བོད་ཡིག

e-texts based on the ACIP/ALL Input

bsags par bya ba yin pas bsags pa'o/ /yang na bsags su rung ba'i phyir yang bsags pa zhes bya'o/ /yang na don gyi skabs su/ 'dir dran par bya ba yin pa nas dran pa zhes bya ste/ de bzhin gshegs pa chos kyi sku'i bdag nyid dran pa nye bar bzhag pa dang/ yang dag par spong ba dang/ dbang po dang/ stobs dang/ byang chub kyi yan lag dang/ lam gyi yan lag dang/ ye shes dang/ stobs dang/ ma 'dres pa'i dran pa nye par bzhag pa dang/ snying rje chen po zhes bya ba'i yon tan de dag yun ring po nas thabs kyi bye brag gi bsags pa dang/ sngon yang dag par ma bsgoms kyang/ don gyi skabs dag tu 'dul ba rnams kyis dran par bya ba'i phyir na btsags pa zhes bya ba 'am/ dran pa zhes bya ste/ de dag gi gzugs brnyan la mchod rten zhes bya'o/ /chos kyi sku'i gzugs brnyan zhes bya'o/ /de'i bang rim bzhi dang/ bum rten dang/ bum pa dang/ pu shu dang/ srog shing dang/ 'khor lo rtseg ma bcu gsum dang/ char kheb? rnams ni mchod rten gyi dbyibs yin no/ /de la bang rim dang po ni dran pa nye bar gzhag pa bzhi ste/ 'di ltar lus dran pa nye bar gzhag pa dang/ tshor ba dang/ sems dang/ chos dran pa nye bar gzhag pa'o/ /bang rim gnyis pa ni yang dag par spong ba bzhi dang/ 'di ltar sdig pa mi dge ba'i chos skyes pa rnams spong ba'i phyir brtson pa dang/ sdig pa mi dge ba'i chos ma skyes pa rnams bskyed pa'i phyir brtson pa dang/ dge ba'i chos ma skyes pa rnams bskyed pa'i phyir brtson pa dang/ dge ba'i chos skyes pa rnams gnaS par bya ba'i phyir brtson pa'o/ /bang rim gsum pa rdzu 'phrul gyi rkang pa bzhi ste/ 'di ltar 'dun pa'i ting nge 'dzin spong ba'i 'du byed dang ldan pa'i rdzu 'phrul gyi rkang pa dang/ sems kyi ting nge 'dzin dang/ brtson 'grus kyi ting nge 'dzin dang/ dpyod pa'i ting nge 'dzin spong ba'i 'du byed dang ldan pa'i rdzu 'phrul gyi rkang pa'o/ /bang rim bzhi pa dbang po lnga ste/ 'di ltar dad pa'i dbang po dang/ brtson 'grus kyi dbang po dang/ dran pa'i dbang po dang/ ting nge 'dzin gyi dbang po dang/ shes rab kyi dbang po'o/ /bum rten ni stobs lnga ste/ 'di ltar dad pa'i stobs dang/ brtson 'grus kyi stobs dang/ dran pa'i stobs dang/ ting nge 'dzin gyi stobs dang/ shes rab kyi stobs so/ /bum pa ni byang chub kyi yan lag bdun te/ 'di ltar dran pa yang dag byang chub kyi yan lag dang/ chos rnam par 'byed pa dang/ dga' ba dang/ shin tu sbyangs pa dang/ ting nge 'dzin dang/ btang snyoms yang dag byang chub kyi yan lag go /pu shu ni lam yan lag brgyad pa ste/ 'di ltar yang dag pa'i lta ba dang/ yang dag pa'i rtog pa dang/ yang dag pa'i ngag dang/ yang dag pa'i mdza' dang/ yang dag pa'i 'tsho ba dang/ yang dag pa'i rtsol ba dang/ yang dag pa'i dran pa dang/ yang dag pa'i ting nge 'dzin to/ /srog shing ni shes ba bcu ste/ 'di ltar kun rdzob shes pa dang/ pha rol gyi sems shes pa dang/ chos shes pa dang/ rjes su rtogs par shes pa dang/ kun 'byung ba shes pa dang/ lam shes pa dang/ zad pa shes pa dang/ mi skye ba shes pa'o/ /'khor lo dang po ni gnas dang/ gnas ma yin pa mkhyen pa'i stobs so/ /'khor lo gnyis pa ni las bdag gir mkhyen pa'i stobs so/ /'khor lo gsum pa ni bsam gtan dang/ rnam par thar pa dang/ ting nge 'dzin dang/ snyoms par 'jug pa mkhyen pa'i stobs so/ /'khor lo bzhi pa ni/ dbang po mchog dang mchog ma yin pa mkhyen pa'i stobs so/ /'khor lo lnga pa ni mos pa sna tshogs mkhyen pa'i stobs so/ /'khor lo drug pa ni khams sna tshogs mkhyen pa'i stobs so/ /'khor lo bdun pa ni thams cad du 'gro ba'i lam mkhyen pa'i stobs so/ /'khor lo brgyad pa ni sngon gyi gnas rjes su dran pa'i stobs so/ /'khor lo dgu pa ni 'chi 'pho ba dang skye ba mkhyen pa'i stobs so/ /'khor