བོད་ཡིག

e-texts based on the ACIP/ALL Input

/ //sangs rgyas kyi sku dang mchod rten gyi cha dbye ba bshad pa/ yang dag par rdzogs pI gad gA'i bye ma snyeng thams cad kyi sku ni rnam pa gnyis te/ tshe blangs pa'i sku dang chos kyi sku'o/ /de la tshe blangs pa'i sku ni yab yum las skyes pa'i yid mig dang yid tshim par byed pa/ dag par byed pa skrun par byed pa ste/ sku chigs re re zhing sred med kyi bu'i stobs dang ldan la/ tshigs re re yang bsod nams brgya'i mtshan gyis brgyan pa dang/ skyes bu chen po'i mtshan sum cu rtsa gnyis kyis brgyan cing dpe byad bzang po brgyad cus mdzes par byas pa mthong na/ blta bas cho ga mi shes shing mi mthun pa med pa dang/ blta bar bya ba bla na med pa na bcom ldan 'das rnams kyi tshe blangs pa'i sku'o/ /de bzhin gshegs pa dgra bcom pa yang dag par rdzogs pa'i sangs rgyas rnams kyi sku ni/ bcom ldan 'das kyi sangs rgyas kyi ye shes kyis thugs su chud par zad kyi/ rang sangs rgyas bse ru lta bu dag dang/ gnas brtan shA ri'i bu la sogs pa nyan thos chen po rnams man chad ni/ su yang rgya cher yang dag par rab tu ston par ji ltar byas kyang nus pa med de/ 'di lta ste/ dran pa nye bar bzhag pa bzhi dang/ yang dag pa spong ba bzhi dang/ rdzu 'phrul gyi rkang pa bzhi dang/ dbang po lnga dang/ stobs lnga dang/ byang chub kyi yan lag bdun dang/ 'phags pa'i lam yan lag brgyad pa ste/ byang chub kyi phyogS kyi chos sum cu rtsa bdun po'i chos 'di dag dang/ 'phags pa'i bden pa bzhi dang/ dge sbyong gi 'bras bu bzhi dang/ tshangs pa'i gnas bzhi dang/ tshad med pa bzhi dang/ bsam gtan bzhi dang/ mi 'jigs pa bzhi dang/ so so yang dag par rig pa bzhi dang/ lam bzhi dang/ snying rje chen po dang/ btang snyoms dang/ bsrung ba med pa gsum dang/ dkon mchog gsum dang bsod nams bya ba'i dngos po gsum dang rnam par thar pa'i sgo gsum dang/ rnam par thar pa brgyad dang/ zil gyis gnon pa'i skye mched brgyad dang/ mthar gyis gnas pa'i snyoms par 'jug pa dgu dang/ zad par gyi skye mched bcu dang/ mi slob pa'i chos bcu dang/ de bzhin gshegs pa'i stobs bcu dang/ gnas dang gnas ma yin pa mkhyen pa'i stobs dang/ las bdag gis bya ba mkhyen pa'i stobs dang/ bsam gtan dang/ rnam par thar pa dang/ ting nge 'dzin dang/ snyoms par 'jug pa'i stobs dang/ dbang po mchog dang mchog ma yin pa mkhyen pa'i stobs dang/ mos pa sna tshogs mkhyen pa'i stobs dang/ /khams sna tshogs mkhyen pa'i stobs dang/ thams cad du 'gro ba'i lam mkhyen pa'i stobs dang/ sngon gyi gnas rjes su dran pa mkhyen pa'i stobs dang/ 'chi 'pho dang skye ba mkhyen pa'i stobs dang/ zag pa zad pa mkhyen pa'i stobs so/ /ma 'dres pa'i dran pa nye bar bzhag pa gsum dang/ mngon par shes pa drug dang/ rtag tu gnas par bya ba drug dang/ ma 'dres par bsgom pa rnams dang/ bsam gtan rnams dang/ nyon mongs pa med pa'i snyoms par 'jug pa rnams dang/ smon nas shes pa dang/ shes rab kyi mthar phyin pa dang/ 'gog pa'i snyoms par 'jug pa dang/ mi sdug pa dang/ dbugs rdub pa dang/ 'byung ba dran pa dang/ dro bar gyur pa dang/ rtse mo dang/ bzod pa dang/ 'jig rten gyi chos kyi mchog dang/ mthong ba'i lam dang/ bsgom pa'i lam dang/ mi slob pa'i lam dang/ rten cing 'brel par 'byung ba yan lag bcu gnyis dang/ phung po lnga dang/ skye mched bcu gnyis dang/ khams bco brgyad dang/ dbang po nyi shu gnyis rnams yin no/ /zab cing mchog tu zab pa'i chos 'di dag ni yang dag par rdzogs pa'i sangs rgyas gang+gA'i klung gi bye ma snyed kyis gsungs pa ste/ gang rang rang gi mtshan nyid dang/ spyi'i mtshan nyid rjes su rtogs nas nyid kyis thams cad mkhyen pa'i ye shes thugs su chud de/ dge slong dang/ dge slong ma dang/ dge bsnyen dang/ dge bsnyen ma rnams dang/ mu stegs can sna tshogs dge sbyong dang/ bram ze gcer bu dang/ rgyu ba dang/ kun tu rgyu ba dang/ lha dang/ klu dang/ gnod sbyin dang/ dri za dang/ lha ma yin dang/ nam mkha' lding dang/ mi 'am ci dang/ lto 'phye chen po rnams la rgya cher yang dag par rab tu bstan te/ sangs rgyas kyis 'dul ba rnams btul nas 'khor grangs med pa khrag khrig brgya stong dang/ mya ngan las 'das pa 'jigs pa med pa'i grong khyer du zhugs so/ /sangs rgyas kyi sku bshad pa rdzogs so// // de nas mchod rten gyi don bshad de/

CLOSE WINDOW