtsang mar gnas shing sangs rgyas kyi zhing der skye bar smon lam gdab par bya/ sems can thams cad la byams pa dang? snying rje'i sems su bya zhes bya ba la sogs pa dang/ /gzhan yang/ tadya thA/ g+hu me g+hu me yi me mi ni hi/ ma ti ma ti/ sapta ta thA ga ta/ sa mA d+hiSh+Thi te/ a te ma te/ bA le pA pa ma sho d+ha ni/ sarbba pA paM nA sha ya/ ma ma bud+d+ha bud+d+ho? ta me/ au me ku me/ bud d+ha k+She tra pa ri sho d+ha ni/ d+ha me mni d+ha me/ me ru me ru/ me ru shi kha re/ sarbba a kA la mritya/ nI bA ra ni/ bud+d+he su bud+d+he/ bud+d+he a d+hiSh+Thi te na/ rak+Sha na tu me/ sarba de bA/ sa me a sa me/ sa ma nwA? ha ra na tu me/ sarba bud+d+ha po d+hi satwA/ sha me sha me/ pra sha man+tu me/ sarba ai tyu pa dra ba byA d+hA yagam/ mchod dam/ lan stong rtsa brgyad du bton na/ de la de bzhin gshegs pa thams cad kyis dgongs par 'gyur/ byang chub sems dpa' thams cad kyis sems par 'gyur/ rdo rje 'dzin thams cad kyis yang dag par bsrung bar 'gyur/ lha thamS cad dang/ tshangs pa dang/ brgya byin dang/ rgyal po chen po bzhi dag gis yongs su skyong bar 'gyur/ mtshams med pa lnga la sogs pa las kyi sgrib pa thams cad kyang yongs su byang bar 'gyur/ nad thams cad kyis mi btab par 'gyur/ ring du 'tsho bar 'gyur/ dus ma yin par 'chi ba'i 'jig pa thams cad las yongs su thar bar 'gyur/ 'chi ba dang/ dgra dang/ dgon pa'i gnod pa dang/ 'thab pa dang/ rtsod pa dang/ 'gyed pa thams cad rab tu zhi bar 'gyur/ dgra thams cad kyis ? 'gro bar mi 'gyur/ ci bsam pa'i bsam pa thams cad yongs su rdzogs par 'gyur ro/ /zhes ji skad bka' stsal pa de dag thams cad che ge mo la sogs pa'i don du mdo las byung ba'i cho ga bzhin du de bzhin gshegs pa bdun dang/ ston pa bde bar gshegs pa rnams gdan 'dzom? pa'i spyan sngar mchod cing smon lam gsol ba dang/ gzungs sngags bzlas pas ji ltar byin gyis brlab shing bka' stsal pa bzhin du byin gyis brlab cing phan yon ji skad bka' stsal pa thams cad bdag cag la sogs pa? sems can thams cad gyis 'phral du thob par mdzad cing stsal bar ci gnad/ de bzhin gshegs pa'i bka' yang dag pa tshad mar gyur pa/ 'gyur ba mi mnga' bde bdag cag la bden pa mngon sum du bstan par cig nang/ /ma rig mun sel sgron ma mchog / sdug bsngal nad sel sman gyi phul/ /dam chos dkon mchog thams cad la/ /phyag 'tshal mchod cing skyabs su mchi'o/ /zhes lan bdun bzlas par 'dir chos la bstod pa dang/ mchod pa bya/ dam pa'i chos dkon mchog thams cad kyi bden pa'i byin brlabs kyis bdag cag tshe rabs nas tshe rabs thams cad du dam pa'i chos 'dzin par gyur cig / byang chub sems dpa' sems dpa' chen po 'phags pa 'jam dpal gzhon nur gyur pa/ thugs dri ma dang skyon thams cad dang bral ba/ sku yon tan dri ma med pa'i tshogs kyi 'od zer gyi brgyan pa/ zhabs rten gyi pad+ma la lha dang mi dang lha ma yin dang/ klu dang rigs sngags 'chang rnams kyi thor tshugs dang/ cod pan gyis gtugs pa/ ngan song gi 'gro ba sna tshogs 'joms pa la phyag 'tshal lo/ /mchod do/ skyabs su mchi'o/ /zhes lan bdun bzlas/ skabs 'dir mchod bci 'byor pa dbul/ bcom ldan 'das 'phags pa 'jam dpal dus ngan pa'i sems can las kyi sgrib pa sna tshogs kyis bsgribs pa/ nad sna tshogs kyis ? mya ngan dang sdug bsngal sna tshogs kyis gtses pa/ lta ba ngan pa sna tshogs kyis bsgribs pa/ lam dang sa dman par 'og nas 'og tu ltung bar 'gyur ba'i sems can rnams la thugs brtse bar dgongs te/ gang thos pa tsam gyis ci nas kyang? bla na med pa'i byang chub las phyir mi ldog par 'gyur ba dang/ sdig pa dang/ las kyi sgrib pa thams cad yongs su byang zhing dag par 'gyur ba dang/ bdud sdig can gyis mi rdzi bar 'gyur ba dang/ gnod pa dang mi bde ba thams cad rab tu zhi bar 'gyur ba dang/ 'dod dgu'i re ba thams cad dang/ bsams pa thams cad yid bzhin du 'grub par 'gyur pa dang/ de bzhin gshegs pa bdun gyi mtshan dang/ sngon gyi smon lam khyad