Input 
| བོད་ཡིག | e-texts based on the ACIP/ALL Input |
/ //'phags pa kun nas sgor 'jug pa'i 'od zer gtsug tor dri ma med par snang ba'i gzungs bklag cing mchod
rten brgya rtsa brgyad dam/ mchod rten lnga gdab pa'i cho ga mdo sde las bsdus pa/ gtsug tor dri ma med par snang ba yid bzhin gyi nor bu rin po che'i gzungs bzlas shing mchod rten gdab pa'i thabs la der gtogs pa thams cad phyi'i khrus
kyang bya/ mgo mjug kun tu gnod sems dang/ brnab sems dang/ ma dad pa dang/ le lo dang/ gnyid la sogs pa'i nyon mongs pa'i skyon dang/ sems ma 'dres par bsdams shing gnod pa dang 'tshe ba'i las ma shor bar bya/ dkon
mchog gsum gyi yon tan gyi mthu'i khyad par dang/ mdo sde'i phan yon la yid ches pa dang/ dad cing gus pa cher bskyed/ sems can thams cad la byams pa dang snying rje cher bskyed do/ /khyim pa zhig na bsnyen gnas kyi khrims bzung la/ de nas
mchod rten gdab pa'i yo byad rnams bshams la/ 'jim pa brko ba nas btab cing dkyil 'khor du bzhugs pa'i bar du mchod rten gyi cho ga bzhin du nang par snga dro thebs par bya/ /mchod pa'i cho ga dang yo byad bsham pa yan chad legs
par bgyi/ mchod rten 'debs pa'i zla la chos kyi sbyin pa dang/ 'phags pa rnams kyi thugs dam bskul bar shes rab kyi pha rol tu phyin pa dang/ gser 'od dam pa dang/ rin po che'i tog dang/ gtsug na rin po che dang/ gtsug tor dri ma
med pa'i gzungs kyi mdo sde tshar phyin rgyun mi 'chad par bklag / yid bzhin nor bu'i gzungs rnam gnyis kyi 'dzab gra gcig kyang bzlas/ mdo sde dag kyang mchod cing chos kyi sbrin pa bsngo ba dang/ spyan drang ba la sogs pa sna la bgyis nas bklag
go / mdo sde de snyed ma lhogs na yang shes rab kyi pha rol tu phyin pa dang gzungs tshar gang byung zhig tu snying po bzlas par bya'o/ /de nas mchod rten thebs/ mchod pa bsham/ gsung rab rdzogs nas bar skabs der cung zhig bsangs te /
de nas snga dro dge 'dun sbyir tshogs nas mchod pa la sogs pa rim bzhin bgyi'o/ /mchod pa bshams pa'i thabs 'byor pa'i stobs ci nus pa dang sbyar te/ spos kyi maN+Dal chen po'i dbus su tshon phye 'am/
me tog rin po che sna lnga'i pho brang rgyan sna tshogs kyis brgyan pa bris pa'i dbus su pad+ma chen po'i steng du mchod rten brgya rtsa brgyad shong ba'i an seng ge'i khril pad+ma bzhag la/ re'u chen po brgya dang/ ngos bzhi'i dbus su re'u gnyiS gnyis
su bgyi ste/ brgya rtsa brgyad bsham pa'am/ mchod rten lnga pa zhig na 'tsham par sbyar te de la bzhugs su gsol/ ring bsrel dang bcas pa'i mchod rten gcig kyang dbus su bzhugs/ bar gyi snam bu gcig gam gnyis la pad+ma
mang po dgram zhing 'phags pa gdan 'jom pa'i gdan du bshom zhing/ gzungs chab kyi bum pa kha rgyan can bzhi yan chad du 'byor pa ngos bzhir bzhag /de'i phyi rol gar 'os par bshos dang/ mchod yon la sogs pa mchod pa rgyas
par dgram/ steng du bla re dang 'phan dang ba dan mang po brgya rtsa brgyad man chad rgyas pa dgram/ grwa bzhir pog phor a ka ru dang/ du ru ka dang/ gu gul gyi bdug pas bdug go /sgo bzhir mchod rten bzhi bsham/ gzhan yang mchod pa ci nus
su rgyas par bgyi'o/ /bum pa'i khar yungs kar dang bye ma yang bzhag cing bzlas la dur khrod dam/ phyogs kun tu yang gtor ro/ /dang por mchod pa bshams la dge 'dun tshogs nas phyogs bcu'i 'phags pa thams cad la phyag bgyi/
de nas chos thams cad dmigs su med pa'i stong pa nyid kyi ting nge 'dzin ci nus kyis bsgom/ ting nge 'dzin las langs nas chos thams cad don dam par de lta bu yin la/ 'phags pa rnams kyis de kho na nyid thugs su chung pas/ sku dang
gsung dang thugs nam mkha' dang 'dra bar 'gyur te/ sgrib pa mi mnga' zhing mthu dang byin gyis brlabs bsam gyis mi khyab pa'i go 'phang brnyes pa yang rung na/ kye ma'o sems can 'di dag ni chos kyi de kho na nyid ma rtogs te rmongs pas nyon rmongS
pa dang sdug bsngal mang pos gzir cing nyam thag pa'i gnas su ltung bar 'gyur la/ sems can thams cad kyang thog ma med pa'i 'khor ba nas 'gro ba brgyud pa rnams su bdag gi gnyen bshes drin gyi zhing du ma gyur pa gang yang med cing/
bdag gis kyang dang po byang chub kyi sems dam pa bskyed de 'gro ba mang po'i don dpag tu med pa bsgrub par dam bcas pa'i tshe/ sems can thams cad bdag gis blangs zin pas/ 'di lta bu la byang chub sems dpa' rnams kyis yal
bar? dor ba ni/ mi rigs na 'di dag ji ltar sdug bsngal nas gdon/ bde ba la ni ji ltar dgod par bya snyam du snying rje dang/ byams pa chen po dang ldan pa'i brtson pa'i sems drag tu bskyed par bya'o/ /yang 'di snyam du bsams te/ bdag ni dus
ngan pa'i sems can spyod pa dang mthu dman pa yin pas/ bdag nyid gcig pus 'phral du don rlabs po che 'di lta bu mi lcogs kyis/ ston pa bde bar gshegS paS sngon lha'i bu nor bu'i snying po dri ma med pa la rjes su thugs brtse nas kun
nas sgor 'jug pa'i 'od zer gtsug tor dri ma med par snang ba de bzhin gshegs pa thams cad kyi dam tshig dang snying po la rnam par blta ba'i gzungs la brten te/ phyogs bcu'i de bzhin gshegs pa sras dang bcas pa dang/ dam pa'i
chos skyod ba thams cad gdan 'dzom par spyan drangs la mthu brtan pa dang dpung gnyen du gsol te/ da ltar ni 'phags pa'i mthu dang byin gyis brlabs kyis 'gro ba rnams la phan pa bsgrub par bya la/ phyis ni bdag nyid gcig
pus gzhan la bltos pa med par yang thabs mkhas pa'i sgo sna tshogs nas sems can thams cad la phan pa dang bde ba bla na med pa yang dag par bsgrub par bya'o snyam du bsam mo/ /de ltar snying rje dang/ byamS
pa'i sems bskyed pa'i 'og tu tsha tsha thebs nas bya ba'i rim pa la/ dang por bden pa bdar zhing gnas byin gyis brlab/ de nas spyan drang/ de nas bstod phyag bya/ de nas bsu ba'i arg+ha gsol/ de nas gdan la bzhugs su gsol/
de nas sku khrus gsol/ khrus kyi smon lam bya/ de nas mchod pa dbul/ de nas yon chab sol/ de nas rang byung dpa' bos bstod/ gtor ma bsngo ba zhar la bya/ de nas sdig bshags/ de nas dge ba'i rtsa ba kun la rjes
su yi rang bar bya/ chos kyi 'khor lo bskor bar bskul ba gdab/ mya ngan las mi 'da' bar bzhugs par gsol ba gdab/ bla na med pa'i byang chub tu sems bskyed pa/ shis pa brjod pa/ sems can dang 'phags pa'i
tshogs la bsod nams bstab pa/ dge ba'i rtsa ba de dag bla na med pa'i byang chub tu bsngo bas skabs 'dir mchod rten gyi skor ba'i chigs su bcad pa dang/ de'i phan yon dang/ smon lam la sogs pa ci nus kyis rgya cher bklag/
de nas bskor ba bdun yan chad bskor bar bgyi/ de nas bshags shing bzod par gsol/ de nas gshegs su gsol pa bgyi/ sems can gyi don bya ba'i phyir 'phags pa gdan 'dzom pa'i pho? brang dang/ mchod pa'i tshogs
bshams pa bden pa bdar zhing yid kyis bsngo ste/ dkon mchog gsum gyi bden pa dang sangs rgyas dang byang chub sems dpa' thams cad kyi byin gyis brlabs dang/ tshogs gnyis yongs su rdzogs pa'i mnga' thang chen po
dang/ chos kyi dbyings rnam par dog cing bsam gyis mi khyab pa'i stobs kyis/ deng kun nas sgor 'jug pa'i 'od zer gtsug tor dri ma med par snang ba de bzhin gshegs pa thams cad kyi snying po dam tshig la rnam par blta ba'i gzungs kyi
mdo las 'byung ba'i cho ga bzhin/ de bzhin gshegs pa'i chos kyi sku'i mchod rten brgya rtsa brgyad btab pa'i gnas 'dir phyogs bcu'i de bzhin gshegs pa sras dang bcas pa dang 'phags pa chos skyong ba thams cad gdan 'jom
pa'i pho brang gi dkyil 'khor dang/ mchod pa'i tshogs sbyar ba 'di rnams ji ltar sangs rgyas dang byang chub sems dpa' de dag gis sngon gyi smon lam khyad par can gyis bsgrub pa'i sangs rgyas kyi zhing yongs su dag pa dang/ bcom ldan