lo bcu pa ni zag pa zad pa mkhyen pa'i stobs so/ /'khor lo bcu gcig pa ni ma 'dres pa'i dran pa nye bar gzhag pa dang po ste/ gang gis de bzhin gshegs pa'i 'khor rnams la chos ston pa na/ slob ma thams cad mthun par gus par nyan pa la dga' i sems mi 'byung ba'o/ /'khor lo bcu gnyis pa ni ma 'dres pa'i dran pa nye bar gzhag pa gnyis pa ste/ gang gis de bzhin gshegs pa'i 'khor rnams la chos ston pa na/ slob ma thams cad mthun par gus par mi nyan pa la khong khro ba mi 'byung ba'o/ /'khor lo bcu gsum pa ni ma 'dres pa'i dran pa nye bar bzhag pa gsum pa ste/ gang gis de bzhin gshegs pa 'khor rnams la chos ston pa la slob ma la la gus par mnyan la/ la la thus? par mi nyan pa rnams la dga' ba dang/ khong khro ba gnyis mi 'byung ba'o/ /char kheb ni snying rje chen po ste/ gang gis de bzhin gshegs pa'i 'dul ba'i rgyud smin pa dang/ ma smin pa dang/ da ltar smin pa rnams kyi don dpyod cing/ 'jig rten la phan pa'i phyir/ de bzhin gshegs pa chos kyi sku ma lus pa dus kyi khyad par dag tu yang dag 'dzin pa 'di ni mchod rten gyi rang bzhin no/ /de las gzhan pa'i rdo rings dang/ them skas dang/ chu srin gyi rgyal mtshan dang/ me tog gi phreng ba dang/ 'jig rten skyong ba dang/ dril bu dang/ gdugs dang/ zla ba dang/ dar gyi cod pan dang/ ba dan la sogs pa de bzhin gshegs pa'i chos kyi sku'i rkyen du 'bab pa'i mchod pa'i yo byad dag kyang yod de/ de la rdo rings rnams ni mi 'jigs pa bzhi bstan te/ 'di ltar zag pa zad pa dang/ yang dag par rdzogs pa'i sangs rgyas dang/ bar du gcod pa'i chos rnams phyin ci ma log par bstan pa dang/ nges par 'byung ba'i lam phyin ci ma log par bstan pa'o/ /them skas kyis ni bsrung ba med pa bzhi bstan te/ 'di ltar sku'i phrin las yongs su dag pa dang/ gsung gi phrin las yongs su dag pa dang/ thugs kyi phrin las yongs su dag pa dang/ ? ba yngs su dag pas? chu srin rgyal mnyin? rnamS kyiS ni/ bdud kyi rgyal mtshan bsnyal bar bstan te/ 'di ltar lta'i bdud bsnyal ba dang/ nyon mongs pa'i bdud bsnyal ba dang/ phung po'i bdud bsnyal ba dang/ 'chi bdag gi bdud bsnyal ba'o/ /me tog gi phreng bas ni bla na med pa'i tshul khrims kyi phung po bstan to/ /'jig rten skyong ba rnams kyis ni 'phags pa'i bden pa bzhi bshad pas/ 'jig rten bzhi la phan 'dogs par bstan to/ /'di ltar so so'i skye bo la phan 'dogs pa dang/ rgyun tu zhugs pa la phan 'dogs pa dang/ lan cig phyir 'ong ba la phan 'dogs pa dang/ phyir mi 'ong ba la phan 'dogs pa'o/ /dril bu rnams ni tshangs pa'i dbyangs bstan te/ gang gis de bzhin gshegs pas tshegs chung dus stong gsum gyi stong chen po'i 'jig rten gyi khams su chos bstan pa'i sgra skad kyis kun tu 'gengs pa'o/ /gdugs kyis ni 'gro ba thams cad kyi spyi bor gyur par bstan te/ /de bzhin gshegs pa sems can rkang pa med pa dang/ rkang pa gnyis pa dang/ rkang mangs dang/ gzugs can dang/ gzugs med pa rnams kyi mchog ces bya bar gyur pa'o/ /zla bas bla na med pa'i ye shes kyi snang ba bstan te/ gang gis de bzhin gshegs pa mun pa'i 'jig rten du bla na med pa'i shes rab kyi mig bskyed par mdzad pa'o/ /dar gyi cod pan gyis ni bla na med pa'i yang dag par rdzogs pa'i byang chub kyi cod pan thogs pa bstan te/ gang gis de bzhin gshegs pa thams cad du thogs pa med pa'i ye shes kun tu 'jug pa'o/ /ba dan rnams kyi ni bla na med pa'i chos kyi grags pa'i ba dan bstan te/ gang gis de bzhin gshegs pa chos kyi 'khor lo bskor ba'i grags pas 'jig rten gyi dkyil 'khor non par gyur pa'o/ /mchod rten gyi cha dbye ba 'dul ba las byung ba'i mdo rdzogs so// de bzhin gshegs pa thams cad kyis dam tshig srung ba'i sgrub thabs gtsug tor dri med mar me mdzad ye shes kyi mdzad pa bzhugs so/

CLOSE WINDOW