par rgyas pa'i mdo sde ston pa'i bcom ldan 'das shAkya thub pa la dmigs kyis zhu ba mdzad cing/ gdan 'dzom pa'i dbus su 'di skad ces/ bcom ldan 'das slad ma'i tshe slad ma'i dus na/ gang dag mdo sde 'di 'chang ba dang/ gzhan dag la rgya cher yang dag par ston pa dang/ yi ger 'dri pa dang/ 'brir stsol ba dang/ glegs bam la bris te/ me tog dang/ bdug pa dang/ phreng ba dang/ byug pa dang/ gdugs dang/ rgyal mtshan rnams kyis bkur stir bgyid pa'i rigs kyi bu 'am rigs kyi bu mo de da la bdag gis de bzhin gshegs pa sman gyi bla bai DUrya'i 'od kyi rgyal po'i mtshan rnam pa sna tshogs su bsgrag par bya'o/ /tha na rmi lam du yang sangs rgyas kyi mtshan? rna lam du nye bar bsgrub par bgyi'o/ /tshon sna lnga pa'i ras kyis dkris te/ phyogs gtsang mar bzhag na gang na mdo sde 'di gnas pa der rgyal po chen po bzhi 'khor dang bcas pa dang/ lha bye ba khrag khrig brgya stong gzhan yang mchi bar 'gyur ro/ /mdo sde 'dzin pa de dag dus ma lags par 'chi bar mi 'gyur ro/ /sus kyang mdangs 'phrogs par mi nus te phrogs na yang slar? phrod? par 'gyur ro zhes bgyi ba la sogs pa gsungs shing/ 'phags pa'i bka' yang dag pa tshar mar gyur pas zhal gyis bzhes pa bzhin du/ deng 'dir yang mchod pa'i tshogs sbyar ba'i pho brang gi dkyil 'khor 'dir bzhugs te/ mchod pa bzhes shing de bzhin gshegs pa gdan 'dzom? pa la thugs dam las glengs te bskul pa dang/ mdo sde'i cho ga rdzogs par bskang ba'i phrin las mdzad de/ mdo sde'i phan yon ji skad bka' stsal pa thams cad bdag cag la sogs pa sems can thams cad kyis 'phral du 'thob par byin gyis brlab cing stsal bar cig nang/ byang chub sems dpa' sems dpa' chen po 'phags pa skyabs grol la phyag 'tshal lo mchod do/ /skyabs su mchi'o/ /zhes lan bdun bzlas/ slabs? 'dir mchod bci 'byor pa dbul/ bcom ldan 'das 'phags pa skyabs grol/ dus ngan pa'i sems can phongs shing sdug bsngal ba rnams la thugs brtse bar dgongs nas/ ston pa bcom ldan 'das gdan 'dzom pa'i spyan sngar/ 'di skad du btsun pa bcom ldan 'das slad ma'i tshe slad ma'i dus na sems can bro nad sna tshogs kyis lus yongs su gzir te/ yun ring por bro nad kyis lus kyi sha bas shing bkres pa dang skom pas gre ba dang mchu ni bskams 'gum ba la ni mngon du phyogs/ /mdza' bshes dang nye du dang snag gi gnyen mtshams du pa rnams kyis ni bskor/ phyogs rnams ni mun par mthong/ gshin rje'i mi rnams kyis ni drangs te/ de'i lus 'di na nyal yang rnam par shes pa chos kyi rgyal po gshin rje'i mdun du khrid cing/ mi de dang lhan cig skyes pa'i lha slad bzhin 'brang ba gang lags pa des/ dge ba 'am mi dge ba bgyis pa de dag thams cad legs par yi ger bris nas chos kyi rgyal po gshin rje la phul ba dang/ chos kyi rgyal po gshi ni rjes de la drs shing brtags nas dge ba 'am mi dge ba'i? lnga bgyis pa de bzhin du bsgo ba la/ gang dag nad pa de'i don du/ bcom ldan 'das de bzhin gshegs pa sman gyi bla bai DUrya'i 'od kyi rgyal po de la skyabs su mchi zhing 'di 'dra ba'i sbyor bas mchod pa bgyid na de'i rnam par shes pa slar sdog cing/ rmi lam rmis? bzhin du bdag nyid kyang 'tshal ba'i gnas der mchis te/ yang na dni gdugs bdun/ yang na ni gdugs nyi shu rtsa gcig/ yang na ni gdugs sum cu rtsa lnga/ yang na ni gdugs bzhi bcu rtsa dgu la de'i rnam par shes pa slar ldog cing/ dran pa rnyed la dge ba dang mi dge ba'i las kyi rnam par smin pa bdag gis mngon sum du gyur te/ srog gi lan du yang sdig pa'i las mi bgyid do/ /mchod pa'i sbyor ba ni btsun pa kun dga' bo gang dag nang las yongs su thar par 'dod pa de dag gis nad pa de'i don du nyin bdun mtshan bdun du yan lag brgyad dang ldan pa'i gso sbyong gi sdom pa blang bar bya/ /dge slong gi dge 'dun la zas dang skam rnams dang/ yo byad thams cad kyis ci nus su mchod pa dang ni? ma gro bya/ nyin lan gsum mtshan lan gsum du/ bcom ldan 'das sman gyi bla bai DU rya'i 'od de'i mtshan