'das 'od dpag tu med pa'i zhing gi bkod pa'i yon tan lta bu dang ldan par gyur te/ sa gzhi rin po che sna tshogs kyi rang bzhin lag mthil ltar mnyam pa/ tha gru che ba yangs pa reg na 'jam zhing bde ba/ dri ma med cing 'od gsal ba/ tsan
dan sbrul gyi snying po'i dri bsung? dang ldan pa/ lha'i me tog sna tshogs kyis gcal du bkram pa/ mdza' rin po che'i pha gus brtsigs shing/ gser dang/ dngul dang/ mu tig gram bu brdal ba/ autpa la dang/ ku mu da dang/ pad+ma
'gying? zhing ldem pas khebs par gyur cing/ chu bya sna tshogs sgra snyan pa sgrogs pa dga' zhing 'phyo la lding bas brgyan pa'i yan lag brgyad dang ldan pa'i mtsho dang rdzing dang lteng ka dag gis mdzes par byas pa/ rin po che'i
dang? bsam gyi shing ljon pa dang/ lha'i nor bu dang/ mu tig gi rgyan phreng dang/ rin po che sbyangs pa dang/ me tog gi mgo lcogs dang/ 'bras bu mdzes par chags pa g.yur za zhing ldem la gser gyi dril bu g.yer kha
'khrol ba las dam pa'i chos kyi sgra 'byung ba dang ldan pa tshar du bsgrangs pas legs par brgyan pa'i sa gzhi la/ gzhal yas khang chen po rgyu rin po che sna bdun mchog tu 'bar ba bkod pa/ 'jig rten gyi khams
dpag tu med pa rgyas par khengs pa'i 'od zer chen po rab tu 'byung ba/ gnas tha dad pa shin tu rnams par phye ba mdza' yas par rnam par gnas pa/ rgya yongs su ma chad pa/ khams gsum las yang dag par 'das
pa'i spyod yul/ 'jig rten las 'das pa de'i bla ma'i dge ba'i rtsa ba las byung ba/ shin tu rnam par dag cing dbang skyur ba'i rnam par rig pa'i mtshan nyid de bzhin gshegs pa'i gnas/ byang chub sems dpa' dpag tu
med pa'i dge 'dun dang ldan pa/ lha dang/ klu dang/ gnod sbyin dang/ dri za dang/ lha ma yin dang/ nam mkha' lding dang/ mi 'am ci dang/ lto 'phye chen po dang/ mi dang mi ma yin pa mdza' yas pa rnam par rgyu ba/ chos
kyi ro'i dga' ba dang/ bde ba chen pos brtan pa/ sems can thams cad kyi don yang dag par sgrub par byed par nye bar gnas pa/ nyon mongs pa'i gnod pa thams cad dang bral ba/ bdud thams cad yongs su spangs pa/
thams cad kyi bkod pa las lhag pa/ de bzhin gshegs pa'i bkod pa'i gnas dran pa dang/ blo gros dang rtogs pa chen pos des par 'byung pa/ zhi gnas dang lhag mthong chen po bzhon pa yin pa/ rnam par thar pa'i sgo stong
pa nyid dang/ mtshan ma med pa dang/ smon pa med pa nas 'jug pa/ rin po che'i padmo'i rgyal po'i yon tan mdza' yas pas brgyan pa'i bkod pa la brten pa'i gzhal med khang chen por gyur pa'i dbus su pad+ma'i gdan chen
po seng ge'i khri'i steng na/ de bzhin gshegs pa thams cad kyi chos kyi sku'i mchod rten rin po che sna tshogs las grub pa/ rgya dang tshad dpag tu med pa/ mchod rten gyi rnam pa'i bye dag dang/ legs pa'i khyad par thams cad dang ldan pa/ stobs
d ang mi 'jigs pa la sogs pa sangs rgyas kyi tshe ba'i yon tan thams cad kyi bdag nyid 'jig rten thams cad kyi dpal zhing du gyur pa grangs med pa zhig rom me dkrigs par bzhugs par gyur ba'i mdza' 'khor bar gzhal med khang chen
po'i nang du phyogs bcu'i de bzhin gshegs pa dang/ 'phags pa'i tshogs gdan 'dzom pa'i gdan khri/ 'phags pa so so'i smon lam khyad par can gyi mnga' thang dang 'tsham par grub pa mdzes pa sha stag 'byung bar gyur cig /phyi nang
kun tu yang cha rigs dang 'tsham par lha dang mi'i yo byad dam pa zhal zas dang/ na bza' dang/ rgyan dang/ rol mo la sogs pa phul du phyin pa sna tshogs pa/ phung po gsum pa'i mdo dang/ bzang po spyod pa'i smon lam las 'byung ba'i
sprin rgya mtsho thams cad kyis rgyas par gang zhig rgyan klubs pa dang ldan par gyur cig / 'phags pa thams cad gdan 'dzom nas de bzhin du byin gyis brlabs shing bzhes te longs spyod par gyur cig zhes lan gsum bzlas/ yang dkon mchog
gsum gyi bden pa dang/ sangs rgyas dang byang chub sems dpa' thams cad kyi byin gyis brlabs dang/ tshogs gnyis yongs su rdzogs pa'i mnga' thang chen po dang/ chos kyi dbyings rnam par dag cing bsam gyis mi khyab pa'i stobs kyis de
bzhin du gyur cig ces lan gsum bzlas/ spyan drang ba/ de bzhin gshegs pa dang/ byang chub sems dpa' dang/ 'phags pa rang sangs rgyas dang/ 'phags pa nyan thos chen po'i sku gdud ring bsrel dang/ sku gdud gi mchod rten dang/
chos kyi sku'i mchod rten gzugs kyi tshul du rnam par bzhag pa/ dran pa nye bar gzhag pa bzhi dang/ ang dag par spong ba bzhi dang/ rdzu 'phrul gyi rkang pa bzhi dang/ dbang po lnga dang/ stobs lnga dang/
byang chub kyi yan lag bdun dang/ 'phags pa'i lam yan lag brgyad dang/ ma 'dres pa'i dran pa nye bar gzhag pa gsum dang/ bsrung ba med pa gsum dang/ bsnyel ba mi mnga' ba'i chos nyid dang/ mi 'jigs pa bzhi dang/
stobs bcu dang/ sangs rgyas kyi chos ma 'dres pa bco brgyad dang/ thugs rje chen po dang/ ye shes la sogs pa yon tan bsags pa'i mchod rten dang/ chos kyi dbyings dang/ rig sngags dang/ gsang sngags dang/ snying po dang/
phyag rgya dang/ 'phags pas byin gyis brlabs pa'i mchod rten 'di lta ste/ lum bi'i tshal du bltams pa dang/ rdo rje'i gdan la mngon par rdzogs par byang chub pa dang/ mnyan yod du cho 'phrul chen po bstan pa dang/ ba ra Na sir chos
kyi 'khor lo bskor ba dang/ rgyal po'i khab tu glang po che nor skyod btul ba dang/ lha las babs par lha yul nas gshegs pa dang/ yangs pa can du spre'us sbrang rtsi phul ba dang/ gyad yul du yongs su mya ngan las 'das pa chen po
bstan pa dang brgyad du bgos pa'i sku gdud gi gzugs dang/ gzhan yang sangs rgyas 'dus pa chen po mdzad pas zhing khams 'di nyid mchod rten du gyur pa dang/ dpal ldan skyid pa'i gnas la sogs par dpal phyag na rdo rjes dkyil 'khor
chen po mdzad pa dang/ dbang po'i brag phug la sogs par mdo yang dag par bsdus pa dang ka ni ka'i mchod rten du sku gdud 'dus pa la sogs pa dang/ 'jam bu'i gling dang/ gling bzhi dang/ stong khams na mchod rten khyad par can ji snyed
bzhugs pa thams cad dang/ gzhan yang sa bla dang/ bar snang dang/ lha yul dag na mchod rten ji snyed bzhugs pa dang/ phyogs bcu thams cad na mchod rten khyad par can 'khor dang bcas pa ji snyed bzhugs pa thams cad chos kyi dbyings dang/
rigs thams cad na bzhugs pa'i 'phags pa thams cad mnyes par bgyi ba dang/ bdag cag la sogs pa sems can thams cad kyi bsod nams su deng dkon mchog dang/ mchod rten khyad par can dang bcas pa spyan drang ba'i gnas 'og
min la sogs 'bar snang dang/ sa bla'i lha'i gzhal med khang dang/ sangs rgyas kyi zhing yongs su dag pa'i gzhal med khang chen po ji lta ba de lta bur byin gyis brlabs ba 'dir/ mchod pa kha na mtho ba med pa yongs su dag pa rgya chen po rnam pa
thams cad dang/ longs spyod pa las byung ba'i bsod nams spel bar mi mdzad kyang/ btang ba las byung ba'i bsod nams kyi tshogs chen po yongs su spel ba'i slad du na bza' dang/ zhal zas dang/ gnas ma la dang/ bsnyen bkur ba dang/ bsnyung
ba'i rkyen dang/ sman gyi yo byad dang/ mchod rten la 'os pa'i bde bar sbyar ba thams cad kyis bstabs shing spyan 'dren gyis mthu bsam gyis mi khyab pa dang ldan pa rnams kyis rnams par 'phrul ba mdzad de/ chos kyi dbyings kun tu 'gro ba'i tshul
gyis gshegs shing bzhes par gsol/ dkon mchog dang/ mchod rten khyad par can dang bcas pa'i 'khor du gtogs pa thams cad spyan drang ba/ lha'i 'jig rten mtho ris na 'phags pa gang dag yang dag pa'i shes rab kyis chos thams cad
