བོད་ཡིག

e-texts based on the ACIP/ALL Input

mchod rten brgya rtsa brgyad bya ba rdzogs so// //mchod rten gcig gdab pa'i cho ga la/ las gzhan ni gong ma dang 'dra/ dkyil 'khor gyi tshang ni khru gang gru bzhi pa yan chad la/ 'phang yang khru gang byas la/ de'i steng du pad+ma 'dab ma brgyad pa gcig bri ste/ de'i dbus su bzhag /tsi ti de'i nang du sha ri ram? dang rin po che ci 'byor pa yang gzhug go /mchod rten gcig gdab pa'i cho ga'o/ /mchod rten gnyis gdab pa'i cho ga la /las gzhan ni gong ma dang 'dra/ de la dkyil 'khor gyi stegs bu ni chur khru do zheng du khru gang/ 'phang du yang khru gang pa zhig byas la/ khru gang gru bzhi pa'i re'us bcad de/ de'i steng du pad+ma 'dab ma brgyad pa re re bris la de'i dbus su mchod rten gzhag / mchod rten de gcig gi dbus su bim? la auSh+NI Sha'i sngags mang nyung gnyis ka gur kum gyis bris te gzhug / mchod rten gcig gi nang du gzugs de gnyis ka yang gzhug pa'i steng du/ de'i bum pI nang du sha ri ram gcig bcug la dbyung du rung bar byas te mchod pa zin nas phyir yang dbyung bar bya'o/ /mchod rten gnyis gdab pa'i cho ga'o/ /mchod rten gsum gdab pa'i cho ga la/ las gzhan ni gong dang 'dra/ dkyil 'khor gyi tshad ni chur khru gsum/ zheng du khru gang/ 'phang du khru gang byas la/ khru gang gi re'u? gsum thig gis bsnyams te/ de gsum gyi dbus su pad+ma 'dab brgyad pa re re bris la/ de'i steng du mchod rten bzhag /de la bzhag pa'i go rims ni/ dang por dbus su bzhag go /mchod rten gsum gdab pa'i cho? ga'o?/ /mchod rten lnga gdab pa'i cho ga la/ las gzhan ni gong ma dang 'dra'o/ /de la dkyil 'khor gyi tshad ni stegs bu khru gang gru bzhi pa 'phang du yang khru gang pa zhig byas la/ de'i grwa bzhir yang de dang 'dra ba re re byas la/ dbus kyi stegs bu gru? bzhi dang tha ma'i stegs bu bzhi'i gru bzhi dang sbyar bar bya/ de nas stegs bu dbu ma'i dbus su pad+ma 'dab ma bcu drug pa 'am/ bcu gnyis pa gcig bris te gru bzhi'i stegs bu'i dbus kyi pad+ma 'dab ma grangs bcu drug pa zhig na ni/ pad+ma 'dab ma bcu gnyis pa bri/ dbus kyi bcu gnyis pa zhig na ni/ mthar brgyad pa bris te/ de'i dbus su mchod rten bzhag /mchod rten bzhag pa'i go rims ni/ dang po dbus su gzhag nas/ tha ma bzhi ni shar nas lhor bskor thabs su bzhag go /yang rnam pa gzhan du na dkyil 'khor grwa ma sbyar bar phyogs bzhi ngos ngos sbyar te bya'o/ /grwa bzhir dkyil 'khor gyi steng du lhung bzed ri spos chus bkang ste/ mchod do/ /mchod rten lnga gdab pa'i cho ga'o/ /mchod rten dgu gdab pa'i cho ga la/ las gzhan ni gong ma dang 'dra/ de la dkyil 'khor gyi tshad ni ngos gcig la khru gsum gru bzhi 'phang du khru gang pa zhig byas te/ khru gang gru bzhi pa'i re'u thig gis bcad la/ dang por dbus su de nas shar nas lhor bskor thabs su mdza' i bzhag par bya'o/ /mchod rten dgu gdab pa'i cho ga'o/ /mchod rten bye ba gdab pa'i cho ga la/ sngag bye ba bris pa 'am/ phyag rgyar btab la mchod rten bye ba btab pa'i nang du bcug na mchod rten thams cad 'bar ro/ /de nas mchod rten gcig nas bye ba'i bar du snga phyir btab pa de dag mchod rten chen po gcig gi nang du bcug ste/ 'phan shing la 'phan rings bsgreng ba ni/ dus gsum gyi de bzhin gshegs pa'i sku gdung gi mchod rten 'phul ba zhes bya'o/ /mchod rten bye ba gdab pa'i cho ga ste/ mchod rten gdab pa'i cho ga'o// //mchod rten dang tsha tsha gdab pa yan chad nas bye ba gdab pa la sogs kun kyang/ bsam pa'i rgyud dang sngags ni 'dra ste/ dang por rdo rje gnod sbyin gyi cha byad/

CLOSE WINDOW