yid la bya/ mdo sde 'di yang lan bzhi bcu rtsa dgur gdon par bya'o/ /zhag bzhi bcu rtsa dgur mar me bud bar bya'o/ /sku gzugs bdun bya'o/ /sku gzugs re re'i spyan sngar mar me bdun bdun bzhag / mar me re re'i tshad kyang shing rta'i 'phang lo tsam du byas te/ ci nas kyang zhag bzhi bcu rtsa dgur mar me mi zad par bya'o/ /tshon sna lnga pa'i ba dan bzhi bcu rtsa dgu las lhag par bya'o/ /btsun pa kun dga' bo rgyal po rgyal rigs spyi bo nas dbang bskur ba rnams la nang kyi gnod pa dang/ rang ngam pha rol gyi dnag tshogs kyi gnod pa 'am/ rgyu skar ram/ gza' zla ba 'am/ gza' nyi ma'i gnod pa 'am/ dus ma yin pa'i rlung ngam/ char ram/ than pa'i gnod pa 'ang rung/ gnod pa dang nad 'go ba 'am 'khrug pa zhig nye bar gnas par gyur na/ rgyal po rgyal rigs spyi bo nas dbang bskur ba nges sems can thams cad la byams pa'i sems su bya/ btson du bzung ba rnams btang ? zhing gong du smos pa bzhin du/ bcom ldan 'das sman gyi bla bai DU rya'i 'od la de lta bu'i mchod pa byas na/ rgyal po de'i dge ba'i rtsa ba dang/ bcom ldan 'das sman gyi bla bai DU rya'i 'od de'i sngon gyi smon lam gyi khyad par gyis yul bde ba dang/ lo legs pa dang/ chang chu dus su ldan zhing lo tog 'grub par 'gyur ba dang/ nad med pa dang/ bde ba dang/ mchog tu dga' ba mang bar 'gyur ro/ /yul de na gnas pa'i sems can thams cad kyang yul der gnod sbyin dang/ srin po dang/ 'byung po dang/ sha za ma rungs pas sems can rnams la gtso bar mi 'gyur ro/ /ltas ngan pa thams cad mthong bar mi 'gyur ro/ /rgyal po de'i tshe dang mdog dang stobs dang/ dbang phyug rnams mngon par 'phel bar 'gyur ro/ /zhes bgyi ba la sogs pa bka' stsal pa gsungs shing 'phags pa'i bka' yang dag par tshad mar gyur pas zhal gyis bzhes bzhin du deng 'dir yang mchod pa'i tshogs sbyar ba'i pho brang gi dkyil 'khor 'dir bzhugs te/ mchod pa bzhes shing de bzhin gshegs pa gdan 'dzom pa la thugs dam las glengs te/ bskul ba dang/ mdo sde'i cho ga rdzogs par bskang ba'i phrin las mdzad de/ mdo sde 'di las phan yon ji skad bka' stsal ba thams cad bdag cag la sogs pa sems can thams cad kyis thob par byin gyis brlab cing stsal bar cig nas byang chub sems dpa' sems dpa' chen po phyag na rdo rje la phyag 'tshal lo/ /mchod do skyabs su mchi'o/ /tshangs pa dang/ lha'i dbang po brgya byin dang/ rgyal po chen po yul 'khor bsrung dang/ 'phags skyes po dang/ mig mi bzang dang/ ku be ra la sogs pa dam pa'i chos skyong ba'i lha'i dge bsnyen thams cad la phyag 'tshal lo/ /mchod do skyabs su mchi'o/ /skabs 'dir mchod pa ci 'byor ba dbul/ byang chub sems dpa' sems dpa' chen po phyag na rdo rje dang/ tshangs pa dang/ lha'i dbang po brgya byin dang/ rgyal po chen po yul 'khor bsrung dang/ 'phags skyes po dang/ mig mi bzang dang/ ku be ra la sogs pa'i dam pa'i chos skyong ba'i lha'i dge bsnyen chen po rnams kyis ji ltar sngon gdan 'dzom pa chen po spyan sngar/ lha'i tshig bden par mdong gsol du gsung cig kho nar 'di skad ces/ bcom ldan 'das bdag cag gis de bzhin gshegs pa bdun gyi sngon gyi smon lam gyi khyad par rgyas pa yang thos/ de bzhin gshegs pa rnams kyang mngon sum du bgyis te mchod pa bgyi'o/ /yang bcom ldan 'das sa phyogs gang na de bzhin gshegs pa rnams kyi mtshan dang/ gzungs kyi tshig 'di dag spyod pa der/ bdag cag g.yog dang bcas te mchi bar bgyi'o/ /rigs kyi bu dang rigs kyi bu mo gang zhig 'chang ba dang/ klog pa dang/ mchod par bgyid pa dang/ yi ger 'drir stsol ba der/ bdag cag mthun par lhan cig mchis te/ rigs kyi bu 'am rigs kyi bu mo 'am/ rgyal po 'am rgyal po'i blon po mdo sde'i dbang po 'dzin pa dang/ 'dri ba de la de bzhin gshegs pa'i byin gyis brlabs kyis bsrung bar bgyi'o/ /grong dang grong khyer dang/ phyogs kyang yongs su bskyang bar bgyi'o/ /'chi ba dang/ dgra dang/ dgon pa dang/ nad thams cad rab tu zhi bar bgyi'o/ / bdag cag ni de bzhin