kyi de kho na nyid rtogs shing gzigs pa dang ldan pas nyon mongs pa dang sgrib pa gsal ba/ bsam gtan dang rnam par thar pa dang/ ting nge 'dzin dang/ snyoms par 'jug pa dang/ gzungs dang ting nge 'dzin la dbang du gyur pa thams mkhas pa'i
spyod pa dang ldan pas/ lha'i dbang po'i cha lugs kyis lha mang po dag la/ dge ba'i bshes gnyen mdzad cing bzhugs pa dang/ lha mang po gzhan dag kyang de bzhin du bden pa rtogs pa ste 'phags pa'i lam la gnas
shing/ kun nas nyon mongs pa'i 'ching ba yang dag pa'i shes rab kyis bsal ba/ dran pa bsal zhing ting nge 'dzin thob pa/ de dag gis sems can thams cad kyi mchog bla na med pa'i sangs rgyas dkon mchog dang/ chos thams cad kyi
mchog bla na med pa'i chos dkon mchog dang/ tshogs thams cad kyi mchog bla na med pa'i dge 'dun dkon mchog la sngon bsnyen bkur mdzad cing dge ba'i rtsa ba cher bskyed pa/ 'jig rten na lha dang mi rnams kyis chos dkar po'i phyogs rtag tu
rgya cher sgel zhing bsrung ba/ sems can rnams kyi 'thab mo dang/ 'thab pa dang/ rtsod pa dang/ 'gyed pa dang/ phyi dgra dang/ nang 'khrug dang/ gnod pa dang/ nyam pa? ba dang/ mi bde ba dang/ sdug bsngal ba dang/ nang dang/ rims nad dang/
mi ngas dang/ phyugs ngas dang/ mu ge dang/ lo nyes dang/ ltas ngan pa dang/ mtshan ma ngan pa thams cad rab tu zhi bar mdzad pa/ sngon sangs rgyas 'dus pa chen po'i tshe/ theg pa chen po'i mdo ste dang/ 'dul ba dang/ chos mngon pa
dang/ gzugs sngags dang/ rig sngags dang/ snying po dang/ phyag rgya la sogs pa zab cing rgya chen po bshad pa'i tshe na/ sangs rgyas bcom ldan 'das kyis nga yongs su mya ngan las 'das pa'i 'og tu phyi ma'i dus kyi tshe nga'i bstan pa dam
pa'i chos dang/ dge slong dang/ dge slong ma dang/ dge bsnyen dang/ dge bsnyen ma'i 'khor rnam bzhi dang/ rgyal po dang/ blon po dang/ rigs bzhi chos dang ldan zhing chos spyod pa thams cad dang/ lha yul dang/ yul 'khor dang
grong dang/ grong khyer la sogs pa 'byung po'i tshogs dge ba rnams srungs shig ces zhal gyis bka' stsal cing/ de dag gis kyang dam tshig ma nos te lha dang mi'i mgon mdzad pa/ phyag bya ba'i gnas/ bkur sti bya ba'i gnas/ bla
mar bya ba'i gnas/ btsun par bya ba'i gnas/ 'di lta ste/ 'og min na lha'i dbang phyug chen po gnas gtsang ma gzhan gyi ris kyi lha dang/ bsam gtan bzhi pa dang/ gsum pa dang/ gnyis pa dang/ bsam gtan dang po'i ris kyi lha dang/
gzhan 'phrul dbang byed dang/ 'phrul dga' dang/ dga' ldan dang/ 'thab bral dang/ sum cu rtsa gsum dang/ rgyal chen bzhi'i rim kyi lha dang/ klu dang/ gnod sbyin dang/ dri za dang/ lha ma yin dang/ nam mkha' lding dang/ mi'am ci dang/
lto 'phye chen po dang/ mi dang me me yin pa la sogs pa bdag nyid chen po khyad par can gyi tshogs thams cad dang/ dam tshig can dang/ sangs rgyas dang/ chos dang/ dge 'dun la skyabs su song ba/ sangs rgyas kyi bstan pa bsrung ba/
dam pa'i chos spel par dam bcas pa/ tshangs dang/ brgya byin dang/ rgyal po chen po bzhi dang/ phyogs skyong bcu dang/ gza' chen po brgyad dang/ rgyu skar nyi shu rtsa brgyad dang/ phyogs kyi glang po che dang/ sde dpon dang/ lha mo dang/
phyogs kyi lha dang/ phyogs mtshams kyi lha dang/ btsun mo dang/ sras dang/ 'khor dang/ pho nya dang/ mdag pa dang/ khyab 'jug dang/ tshogs bdag dang/ dga' byed dbang phyug dang/ smin drug gi bu dang/ nag po chen po dang/
stobs can dang/ stobs po che dang/ gnod 'dzin dang/ pad+ma dang/ pad+ma chen po dang/ dung dang dung chen dang/ gang po dang/ shin tu gang ba dang/ mgrin pa dang/ mgrin bzang dang/ bsod nams lhun po dang/ gang ba bzang po
dang/ nor bu bzang po dang/ bum rna dang/ dril rna dang/ rna gsum dang/ rna bo che dang/ yang dag shes dang/ yang dag rgyal ba dang/ rgyal ba khyu mchog dang/ 'brog gnas dang/ gangs gnas dang bde ri dang/ lnga rtsen dang/
lnga len dang/ tshigs lnga ser dang/ mgrin bcu dang/ 'jigs rung dang/ 'brug sgra dang/ nam mkha' i dbyangs dang/ stong gsum dang/ rgya mtsho dang/ dga' bo dang/ nye dga' dang/ ma dros dang/ gzi can dang/ nor rgyas dang/ gdon la
'thebs? dang/ drang srong dang rig sngags 'chang dang/ char lha dang/ sprin lha dang/ lo tog lha dang/ lam lha dang/ sa'i lha dang/ chu'i lha dang/ me'i lha dang/ rlung gi lha dang/ nam mkha' i lha dang/ ri'i lha dang/ shing gi lha dang/ rdzing gi lha dang/
dus tshogs kyi lha dang/ nyin mtshan gyi lha dang/ dus mtshams kyi lha dang/ tshes grangs kyi lha dang/ skad cig dang/ thang cig dang/ yud tsam gyi lha dang/ ha nu ma ta la sogs pa mthu bo che dang/ tshig la dbang ba dang/ dga' dbyangs dang
mdangs bu dang/ dpal gyi lha mo dang/ 'od zer can dang/ dkar sham dang/ brjod skyob? dang/ ? gA dang/ ya mu na dang/ bu mangs dang/ dud can dang/ ri mkhar dang/ nag mo dang/ ma bdun dang/ sring mo bdun dang/ srid mo bzhi dang/ nag
mo chen mo dang/ ral pa gcig ma la sogs pa dang/ lha mo chen mo dang/ gnod sbyin mo dang/ srin mo dang/ sha za chen po dang/ gzhon nu dang/ rdzu 'phrul can dang/ dbang bdag dang/ slag chen dang/ brjod ba dang/ g.yul rgyal dang/ dge
bsnyen chen mo dang/ lha sras gzhon nu dang/ klu sras gzhon nu dang/ rig sngags 'chang gzhon nu dang/ drang srong gzhon nu dang/ 'phrog ma bu lnga brgya dang bcas pa dang/ gnod sbyin gzhon nu dang/ ti ra ka la sogs pa dang/ gzi brjid chen
po'i gzhon sde thams cad dang/ skye dgu'i bdag po dang/ lha'i gzo bo las thams cad pa dang/ bgegs kyi rgyal po log 'dren dang/ gtsug lag khang gi srung mar zhal gyis bzhes pa gnyug mar gnas pa la sogs pa sangs rgyas mthong ba/
chos thos pa/ dge 'dun la brten pa bstan pa bsrung ba/ dam tshig gnod pa lha dang mi'i mgon mdzad pa/ phyag bya ba'i gnas bkur sti bya ba'i gnas/ bla mar bya ba'i gnas/ btsun par bya ba'i gnas ji snyed pa thams cad dang/ gzhan yang
mchod pa'i gnas dang/ drin bsab pa'i gnas dang/ snying rje'i gnas su gyur pa'i sbyin gnas ji snyed pa thams cad chos kyi dbyings dang/ rigs thams cad na bzhugs pa'i 'phags pa thams cad na bzhugs pa thams cad mnyes par bgyi ba
dang Da bsod nams bstab pa'i gnas dpal lha mo tsan po'i sku yon dang/ dge ba'i bshes gnyen dang/ pha ma dang gzhan yang mchod pa'i gnas sam/ drin bsab pa'i gnas sam/ snying rje 'i gnas gang yang rung ba dang/ bdag cag la
sogs pa sems can thams cad kyi don du deng dkon mchog gsum dang/ mchod rten khyad par can 'khor dang bcas pa spyan drang ba'i gnas 'og min la sogs pa bar snang dang sa bla'i gzhal med khang dang/ sangs rgyas kyi zhing yongs su dag
pa'i gzhal mer ? chen po ji lta ba de lta bur g+hsegs par gsol/ bstod pa dang phyag 'tshal ba/ ye shes tshogs kyis bskyed pa'i sku/ /ming dang gzugs las rnam par grol/ /rtag dang spros las rab 'das kyang/ /bsnyel ba mi mnga' i rang
bzhin can/ /dngos dang dngos med mdza' las dben/ /bsam brjod yul las shin tu 'das/ /ye shes rnams kyi gnas gyur ba/ /rnam dag sku la phyag 'tshal lo/ /bsod nams tshogs kyis bskyed ba'i sku/ /dbang phyug chen po'i gnas mchog ma/
chos la mnga' mdzad longs spyod pa/ /byang chub sems dpa' yongs kyi mgon/ /gtsang ma'i gnas nas ma g.yos pa/ /gdul bya'i bsam pa ji bzhin du/ /'jig rten khams ni mdza' yas par//
sprul mang 'gyed la phyag 'tshal bstod/ /skad cig thang cig yung tsam la/ /dga' ldan mchog nas babs pa dang/ /'jig rten rgyu rtsal phul byung zhing/ /bdud bcom byang chub 'tshang rgya ste/ /'khor lo bskor nas 'das pa'i
bar/ /cho 'phrul cig car so sor ston/ /cho 'phrul ngo mtshar rmad byung ba/ /lha yi lha la phyag 'tshal bstod/ /ston pa mchog bzhugs gzhal med khang/ /dbyibs legs rnam par phye bas mdzes /kha dog sna tshogs spel legs su/
