བོད་ཡིག

e-texts based on the ACIP/ALL Input

/de nas mchod yon la sogs pa phul te slar gshegs su gsol/ /'phags pa dra bi? 'bum pa'i cho ga rim par phyed ba rdzogs so// //*/ /rgya gar skad du/ pra tiSh+dza bi d+hi/ bod skad du/ rab gnas kyi cho ga /dpal rdo rje sems dpa' la phyag 'tshal lo/ /bya ba'i rgyud kyi rjes 'brangs nas/ /rab gnas cho ga brjod par bya/ /snyan grags mi snyan rnyed ma rnyed/ /bde sdug bstod dang do bzhin smad/ /'jig rten chos kyis ma gos pa'i/ /rdo rje slob dpon dag gis bya/ /dkyil 'khor dang/ ting nge 'dzin dang/ phyag rgya dang/ byed pa dang/ gdan dang/ bzlas pa dang/ sbyin sreg dang/ gtor ma dang/ mchod pa'i las dang/ pa bcing bsdu ba ste/ kho na nyid bcu rig pa rtag tu sdig pa 'jigs shing drang ba dang/ lus dang srog la mi lta ba blo brtan pa/ 'jig rten pha rol la ltos pa dang bcas pa'o/ /nyal pa dang/ gnyid dang/ reg pa'i bde ba dang /bzab dang bgo ba la sogs pa'i nye bar longs spyod pa rnams la chags pa med pa/ phyin ci ma log pa sgrub pa la snying por byed pa/ /phyi rol la ma chags pa/ sangs rgyas nyid sgrub par byed pa/ 'khor bas 'jigs pa / sems can la ltos pa dang bcas pa/ kha na ma tho ba med pa/ sdig pa thams cad spangs pa/ 'dod pa'i chags pa la sogs pa la yang dag par mi rtog ba/ mi gtsang ba dang byams pa la sogs pa'i nyon mongs pa'i gnyen po'i phyogS su gyur pa'o/ /dge ba dang ldan pa mtshan nyid 'di rnams dang ldan pa la/ slob mas gsol ba btab ste/ lugs ma 'am 'bur? du byas pa 'am/ 'dus byas la sogs ba rab tu gnas par bya ba'i don du rab tu gnas pa'i sa gzhi mngon par 'dus byas pa/ bla ma dang rgyal mtshan dang/ ba dan la sogs pa bslang zhing rgyan thams cad kyis brgyan te/ rgyan med na gser gyi sor gdub gcig thogs te/ de la rab tu gnas pa'i sa gzhi la sku gzugs dang/ ? ti dang/ thab ga 'am mchod rten la sogs pa mdun du yang dag bar gzhag ste/ de la sku gzugs sam thad ka 'am/ bo ti dang/ mchod rten la bsang dang kha bshal ba dang/ me tog la sogs pa rnam par sbyin par bya'o/ /byis ni nam mkha' la gnas pa'i de bzhin gshegs pa rnams la rnam pa lngas yang dag pa mchod de rnam par mi rtog pa'i ting nge 'dzin la gnas pa'i slob dpon gyis gdug spos kyi snod bzung zhing/ nam mkha' i khams pa'i de bzhin gshegs pa rnams la 'di skad brjod par bya'o/ /sa ma ya stwaM/ sa ma ya stwaM/ a haM zhes pa lan gsum brjod do/ /ji ltar sangs rgyas thams cad kyis/ /dga' ldan gnas su rab gnas nas/ /lha mo sgyu 'phrul lhums zhugs ltar/ /de yi rnam par 'dir bzhugS shig rtag tu mgon po 'dir bzhugs nas/ /che ge mo yi don phyir dang/ /byang chub sems ni 'phel bya'i phyir/ /me tog la sogs 'di bzhes shig /ces bya ba 'dis de bzhin gshegs pa rnams lhag par gnas par bya'o/ /phyis na bstod cing sbyin sreg gi dus su yang ji lta ba'i bstod pa bya'o/ /sku gzugs la sogs pa'i mdun du yang/ yungs kar lag pa g.yon pa dang g.yas pa gnyis su bzung ste/ g.yas pa'i khu tshur