gshegs pa dang sems can thams cad la byas pa gzo ba lags te/ dus ma lags par 'gum pa thams cad bzlog par bgyi'o/ /'thab pa dang/ 'thab mo dang/ rtsod pa dang/ 'gyed pa thams cad rab tu zhig bgyi'o/ /ji ltar bsams pa yid bzhin du 'grub pa dang/ sems dang lus bde zhing longs spyod dang/ dbang phyug dang/ nor dang 'bru rnams 'phel bar bgyi'o/ /thams cad du bsrung bar bgyi'o/ /bcom ldan 'das bdag rang gi bro bor ba dang/ dam bcas pa 'di dag ? kyi bu dang/ rigs kyi bu mo des rjes su dran par bgyi'o/ /tadya thA/ a g+hu ma g+hu/ ta ra g+hu/ ma ma g+hu g+hu re/ hA hU he/ mra mra mra mra/ dzu rdzu dzu dzu re swAhA/ gang la la zhig de bzhin gshegs pa'i mtshan rnams dang/ gzungs kyi tshig 'di dag 'chang ba dang/ klog pa dang/ yi ger 'dri ba dang/ yi ger 'drir stsol ba dang/ rab tu gus par mchod pa bgyid pa de dag ngan song gsum du mi mchi bar rigs par bgyi'o/ /de ni bla na med pa yang dag par rdzogs pa'i sangs rgyas las slar mi ldog par 'gyur ro// ji ltar 'tshal ba'i sangs rgyas kyi zhing de dag tu skye bar 'gyur ro/ /de bzhin gshegs pa mthong bar 'gyur ro/ /tshe rabs dran par 'gyur/ ting nge 'dzin dang gzungs kyang thob par 'gyur ro zhes gsungs shing zhal gyis bzhes pa dang/ de nas byang chub sems dpa' phyag na rdo rjes de bzhin gshegs pa de dag la 'di skad ces gang mdo sde'i dbang po 'dzin pa de dag gi don du bdag gis gzungs kyis gsang sngags stsal bar bgyi/ dgongs su gsol/ yang dag par rdzogs pa'i sangs rgyas bdun po dag la phyag 'tshal lo// rdo rje 'dzin thams cad la phyag 'tshal lo/ /ta dya thA/ aoM badzre badzre mahA badzre badzre pA sha d+ha ra Ni/ sa ma sa ma/ sa man+ta a pra ti ha ta badzre/ sha ma sha ma/ pra sha man+tu me sarbba bya d+hA yaA shI me pa ri pU ra ya swAhA/ bcom ldan 'das gang la la zhig de bzhin gshegs pa 'di dag gi mtshan dang/ sngon gyi smon lam gyi khyad par rgyas pa dang/ chos kyi rnam grangs 'di 'chang ba dang klog pa de'i re ba thams cad bdag gis yongs su bskang bar bgyi'o/ /don zhes su sdug? par gyi'o/ /gal te des bdag mthong bar 'tshal na/ chos kyi rnam grangs 'di yi ger 'drir stsol bar bgyi/ de bzhin gshegs pa 'di dag gi sku gzugs bdun yang bgyi/ rdo rje 'dzin yang sku gdung dang bcas pa bgyi/ de bzhin gshegs par dag la yang ji skad gong du smos pa bzhin du/ spos dang/ bdug pa dang/ mar me dang/ phreng ba dang/ rgyan dang/ rol mo'i sgra dang/ sil snyan dang/ pheg rdob pa rnams kyis mchod de bskor bar bgyi/ gzungs kyi gsang sngags kyi gzhi 'di dag kyang gdon par bgyi/ sems can thams cad la yang phan pa'i sems su bgyi/ 'phags pa'i yan lag brgyad pa'i bsnyen gnas la gnas te/ lan gsum khrus bgyi zhing/ chos brgyad nas brtsams te/ zla ba phyi ma'i bco lnga'i nya'i bar du nyin gcig bzhin du mig sngags lan brgya rtsa brgyad bzlas na/ de la bdag gis rmi lam mthong pa stsal bar bgyi/ 'bel pa'i bka' mchid kyang bgyi/ re ba thams cad kyang yongs su bskang bar bgyi'o zhes bya ba la sogs pa 'phags pa'i bka' mi 'gyur ba tshad mar gyur pas zhal gyis bzhes pa bzhin du/ deng 'dir yang mchod pa'i tshogs sbyar ba'i pho brang gi dkyil brlab par cig nang/ lhag par yang de bzhin gshegs pa bdun gyi sde'i cho ga yongs su rdzogs par bskang ba'i phrin las mdzad de / phan yon ji skad bka' stsal pa thams cad bdag cag la sogs pa sems can thams cad kyis thob par byin gyis brlab par cig nang/ lhag par yang de bzhin gshegs pa bdun gyi sngon gyi khyad par rgyas pa'i mdo la sogs pa'i gsung rab dam pa'i chos yun ring du rgyas par bgyi ba dang/ sgo thams cad nas chos sbyor pa rnams la bar chad dang bgegs su gyur pa dang/ bdud kyi phyogs su gyur pa thams cad dang/ yul phyogs su mi nang dang/ phyugs ma gtong bar than pa dang/ sad dang ser ba la sogs pas lo thog ma rungs par bgyid pa dang/ gnod pa dang/ mtshan ma ngan pa dang/ bkra mi shis pa mang po ston cing sems can