rin chen 'bar ba mang pos brgyan/ /yid 'ong nyams dga' lha yi gnas/ /brgyan bkod dkyil na mdzes pa la/ /'phags pa mchod pa'i rten bgyis te/ /ston pa 'khor dang bcas la bstod/ /mchod rten bsu ba'i arg+ha gsol/ /chos
rnams gang dag rgyu las byung ba dang/ /de yi rgyu dang de 'gog gang yin pa/ /de bzhin gshegs pa nyid kyis bka' stsal te/ de skad gsungs pa'i tshul can dge sbyong che/ /skar ma rab rib mar me dang/ /sgyu ma zil pa chu bur dang/ /rmi lam glog
dang sprin ste bur/ /'dus byas de ltar blta bar bya/ /mkhas pa gang dag rab tu sems dang zhing/ /sangs rgyas mchod rten dag la go ma 'dor na/ /dzam bu chu bo gser gyi srang tshad ni/ /stong phrag brgya yang de dag mnyam pa min/ /mchod rten mchod
nas dpal ldan pa/ /sku gdung chos sku chos dbyibs dang/ /rig sngags gsang sngags snying po dang/ /phyag rgya byin brlabs gshegs su gsol/ /gshegs byon skye 'bri med pa'i sku/ /ji lta smon bzhin yod pa dag /dkar po 'char ba'i tshul
bzhin du/ /'jig rten skyabs su gshegs su gsol/ /dkon mchog dang mchod rten khyad par can dang bcas pa'i 'khor du gtogs pa de dag la bsu ba'i mchod yon arg+ha gsol ba sangs rgyas chos dang dge 'dun dang/ mchod rten khyad par 'khor
gtogs pa/ 'og min gnas dang lha tshogs dang/ /bsam gtan bzhi dang 'dod khams drug /sde brgyad tshogs dang 'byung po kun/ /dam tshig can dang thugs dam can/ /tshangs pa brgya byin rgyal chen bzhi/ /phyogs skyong gza' dang rgyu skar dang/ /dkon
mchog mthong thos skyabs brten pa / phyag bgyi thal mo sbyar 'os shing/ /mgos gtugs mchod dang kun sbyin dang/ /rab tu sbyin pos kun gshegs shig /mchod pa dri med yongs dag pa/ /rnam mang rgya che thams cad dang/ so so'i mnga' thang rgyas
ched du/ /'os pa'i bde ba sbyar ba dbul/ /mchod rten gdan la bzhugs par gsol/ /sku gdud chos sku byang chub phyogs/ /ma 'dres bsrung med bsnyel mi mnga' / /mi 'jigs stobs dang sangs rgyas chos/ /rdo rje ye shes tshogs 'phags pa/ /chos
dbyings rig sngags gsang sngags dang/ /snying po phyag rgya byin rlabs kyis/ /mchod rten khyad par ji snyed pa/ /dpal ldan bsod nams zhing mchog kun/ /chos don dag pa'i dkyil 'khor 'dir/ /rin chen stegs dang khri 'phang dang/ /gtsang gdang lha
rdzas pad+ma la/ /mi gnas tshul gyi gdan la bzhugs/ /dkon mchog dang mchod rten khyad par dang bcas pa'i 'khor du gtogs pa de dag so sor gdan la bzhugs par gsol ba/ chos don kun gyi dkyil 'khor du/ /dpal ldan dag pa'i gnas bshams
par/ /ting 'dzin mi g.yo mnyam gzhag cing/ /dge ba'i dgongs pas gdan la bzhugs/ /gtsang gdang gdan khri yangs pa la/ /thogs med dog med pa'i sku/ /mnyam nyid tshul gyis bder bzhugs shing/ /bde bar sbyar ba ba zhes su gsol/
'byung po gang dag 'dir ni lhags gyur te/ /sa 'am 'on te bar snang 'khor pa dag /skye dgu rnams la rtag tu byams byed cing/ /nyin dang mtshan du chos kyang spyod gyur cig /'di na rgyal ba dgra rgyal bden gang gis/ /shin tu
bden pa gsung zhing brdzun med pa/ /bden pa de yis 'dir ni bde legs shog /ded kun 'jigs pa che las thar gyur cig /mchod rten la sku khrum gsol na/ rnam dag skyon bral byang chub sems kyi dbyings/ /rnam rtog skyon bral yon tan tshogs kyi gter
kun gyis phyag byas bstod cing mchod pa'i gnas/ /bdud bzhi dpung rnams ma lus tshar gtsad phyir/ /chos dbyings dag pa'i sku la khrus chab gsol/ /nyon mongs 'khrul pa'i rtog pa dag gyur cig /ji ltar me long gzugs brnyan snang gyur yang//
chos dbyings dag pa'i sku la bskyod pa med/ /rin chen lnga las grub pa'i mchod rten dang/ /sa'am chu 'am 'on te bar snang la/ /sems can don du rin chen skur bstan pa/ /mchod rten dmigs par bcas te sku khrus gsol/ /khams gsum gnas
pa'i bag chags dag gyur cig / gzhi rmad dge bcu'i rnam dag pad+ma 'jam/ /dran pa nyer gzhag rmad gi khri 'phang bstod/ /theg pa rnams kyi bang rim brtsegs pa ste/ /chos dbyings spros med bum pa zlum pa la/ /smon lam chen po'i srog shing dge ba
btsugs/ /dge ba'i longs spyod nam mkha' i gdugs kyis bkab/ /byang chub sems kyi zla tshes rnam par dag /dge sde bcu gsum 'khor lo'i phreng bas brgyan/ /snang dbyings chos kyi dbyings la sku khrus gsol/ /shar phyogs byams pa brtsegs
pa'i chos sku la/ /byams pa'i sems kyis sku khrus 'di gsol bas /zhe sdang gdug pa'i tshogs rnams kun bsal nas/ /rtag tu byams pa'i ting 'dzin thob gyur cig /lha phyogs rin chen brtsegs pa'i chos sku la/ /nga rgyal gdug pa'i tshogs
rnams bsal ba'i phyir/ /byang chub sems kyi chu bos sku khrus gsol/ /khams gsum 'khor ba'i nga rgyal skyon bral nas/ /rtag tu 'dod pa'i yon tan thob gyur cig /nub phyogs rnam dag pad+ma chos kyi dbyings/ /'dod chags skyon bral pad+ma'i khri 'phang
brtsegs/ /khams gsum sems can bag chags sbyang ba'i phyir/ /chos kyi sku la ye shes sku khrus gsol/ /sems can 'khor ba'i 'dod chags dag gyur cig /byang phyogs rnam dag las kyi zhing rab ni/ /'dod sred spangs pa'i yon tan rdzogs
pas ston/ /rin chen ain+d+ra lta bu'i mchod rten la/ /las kyi sgrib pa sbyang phyir sku khrus gsol /sems can rnams kyi 'dod pa grub gyur cig /chos sku rnam par dag pa'i skyon bral nas/ /legs pa'i yon tan phun sum tshogs par shog /chu rnam lngas
sku khrus gsol ba/ sku mchog rnam dag lta bas mi doms la /ngo mtshar skyon gral mkha' dkyil nyi gsal 'dra/ /chos kyi sku la dri ma mi mnga' yang/ /sri zhu bkur sti rim gro'i tshul tsam du/ /chu gtsang sman spos 'o ma bdag chal chus/ /'gro
pa'i lus sems sdug bsngal nad bsal te/ /nyes pa'i skyob bral 'gro ba'i yid 'od ba/ /dam pa'i sku mchog bdag gis thob par shog /aoM badzra tsan d+ha la se ba swAhA/ aoM badzra sa maya ma the swAhA/ aoM a mri ta hUM/ aoM sarba A be sha hUM/ de nas
ras dkar po kha tshar mnyams ba yug gcig gis sku phyis te/ bsam pa ni chog bcad las smos pa ltar bsam/ bde gshegs sku gsum dpe dang mtshan mnga' yang/ /'gro ba'i don du gzugs sku cir yang gda' / /rin chen dbyig ltar nyes pa'i
skyon bral yang/ /'jig rten sri zhu gus pa'i tshul tsam du/ /sdig med rgyal ba rnams kyis rab bsngags pa'i/ /ras mchog 'di yis rgyal ba'i sku phyis pas/ /nyon mongs dug gsum sgrib pa kun byang nas/ /sku gsum dang du bdag cag myur
grub shog / aoM sarbba ra tso a di ra Na swAhA/ /mchod pa rnam pa lnga dbul ba/ bde gshegs rnams kyi longs spyod kyis/ /kun bzang mchod pas rol mdzad kyang/ /'gro ba'i dbul ba bsal slad du/ /bkur sti rim gro'i tshul tsam
gyis/ /bla med mchod pa rnam lnga 'di/ /'gro ba'i don du 'bul lags na/ /mchod pa'i sprin gyis khyab gyur nas/ /bsod nams gter chen thob par shog /rgyan dang na bza' dbul ba/ /bde gshegs sku mchog mtshan dang dpe byad dang/ /rin
chen 'od chags 'bar bas sku brgyan cing/ /byang chub phyogs kyi rgyan gyis mdzes lags kyang/ /'jig rten bkur sti rim gro'i tshul tsam du/ /rin chen phreng ba se mo do shal dang/ /rgyan gyi dam pa khyad par mchog phul bas/ /byang chub
phyogs kyi rgyan dang ldan gyur nas/ /bla med thar pa mchog la gnas par shog /bla re dang/ 'phan gdugs dang/ rgyal mtshan dang/ rol mo la sogs pa dbul ba/ theg mchog bla re mgon skyabs gdugs dang ldan/ /bdud bcom rgyal
mtshan ba dan ting 'dzin 'phan/ /lha dang mi yi mchod pa'i sgra dbyangs kyis/ /rgyal ba'i dkyil 'khor mdzas pas rab brgyan pas/ /bla re 'phan gdugs rgyal mtshan rol mo brjid/ /bdug smos dri zhim sil snyan spyin tshogs mdzes//