gyis g.yas skor du lan gsum du bskor zhing yungs kar de rnams ? la thugs par bya'o/ g.yon pa'i khu tshur gyis g.yon du lan gsum du bskor zhing yungs? kar mer blugs par bya ste/ 'dis ni rtog pa med pa khams gsum du skyon bsal ba'i ched du bskor par bya ba ni/ aoM sarba pA phaM da ha na badzrA ya swAhA/ zhes brjod do/ /de nas khyor ba dang bcas pas chu blangs te me de nyid du blugs par bya'o/ /de sngon du song bas sku gzugs la sogs pa rab tu gnas dpar bya'o/ zhes bya ba ni lhag par gnas pa'i rim pa'o// de nas phyi dro'i dus su bum pa ni lnga 'am brgyad dam gcig kyang rung ste/ dri zhim pa dang bcas pa'i chus yongs su bkang la/ skye la gos gnyis kyis dkris te/ pa 'am pa la sha la sogs pa'i yal gas kha legs par brgyan la/ yungs kar dang ku su ma'i me tog dang bcas pa'i gser dang/ dngul dang/ mu tig dang/ mu men dang/ byu ru dang/ zhes bya ba rin po che sna lnga dang/ gro dang/ nas dang/ mon sran gre'u dang/ til dang/ 'bras sob dang/ 'bru sna lnga dang/ rnam par rgyal ba dkar po dang/ bri ha ti dang/ kaN+Da ki dang/ ha sa de ba dang/ daN+Do ta pa la dang/ sman lnga'o/ de rnams dang yang dag par ldan par byas la/ zlum por byas la bzhag par bya'o/ /bum pa so sor blangs te/ aoM ru ru sphu ru dzwa la tiSh+Tha sid+d+ha lo tsa ne sarbba artha sA d+ha ni swAhA/ zhes bya ba'i sngags kyis mngon bar bsngags par byas pa'am/ yang na byin pa'i sngags yi ge gsum dang spel ba 'dis phyi dro'i dus su bum pa mngon par bya'o/ /nang bar sde bar sku gzugs gos ser pos dkris te/ kha shar phyogs su bstan te bzhag la khrus bya'o/ /de'i khrus kyi rim pa ni 'di yin te/ ba'i rnam pa lnga la/ aoM hUM traM h+rIcing dur ba'i chang bus gzhug par bya'o/ /de nas dri zhim po'i mar nag gis blugs te/ aoM sarba ta thA ga ta kA ya bi sho d+ha ne swAhA/ zhes bya'i ba'i sngags kyis mngon par bsngags cing dUr ba'i chang bus gzhug par bya'o/ /de'i rjes su au dum ba ra dang/ n+ya gro d+ha las skyes pa'i shing shun legs par btags pa 'khor pa'i snod kyi dbus su bzhag la g.yas phyogs kyi glor bzhag la/ mar nag dbyung bar bya ba'i don du sku gzugs la byugs par bya'o/ /de nas bum pa re re'i chus sku gzugs la khrus gsol bar bya ste/ ji ltar bltams pa tsam gyis ni/ /de bzhin gshegs rnams khrus gsol ltar/ /lha yi chu ni dag pa yis/ /de bzhin bdag gis khrus gsol lo/ /zhes bya ba'i tshig brjod cing aoM sarba ta thA ga ta a b+hi? ka sa ma ya sh+ri ye hUM zhes bya ba'i sngags kyang brjod par bya'o/ /nam mkha' la gnas pa'i rig pa phab ste/ /bum pa'i bdud rtsi'i chus sku gzugs la khrus byed par bsgom par bya'o/ /de nas slob dpon gyis de la gos kyi chu blangs shing rlan med par byas la gdan rang rang gi bzhag bar bya'o/ /'di ni sku gzugs kyi khrus kyi rim pa'o/ /gal te thang sku 'am/ po ti 'am/ bris pa'i mchod rten nam sku gzugs la sogs pa khrus byed par 'dod na/ de'i tshe po ti la sogs pa khrus kyi rim pa bya ste/ mdun