la sdang bar sems pa'i gdon bgegs rigs tha dad pa yul? phyogs 'di na rgyu zhing gnas pa ci mchis pa thams cad dang/ che ge mo la sngon gyis? las kyis bdas pa dang/ 'phral gyi rkyen las byung ba'am yul phyogs dang/ pha tshan dang/ rigs rgyud kyi sri can du gyur pa yang rung ste/ che ge mo'i lung dang/ srog dang/ chu srid dang/ dbang phyug dang/ 'khor dang/ yo byad la sogs pa gang yang rung ba la ci yang rung ba'i sgo nas gnod pa bgyid pa'i gdon bgegs ci mchis par thams cad gang la gang 'tsham pa'i thabs kyis 'dul zhing zho na dang/ gnod ? bsams pa 'dor du stsal te/ zhi ba dang/ dge ba dang/ byams pa'i bsam pa can du 'gyur zhing/ sngan chad bkra mi shis pa dang/ gnod pa'i sbyor pa ngan pa bgyis pa rnams 'jig cing 'dor du stsal/ slan chad kyang gnod pa'i bag ci yang mi bgyid par so so'i rigs kyis bro dam po bsgag cing/ gdan 'jom pa'i spyan sngar dam tshig chen po stsal ba'i phrin las mdzad par ci gnang/ mthu dpal dang ldan pa'i dge bsnyen bcu gnyis la gnod sbyin gyi sde dpon chen po ji 'jigs la phyag 'tshal lo/ /mchod po skyabs su mchi'o/ /gnod sbyin gyis sde dpon chen po rdo rje la phyag 'tshal lo/ /mchod do skyabs su mchi'o/ /gnod sbyin gyi sde dpon chen po rgyan 'dzin la phyag 'tshal lo/ /mchod do skyabs su mchi'o/ /gnod sbyin gyi sde dpon chen po ? 'dzin la phyag 'tshal lo/ /mchod skyabs su mchi'o// gnod sbyin gyi sde dpon chen po rlung la phyag 'tshal lo/ /mchod do skyabs su mchi'o/ /gnod sbyin gyi sde dpon chen po gnas bcas la phyag 'tshal lo/ /mchod do skyabs su mchi'o/ /gnod sbyin gyi sde dpon chen po dbang? 'dzin la phyag 'tshal lo/ /mchod do skyabs su mchi'o gnod sbyin gyi sde dpon chen po btung 'dzin la phyag 'tshal lo/ /mchod skyabs su mchi'o/ /gnod sbyin gyi sde dpon chen po smra 'dzin la phyag 'tshal lo/ /mchod skyabs su mchi'o/ /gnod sbyin gyi sde dpon chen po bsams 'dzin la phyag 'tshal lo/ /mchod skyabs su mchi'o/ /gnod sbyin gyi sde dpon chen po g.yo ba 'dzin la phyag 'tshal lo/ /mchod do skyabs su mchi'o/ /gnod sbyin gyi sde dpon chen po rdzogs byed la phyag 'tshal lo/ /mchod do skyabs su mchi'o/ /skabs 'dir mchod pa dbul/ mthu dpal dang ldan pa'i dge bsnyen gnod sbyin gyi sde dpon chen po bcu gnyis po re re la g.yog gnod sbyin bdun 'bum? yuM dang bcas pa rnams dgongs su gsol/ ji ltar sngon gdan 'dzom pa'i spyan sngar/ lha'i ngag bden pas gsung gcig 'di skad du sangs rgyas kyi mthus bdag cag gi de bzhin gshegs pa sman gyi bla bai DU rya'i 'od kyi rgyal po'i mtshan thos te/ bdag cag la yang ngan 'gror 'gro ba'i 'jigs pa 'byung bar mi 'gyur to/ /des na bdag can lhan cig tu mthun par ji srid mtsho'i bar du sangs rgyas la skyabs su mchi'o/ /chos la skyabs su mchi'o/ /dge 'dun la skyabs mchi'o/ /sems cam thams cad kyi don dang/ sman pa dang/ bde ba'i slad du spro bar bgyi'o/ /bye brag tu grong ngam/ grong khyer ram/ grong rdal lam/ dgon ba'i gnas gang na mdo sde 'di spyod pa dang/ gang na de bzhin gshegs pa sman gyi bla bai DUrya'i 'od de'i mtshan 'chang ba dang/ mchod pa dang rim gro byed pa'i sems can de dag la/ bdag cag gis bsrung bar bgyi/ yongs su bskyang bar bgyi/ gdon thams cad las yongs su thar bar bgyi/ bsams pa thams cad yongs su rdzogs par bgyi'o/ /zhes zhal gyis bzhes te thugs dam du bzhes shing/ bcom ldan 'das kyis kyang gang gi phyir/ khyed de bzhin gshegs pa sman gyi bla bai DUrya'i 'od de la byas pa gzi zhing rjes su dran la sems can thams cad la phan pa'i phyir zhugs pa legs so legs so/ /zhes rjes su gnad pa ston pa de bzhin du/ deng 'dir yang mchod pa'i tshigs sbyar pa'i pho brang gi dkyil 'khor 'das? dul zhing zhi ba'i 'khor dang ldan par byams pa dang thugs brtse bas mchod bzhes shing mdo de'i cho ga yongs su rdzogs par bskang ste/ phan yon ji skad bka' stsal pa thams cad bdag cag la sogs pa sems can thams cad kyis thob par