bdag dang 'gro ba'i don du 'di phul bas/ /dbang mchog dam pa dus 'dir thob gyur te/ /gnod pa'i dgra bcom bla med go 'phang la/ /theg pa mchog gis nges par bgrod par shog /bshos dang zhal zas gsol ba/ rgyal bas
bdud bcom byang chub sangs rgyas te/ /rgyal ba'i sku la spobs skyem mi mnga' yang/ /bdag cag bsod nams zhing du 'gyur slad du/ /bshos dang zhal zas sbyar ba 'di phul bas/ /dus kun dge ba'i lo tog 'phel rgyas nas//
bde ? du pad+ma las skyes te/ /ting 'dzin chos dang zas la longs spyod shog /'bru dang sman dang spos dang snying po dang/ rin po che sna lnga dbul ba/ bde gshegs mgon po dpag bsam 'khor dang bcas/ /bsod nams ye shes sku lnga mthar phyin pa//
tshal kyi longs spyod bstod sti tshul tsam du ? 'bru lnga spos lnga spos lnga sman lnga rin chen lnga/ /snying po ldar bcas rgyal bar rab bsngags pa/ /bdag gzhan don gyi snying por 'di phul bas/ /'gro la phan phyir tshul khrims mchog ldan te/ /rin chen gter las
? la phan 'dogs shog / bde gshegs kun bzang mngon par sangs rgyas te/ /rdo rje gdan la mngon par bzhugs pa na/ /dpal ldan rdo rje 'dzin gyis gus bcas pas/ /sngags grub rgyal pos yungs kar phul ba ltar/ /deng 'dir ston pas bdud
bzhi tshar gzad nas/ /skye rgan 'chi 'khor ba'i sdug bsngal las/ /bdag dang mdza' yas 'gro ba kun bsgral nas/ /rdo rje gdan la mngon par sangs rgyas shog /bkra shis shing zhal dri zhing byin phebs zhing 'jig rten du yun ring por bzhugs su
gsol ba/ bde gshegs kun bzang mthong bas bkra shis ltar/ /rgyal ba 'khor bcas deng 'dir bkra shis shog /ngan sdig log pa'i tshogs rnams bcom gyur nas/ /rgyal sras rigs 'dzin tshogs rnams 'phel dar zhing/ /zhal mthong
tsam gyis bde ba'i mchog brnyes nas/ /nyi ltar zhal dro zla ltar 'od gsal zhing/ /bdag dang 'gro la zhal dro byin che nas/ /bskal pa mthar thug bar du bzhugs su gsol/ /spyan dbye ba'i smon lam du gsol pa/ phyogs bcu dus gsum gyi 'phags
pa dkon mchog gsum phyag 'tshal lo/ /bdag cag gis de bzhin gshegs pa'i chos kyi sku'i gzugs brnyan bzhengs su gsol te/ chu gtsang dang/ sug chab dang/ 'o ma dang/ spos chu dang sman chab kyis sku khrus gsol bas bdag
dang mdza' yas pa'i sems can thams cad kyi rnam par rtog pa'i bag chags kyi dri ma dang/ dus gsum gyi nyon mongs pa'i dri ma dag nas rnam par dag pa'i sku dang ldan par gyur cig /arg+ha gsol bas bdag dang
mdza' yas pa'i sems can thams cad kyi rnam par rtog pa dag ste/ de bzhin gshegs pa'i sku yongs su dag pa thob par gyur cig /dri chab kyis sku la gtor te byugs pas bdag dang mdza' yas pa'i sems can thams cad ting nge
'dzin gyi chu yis g.yeng ba'i dri ma thams cad rnam par bsam te bde zhing tshim par gyur cig / spos gsol bas bdag dang mdza' yas pa'i sems can thams cad kyi tshul khrims rnam par dag ste/ yang dag pa'i tshul khrims dang ldan par gyur cig/
me tog phul bas bdag dang mdza' yas pa'i sems can thams cad byang chub kyi yan lag bdun dang ldan par gyur cig / mar me phul bas sems can thams cad ma rig pa'i mun pa bsal nas/ thams cad mkhyen pa'i ye shes kyi sgron ma dang
ldan par gyur cig / bshos dang zhal zas gsol bas sems can thams cad bkres pa'i sdug bsngal bsal nas yid bzhin gyi zas skom dang ldan pa 'gyur cig /'bru rnam pa lnga phul bas sems can thams cad la 'jig rten gyi lo
tog 'phel zhing dge ba'i lo tog dus kun tu rgyas par gyur cig / spos lnga gsol bas sems can thams cad tshul khrims rnam par dag ste/ zag pa med pa'i tshul khrims dang ldan par gyur cig /sman lnga gsol bas sems can thams cad
nang bzhi brgya rtsa bzhi'i sdug bsngal dang bral nas thugs rje'i sman gyis dus gsum gyi nang las thar bar gyur cig / rin po che sna lnga gsol bas yid kyi nor bu rin po ches sems can thams cad kyi dgos dgu yid bzhin du bskongs
rnal 'byor pa phun sum tshogs pa dang ldan par gyur cig / snying po lnga gsol bas bdag dang sems can thams cad kyi de kho na nyid kyi snying po dang ldan par gyur cig /rgyan dang na bza' gsol bas sems can thams cad sangs rgyas dang byang chub
sems dpa' i ngo tsha mkhyen pa'i na bza' dang ldan pa dang/ byang chub kyi phyogs kyi rgyan dang ldan par gyur cig /bla re dang rgyal mtshan dang gdugs la sogs pa phul bas bdud bzhi lals rgyal ba'i ting nge 'dzin dang gzungs dang ldan nas
theg pa bla na med pa la gnas par gyur cig / yungs kar gsol bas 'jig rten ji srid gnas pa'i bar du 'jig rten na bzhugs shing sems can gyi don mdzad nas mchod pa'i don du gyur cig /bkra shis phul bas mi dge zhing bkra mo
shis pa thams cad bsal nas bu gcig pa'i ma ltar byams pa chen po rgyas nas bkra shis byin che bar gyur cig / 'phags pa'i sku gdung rin chen ring bsrel snod/ /rnying bcos byi dor bgyis shing mchod pa dang/ gsar brtsigs mchod
cing khrus chab gsol ba dang/ /bstod dang skor dang gus pa bgyis pa dang/ /smon lam zab mo sems yid dang btab pa'i/ /byin brlabs yon tan khyad par chen po'i mthus/ /bdag cag 'khor bcas thams cad dang/ /dad mos grogs byed
rjes su yi rang rnams/ /smon lam mthu stobs khyad par chen po yis/ /dang ba'i yid kyis mchod pa 'di brtsigs pas/ /des na bdag cag sdig sgribs byang gyur te/ /bla med byang chub bdag cag myur thob shog /shes rab mchog gis bdagmed
thugs chung de/ /ye shes chen po'i tshogs las byung ba yi/ /bde bar gshegs pa'i chos sku spos med pa/ /so so rang rig de la phyag 'tshal bstod/ /'gro ba'i don du dka' ba rnams mdzad de/ /bsod nams chen po'i tshogs las byung ba yi
bde bar gshegs pa'i gzugs sku gang snang ba/ /yon tan mdza' dag rdzogs la phyag 'tshal bstod/ /bskal pa grangs med 'das pa'i sngon rol nas/ /sems can don du byang chub thugs bskyed de/ /spyod pas
gzhan gyi don la rab brtson pa/ /bla med 'bras bu brnyes la phyag 'tshal bstod/ /thabs kyiS spyod pa mdzad pa mthar phyin cing/ /chos kyi 'khor lo rgya chen yongs bskor nas/ /mya ngan 'das pa'i tshul ni rab bstan pa/ /sku gdung bzhag pa dag la
phyag 'tshal bstod/ /sku gdung phra mor gsil ba'i ring bsrel snod/ /rgyu dang 'bras bur bcas pa chos kyi tshul/ /sems can rnams kyis mchod pa bya ba'i rten/ /gzugs brnyan nyid kyi sku la phyag 'tshal bstod/ /sngon gyi smon lam chen
po'i rgyun mnga' bas/ /byang chub phyogs chos sum cu rtsa bdun te/ /bang rim bum pa srog shing tshu la bstan pa/ /rgyu yi chos su bzhag la phyag 'tshal bstod/ /de bzhin gshegs pa'i stobs dang ma 'dres chos/ /thugs rje chen po tshad med
rab mnga' bas/ /'khor lo char khabs lta bu'i tshul bstan pa/ /'bras bu'i chos su bzhag la phyag 'tshal bstod/ /mi 'jigs bsrung ba med dang bdud las rgyal/ /tshangs pa'i dbyangs ldan mngon par mkhyen mnga' bas/ /rdo ring them
skas? rgyal mtshan dril bu tog / chos sku'i rten du bzhag la phyag 'tshal bstod/ /chos kyi grags pa ye shes bzhi la sogs/ /yon tan ngo mtshar rmad kyi tshogs rdzogs shing/ /gang gi chos kyi rgyal por mtshan gsol pa/ /bdag nyid chen
po dag la phyag 'tshal bstod/ /rang bzhin rnam dag chos dbyings de bzhin nyid/ /spros pa'i dri mas ma gos dkar ba la/ /rin chen sbras pas mtshan mchog rdzogs pa'i sku/ /'gro don legs par mdzad la phyag 'tshal bstod/ /de
bzhin sku gdung dbyibs bcas chos sku dang / gang gis mthod thos dran nam reg kyang rung/ /mtho ris dpal dang thar mchog bde thob pa/ /yon tan rmad tshogs mnga' la phyag 'tshal bstod/ /mchod pa dbul ba/ ye shes tshogs rdzogs
sku gsum lhun gyis grub/ /bzhi bcom drug ldan mi gnas mya ngan 'das/ /thugs rje sprul pa'i 'khor ba'i 'dam bskams pa/ /phyogs bcu'i sangs rgyas rnams la mchod pa 'bul/ /dri med bdud rtsi 'khor ba'i nad rnams 'joms/ /don