du me long bstan pa/ me long de la ba'i rnaM pa lnga dang/ mar nag dang/ shun pa la sogs pa'i rim pas sngon bzhin du bum pa'i chus kyang bkru bar bya'o/ /zhes bya ba ni khrus kyi rim pa'o/ /de nas nam mkha' la gnas pa'i bcom ldan 'das dkyil 'khor gyi 'khor lo'i rnam pa'i gzugs la khyad par du gzhag par bya'o/ /gal te sku gzugs sam po tir byed par 'dod na/ nam mkha' la gnas pa'i bcom ldan 'das kyi dkyil 'khor gyi 'khor lo'i rnam pa'i? po ti yi ge'i rnam par yongs su gyur par bsam par bya'o/ /de nas gos zung brtsegs sku la bskon bar byas te/ aoM badzra pA sa se swAhA/ zhes bya ba'i sngags kyis so/ /ku sha'i chang bus ni sku gzugs la sogs pa la bsang gtor yang bya zhing zhal bsil yang bya'o/ /me tog la sogs pa mchod pa rnam pa lnga sngags 'dis dbul bar bya ste/ aoM badzra buShpe hUM de ltar thams cad bya'o/ /yang de bzhin du chu dang thang la skyes pa yi/ /me tog 'di ni mchog yin te bdag gis dad pas 'bul lags kyis/ /ji ltar bde bas bzhes su gsol/ /lhan cig skyes dang de bzhin sbyar/ /bdugs? 'di ni mchog yin te/ /bdag gis dad pas 'bul laD na/ /ji ltar bde ba? zhes su gsol/ /lhan cig skyes dang de bzhin sbyar/ /dri zhim bde ba'i mchog yin te/ bdag gis gus pas 'bul lags kyis/ /ji ltar bde bas bzhes su gsol/ /mar dang mar nag mar me 'od/ /lha rdzas 'od 'bar mun 'joms pa'i/ /mi shes thams cad zhi ba'i phyir/ /bdag gis dad pas 'bul lags na/ /ci bde bar ni gzhes su gsol/ /bza' dang bca' dang ldan pa yi/ /lha bshos thams cad yang dag ldan/ /kha dog dri dang ro? ldan pa/ /khyed la dbul gyis bzhes su gsol/ zhes bya ba'i sngags 'dis 'di rnams kyi go rims bzhin du dbul bar bya'o/ /ji ltar sbyin sreg gi dus su yang arg+ha la sogs pa'i sngags kyis de bzhin du yang bya'o/ /de nas sku gzugs kyi spyan thur mas dbye bar bya ste/ aoM tsak+Shu tsak+Shu sa man+ta tsak+Shu tsak+Shu bi sho d+ha ni? swAhA/ de nas rdo rje bzung zhing dril bu dkrol nas mi skyong rdo rje ye shes la sogs bas bstod par bya'o/ /de nang par snga bar sngon bzhin du sbyin sreg byas la/ tsA ru'i gza' ba sngags kyis dag byed sgrub par bya'o/ /aoM di bya nis mA d+hi ? na pri Na ne swAhA/ tsA ru'i bza' ba dbul ba'i sngags so/ /de nas lhag ma gzhan rnams slob dpon dang slob ma dang/ yon bdag gis gza' bar bya'o/ /gzhan dag don du gnyer ba la yang cung zad sbyin no/ /gang yang nye bar dgos pa thams cad sbyin sreg gi dus dang/ rab tu gnas pa'i dus dang/ rab tu gnas pa'i dus kyi rdzas ni rdo rje slob dpon gyis dbang zhing yongs su brtag par bya'o/ /slob ma dang lha bzo la ni gang yang phul ba'i nor de rnams mi gnod do// rab tu gnas pa'i cho ga slob dpon ngag gi dbang phyug grags pas mdzad pa rdzogs so/ / //paN+Di ta don yod rdo rje dang/ khams pa lo tsa pas bsgyur ba'o// // de bzhin gshegs pa bdun gyi sngon gyi smon lam gyi khyad par rgyas pa'i mdo sde'i man ngag slob dpon po d+hi satwa sa mdzad pa bzhugs so/

CLOSE WINDOW