byin gyis brlab pa? ci gnang/ lhag par yang de bzhin gshegs pa bdun gyi sngon gyi smon lam gyi khyad par rgyas pa'i mdo la sogs pa gsung rab ngan pa'i chos yun ring du rgyas par bgyi ba dang/ sgo thams cad nas chos spyod pa rnams la bar chad dang bgegs su gyur pa dang/ bdud kyi phyogs thams cad dang/ yul phyogs su mi nang dbang phyugs nad gtong ba dang/ than pa dang/ sad dang ser ba la sogs pas lo tog ma rungs par bgyid pa dang/ gnod pa dang/ mtshan ma dan pa dang/ bkra mi shis ba mang po ston cing/ sems can la sdang bar sems pa'i gdon bgegs rigs tha dad pa mang po khams dang yul phyogs 'dir rgyu ba mchis so 'tshal dang/ che ge mo la sngon gyi las kyis gdas pa 'am/ 'phral gyi rkyen las gyur pa 'am/ yul phyogs dang pha tshan dang/ rigs rgyud kyi sri can du gyur pa yang rung ste/ che ge mo'i lus dang srog dang chu srid dang dbang phyug dang/ 'khor dang yo byad la sogs pa gang yang rung ba'am? ci yang rung ba'i sgo nas gnod pa bgyid pa'i gdon bgegs ci mchis pa thams cad gang la yang gdul pa'i thabs kyis 'dul zhing/ kho na dang gnod pa'i bsam pa 'dor du stsal te/ zhi ba dang dge ba dang/ byams pa'i bsam pa can du bgyid cing/ /sngan chad bkra mi shis pa dang/ gnod pa'i sbyor ba ngan pa bgyis pa rnams kyang 'jig cing 'dor du stsal/ slan chad kyang gnod pa'i bag ci yang mi bgyid par so so'i rigs kyi bro dam pos bsgag cing gdan 'jom pa'i spyan sngar dam tshig chen po stsal pa'i phyin las mdzad pa ci gnang/ /re re nas mchod pa dbul zhing smon lam gdab rdzogs pa'i skabs 'dir/ gzungs sngags bzlas la khrus bya/ 'phags pa gdan 'dzom pa'i spyir mchod pa ci 'byor pa 'bul/ de bzhin gshegs pa bdun gyi sngon gyi smon lam gyi khyad par rgyas pa'i mdo sde las byung ba bzhin du mchod pa'i tshogs sbyar ba'i pho brang gi dkyil 'khor 'dir/ de bzhin gshegs pa dgra bcom pa yang dag par rdzogs pa'i sangs rgyas bdun dang/ ston pa bcom ldan 'das dpal shAkya thub pa 'khor dang bcas pa spyan drangs nas mtshan nas brjod de/ phyag 'tshal ba dang mchod cing de dag gi sngon gyi smon lam gyi khyad par can dang mthun par smon lam btab pa dang/ de dag gi spyan sngar sdig pa bshags pa dang dge ba la rjes su yi rang ba dang/ bskul zhing gsol ba btab pa la sogs pa'i bsod nams ci mchis pa'i stobs dang/ de dag gi mthu dpal dang byin brlabs kyi stobs kyis che ge mo la sogs pa'i zhal snga nas/ thog ma ma mchis pa'i 'khor ba nas bsags pa'i sdig pa dang sgrib pa mnga' ba thams cad byang bar gyur cig / sku la bsnyun mi mnga' zhing sku tshe ring ba dang/ dbu rmog brtsan ba dang/ chab srid 'byam dar che ba dang 'jig rten dang 'jig rten las 'das ba'i dpal phun sum tshogs pa la mnga' brnyes par gyur cig / thar yang tshogs gnyis yongs su rdzogs nas g.yung drung gi sku chos kyi rgyal po sangs rgyas bcom ldan 'das kyi go 'phang bsnyes par gyur cig /chab 'og tu gtogs pa'i 'bangs thams cad kyang phyi nang gi gnod pa thams cad rab tu zhi zhing bde skyid phun sum tshogs pa dang/ bla na med pa'i byang chub chen po thob par gyur cig /yul khams thams cad du yang mi nang dang/ phyugs nad dang/ lo nyes pa dang/ dgra'i gnod pa dang/ bkra mi shis pa'i bag ci yang mi 'gyur ba dang/ char chu dus su bab ste lo phyugs 'phel zhing rgyas pa dang/ bde skyid kyi dpal phun sum tshogs pa dang ldan par gyur cig /sems can thams cad kyang bde ba thams cad dang ldan zhing 'jig rten gyi khams de dag tu skyes nas/ sangs rgyas bcom ldan 'das de rnams kyi zhal mthong ste gdams ngag thob nas cho gas gnyis rdzogs nas sangs rgyas par gyur cig /khyad par du yang dam pa'i chos yun ring du gnas shing sgo thams cad nas dang zhing rgyas par gyur cig / de nas bzod par gsol zhing gshegs su gsol ba ni/ bcom ldan 'das de bzhin gshegs pa dgra bcom pa yang dag par rdzogs pa'i sangs rgyas bdun 'khor dang bcas pa dang/ ston pa bcom ldan 'das dpal shAkya