dam dmigs med bde gshegs 'byung ba'i rgyu/ /ye shes nyi mas ma rig mun 'joms pa/ /'phags pa'i lam gyur chos la mchod pa 'bul/ /byams dang snying rje dga' dang btang snyoms tshul/ /bde gshegs rin chen padmo las
kyi rtags/ /rin chen bzhi las mngon du gyur pa'i sku/ /rigs bzhi'i mchod rten rnams la mchod pa 'bul/ /lho phyogs 'dzam gling rin chen dkyil 'khor na/ /ye shes dpag yas thugs rjes 'brel ba'i sku/ /rang 'byung sprul pa'i mchod
rten chen po dang/ /yid bzhin lhun gyis grub la mchod pa 'bul/ /nub phyogs bde ldan pad+ma'i dkyil 'khor na/ /thabs kyi bye brag ring bsrel bskur bstan pa/ /dpe med bsam las 'das pa'i mchod rten dang/ /rmad grags chos kyi
dbyings la mchod pa 'bul/ /byang phyogs bsam yas yid bzhin dkyil 'khor na/ /thabs dang shes rab gsal zhing mchod pa'i gdung/ /yon tan rin chen brtsegs pa'i mchod rten dang/ /khams gsum bde rgyas sgron la mchod
ba 'bul/ /shar phyogs lus 'phags ye shes dkyil 'khor na/ /byams pa 'khor ba 'dren mdzad ring bsrel sku/ /byams ldan bsod nams gter gyi mchod rten dang/ /mthar legs g.yung drung rdzogs la mchod pa 'bul/ /dri
'phang dang po dran pa nyer gzhag bzhi/ /lus sems tshor dang chos rnams rjes su dran/ /spyi dang rang gi mtshan nyid mngon rtogs pa/ /rig pa'i shes rab bskyed la mchod pa 'bul/ /khri 'phang gnyis pa yang
dag spyod ba bzhi/ /sdig pa mi bskyed mi dge'i chos spong zhing/ /dge ba'i chos bskyed tshogs gnyis rdzogs mdzad pa/ /rtog pa'i bag chags bral la mchod pa dbul/ /khri 'phang gsum pa rdzu 'phrul rkang pa bzhi/ /'dun dang sems
dang dpyod dang brtson 'grus rnams/ /spong ba'i 'du byed ldan pa'i rdzu 'phrul gyis/ /thogs med 'gro don mdzad la mchod pa 'bul/ /khri 'phang bzhi pa snang ba'i dbang po lnga/ /dad brtson dran dang ting 'dzin dbang po dang/ /shes rab dbang po
chos la dbang sgyur ba/ /'dod dgu dge rtsa spyod la mchod pa 'bul/ /'gyur med bum rten 'degs pa'i stobs lnga ste/ /dad dang brtson 'grus dran dang ting 'dzin stobs/ /shes rab stobs kyiS nyon mongs zil gyis gnon/ /mthu dbang mngon
du gyur la mchod pa 'bul/ /bum pa mngon 'phags byang chub yan lag bdun/ /dran dang chos 'byed brtson 'grus dga' ba dang/ /shin tu sbyangs dang ting 'dzin btang snyoms kyis/ /'grub 'gyur thogs pa med la mchod pa 'bul//
la khyil 'phags pa'i lam gyi yan lag brgyad/ /lta dang rtog dang ngag dang las gyi mdza' / /'tsho dang rtsol dang dran dang ting 'dzin gyis/ /'phags pa'i lam nas 'jug la mchod pa 'bul/ /srog shing mkhyen pa bcu yi bdag nyid de/ /
thabs dang shes rab ting 'dzin rtsal mchog gis/ /dam chos bdud rtsi 'dzin pa'i mchog gyur pa/ /shes rab don kun rig la mchod pa 'bul/ /'khor lo bcu gsum stobs bcu nyer bzhag gsum/ /shes rab spyan ldan thabs
chen mngon gzigs te/ /shes bya'i bag chags sbyangs pas thogs pa med/ /ye shes phun sum tshogs la mchod pa 'bul/ /char khabs skyab chen thugs rje'i bdag nyid de/ /gdul bya'i dus dang sems kyi rgyud mkhyen nas/ /'jig rten rnams la phan 'dogs
rab brtson pa/ /phyi mthar yun rings bzhugs la mchod pa 'bul/ /dang brtson shugs kyis lus ngag sems btud de/ /brtson 'grus drag po'i rin chen sna lnga dang/ /'byung ba lnga las grub pa'i mchod rten dang/ /sku gdud ring bsrel rnams la mchod pa 'bul
sku gdung thugs la sprul pa'i rgyal pa'i sras/ /rdzu 'phrul shugs kyis phyi mthar gzhan don mdzad/ /skye 'gag med pa'i don gyis blo sbyangs pa/ /byang chub sems dpa' rnams la mchod pa 'bul/ /rnam grol thar lam mchog tu rab brtson pa/ /zur bzhi ya
brgyad rig pa'i skyes bu'i tshogs/ /rten 'brel don kun rig pas rang sangs rgyas/ /'phags pa'i dge 'dun chags la mchod par 'bul/ dge ba bcus bskyed skal ldan sangs rgyas zhing/ /tshangs pa'i gnas bzhis ngan song mdza' spangs shing/ /rdzu
'phrul shugs kyis 'gro ba'i don mdzad pa/ /'jig rten srung ma'i tshogs la mchod pa 'bul/ /rdo ring them skas chu srin rgyal mtshan dang/ /gdugs dang ba ngan dar gyi cod pan dang/ /pad+ma nyi zla sil snyan lha rdzas kyis/ /tshangs pa'i
dbyangs ltar dmigs pa dag par mchod/ /ting 'dzin sngags dang phyag rgya'i mthus bsgyur ba/ /yon chab bdug spos mar me dri chab dang/ /me tog dam pa bshos gtsang mnyes pa'i mchog /mchod yon rnam lnga'i tshogs kyis mnyes
par bgyi/ /dngos su 'byor dang yid kyis sprul pa yi/ /'jig rten 'das dang 'jig rten grub pa'i rdzas/ /kun bzang rnam dag mchod pa'i sprin phung gis/ /nam mkha' gad? bar dmigs te mchod par bgyi/ /srid gsum 'khor ba'i 'dam las
drang ba dang/ /'gro don mdzad pa'i thugs dam bskad blad du/ /ye shes nyi mas mtshan pa'i skyon spangs te/ /byams pa'i thugs rjes mchod pa bzhes su gsol/ /rgyal ba'i ring bsrel mchod 'os bla ma'i rnams/ /spyan
drangs phyag bgyis bstod dang bkur ba'i mthus/ /sngon gsags las kyi sgrib bkun byang nas/ /'gro drug tshogs rdzogs mngon par sangs rgyas shog /'phags pa'i mchod rten la mchod yon arg+ha gsol ba ni/ mch+d rten sku yi cha lugS
ni/ /'og gi rmang bting ye shes bzhi/ /gyen du khri 'phang rnam thar gsum/ /chags med pad+ma'i gdan steng du/ /bum pa zlum pos chos kyi rje/ /gser gyi bre phul 'od zer 'phro/ /srog shing drang srong bla na med/ /'khor lo bcu gsum ye shes
brgyad/ /'bar ba rdo rje ye shes lnga/ /bkra shis dpal tshogs gzhal yas 'dir/ /bla med mchod pa'i rgyan bshams nas/ /chu po gang+gA'i rgyun bzhin du/ /arg+ha'i rgyun yang mi 'chad do/ /sku yi mchod rten thams cad la/ /bkra shis
mchod pa 'di 'bul na/ /thugs rjes dgongs te bzhes su gsol/ /mchod rten gsung gi cha lugs ni/ /man ngag sngags kyi snying po brjod/ /bzlas brjod gsung rab bcu gnyis brjod/ /don dam sgra skad yul las 'das/ /bkra shis dpal tshogs
gzhal yas 'dir/ /bla med mchod pa'i rgyan bshams nas/ /chu bo gang+gA'i rgyun bzhin du/ /arg+ha'i rgyun yang mi 'chad de/ /gsung gi mchod rten thams cad la/ /bkra shis mchod pa 'di 'du la na/ /thugs rjes dgongs nas bzhes su gsol/ /mchod
rten thugs kyi mtshan nyid ni/ /dpe med bsam yas nam mkha' che/ /ting 'dzin yin pas cir yang gsal/ /ye shes yin pas sna tshogs rtogs/ /shes rab yin pas mkhyen par rtogs/ /thams cad mkhyen pas lhun gyis grub/ /don dam sems rtogs yul
las 'das/ /bkra shis dpal tshogs gzhal yas 'dir/ /bla med mchod pa'i rgyan bshams nas/ /chu bo gang+gA'i rgyun bzhin du/ /arg+ha'i rgyun yang mi 'chad de/ /thugs kyi mchod rten thams cad la/ /bkra shis mchod pa 'di 'bul na/ /thugs rjes dgongs
nas bzhes su gsol/ /bla med mchod rten cha lugs ni/ /rin chen ? pa'i srid rtse nas/ /tsin d+ha ma Ni ye shes bzhi/ /bkra shis dpal tshogs gzhal yas 'dir/ /bla med mchod pa'i rgyan bshams nas/ /chu po gang+gA'i rgyun bzhin du/ /arg+ha'i rgyun yang mi
'chad de/ /bla med mchod pa 'di 'bul na/ /thugs rjes dgongs nas bzhes su gsol/ /yid kyi mchod rten cha lugs ni/ /nam mkha' i dbyings dang rgya mtsho'i 'jing/? /byang chub sems kyi mchod rten spyi/ /snang zhing stong la stong zhing gsal/ /yid kyi mchod rten
thams cad la/ /chu bo gang+gA'i rgyun bzhin du/ /arg+ha'i rdzun yang mi 'chad de/ /bkra shis mchod pa 'di 'bul na/ /thugs rjes dgongs nas bzhes su gsol /rang bzhin mchod rten ye shes sku/ /thugs rje'i byin rlabs rmad po che/ /mtshan ma'i sdug
bsngal yongs gsal bas/ /sems can rnams la byams thugs ldan/ /bkra shis dpal tshogs gzhal yas 'dir/ /chu bo gang+gA'i rgyun bzhin du/ /arg+ha'i rgyun yang mi 'chad de/ /rang bzhin mchod rten thams cad la/ /bla med mchod pa 'di 'bul
na/ /thugs rjes dgongs nas bzhes su gsol/ /sprul pa'i mchod rten ting 'dzin sku/ /byams shing snyoms pa kun gyi mgon/ /thugs rje chen po skyo dub? med/ /nub byang rgyal po mig nad sel/ /dpal tshogs bkra shis gzhal yas 'dir/ /chu bo
gang+gA'i rgyun bzhin du/ /arg+ha'i rgyun yang mi 'chad de/ /sprul pa'i mchod rten thams cad la/ /bla med mchod pa 'di 'bul na/ /thugs rjes dgongs nas bzhes su gsol/ /gzugs brnyan mchod rten shes rab sku/ /bdud kyi sde dang gshin rje'i
'khor/ /srin po'i tshogs dang lha ma yin/ /gnod sbyin ma rung thams cad kyi/ /gzi byin mdangs stobs 'joms mdzad cing/ /gnod sbyin mang po'i rgyun sreng gcod/ /gzugs brnyan mchod rten bzhugs dgu la/ /
bkra shis dpal tshogs gzhal yas 'dir/ /chu bo gang+gA'i rgyu bzhin du/ /arg+ha'i rgyun yang mi 'chad de/ /bla med mchod pa 'di 'bul na/ /thugs rjes dgongs nas bzhes su gsol/ /'phags pa'i mchod rten la bstod pa/ /rang 'byung
'dren pa dpa' bo lha yi lha/ /bcom ldan shAka thub sku gdung ring bsrel snong/ /'jig rten gsum gyi mchod gnas mchog bzhugs pa/ /bang rim ri rab lta bu'i khri 'phang la/ /bum rten pad+ma bum bzang snying po ni/ /tshogs gnyis rdzogs
pa'i 'bras bu yid bzhin sku/ /phyag 'tshal mchod pas brgya byin lus dag cing/ /mthar gyis chos kyi rgyal po'i sku thob pa/ /yon tan tshogs kyi sku gdung mthu chen bzhugs/ /bum pa dbyibs legs srog shing drang brtan la/ /'khor lo
gdugs phreng rim pas 'gebs pa'i steng/ /'od stong nyi dbyibs char khabs gdugs bris te/ /zla ba dril bu cod pan 'jig rten skyong/ /phreng ba them skas rgyal mtshan ba dan brgyan/ /rgyan la rgyan bkod 'jig rten kun gyi rgyan/ /chos bzang
rnam snang rnam pa thams cad zhal/ /gzugs kyi khyad par blta bas mi ngoms khyed/ /ye shes tshogs rdzogs chos kyi sku lags te/ /rnam rtog bral bas yon tan kun gyi gzhi/ /dran pa nyer gzhag rmad gi khri 'phang brtan/ /brtson 'grus 'phang
dag khro 'phang gnyis pa legs/ /rdzu 'phrul rkang bzhi khri 'phang? gsum la dge /dbang po lnga yi khri 'phang bzhi pa bzang/ /bum pa byang chub yan lag bum rten stobs/ /bre legs 'phags pa'i lam gyi yan lag brgyad/ srog shing shes
bcu stobs bcu gdugs phreng bcu/ /gdugs phreng ma 'dres dran pa nyer gzhag gsum/ /thugs rje 'phags pa'i chos kyi char khabs lding/ /bla med go 'phang gdugs kyi gnam 'phang mtho/ /'jig rten mun sel ye shes zla ba bsal/ /tshangs pa'i gsung
gi dril bu sgra stan 'khrol/ /rdzogs pa'i byang chub dar gyi cod pan 'phur/ /bden bzhi phan 'dogs 'jig rten skyong bzhi btsun/ /tshul khrims phung po me tog phreng ba bzang/ /skyon bral bsrung ba'i ngos kyi them skas mdzes/ /chos kyi 'khor lo bskor ba'i
ba ngan su/ /'dud bzhi 'joms pa'i chu srin rgyal mtshan grags/ /mi 'jigs bzhi yi rdo ring seng ge brjid/ /'di 'dra'i dam chos ngo mtshar rmad kyi rnams/ /thabs mkhas thugs rjes mchod rten tshul du sprul/ /nam mkha' i khams la mtshon bkye ji bzhin
du/ /yon tan khyad par kha dog dbyibs su bsgyur/ /dpal gnas rin chen 'byung gnas chen po ba/ /dus gsum rgyal ba'i mchod rten sku gdung tshul/ /dpal 'byung ka ni ka dang rab 'gyur tshul/ /bsod nams phung pos yul khams byin chags shing//
sangs rgyas sprul pa'i phrin las rdzogs par mdzad/ /sa bcu'i rgyal tshab byams pa'i gtsug gi rgyan/ /dkon mchog gsum gyi bdag nyid chen po la/ /ri lung nags tshal chu klung mkha' gnas pa'i/ /lha tshogs dad pas gnam sa kun nas dkrigs/
sdom brtson rgyal sras 'khor bzhi khyim bdag dang/ /dbus mdza' i rgyal khams mi tshogs kun 'dus nas/ /me tog phreng bas spel legs mdzes pa dang/ /tsan dan dra bshos mar me'i rol mor bcas/ /bkra shis glu dbyangs bstod pa'i
rnam pa dang/ /gdugs dang rgyal mtshan ba dan lhab lhub rgyan/ /lus ngag yid gsum dang bas mchod pa bgyi/ /rgyal po chen po bzhi la mchod cing bstod pa/ /shar phyogs na ni yul 'khor bsrung/ /lho phyogs na ni 'phags skyes po
nub phyogs na ni mig mi bzang/ /byang phyogs na ni ku be ra/ /rgyal po chen po 'di bzhi dag /'jig rten skyod pa grags ldan pa/ /phyogs bzhi dag ni skyod? bar byed/ /sde po che la stobs po che/ /pha rol dgra rnams rab tu 'jomS//
gzhan gyis mi thub thul par dka' / /rdzu 'phrul ldan zhing 'od dang ldan/ /kha dog ldan zhing grags dang ldan/ /rdzu 'phrul che zhing lha min dang/ /lha yi g.yul yang myong par byed/ /bdag nyid chen po de dag la/ /mchod pa 'bul zhing phyag kyang 'tshal//
rgyal po chen po bzhi po? bdag nyid chen po dam tshig can sangs rgyas mthong ba/ chos thos pa/ dge 'dun la brten pa bstan pa bsrung ba/ lha dang mi'i mgon mdzad pa/ bu dang bcas/ tsha bo dang bcas/ spun dang bcas/ blon po dang bcas/ sde
dpon dang bcas/ mdag pa dang bcas/ pho nya dang bcas/ g.yog tu bcas/ 'khor dang bcas pa rtag tu dkon mchog gsum gyi zham 'bring mdzad cing sangs rgyas kyi bstan pa bsrung ba/ dam pa'i chos spel ba/ dge slong dang/ dge slong ma
dang/ dge bsnyen dang/ dge bsnyen ma la sogs pa'i 'khor rnams bzhi dang/ rgyal po dang/ blon po dang/ rigs bzhi dang/ yul dang/ yul phyogs dang/ grong dang grong khyer dang/ gtsug lag khang dang/ mchod rten dang/ skye dgu'i tshogs
thams cad bsrung bar mdzad du gsol/ /sba ba dang yongs su bskyab pa dang/ yongs su bzung pa dang/ yongs su bskyad pa dang/ zhi ba dang bde legs su 'gyur ba dang/ chad pa spangs pa dang/ mtshon cha spang pa dang/ dug gzhil ba dang/
dug bsad pa dang/ mtshams bcad pa dang/ sa bcing bar mdzad du gsol/ lo brgya dag tu 'tsho bar shog/ ston brgya dag ni mthong bar shog /phyogs skyong ba bcu la bstod cing mchod pa/ dbang po rdo rje 'chad ba'i lha/ /lha'i rgyal po gdon gyi
bdag / shar phyogs gdon gyi tshogs bcas la/ /mchod pa 'bul zhing phyag kyang 'tshal/ /me ste sreg bya bzhes pa'i lha/ /'byung po'i rgyal po gdon gyi bdag /brnab sems gdon gyi tshogs bcas la/ /mchod pa 'bul zhing phyag kyang 'tshal/ /gshin rje
be con thogs pa'i lha?/ /ma mo'i rgyal po gdon gyi bdag /lho phyogs gdon gyi tshogs bcas la/ /mchod pa bgyid cing phyag kyang 'tshal/ /bden dang bral ba legs ldan lha/ /srin po'i rgyal po gdon gyi bdag /sna tshogs gdon gyi tshogs bcas la/ /
mchod pa 'bul zhing phyag kyang 'tshal/ /zhags pa thogs pa chu yi lha/ /bden pa bsrung ba gdon gyi bdag /nub phyogs gdon gyi tshogs bcas la/ /mchod pa 'bul zhing phyag kyang 'tshal/ /rlung ste srog kyang 'dzin pa'i lha/ /tshig bsrung gdon gyi bdag po ste//
rlung mtshams phyogs kyi gdon bcas la/ /mchod pa 'bul zhing phyag kyang 'tshal/ /gnod sbyin lag na pe con thogs/ /nor bsrung gdon gyi bdag po ste/ /byang phyogs gdon gyi tshogs bcas la/ /mchod pa 'bul zhing phyag kyang 'tshal/ /dbang dang
ldan pa 'dren pa'i lha/ /bgegs kyi rgyal po gdon gyi bdag /dbang ldan gdon gyi tshogs bcas la/ /mchod pa 'bul zhing phyag kyang 'tshal/ /'og gi klu dang sa yi lha/ /sa 'dzin dang ni lag chen dang/ /dam tshig shes pa'i lha rnams la/ /mchod
pa 'bul zhing phyag kyang 'tshal/ /steng gi lha tshogs thams cad dang/ /zla ba nyi ma gza' chen dang/ /gza' dang rgyu skar bcas pa la/ /mchod pa 'bul zhing phyag kyang 'tshal/ /phyogs skyong bcu po bdag nyid chen po dam tshig can sangs rgyas mthong ba/ /chos
thos pa/ /dge 'dun la brten pa/ /bstan pa bsrung ba/ lha dang mi'i mgon mdzad pa/ bu dang bcas pa/ tsha bo dang bcas pa/ spun dang bcas pa/ blon po dang bcas pa/ sde dpon dang bcas pa/ mngag pa dang bcas pa/ pho nya dang bcas pa/ g.yog dang bcas pa