thub pa 'khor dang bcas pa gdan 'jom pa'i spyan sngar che ge mo la sogs pa 'gro ba mang po'i don mdzad par gsol pa'i skabs 'dir/ bdag cag dus ngan ba'i sems can spyod pa dman zhing ma dag pas sna tshal ba dang/ bag ma mchis pa'i dbang gis lus ngag yid gsum gyi spyod pa nyon mongs pa dang 'dres pa dang/ mchod pa'i dngos po chung zhing ngan pa dang/ gtsang sbras ma phyed pa dang/ mdo las 'byung ba'i cho ga bzhin du ma lcogs pa ' khrul cing nongs pa thams cad 'phags pa thugs rje chen po dang ldan pa rnams la bzod par gsol zhing mchis na thugs brtse bar dgongs te bzod bar bzhes shing 'phral dang yun du bdag cag gi sgrib par mi 'gyur pa byin gyis brlab par ci gnang/ /de nas gshegs su gsol ba ni/ khyed kyis sems can don kun mdzad/ /rjes su mthun pa'i dngos grub stsol/ /sangs rgyas yul du gshegs nas kyang/ /slar yang thugs rjes byon par mdzod/ /mgon po thugs rjes chen po dang ldan pa rnams kyis/ bdag cag dang sems can gyi don mdzad pa lags kyis/ so so'i zhing khams su rdzu 'phrul gyis 'khor dang bcas pa gshegs su gsol/ rdzogs so// // sa gzhi byin gyis brlabs pa dang/ 'di ltar brjod de/ thams cad du ni sa bzhi dag /gseg ma la sogs med pa dang/ /lag mthil ltar mnyam bai DUrya'i/ /rang bzhin bzang por gnas gyur cig /bde ldan 'jig rten bkod pa ltar/ /rin chen sa gzhi me tog bcas/ /ljon shing chu mtsho ma tshad med/ /chos sgrog rgya chen ldan par shog /'jig rten 'das pa'i dge las byung/ /rin chen bdun las grub pa yi/ /tshad med 'od zer 'gyid pa'i gnas rgyal ba sras bcas bzhugs gyur cig / gshegs byon skye 'bri med pa'i sku/ /ji ltar smon bzhin yod pa dag /dkar po mchod pa'i tshul bzhin du/ /'jig rten skyabs su gshegs su gsol/ /bde bar gshegs so bcom ldan 'das/ / bdag cag bsod nams skal par ldan/ /bdag gis phul ba'i mchod yon 'di/ /bzhes nas bdag la mnyes par mdzod/ /khyed ni rang bzhin yongs dag par/ /sred sogs nyes pa mi mnga' yang/ /yon bdag sgribs pa sbyang slad du/ /gtsang ma'i chu yis sku khrus gsol/ /chos don dag pa'i dkyil 'khor 'dir/ /dpal ldan dag par gnas bshams par/ /ting 'dzin mi g.yo mnyam gzhag pas/ /dge bar dgongs bas gdan la bzhugs/ /gtsang dangs gdan khri yangs pa la/ /thogs dang dog pa med pa'i sku/ /mnyam nyid tshul gyis 'dir bzhugs shing/ /bde bar sbyar ba zhes su gsol/ zhes de ltar yon chab dang sku khrus gsol/ /gdan dbul/ de'i 'og tu ston pa bdun non? 'khor dang bcas la spyi'i phyag byas te/ /'di ltar 'gro ba nyon mongs dug gis gzir ba la/ /thugs rjes dug sel sman mchog bdud rtsi ni/ /smon lam chen pos grub bar gyur ba yis/ /bde gshegs 'khor dang bcas la phyag 'tshal lo/ /las dang nyon mongs dbang gis sdus ? sna sogs kyis/ /gzir ba'i 'gro ba gzigs nas spyod tshe thugs rje yis/ /sdug bsngal zhi byed smon lam sna tshogs bsgrub mdzad pa'i/ /bde gshegs bdun po 'khor dang bcas la phyag 'tshal lo/ /de nas spyir mchod pa rnam pa lnga 'bul/ /smon lam gdab ? bshags bya'o/ /de'i 'og tu re re nas mchod pa ni/ mtshan gyis me tog rgyas pas dag pa la/ /dpe byad bzang pa'i 'bru chags mdzes pa'i sku/ /gang gis mthong thos dran pa'i dpal gyur pa'i/ /ston pa mtshan legs dpal la phyag mtshal lo/ /rin chen zla dang pad+mas rab brgyan cing/ /shes bya kun la ma chags thugs mnga' la/ /rgya mtsho lta bur zab pa'i sku mnga' ba/ sgra dbyangs rgyal po khyed la phyag 'tshal lo/ /'dzam bu chu bo'i gser lter ba/ /nyi ma stong bas lhag pa'i gzi brjid 'bar/ /dri med gser gyi mchod sdong lta bu'i sku/ /gser bzang dri med la phyag 'tshal lo/ /mya ngan 'das shing bde ba'i mchog brnyas pa/ /'gro ba'i sdug bsngal gdud ba sel mdzad pa/ /'gro drug mgon dang dpal du gyur pa po/ /mya ngan med mchog dpal la phyag 'tshal lo/ /chos sgra chen pos pha rol rgol ba 'joms/ /rgya mtsho lta bur zab ba'i sku mnga' zhing/ /'gro ba'i dug gsum ma lus sel mdzad pa/ /chos bsgrags rgya mtsho dbyangs la phyag 'tshal lo/ /chos kyi blo gros gting dpag dka' ba'i tshul/ /rnam dag chos kyi dbyings la rol mdzad de/ /shes bya ma lus mngon sum gzigs pa po/ /mngon mkhyen rgyal po de la phyag 'tshal lo/ /'gro ba'i nang gso mdzad pa sman ba'i mchog /bai DU rya ltar dang ba'i sku mnga' zhing/ /sku yi 'od kyi 'gro ba sgrol mdzad pa/ /sman pa'i rgyal po de la phyag 'tshal lo/ /sman gyi rnam pa 'di dag ni/ /nad rnams ma lus bsal bya'i phyir/ /bde gshegs sman gyi bla la 'bul/ /yon bdag don du bzhes su gsol/ /thabs mkhas thugs rjes shAkya'i rigs 'khrungs shing/ /gzhan gyis mi thub bdud kyi dpung 'joms pa/ /gser gyi lhun po lta bu mdzes pa'i sku/ /shAkya'i rgyal po de la phyag 'tshal lo/ /ma rigs mun sel sgrol ma'i mchog /sdug bsngal nang sem sman gyi phul/ /dam chos sgron ma thams cad la/ /phyag 'tshal bsnyen bkur mchod pa 'bul/ /dus gsum bde gshegs thams cad kyi/ /ye shes sku yis ngo bo nyid/ /ngag gi dbang phyug gzugs mdzas ldan/ /'jam pa'i dbyangs la phyag 'tshal lo/ /'gro drug 'jig pa brgyad las skyobs mdzad cing/ /'khor ba'i rgya mtsho che las sgrol ba'i gru/ /mya ngan 'das par phyin pa'i ded dpon mchog /sems dpa' skyabs grol mdzad la phyag 'tshal lo/ /dus gsum sangs rgyas thams cad kyi/ /sku gsung thugs kyis gsang 'dzin pa/ /ma rungs 'dul zhing rig sngags 'chang/ /rdo rne snams la phyag 'tshal lo/ /sems dpa' nyi ma snang byed ni/ /sku mdog dkar ser gangs ri'i gdan/ /phyag gnyis bdud rtsa'i sa gnon tshul / de la phyag 'tshal mchod pa 'bul/ /sems dpa' zla ltar snang byed ni/ /sku mdog dkar po pad+ma'i gdan/ /phyag gnyis chos 'chad bgrang phreng 'dzin/ /phyag 'tshal mchod pa dam pa 'bul/ /'dod khams 'dam las rab tu 'tshangs/ /gzugs khams tshangs pa'i gnas na bzhugs/ /tshangs chen rgyal po mi mdzed gtso/ /tshangs chen 'khor dang bcas la 'bul/ /dbu gsum phyag drug lha min 'dul/ /kun la khyab cing snyoms par 'jug /lha yis gnas gsal stobs po che/ /lha chen khyab 'jug mchod pa 'bul/ /mtho ris lha yig nas mchog na/ /mi pham mgon gyi zhal mthong ba/ /dga' ldan lha yi sras po rnams/ /yon bdag gus pas mchod pa 'bul/ /lha min gnyen po lha yi rje/ /spyan gsum mnga' bas dus gsum gyi/ /sangs rgyas bstan pa'i 'khor gzigs pa/ /lha dbang brgya byin mchod pa 'bul/ /lhun po'i rtser gnas lha dbang dang/ /thabs dang tshul bzhin spyod mdzad pa/ /lha rnams 'khor dang bcas pa yang/ mchod bzhes yon dag re bskongs mdzod/ /shes pa'i dad pa chen po che/ /nga rgyal bsnyems pa'i brag bsnyil te/ /ston pa'i zhabs 'bring bka' sdod pa/ /sde brgyad 'khor dang bcas la mchod/ /shar phyogs dpal ldan rgyal chen yul 'khor srung/ /sku 'dog dkar po phyag na yi wa ra 'dzin/ /dri za'i 'khor tshogs smin pa'i thugs dam can/ /de la phyag 'tshal bsnyen bkur mchod pa 'bul/ /lho phyogs dpal ldan rgyal chen 'phags skyes po/ /sku mdog sngon po phyag na ral gri bsnams/ /grul bum gdon tshogs smin drug thugs dam bstan/ /de la phyag 'tshal bsnyen bskur mchod pa 'bul/ /nub phyogs dpal ldan rgyal po mig mi bzung sku mdog dmar po phyag na zhags pa bsnams/ /klu'i gdon tshogs smin phyir thugs dam bstan/ /de la phyag 'tshal bsnyen bskur mchod pa 'bul/ /byang phyogs dpal ldan rgyal chen rnam thos sras/ /sku mdog ljang gu phyag na ne'u le bsnams/ /gnod sbyin gdon tshogs smin phyir thugs dam can/ /de la phyag 'tshal bsnyen bkur mchod pa 'bul/ /bde gshegs brtan pa bsrung ba'i dge bsnyen mchog /'jigs pa'i gzugs can rngam pa'i cha lugs can/ /gnod sbyin sde dpon ji 'jigs la sogs pa/ /gnod sbyin sde dpon rnams la mchod pa 'bul/ /de nas gtong ba? btang/ gzungs rnams mang du bzla/ spyir mchod pa lnga 'bul/ 'dod pa'i don gsol bar bya zhing khrus bya'o/ /bzod pa gsol/ gshegs su gsol/ rdzogs so// //de bzhin gshegs pa bdun gyi sngon gyi smon lam gyi khyad par gyis pa zhes bya ba'i mdo sde bklag cing de bzhin gshegs pa bdun mchod de/

CLOSE WINDOW