'khor dang bcas pa/ rtag tu dkon mchog gsum gyi zham 'bring mdzad cing/ sangs rgyas kyi bstan pa bsrung ba/ dam pa'i chos spel ba/ dge slong dang/ dge slong ma dang/ dge bsnyen dang/ dge bsnyen ma la sogs pa'i
'khor rnam bzhi dang/ rgyal po dang/ blon po dang/ rigs bzhi dang/ yul dang yul phyogs dang/ grong dang grong khyer dang/ gtsug lag khang dang/ mchod rten dang/ skye dgu'i tshogs thams cad bsrung ba mdzad du gsol/ sba ba dang yongs su
bskyab pa dang/ yongs su bzung ba dang/ yongs su bskyang ba dang/ zhi ba dang bde legs su 'gyur ba dang/ chad pa spangs pa dang/ mtshon cha spangs pa dang/ dug gzhil ba dang/ dug bsang pa dang/ mtshams bcad pa dang/ sa bcing bar mdzad du
gsol/ lo brgya dag tu 'tsho bar shog /ston brgya dag tu mthong bar shog /lha klu sde brgyad dang 'byung po'i tshogs dam tshig can thams cad la mchod yon arg+ha gsol ba/ 'khor du gtogs pa'i sde brgyad po/ /lha dang klu dang gnod sbyin dang//
dri za lha min nam mkha' lding/ /mi 'am ci dang lto 'phye che/ /rigs nas rigs kyi gtso mdzad pa/ /mchod 'os gyur pa thams cad la/ /rim gro gus pa mchog bskyed nas/ /mchod pa 'bul zhing phyag kyang 'tshal/ /mi dang mi min 'byung po'i tshogs/ /sa
chu bar snang gnas bcas pa'i/ /byams sems ldan pa thams cad la/ /mchod pa 'bul zhing phyag kyang 'tshal/ /'byung po gang dag 'dir ni lhags gyur te/ /sa 'am 'on te bar snang 'khod pa dang/ /skye dgu rnams la rtag tu byams byed cing/ /nyin
dang mtshan du chos la spyod par shog / 'di na rgyal ba dgra rgyal bden gang gis/ /shin tu bden pa gsung zhing brdzun med pa/ /bden pa de yis 'dir ni bde bar shog /de kun 'jigs pa che las thar gyur cig /sdig pa bshags pa/ khams gsum
'gro lnga skye gnas bzhi/ /'khor ba'i rgyud du gtogs kun dang/ /rigs mthun skyes pa bdag cag gis//dug gsum dbang gis sgro gsum nas/ /las dang nyon mongs skye ba'i rgyu/ /mtshams med lnga dang nye ba lnga/ /mi dge bcu dang log pa bzhi/ /
sgrib pa rnams dang kun sbyor dang/ /de yi rgyu dang 'bras bu dang/ /yun ring 'khor zhing mi khom brgyad/ /mtho ris thar pa'i lam 'gog cing/ /bdag dang gzhan la yongs gdud pa'i kha na ma tho ci bgyis pa/ /chos dbyings phyogs bcu dus gsum
dang/ /rigs rnams kun la rab zhugs pa'i/ /rgyal ba sras dang bcas rnams la/ /ma lus bshags shing bsdam par bgyi/ /rjes su yi rang pa/ phyogs bcu'i sangs rgyas sras bcas dang/ /rang rgyal nyan thos thams cad dang/ /'gro
kun bsod nams ye shes kyi/ /rgyu dang 'bras bu thams cad dang/ /skyon rnams spong zhing yon tan thob/ /phyogs bral mnyam gzhags dang ni /de yi 'bras bu'i khyad par dang//dge pa'i bshes dang dam chos 'dzin/ /byang chub sems
mchog skyed byed cing/ /bdag gzhin smin par byed pa dang/ /lam dang 'bras bu thob pa dang/ /bla med go 'phang mchog thob pa/ /de dag kun la yi rang zhing/ /bsam dang sbyor ba dag pa yis/ /'gro ba kun la bde slad du/ /'khor gsum dag pa'i
tshul gyis bsgrub/ /sangs rgyas bcom ldan 'das la chos kyi 'khor lo bskor bar bskul ba/ phyogs bcu'i 'jig rten snang mdzad pa/ /bde gshegs sangs rgyas bcom ldan 'das/ /rigs 'khrungs lung bstan dbang bskur ba/ /byang chub
rim par sangs rgyas pa/ /dam chos btsun par mdzad pa dang/ /gdul ba'i don la gzhes pa dang/ /rgya che zab pa rtogs dka' bas/ /bskul ba'i don la gzhes rnams las/ /chos kyi snang ba rgyas pa dang/ /'gro ba kun la bde ba dang/ /rgyal?
zab pa bstan pa dang/ /sngon gyi thugs dam bskang ba'i phyir/ /tshangs sgra? 'dra bar tshul bsgyur te/ /rim gro gus pas mchog bskyed cing/ /thal mo sbyar bar rab btud de/ /chos kyi 'khor lo bskor bar bskul/ /yongs su mya
ngan las mi 'da' par bzhugs su gsol pa/ /phyogs bcu'i 'jig rten rab 'byams na/ /bde gshegs bdud bzhi des bcom zhing/ /rdzogs sangs rgyas nas 'khor lo bskor/ /'gro don sangs rgyas mdzad pa mdzad/ /'gro ba gzhan dag
'dul ba dang/ /'du byed mi rtag bstan pa dang/ /gdul bya brtson pa bskyed slad du/ /mya ngan 'da' ston bzhed rnams la/ /thal mo sbyar ba rab btud de/ /'gro ba kun la phan pa dang/ /bde ba bskyed par bya ba dang/ /chos tshul yun ring spel ba'i
phyir?/ /chos dbyings bstan pa'i lugs bzhin du/ /mya ngan mi 'da' g.yung drung sku/ /stug po bkod pa'i bdag nyid rnams/ /bskal pa'i mthar yad bzhugs su gsol /ba med byang chub sems bskyed pa/ /rdzogs sangs rgyas dang rgyal ba'i
sras ? dbang gyur spyan gyur tshad mar gyur/ /'gro don mdzad par dbang gyur pa/ /byang chub blo mnga' dgongs su gsol/ /ji ltar sngon g yi rgyal ba dang/ /rgyal sras dpa' bo de dag gis/ /'gro la phan dang bde slad du/ /byang chub snying por bzhugs
su gsol/ /dngos po kun dang bral ba dang/ /phung po khams dang skye mched dang/ /gzung dang 'dzin pa rnam spangs pa/ /bdag med chos kyi bdag nyid kyi/ /rang sems gdod nas ma skyes pa/ /stong nyid rang bzhin thugs bskyed ltar/ /bdag dang
rim mthun? gzhan gyis kyang/ /bla med byang chub sems bskyed bgyi/ /dkon mchog gsum gyi byin gyis brlabs kyis sems can thams cad la shis par brjod pa/ /dkon mchog gsum gyi byin rlabs dang/ /'phags pa kun gyi thugs
rje dang/ /chos nyid dag pa'i mthu dang ni/ /bsam dang sbyor ba dag pa yis/ /khams gsum rgyud lnga gnas bzhin/ /gzugs can gzugs can ma yin dang/ /'du shes me dang yod min dang/ /sems can ris rnams ji snyed pas/ /so so'i skye bor
gtogs pa'i sa/ /sdug bsngal thams cad myur spangs te/ /'phags lam bde ba mya ngan 'das/ /nges par legs par rtogs gyur cig /'phags lam brnyes pa thams cad kyis/ /gong ma'i yon tan mchog thob cing/ /bla med rdzogs pa'i byang chub
kyi/ /bde ba dag la gzhol gyur cing/ /sems can dang 'phags pa'i tshogs thams cad la bsod nams bstab pa/ 'das pa dang ni ma 'ongs dang/ /da ltar dus dang phyogs bcu yi/ /'jig rten khams na gang bzhugs pa'i/ /rgyal ba sras dang bcas
rnams kyis/ /bsod nams dad ni ye shes tshogs/ /de yi rgyu dang 'bras bu dang/ /sbyor ba dang ni dngos dang mjug /sems can kun la bstabs mkhyen ltar/ /bdag dang sems can kun gyis kyang/ /rang gi bsod nams ma lus pa/ /rdzogs sangs
rgyas bde ma thob pa'i/ /sems can rnams la bstab par bgyi/ /sbyor ba dang ni mthong ba dang/ /bsgom dang mi slob lam brnyes pa'i/ /'phags pa'i tshogs? rnams kun la yang/ /de ngag rab tu bstab par bgyi/ /de dag gi? dge ba'i rtsa ba bla na med pa'i
byang chub tu bsngo ba/ bla ma'i bla ma dkon mchog dang/ /mchod rten khyad par 'khor bcas la/ /phyag 'tshal mchod cing gshegs pa dang/ /yi rang bskul zhing gsol ba dang/ /skyabs gsol lus phul sems bskyed dang/ /shis pa brjod cing gsungS
ba dang/ /gzhan yang dge bci bsags pa/ /thams cad bla med byang chub bsngo/ /des ni sems can thams cad dang/ /'phags pa'i skye bo'i tshogs kun gyis/ /ye shes sa yi lam gyi mchog /'jug dang gnas dang 'phar ba dang/ /spyod pa nyid kyi?
yul rnams ni/ /go rim bzhin du rab rtogs te/ /sku gsum mkhyen bzhi'i tshogs rdzogs shing/ /bla med sangs rgyas grub par smon/ /'di bris bsod nams ci mchis pa/ /khams gsum sems can thams cad dang/ /
? pa bdag gis sdig bgyis pa/ /thams cad ma lus so sor bshags// //'phags pa kun nas sgor 'jug pa'i 'od zer gtsug tor dri ma med par snang pa'o gzungs bklag cing mchod rten brgya rtsa brgyad dam/ /
mchod rten lnga gdab pa'i cho ga mdo sde las btus pa/ slob dpon chen po bo d+hi satwa mdzad pa rdzogs so// //bcom ldan 'das thams cad mkhyen pa la phyag 'tshal lo/ /bi ma la auShti? Sha'i gzungs dang/ rgyud dag las tso
tya dang/
CLOSE WINDOW